Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

"Яна битта гол"

Баҳо:
+1; -0

Ҳар бир мағлубиятга сабаб топса бўлади. У гол бўлмай қолди, бу гол бўлиб қолди, режалар ўзгариб кетди ва ҳоказо. Аммо ҳар уччала жамоамиз ютқазгач, албатта, умумий сабалар қидиришга мойиллик сезади одам. Нега энди, “Аделаида”нинг голи Қосимов режаларини ўзгартириб юборар экан-у, худди шундай тезкор гол “Насаф” рақибларини синдирмайди? Нега “Пахтакор”нинг гол ўтказиши уларга фойда келтириши мумкин, деган Мурод Ризаевнинг устидан куламиз-у, ҳақиқатан ҳам “Ал Жазийра” “Насаф”нинг тажовузкорлигидан фойлаланади? Қандайдир қарама қаршилик эмасми?

“Насаф”нинг бугунги ўйини кечаги клубларимиздан кўра кучлироқ чиққанига гувоҳман. Натижани бир четга олсак, “Насаф” Осиё Чемпионлар Лигасида бемалол тўп сура олиш салоҳиятига эга экан. Аммо натижани бир четга олиб қўя оламизми? Албатта, йўқ. Мана шу ерда мағлубият сабаби Рўзиқул Бердиев айтганидек, соддагина – “сен урмасанг, сенга уришади” деган мақол остига яширинмаганини, аслида муаммо янада чуқурроқ эканинисезиб қоламиз. Хўш?

Бир мақоламда “Насаф”ни “Наполи”га ҳам ўхшатиб юборгандим. “Насаф”ни ҳам, “Наполи”ни ҳам анчадан бери танийман. Яхшигина футбол муҳитига ва иштиёққа эга бўлган ва етакчи жамоаларни қийнаб келадиган клублар бўлган. Алоҳида ўйинда бу жамоадан ҳар нимани кутиш мумкин. Айнан шу хислати туфайли кўпчилик ёқтиради. Лекин қачонки амбициялар бироз оширилса ва энди, савия ҳисобига ғалаба қозониш, ёмон ўйнаб туриб ҳам очко олиш мумкин бўлганда, бу жамоаларннинг “риски”ошиб бораверади.

Шу жиҳатдан, “Насаф”да бугун ғалаба қозониш учун иккита вариант бор эди. Биринчиси, катта иштиёқ (ахир ўзига хос дебют) эвазига, тажовузкор ўйин кўрсатиб, рақибни янчиб ташлаш. Иккинчиси, керакли натижа йўлида совуққонликни сақлаган ҳолда, қ(Қ)аршида “Демпо” эмас, БАА жамоаси эканини унутмаслик.

Биринчи услуб билан керакли гол урилгач, иккинчи услубга ўтиш орқали, стратегик очколарга эга бўлиш учун “Насаф”да куч ҳам, потенциал ҳам етарли эди. айнан мана шу жиҳатдан бугунги мағлубият кечагилардан кўра оғирроқ ботди. Мураббийнинг тажрибасизлиги панд берди. Балки мен осон жавоб излаётгандирман, мана, қаршимда тайёр гўшт – тажрибасиз мураббий. Ахир Демьяненко бўлганида ҳам шундай бўлиши мумкин эди-ку?

Йўқ, бундай бўлиши мумкин эмасди. Икки тўп фарқи билан олдинга чиқиб олган клуб, гол уриш учун яна олдинга ташланиши ва оқибатда тўртта гол ўтказиб юбориши – бу ортиқча. Агар Шомуродов яна иккита гол урганида, бу гапларга асос бўлмасди, дейишингиз мумкин. Лекин “ура олмасачи” деган саволни ўзимиз келтириб чиқардик, шундай эмасми? Керак бўлса, ўйин темпини тушириш, керак бўлса тўпни ўз майдонида назорат қилиб туриш талаб этилади. Юз мингта мухлис олдинга бошлаб турмайдими, мураббий ва футболчилар ўйинга нисбатан совуққон ёндошишлари ва керак бўлса, ўйинни ўлдириб бўлса ҳам, ҳисобни сақлаб туришга ҳаракат қилса бўларди. Рақиб – “Барса” ёки “Реал” эмас экан, демак, “Насаф”дан буни талаб қилишга ҳаққим бор. Чунки бу уларнинг қўлидан келадиган иш эди. “Насаф” эса худди плей-оффда майдонга тушгандек, худди “тарсакилаш” учун ёш бола топиб олгандек олдинга ташланаверди. Ахир бу ОЧЛ-ку?  

Ўйинни томоша қилиб ўтириб, “Насаф”нинг рақибидан нақадар кучли экани ҳақида фикр хаёлимга ҳам келмади. “Насаф” тактик жиҳатдан ютқазаётганини хис қилдим негадир. Қандайдир кино кўргандим. Икки қиличбоз ўзаро уришишади. Бири икки-уч марта рақибининг қиличини ерга тушириб юборади. Ғалабага деярли яқин келади. Лекин ҳар сафар, рақибининг қилични ердан олиши учун шароит яратиб бераверади. Охири рақибга ҳам устунлик келади. У аяб ўтирмайди. ғалаба қозонади.

Қизиқ. Уччала жамоамизнинг ўйинида ҳам тезкор гол киритилди. Ҳеч бирида биз ижобий натижага эриша олмадик. Ростанам, ўйинга бўлган режа ёки стратегия йўқмикин мураббийларимизда?..

Киритилган сана: 07.03.2012 22:12. Ўкилди: 6909 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


ILMDOR
Сана: 09.03.2012 18:02. ILMDORга ёзиш
+1; -0
Ха унда Нефтчига рахмат. "огородда" шунчалик уйнаб бергани учун. Якинда бир танишим сураб колди,-Нефтчи бу йил уйинчи омадими?-деб. -Олди, иккита учта-дедим мен. -Каердан, четэлданми?- деди у. -Узокданмас узимизи Интернатдан- дедим мен)))))))))))))))))).

Ушбу фикрга жавобан


IMMUN
Сана: 08.03.2012 17:13. IMMUNга ёзиш
+0; -0
Bu nafaqat chempionatimiz balki murabbiylarimiz saviyasini ko'rsatadi. Agar murabbiy kuchli bo'lsa futbolchilar ham o'sishda davom etgan bo'lar edi. Nega maktabni tugatib kelgan salohiyatli o'quvchi kollejda birdaniga qoloq o'quvchiga aylanib qolsa, nega guruh rahbari ayblanadiyu, nega futbol murabbiylari ayblanmasligi kerak. Bizda vijdonan o'z ustida ishlaydigan murabbiylar deyarli yo'q.

Ушбу фикрга жавобан


UZDEXQON
Сана: 08.03.2012 14:13. UZDEXQONга ёзиш
+0; -0
nu babir nasafda bunik bilan paxtaga qaraganda oyin yaxshiro tashkillashtirilvotti. vaziyotla bovotti asosiysi shu. sekib sekin tajribasi oshib oyini yana osadi digan umiddaman

Ушбу фикрга жавобан


NEWDIZELPLUS
Сана: 08.03.2012 12:36. NEWDIZELPLUSга ёзиш
+0; -0
Биз чемпионатимизнинг хақиқий савиясини кўрсатдик..

Ушбу фикрга жавобан


MUNIS
Сана: 08.03.2012 10:47. MUNISга ёзиш
+0; -0
NO COMMENT!

Ушбу фикрга жавобан


KULDASHEV
Сана: 08.03.2012 00:19. KULDASHEVга ёзиш
+0; -0
Энди уйин тугаб, натижадан хабардор буганда бир нарса десанг кулгига коласану лекин бир нималар дегим келяпти барибир.
2-таймда хисоб 2:1 булиб турганда Насафни уйинидан канакадир файз йуколди. Айнан шу пайт ниманидир сезди юрак. Катор хужумлар, голга тортадиган вазиятлар мул-кулу, лекин гол йук. Айнан шу на эса каршиликларни рухий парокандалик кучасига етаклади. Хисоб тенглашгач умуман мазмунсиз уйнай бошлашди. 3-4 йил олдинги максадсиз уйнайдиган термамизга ухшаб, тупни юкорилатиб узатаверишди. Бу тактика энг ночори аслида. Билмадим, клубларимиз хакикатданам аник тактика асосида уйнашмайди шекилли...

Ушбу фикрга жавобан


IBRAKADABRA
Сана: 07.03.2012 23:36. IBRAKADABRAга ёзиш
+0; -0
Умуман бу йилги ОЧЛ да уччала клубимизга осон булмайди. Тугри,хар доим осон булмаган. Лекин,бу сафар хатто дурранг уйнаш хам осон булмайди. Бу гапларни шунчаки айтаетганим йук. Гурухларга назар солсак буни тахмаин килиш кийин эмас. Деярли барча клубларда хужумчилар легионерлар экан. Уларнинг вазиятлардан кандай фойдалинишини хаммамиз курдик менимча. Айникса Насаф дарвозасига киритилган голларга яхшилаб эътибор бердим. Тугрисини афсус билан айтаман-бизни клубларни "кулидан" бунака гол киритиш келмайди! Шундай экан улардар яхширок натижани кутиш кийин.

Ушбу фикрга жавобан


IBRAKADABRA
Сана: 07.03.2012 23:23. IBRAKADABRAга ёзиш
+0; -0
Мен мураббийларимизни доим танкид килганман. Олдиндан айтиб куяйда энди.:) Ундай булса Пахтакор хорижлик мураббий кул остидаку,деган савол тугилади. Тугри,хорижлик. Лекин мен уни танимайман. Рости,хатто исмини хам билмайман. Аввал бошидан каердан топиб олдилар экан бу мураббийни дегандим. Ха майли. Маколани укиб чикдим. Бу гаплар янгилик эмас. Аникроги,бизни клубларда ижрочилар етишмайди. Гол сезиш кобилияти кучли булган хужимчилар йук клубларимизда. Куп холларда бирга-бир вазиятларни хам йукка чикарадилар. Совукконлик хам етишмайди. Бу нарсалар айникса халкаро мусобакаларда роса билинадида узиям. Кейин,клубларимизда характер йук. Ютказятганда ютишни,куп холларда ютаетган хам ютишни эплай олмайдилар. Юраверадилар савиясиз чемпионатда узларини-узлари алдаб. Масалан,мен бу маглубиятлардан унчалик фожеа ясаетганим йук.

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.