Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

Бурилиш

Баҳо:
+7; -0

“Барселона”га Ла Лига керак эмас, дейиш қанчалик нотўғри бўлса, чемпионатнинг “Реал”га бой берилиши кеча содир бўлмагани ҳам ҳақиқатга яқин. Фақат сиз ва мен “Осасуна” га қарши ўйинда эътибор қаратган бир жиҳат – Гвардиола жамоа йўналишини умуман бошқа тарафга бураётганини таъкидлашни истардим. 

“Барселона” ўзаро ўйинларда “Реал”дан устунлик қилаётган бўлса-да, узоқ масофани яққол бой берди. Алкантара, Телло, Куэнкаларга алоқаси йўқ, айнан ўша Хави, Иньеста ва Мессилар билан бой берди. Балки мотивация танқислиги, балки вазиятларни кўкка совуриш. Биласизми, асосий рақибидан анчагина фарқ юзага келганида ҳам “Барселона”да қандайдир, айтайлик “Челси”дагидек кризис борлигини айтишга тил бормайди. Тўғри-да, натижа ва савия намойиш қилиниши керак бўлган ҳар қандай ўйинда жамоа ўтган йилги тажовузкорликни ҳам, услубни ҳам намойиш эта оляпти.  

Бекорга “Челси”ни эсламадим. Лондонликларда ўхшаш муаммо яққол намоён бўлмоқда. Узоқ вақт жамоа ўйинини белгилаб келган Терри, Лемпард, Эссьен, Малуда, Дрогба кабилар футболчи “сифатида” айнан узоқ масофа учун “эскирган” бўлишса-да,улардан воз кечишга имкон йўқ. Биринчидан, ушбу футболчилар ҳали ҳам тажрибали футболчилар сифатида қолмоқдалар, иккинчидан, ўйинни тўла янги футболчиларга ағдариш учун Боашда бўлмаган юрак керак. Англиянинг Испаниядан фаврқи ҳам бор, бу ерда ҳатто ЕЧЛ дан ҳам қуруқ қолиш ҳеч гап эмас. Бу мавзу тугади. 

Мен “Барселона”даги баъзи футболчиларнинг “эскирганига” далолат қилмоқчяи эмасман. Келинг, ўтган йилнинг майида ёзилган “Интиҳонинг ибтидоси” номли мақоламдан парча келтираман:

“Хави ва Пуйол ҳеч қачон олдинги йилдагидек зўр бўлиб қолавермайдилар. “Барселона” ушбу мавсумда олти марта ютқазди. Барчасида майдонда Пуйол йўқ эди. Хавининг системадаги ролини эса ортиқча тушунтиришим шарт эмас, тўғрими? Хўш, уларга ўринбосарчи? Уларни яна тарбиялаш қийин! Сотиб олишчи? Бу унданам қийин. “Барселона”нинг сўнгги йиллардаги омадли трансферини эслайсизми? Роналдиньо! Бўлди. Абидал, Алвеш, Маскерано, Афелай... булар мурватлар холос. Биз Хави ва Пуйол ҳақида гаплашяпмиз, унутманг. Вилья жаҳон чемпионатида терма жамоада ўйнади, унинг трансферида риск унчалик катта эмас эди. Мана сизга катта футбол олами, истаганигизча Хавига номзод қидириб кўринг. Бемалол. Айтадиган исмингиз ким бўлишидан қатъий назар, эллик фоизли ишончга эга холос, тўғрими? Жамоага қўшилиш, “Барса”га елка тутиш ва асосийси, “ўзиники” бўлиш осон эмас ишонинг.

Янги юлдуз эса зарур. Иккинчи омилда келтирганимдек, “Барселона” ўз “юзини” ўзгартишига ҳаракат қилиши шарт! Кимдир келиши, фақат келиб, қайсидир қанотда “пианино ташимасдан”, тизим ва ижрода ўз имзосини қўйиши шарт! Омма уни кузатиши, у билан “Барселона” қанақа қилиб ғалаба қозонишини томоша қилишга бўлган истагидан қутула олмаслиги шарт.

Яна “Реал”ни мисол келтираман. Клубнинг саккиз йиллик омадсизлигига сабабчи ким? Боскенинг кетиши, Бекхэмнинг келиши, Зидан ёки Макелеле... Булар барчаси жуда тор тушунчалар. Аслида, “Реал” “галактикос”ни алмаштира олмади! На ички ресурслар эвазига, на трансфер ёрдамида. Оуэн ҳар иккита ўйиндан биттасида гол урди. Нистелрой умуман қутқарувчига айланди. Снайдернинг жарималари эсингиздами? Лекин, энг муҳим жиҳат, бу футболчилар “Мадридстар” бўла олишмади. “галактикос” қўйиб кетган “Зиданлар ва Павонлар” сиёсати чўққини шу даражага чиқаргандики, ҳар бир “Зидан” Зидан бўлиши, ҳар бир “Павон” эса Раул бўлиши шарт эди. Ишлаган мураббийлар ичкаридан ва ташқаридан мана шунақаларни топишга маҳкум эдилар. Кака ва Роналдуга тўланган миллионлар фақат футболка сотиш учун эмас, “Реал”га янги “қиёфа” ахтариш учун бўлгани ҳақиқат. Мауриньонинг келиши эса, қайсидир маънода, жамоанинг энди қандай қиёфага эга бўлиши ҳақидаги қизиқишни оширгани табиий...

Хўш, Гвардиола чора топа оладими? Раҳбарият келаётган бу айсбергни кўриб, йўналишни бура оладими? Худди 2007-2008 йиллардагидек, янгиланиш даврини сезиларсиз, ЕЧЛ ярим финалларида кечира оладими? Мана бу асосий масала! Бу оғир вазифанинг қай тарзда амалга оширилишини кузатиш қизиқ бўлади мен учун.

Айтмоқчи бўлганим, “ҳозирги Барса ғояси” интиҳога маҳкум ва уларни тахтдан тушириш учун бошқа бир буюк ва мукаммал ғоя ёки жамоанинг пайдо бўлиши шарт эмас”

Албатта Гвардиола ҳам ушбу муаммони олдиндан кўргани шубҳасиз. “Барселона” шундай чўққига чиқдики, энди қандадйир кубокларни ёки натижаларни эмас, ҒОЯ ни ҳимоя қилишга маҳкум. “Челси”дан фарқ ҳам шунда. “Барса ғоя”сининг ўйин сифатида таназзулга юз тутиши жуда ҳам шафқатсиз хулосани ўртага чиқаради – “Демак “Барселона” ҳам маълум, ўз даврида яхши натижа бера оладиган услуб холос. Михелс, Лобановский каби даврни ўзгартириб юбориб, келажакка мерос сифатида қолиб, узоқ вақт футбол модаларини бошқарадиган йўналиш эмас!” Ҳақиқатан ҳам шундайми? 

“Барселона”нинг уч йиллик натижаси футболда инқилоб ясади. Жуда кўп жамоалар унга таассуб қила бошладилар. Клуб сиёсати ва ғояси мана шунга яширилган, кбуоклар ютишга эмас. Кубоклар эса, айнан шу услубни тарғиб қилишдаги расмий факторлар холос. Ана энди, ҳар қандай ғоя давомийлиги билан ўзини исботлай оладигандек, Гвардиола ҳам энг биринчи бўлиб келаётган муаммони ечиши шарт эди. Ғоянинг давомийлиги сақланиши ва иккинчи циклга ўта олиши керак. Ўшандагина “Барселона” фақат Месси, Хави, Иньесталарга Худо томонидан берилган талант ҳисобига натижа кўрсатмаганлигини исботлайди. Қайсидир клуб ёки мураббий “Барселона”дан ўрнак олишни истаганида, унда “менда Месси йўқ-ку?” деган ихота бўлмайди, “Барса футболи” оммалашади. Пайдо бўлиши мумкин бўлган муаммони ечиш ва худди шу “Барселона”ни бошқа таркиблар билан намойиш қила олишгина “Барселона ғоя”сини сақлаб қолади. Бошқа йўл йўқ. 

Шу жиҳатдан Гвардиола трансфер сиёсатига жуда эхтиёткор ёндошди. Фабрегас ва Санчес жамоа ўйинига жуда тез мослашдилар. Ўйинда пасайиш сезилмади, жамоа бу йил ҳам ҳамма совринлар учун курашиш потенциалига эгадек, тасаввур уйғонди. “Барселона”нинг сафардаги ўйинларда муаммоларга дуч келаётганигина эътиборга олмасак, ҳаммаси жойида. Агар бу йили янада кучайган “Реал” бўлмаганда...

Орадаги фарқ “Барселона”нинг кучсизланаётганидан кўра, Мадриднинг янада барқарор бўлиб бораётганидан далолат. Ана энди, орадаги фарқ 7 очкога етгач, “Барселона” бор кучи билан рақибини таъқиб қилиб, оқибатда етиб олишига ишонасизми? Балки ҳа, балки йўқ. Аммо бу ерда катта риск бор. “Барселона” чемпионатдаги барча ўйинларни 10:0 ҳисобида ютган тақдирда ҳам, чемпионликка эришиш уларнинг қўлларида қолмайди. Шу пайтгача атиги саккиз очко йўқотган “Реал”нинг яна шунча йўқотишга дуч келишига ишониш қийин. Барибир Ла Лигага ёпишиш ва оқибатда ҳам бундан, ҳам ёшларни таркибга жалб этиб бориш сиёсатидан қуруқ қолиш ҳеч гап эмас. Шундаймасми? Ўша ҳамма ўйинни ютиш учун ҳамма ўйинда Хавилар майдонга тушиши шарт. Хўш?

Балки “Вильяреал” билан ўйиндан сўнг, балки “Осасуна” билан ўйиннинг иккинчи бўлимида Гвардиола кемани буриб юборди. Бу бурилиш фақат қандадйир жароҳатлар ёки кимларгадир дам бериш ёки ЕЧЛга куч сақлаш каби хомаки сабаблар туфайли эмас  - айнан ғоявий, ҳали узоқ – мавсум сўнггигача давом этадиган бурилиш. Менимча.

Бир жиҳат. “Осасуна” билан ўйинда биринчи тайм 0:2 ҳисобиа якунлангач, Гвардиолада иккита вариант бор эди. Биринчиси, Хави ва Иньестани майдонга тушириб, ўйинни ўз қўлига олиш. Нима қилиб бўлса ҳам, ғалаба учун тирмашиш. Қизиғи шундаки, айнан кечаги ўйининг ўзини алоҳида олсангиз, бутун чемпионат ҳақидаги тасаввурга эга бўласиз. Хўш, Хави ва Иньеста бир таймда учта гол уюштиришларига ишонса бўладими? 

Иккинчи вариант. Ўйин бошидаги муносабатни ўзгартирмаслик. Иккинчи таймда Хави ва Иньестани эмас, Телло ва Куэнканинг майдонга тушишида катта маъно бор. Гвардиола кеча уч очко илинжида ҳам ўша очколардан, ҳамда, янада каттароқ омилдан маҳрум бўлиши мумкин эди. барибир эскиларнинг туширилиши бир ойдан бери давом этаётган меҳнат ва йўналишни чиппакка чиқарган бўларди. Ёшларнинг ҳали ўйинга тайёр эмаслигини Гвардиолага эмас, ўша ёшларнинг онгига синдирарди. Унда нима бўларди? Ушбу футболчилар Хави ва Иньеста бор экан, ҳеч қачон тўлақонли “Барселона” вакили бўла олмасдилар. “Биз 0:2 ҳисобида ютқазяпмиз, мен Хавига эмас, сенга кўпроқ ишоняпман” деб балки кеча Гвардиола Теллони руҳлантиргандир. Бу жуда катта масъулият ва бонус, ишонаверинг. Ишонаманки, айнан кечаги ўйиндан кейин Куэнка, Телло, Роберто, Алкантара каби футболчилар ҳақиқий “Барселона” аъзоси бўлдилар. Руҳан. 

Энди нима бўлади? Албатта каталонияликлар ҳар бир учрашувда ғалаба қозонишга ҳаракат қиладилар. Айниқса, ЕЧЛ да. Аммо мана шу йўналиш давом этади. Ротациялар давом этади. Айниқса, Ла Лигада. Мақсад, фақат янгилар билан услубни такомиллаштириш эмас, энди янги босқичда, улар билан натижа кўрсатишга қаратилган бўлади. Бу йўлда яна бир нечта ўйинларда йўқотишлар бўлиши табиий. Шу туфайли жамоа чемпионликдан маҳрум бўлиши мумкин. Балки. Лекин юқорида айтганимдек, чемпионлик аввлроқ бой берилиб бўлганди. Ўша ўзиники бўлмаган кубокни бой берган “Барселона” жуда катта тажриба ва пойдеворга эга бўлади. Назарий тарафдан. Бу мулоҳазалар амалиётда қандай кўриниш беради, бу энди келажак мавзуси. Бу футбол.

Киритилган сана: 12.02.2012 19:26. Ўкилди: 7569 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


MUNIS
Сана: 19.02.2012 13:07. MUNISга ёзиш
+0; -0
пепга кийин мухлислар факат совринларга урганиб колди жамоа 'тук' кайта мотивация жуда огир шу билан авлодлар алмашинуви жараёнини хам утказиш керак

Ушбу фикрга жавобан


ELEKTRONIC
Сана: 17.02.2012 12:28. ELEKTRONICга ёзиш
+0; -0
Гвардиола понимает что его команда не вечна, и собирает новую команду. Эту стадию проходить каждая команда и Барса не исключение.Это естественно, когда нибудь ему пришлось бы начинать. И лучше уж сейчас, чем потом, когда Хави, Иньеста и д.р. выйдут из обоймы. Игра против Осасуны доказала, что юные каталонцы с зубами, но еще мало опытные. Мое личное мнение Гвардиола выбрал меньше из двух зол, и сдал Ла Лигу.

Ушбу фикрга жавобан


SHAHRIXON
Сана: 16.02.2012 21:52. SHAHRIXONга ёзиш
+-1; -0
xozir men minuslarni to'g'rilab chiqaman.))))

Ушбу фикрга жавобан


ABBOS
Сана: 13.02.2012 08:44. ABBOSга ёзиш
+1; -0
Моур узокни кура оладиган мутахассис хисобланади. Жамоани урганиш учун унга камидда 2 йил керак эди. мана шу йил ичида Реал уйини тубдан узгарди. Карши хужум ва жамоавий уйинга катта эътибор каратмокда.

Ушбу фикрга жавобан


NOZIMBEK
Сана: 13.02.2012 06:07. NOZIMBEKга ёзиш
+0; -0
ОСАСУНА БИЛАН УЙИН КУП НАРСАГА АНИКЛИК КИРИТДИ.1)ОРАДАГИ ФАРК 10 ТАГА ЕТДИ,2)МЕССИ ХАВИ ВА ИНЬЕСТАСИЗ ХЕЧ КИМ ЭМАС МАВЗУСИГА ЯНА БИР ИСБОТ.3)ВА НИХОЯТ ЛА ЛИГА УРТАМИЁНАЛАРИДА ХАМ БАРСАНИ ЕНГА ОЛИШ РУХИ ПАЙДО БУЛГАНИ.

Ушбу фикрга жавобан


GUARDIOLA
Сана: 13.02.2012 00:41. GUARDIOLAга ёзиш
+-1; -0
Гвардиола Реалга етиб олмаслигини англаб келажакга фундаментни куйишни бошлади,Куэнка,Телио,Алкантара,Роберто,Фонтасларга имконият бериб катта майдонларга пишитяптди ва натижада Ла-лига чемпионлиги курбон буляптди.

Ушбу фикрга жавобан


MEDIK
Сана: 13.02.2012 00:10. MEDIKга ёзиш
+0; -0
PATRIOT.Qoyilman agar hammasini telda yozgan bosez.Telda yozganiz uchunam 1ta + mendan

Ушбу фикрга жавобан


MEDIK
Сана: 12.02.2012 23:58. MEDIKга ёзиш
+0; -0
ZOKIRPLUS avvalo sizdan uzur so'rayman.Maqolani o'qib rosa mazza qilgandim.Maqola haqida yaxwi fikrlar yozmoqchiydim.Lekin sizi madaniyat bilan yozgan fikrizni o'qib,meni asabim o'ynab ketdi. Keyin jahl chiqdi,aql ketdi.
Zokirplus 1ta yomon so'z aytgan odamni iymonsiz deb o'ylaw yoki iymonsizga chiqarib qoyiw yaxwi emas.Lekin bunday sozlarni aytiw gunoh, tan olaman.
Men yozgan so'z o'ziz aytgandek madaniyatsizlikni bildiruvchi oddiy so'z,uni bir ma'nosi ham yo'q.odamlar jahli chiqqanda iwlatadi xolos.O'ziz bo'lsa bir insonni dangal haqoratlayapsiz,hudbinlikda ayblayapsiz.Bu ham yaxwi iw bo'lmasa kerak,menimcha.

Barchamizni gunohlarimizni YARATGANNING o'zi avf etsin.OMIN !

Ушбу фикрга жавобан


ZOKIRPLUS
Сана: 12.02.2012 21:23. ZOKIRPLUSга ёзиш
+0; -0
Hurmatli MEDIK (senga xayf birodar HURMATLI degan murojaat) Sening fikrsizliging, madaniyatsizlik bn yozlaringdan bilinib turibdi, yaxshisi mendan emas, yaratgandan iymon so`ra

Ушбу фикрга жавобан


MEDIK
Сана: 12.02.2012 21:08. MEDIKга ёзиш
+0; -0
Biror narsadan rohatlanib,kayfiyating zo'r bolib turganda kimdir hammasini rasvo qiladi.Zokirplus senga poxxuy emasmi,muallif o'zini maqolasidan misol keltirami,bowqadanmi.Adminlar wunaqalarni yo'qotvoringlar saytdan.O'rniga mana men 2marta ko'proq kiraman saytga

adminlar,bowqa yuzerlar uzur,o'zimni toxtatolmadim.

Ушбу фикрга жавобан


PATRIOT
Сана: 12.02.2012 21:05. PATRIOTга ёзиш
+6; -0
Мана шу мавзу борасида, кискача Реал хакида гапирмокчиман. Куп сонли мухлислар айтишади. Яьни, Барса уз тарбияланувчиларидан фойдаланади. Реал кучли футболчиларни сотиб олади, деб. Энди бироз Реалнинг сиёсатига тушунча бераман. ЕЧЛ кубокларини 9 марта Мардирга олиб кетган жамоа (рекорд), ушбу фронтда мана ун йилдирки, уз юришини турли паллада тухтатмокда. "Барса даври" бошланганидан бери, ла лиганинг кумуш медалини Реал узиники килиб олди. Кирол кубоги эса 17 йил Реалга насиб этмади. Юкоридаги курсаткичлар Реалга мос келмайди, шундайми? Мадрид клуби хар мавсум узи иштирок этадиган барча мусобакаларда факатгина бош шохсупани нишонга олади. Лекин биз билган Реал бир неча йилдан бери олий максадларга етиша олмади (кирол кубоги, бундан мустасно). Жамоа хеч нарсага эриша олмаётганидан сунг рахбарият яна Перес кулига утди. Бир канча футбол юлдузлари кетидан, Жозе мураббийлар штабини бошкарадиган булди. Дастлабги мавсум Моуриньо услубида кечди. Барсадан "тарсаки" еди. Бу мавсумда биз умуман бошкача Реални ва нихоят кура бошладик. Ишониб айтаманки, Реал эндигина уз йулига тушмокда. Хали мадридликлар ижросида катта галабаларни кузатамиз. Энди Жозе уз тажрибасидан фойдаланиб бошкача йулга утди. Класикони бой берса хам, бошка учрашувларда факат галаба козонишни шогирдлари онггига сингдирди. Эндига уз мавкеига чика бораётган жамоа, кантеранинг ёш футболчиларидан фойдаланиш ишини илгари сурса, бу иш тугрими? Манимча асло нотугри! Хозирги Реалнинг асосий футболчилари, галабаларга эришадиган ёшда. Бундан ортик ёш жамоа булиши мумкин эмас. Арсенал уз йулига! Касьтиляда хам Реалнинг келажаклари калашиб ётипти. Лекин, уларни вакти келишига яна 2, 3 йил бор. Улар хакида бирма-бир ёзсам жуда купайиб кетади. Айни дамда Реални факат ва факат кубоклар кониктиради. Бу йулда Перес барча нарсага тайёр. Шундай экан, хозирги Реалдан бошка нарса кутишлик мантикка тугри келмайди. Ишониб айтаманки, хали Реал кантерасидан юксак иьстедод сохиблари етишиб чикади. Уларнинг купи хозир хам тайёр. Факат Реал камида 2, 3 мавсум олтин медалларга эгадор чикиши керак. Бу комментни телда ёзганим сабабли бироз кулим толиб колди. Фикримни хохлаганимдек баён эта олмадим.

Ушбу фикрга жавобан


ABITURIYENT
Сана: 12.02.2012 20:59. ABITURIYENTга ёзиш
+0; -0
Master. Herolionni aytishiga qaraganda, Gvardiola tog'ning cho'qqisidan keyingi tog'ning cho'qqisiga ko'prik qurmoqchi ekan. Bunisi endi Azimjondan

Ушбу фикрга жавобан


MASTER
Сана: 12.02.2012 20:48. MASTERга ёзиш
+0; -0
Йулингиздан тог чикиб колса унинг чуккисига чикиб йулни давом эттиришингиз керак. Сиз тогнинг чуккисига кутариласиз. Тогнинг 2-томони эса сизни яна пастга олиб тушади!

Пифагор. Йуг-э Дуст Мухаммад!

Ушбу фикрга жавобан


ATSTEYKA
Сана: 12.02.2012 20:15. ATSTEYKAга ёзиш
+0; -0
Барса даврини ибтидоси хакида утган й.дан бери ёзовриб, ёзовриб мана ниятингизга хам етдингиз:)

Ушбу фикрга жавобан


DJBEKFM
Сана: 12.02.2012 20:05. DJBEKFMга ёзиш
+0; -0
Menimcha maqola oldinroq tayyor bo'lgan. Chunki men saytga Qahramon aka shu mavzuda biror narsa yozgan degan o'y bilan kirgandim.

Ушбу фикрга жавобан


ABITURIYENT
Сана: 12.02.2012 20:03. ABITURIYENTга ёзиш
+0; -0
Bu burilish haqidagi maqolangizni oldin ham o'qigan edim. O'tgan yili edi. Shu mavzuni yana tilga olibsiz. Lekin, odatda natijaga qaraladi. Balki, bu ishlarining natijasi keyingi yil ko'rinar. Buni esa umid qilamiz.

Ушбу фикрга жавобан


DJBEKFM
Сана: 12.02.2012 20:03. DJBEKFMга ёзиш
+0; -0
Rahmat Qahramon aka. Bu maqola qachon tayyor bo'lgandi? Bundan 2 soat oldin shu mavzuda maqola yozishni iltimos qilgandim. Bu ilhom shuncha tez keldimi, yoki avvaldan tayyormidingiz?

Ушбу фикрга жавобан


DJBEKFM
Сана: 12.02.2012 20:02. DJBEKFMга ёзиш
+0; -0
Rahmat Qahramon aka. Bu maqola qachon tayyor bo'lgandi? Bundan 2 soat oldin shu mavzuda maqola yozishni iltimos qilgandim. Bu ilhom shuncha tez keldimi, yoki avvaldan tayyormidingiz?

Ушбу фикрга жавобан


ZOKIRPLUS
Сана: 12.02.2012 19:54. ZOKIRPLUSга ёзиш
+0; -0
Eski maqoladan, ayniqsa, o`ziga tegishli manbadan misol keltirish bu o`ta xudbinlik. Men doimo haq edim demoqchi... Ammo, fikrlarga qo`shilsa bo`ladi....

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.