Кириш Регистрация
20/11 01:00 Боливия 2-2 Парагвай
20/11 04:00 Колумбия 0-1 Эквадор
20/11 05:00 Аргентина 1-0 Перу
20/11 05:00 Чили 4-2 Венесуэла
20/11 05:45 Бразилия 1-1 Уругвай
21/11 18:00 Пахтакор - ОКМК
22/11 16:00 Нефтчи - Насаф
22/11 18:15 Қизилқум - Навбаҳор

Блог

Қаҳрамон Асланов

25-кадр

Асослар ва қасослар

Баҳо:
+0; -0

Бир нечта китоблар муаллифи, ҳисобчи Бодо Шефернинг бир гапи бор: “Муваффақиятсизликларингизда айбни ўзингиздан эмас, бошқалардан қидирар экансиз, билингки, сиз ўша бошқаларнинг қулига айланасиз”

Биз журналистлар, ичимиздаги ғаразларнинг кўп қисминифутболга, хоссатан Миржалол Қосимовга бағишлаётган эканмиз, қайсидир маънода унинг қулига айланиб қолаётган эдик. “Футбол Экспресс” ва “Интерфутбол” газеталарига интервью берган мураббий суҳбатнинг асосий қисмини танқидчиларга атаб, гўёки... Ҳа, майли.

Ёзаётган мақолаларимга бировнинг буюртмаси сабаб бўлаётгани ҳақидаги бўҳтонларга жавоб беришни ўзимга эп кўрмадим. Ўша гап, ҳаммага инсоф берсин. Мени кўпроқ миллийтерма жамоа, унинг атрофидаги воқеалар қизиқтиради, бу ҳақида эса ёзавераман.

Интервьюнинг “қаймоқ” қисми шундаки, ЎФФ матбуот котиби Санжар Ризаев терма жамоани ҳимоя қилмасликда айбланган. “Майли, у мени ҳимоя қилмасин, лекин терма жамоани матбуот орқали ҳимоя қилиш унинг иши-ку” – дейди Қосимов “ФЭ” журналисти билан суҳбатда.

Мураббийнинг мана шу гапларига тўла қўшиламан ва бу борада Санжар Ризаевни айбдор деб биламан. Хўш, Ризаев қачон, кимдан ва қандай танқидлардан терма жамоани ҳимоя қилиш керак?

Std.uz сайтинг 20.06.2013 да ўтказган сўровномасига жавоб берган ҳамкасбим Бобомурод Абдулла “Тўғридан-тўғри йўлланманинг қўлга киритилишига нима халақит берди?” деган саволга қўйидагича жавоб берган:
“Тўғридан-тўғри йўлланмани қўлга киритмаганимизга Ўзбекистон-Эрон ўйинида кўплаб вазиятлардан фойдаланмасдан, хужумга берилиб кетиб, учрашув ниҳоясида қарши хужумда гол ўтказганимиз, Ливан-Ўзбекистон ўйинида термамиз аъолари Абрамовнинг бирданига бўшатилиб, ўрнига Қосимов қўйилганига норозилик сифатида атайлаб Ливанни ютмаганликлари асосий сабаб бўлди деб ҳисоблайман”

Бошқа бир ҳамкасбим Теъмур Аъзам 05.07.2013 да шахсий блогида “Ютдингми? Сен менинг дўстимсан” номли мақола эълон қилди. Мақолада қўйидаги сатрлар бор:

“Ҳозир вазият қандай? Вазият шундайки, терма жамоамиз жаҳон чемпионатига чиқолмагани учун фақат Миржалол Қосимов айбдор. Ҳаммаси учун фақат у жавоб беряпти. Ливан билан сафардаги ўйинда бойкот эълон қилиб атайин ўйнамаган футболчилар айбдор эмас. Жонли деворни тўғри қўёлмаган Нестеровнинг хатоси йўқ. Сакраб тўпни ўтказиб юборган Гейнрихда ҳам гард йўқ... Кўпчилик Қосимовни Гейнрихни таркибга киритмаётганликда айблади. Улар балки ҳақдир. Бироқ энг муҳим паллада панд берган футболчидан мураббийнинг кўнгли қолиши бор гап-ку?!”

Ушбу мақола кейинчалик. Uff.Uz сайтида ҳам, Stadion.Uz сайтида ҳам жой олди.

Яна бир журналист Фарҳод Норбўтаев ҳам юқорида айтиб ўтганим, Std.uz сўровномасида қатнашиб, “Тўғридан-тўғри йўлланманинг қўлга киритилишига нима халақит берди?” деган саволга жавоб берган:
“Футболчилар. Нега, дейсизми? “Қария” футболчиларнинг аксарияти Миржалол Қосимовни ёқтирмаслигини кўпчилигимиз биламиз. Ҳатто буни баъзи бир ўйинларда ўзига хос “ўхшамаган хатолар” билан исботлаб ҳам беришди. Ишонмасангиз, ЖЧ-2014 саралаш доирасида Қосимов давридаги ўйинларни яна бир бор кўриб чиқинг”

Истеъдодли журналист Диёр Имомхўжаев ҳам ўз твиттерида ушбу мавзуга тўхталиб ўтган. Айнан келтираман:

17.07.2013. “Айрим ақллиларнинг фикрига кўра, Қосимов ўзига нисбатан бойкот эълон қилган футболчиларни таркибга қайта чақирмаслиги керак эди

17.07.2013. “Қосимов ўзига нисбатан бойкот эълон қилганларни терма жамоадан қувиб солиб ҳам натижа қила олмаганида, бу ишини ўшалар тўғри дея олармиди”

17.07.2013. “Бойкот фақатгина Ливан билан ўйин олдидан бўлди холос. Қолган 6та ўйинга қадар Қосимов барча футболчилар билан гаплашиб олишга улгурди”

Эътибор беринг, “қолган 6 ўйинга қадар гаплашиб улгурилганлиги” айтиляпти, демак, хулоса қилиш мумкинки, Ливан билан ўйингача гаплашиб улгурилмаган, футболчилар Ливандаги ўйинда бойкот ҳолатида бўлган, деб тушунса бўлади. Умуман, барча фикрларда “бойкот” ва “атайлаб” деган сўзлар ишлатилганига эътибор беринг, яъни футболчилар Ливанни ўз истаклари билан ютмаганликда айбланмоқдалар.

Агар муҳими кимнидир ҳимоя қилиш эмас, терма жамоадаги муҳитни сақлаб, келажакдаги вазифаларни уддалаш бўлса, нега мана шу фикрларга қарши курашилмаяпти? Тўхтатилмаяпти? Раддия билдирилмаяпти?

(Туркия билан ўйинга чақирилган таркиб билан танишдим. Мабодо, плей-офф бирор муваффақиятсизликка учрасак, баъзи журналистларнинг яна шу мавзуга қайтиб, футболчиларнинг атайлаб ютмаганликда айблашларига ҳозирдан қаршиман. Чунки терма жамоа бу клуб эмас, мураббий футболчилардаги бундай ҳолатни сезса, унда таркибни бутунлай алмаштириш имкони бор. Айниқса, Мираброр Усмонов ҳам таркибни ёшартиришга қарши эмаслигини билдирган бугунги паллада)

Хўш, Мираброр Усмонов ҳам, Миржалол Қосимов ҳам танқидларнинг асосли, конструктив бўлишини талаб қилаётган эканлар, нега мана бу асоссиз айбловларга жавоб бериш, ойдинлик киритиш, инкор қилишни ҳеч ким хаёлига келтирмаяпти? Асосий мақсад танқид ва ҳақоратлардан терма жамоа мураббийини ҳимоя яқилишми ёки бутун бир терма жамоаними?

“Мураббийга нисбатан шахсий муносабатини деб, рақиб билан ўйинда АТАЙЛАБ яхши ўйнамаслик” – бу жуда оғир гап. Бу футболчининг бутун каръерасига нуқта қўйишга сабаб бўлишга арзийдиган гап. Бу футболчининг нафақат ватанпарварлик, балки спортчилик туйғусини ҳам топтайдиган айб! Бу жуда жиддий ҳақорат!

Хўш, асос қани? Биласизми, омма учун фикр бераётган одам аввало, илгари сураётган фикрларини асослашга ҳаракат қилиши лозим. Мен учун ўлчов шу, футболни телевизорда кўраманми, ё бировдан эшитаманми, фарқи йўқ, нимаики ёзсам, аввало асослашга ҳаракат қиламан.

Ҳа, Ливан билан сафардаги ўйинда терма жамоамиз тўлиқ куч билан ўйнай олмади. Буни ҳамма кўрди. Ўша ўйиндан икки кун муқаддам, футболчилар салкам икки йилдан бери уларни бошқариб келаётган бош мурабийдан ажралгандилар. Азиз Ҳайдаровнинг “Чой устида” кўрсатувига берган интервьюсидан маълум бўлишча, жамоанинг Абрамовга муносабати жуда яхши бўлган ва бу истеъфо уларга таъсир қилган. Қўшиламан.

Ўша истеъфодан кейин бир гуруҳ футболчиларнинг ЎФФ президенти олдига кириб, мураббийни олиб қолишни сўраганликларини биламан. Аммо бу акция Қосимовга қарши эмас, Абрамовни ёқлаб қилинган. Бунда катта фарқ бор. Ўша алмаштирувда Қосимовнинг заррача айби йўқ эди, футболчилар ҳам буни жуда яхши тушунишган.

Лекин мана шу вазият футболчиларга салбий таъсир қилган бўлиши, руҳан тиклана олмаганликлари Ливан билан ўйиндаги хатоларга сабаб бўлган бўлиши мумкин. Сабаб бўлган. Бу менинг асосим. Мен вазиятни шундай кўраман. Чунки хулоса қилишим учун бошқа асосга эга эмасман.

Яна бир асосим шундаки, Миржалол Қосимов айнан Ливанда ҳаракат қилган футболчиларни кейинги ўйинларга ҳам жалб этди. Айнан ўша футболчилар Корея, Қатар ва Эрон билан ўйинларда муҳим очколарни қўлга киритишди. Ҳар қандай мураббий ўзига ва терма жамоага нисбатан носпортча муносабатда бўлган, умумий мақсаддан шахсий муносабатини устун қўйган футболчиларни таркибга жалб қилмаган бўларди.

Хўш, футболчилар атайлаб ютмаганликлари ҳақида фикрларда қанақа асос бор? Бош мураббий худди шундай баёнот билан чиқдими? Ёки бирор футболчи “ростанам биз ўша куни атайлаб яхши ўйнамадик” деган гапни айтдими? Агар бундай асосга эга бўлмасангиз, бундай фикрларни оммага олиб чиқишга ҳаққингиз борми?

Ҳа, кимдир “сен билмаган нарсаларни мен биламан, билганимдан ёзгандирман” деб эътироз билдириши мумкин. Йўқ, ўша “билган нарса”ларни кўчада, чойхонада, кимдур билан суҳбатлашиб ўтирганда айтиши мумкин, аммо футбол жамоатчилигига бундай жиддий айбловлар олиб чиқилар экан, агар асосланмаса, мен ўқимаган ўша журналистика этикасига тўғри келмайди.

Мен бу мавзуни олиб чиқиб, ниманидир чайнаш ниятим йўқ. Фақат бир гап. Сайтда жуда кўп мақолалар бериляпти. Жавобан, танқидлар асосланиши кераклиги, терма жамоага нисбатан ҳақоратлар бўлмаслиги кераклиги уқтириляпти. Аммо нега асоссиз танқидлар четда қолиб, асосли танқид қилганлар, ҳеч кимни ҳақорат қилмаганлар “кампаниявоз”га чиқиб қоляпти?

Масалан, Хайрулла Ҳолиқов Қосимовга “Ливанга қарши ўйинда пасайиш бўлди” деди. Қосимов бунга жавобан “йўқ, яхши ўйнадик, шунчаки, вазиятлардан фойдалана олмаганимиз учун кичик ҳисоб бўлди” деб жавоб берган. Икки фикр бир-бирига кескин қарама қарши бўлса-да, ҳар икки фикрни ҳам асоссизликда айблай олмаймиз. Хайрулла ҳам ўз қараши ва муносабатидан келиб чиқиб, хулоса берган холос. Аслида сайтдаги танқидий мақолаларнинг кўпи мана шу мезонга тўғри келадиган фикрлар холос. Хўш, терма жамоа матбуот котиби чиқиб, “Ливан билан ўйинда ёмон ўйнамаганмиз, бу ёлғон” деб баёнот бериши керакми?

Санжар Ризаев аслида ЎФФ матбуот котиби сифати терма жамоани кўпроқ, юқоридаги жиддий, келажакда терма жамоа муҳитини бузиб, вазиятни сочиб юборишга ҳам қодир бўлган тухматлардан (асоси келтирилмаган ҳақиқат – тухмат) ҳимоя қилиши керакмасмиди?

Терма жамоа бу - орқасида миллионлаб халқ турган бир бутун бирлик. У фақат бош мураббийдан ёки унга қўйилган вазифадангина иборат эмас. Мен терма жамоани қувватлаш ва ҳимоя қилишга масъул бўлган Санжар Ризаев, Миржалол Қосимов ва бошқа расмий шахслардан терма жамоамизни мана шундай айбловлардан ҳимоя қилишларини сўраб қолардим.

Киритилган сана: 30.07.2013 16:12. Ўкилди: 9007 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


DEMOCRAT
Сана: 04.08.2013 11:45. DEMOCRATга ёзиш
+0; -0
0

Ушбу фикрга жавобан

AJUZBEK
Сана: 01.08.2013 21:36. AJUZBEKга ёзиш
+0; -0
0

Ушбу фикрга жавобан

AJUZBEK
Сана: 01.08.2013 21:32. AJUZBEKга ёзиш
+0; -0
0

Ушбу фикрга жавобан

PSEUDOFUTBOL
Сана: 31.07.2013 17:53. PSEUDOFUTBOLга ёзиш
+1; -0
0

Ушбу фикрга жавобан

JOVOHIRALI
Сана: 31.07.2013 10:33. JOVOHIRALIга ёзиш
+0; -0
0

Ушбу фикрга жавобан

OSKARKANN
Сана: 31.07.2013 10:08. OSKARKANNга ёзиш
+0; -0
0

Ушбу фикрга жавобан

SERIY
Сана: 30.07.2013 23:59. SERIYга ёзиш
+0; -0
0

Ушбу фикрга жавобан

ADVOKAT
Сана: 30.07.2013 23:05. ADVOKATга ёзиш
+0; -0
0

Ушбу фикрга жавобан

KVARTET
Сана: 30.07.2013 22:10. KVARTETга ёзиш
+0; -0
0

Ушбу фикрга жавобан

KVARTET
Сана: 30.07.2013 22:02. KVARTETга ёзиш
+0; -0
0

Ушбу фикрга жавобан

FONATIK
Сана: 30.07.2013 19:03. FONATIKга ёзиш
+0; -0
0

Ушбу фикрга жавобан

JADROO

Сана: 30.07.2013 18:12. JADROOга ёзиш
+0; -0
0

Ушбу фикрга жавобан

IPCHI
Сана: 30.07.2013 17:26. IPCHIга ёзиш
+0; -0
0

Ушбу фикрга жавобан

AZIZFUTBOL
Сана: 30.07.2013 17:02. AZIZFUTBOLга ёзиш
+0; -0
0

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.