Қаҳрамон Асланов
25-кадр
Diamante di Prandelli
| Баҳо: |
+0; -0
|
Немисларнинг қовушмаган ўйини, ўша Пирло, ўша Буффон ёки Балотеллилардан ташқари, бу ғалабага яна қаердандир асос қидиргим келади. Наҳотки гап фақат италияликларнинг баландроқ мадҳия айтишлари-ю, ўйинга юракни кўпроқ баҳш этганларида бўлса? Йўқ, ахир мен, сиз, бутун Европа бу жамоанинг ўйинига маҳлиё бўлиб, яхши кўриб қолаётган бир пайтда, “а ля Пранделли”ни кўпроқ тушунгимиз келади. Нега? Чунки кечаги ғалаба шунчаки, “шундай бўлиб қолгани” учунгина пайдо бўлмаганини тан олиш орқали, биз финалдан каттароқ ўйинни кутишимиз мумкин.
Тўрт йилдирки, замонавий футбол маълум йўналишдан бормоқда. Тўпни техник назорат қилиш, жамоавий ёввойи ҳаракатланиш ва қаттиқ прессинг эвазига Испания, Германия, олдинги жаҳон чемпионатида Голландия терма жамоалари футбол эталони сифатида тилга олиниб келдилар. Бу жамоаларнинг бири бири устидан қозониши бўлган ҳар қандай ғалабаси футбол революциясига айланмаслиги, аслида футбол мазмуни муаллақ, фақатгина ғолиб жамоалар алмашиб турганлиги ҳақида тасаввур пайдо қиларди холос. Яъни хоҳ Германия, хоҳ Голландия агар испанларни тахтдан қулатган тақдирларида ҳам, ҳеч нарса ўзгармасди, ишонинг. Демак терма жамоалар миқёсининг ҳам ўз “Реал”и керак эдики, мана шу услубга зарба бера олсин. Хўш, бунга Италиядан бошқа номзод борми?
Мен айнан “Реал”, дедим, “Челси” эмас. Биласизми, “Челси”нинг ғалабаси футбол майдонидаги мезонларни ўзгартира олмаганди, шунчаки, ўша “Барселона” футболига қарши иш бериши мумкин бўлган барча факторларни намойиш қила олишганди холос. Мақсад “Барселона” устидан ғалаба қозониш бўлган, “Барселона”ни енгиш эмас. “Барселона”ни чин маънода, қарши услуб билан, ўз мезонлари бўйича енгиш устида “Реал” иш олиб борган ва охирги ўйинда бунинг уддасидан ҳам чиққанди.
Италия финалда ҳали ҳам энг кучли таркиб ва ижро билан қолаётган Испаниядан ютқазиши эҳтимол. Аммо айнан мана шу услубга илк зарбани бера олган илк ғоя айнан Пранделли бўлди. Ҳа, балки Португалия ўзининг тажовузи билан испанларни тўтатиб қоларди, лекин гап айнан мустақил футбол ғояси, ўз ўйинини намойиш қилиш ҳақида борганда, Италиянинг немислар устидан қозонган ғалабаси янада жозибалироқ бўлди.
Германия услуби юқори айтганимдек, аслан испанларникига ўхшаб кетади. Фақат немисларда тезкор қанотлар, жисмонан бақувват ҳужумчилар бор. Лекин фалсафа барибир ўзгармайди, айнан ижрочиларнинг характери туфайли жузъий фарқлар сезиладихолос. Хўш, Италия ниманинг ҳисобига бу жамоаларга қарши тура олиши мумкин эди? Пранделлида Жозедан фарқли равишда, ўйлаганларини майдонга кўчира оладиган ижрочиларни тўплаш имконияти йўқ, ҳаммаси чекланган. Ҳар қанча мақтамайлик, Пирло ёки Буффон супермен эмас, эътибор беринг, барибир Италия терма жамоасининг ўйинида бу юлдузларннинг ёввойи ўйинигина қутқариб қолаётганлиги ҳақидаги тасаввур йўқ. Қаердан келяпти шунча куч? Испанияга қарши ўйинда жуда ақлли ва кучли ўйин қилган италияликлар ҳақида бироз эхтиёткорлик билан гапирилди. Ҳа, энди, биринчи ўйин. Англия билан ўйиндаги устунлик ҳам кўпроқ инглизларнинг турнирдаги нурсиз ўйинига йўйилди, лекин кеча...
Испанлар ёки немислар тўпни жуда яхши назорат қилишади. Тўп эгаси ҳам, тўпсиз шериги ҳам динамик ҳаракатда бўлади. Иккинчи хусусият – тўпсиз қолганда тезкор прессинг орқали ўша ондаёқ тўп учун курашиш. Бу рақибларни тез чарчатади ва издан чиқаради.
Лекин сўнгги пайтларда, Европа футболида ўша “Барселона”га ҳам осон бўлмай қолди. Сабаби, рақиб жамоалар қайсидир маънода қаршилик йўлларини топа бошладилар. Яъни ўша тўпга эгалик қилаётган жамоа тинмай тўп узатиш ва ҳаракатланиш орқали рақибни чалғитишга уринганда, энди рақиб тўп орқасидан югуришни бас қилди. Нима кераги бор, тўпни эгаллашга ҳаракат қилиб, нима кераги бор ортиқча куч йўқотиб. Энди, кўп жамоалар ўз зоналарини ёпган ҳолда, шунчаки, вазиятни пойлай бошладилар – ҳар қанча тўп узатсангиз узатаверинг, мана бу бизнинг худуд, шу ерга ўтмасангиз бўлди! Қачонки, ҳимояланаётган жамоа деярли ҳаракатсиз бўлар экан, зоналар очилмайди ва тўпга эгалик қилишнинг фойдаси бўлмай қолади. Ҳозирда Испаниянинг гол уришга қийналаётганининг ҳам сабаби шу, “Барселона”да эса Месси бор. Бундай ҳолатларда дриблингни ишга солишга ҳаракат қилади ва натижада, рақиб ҳимоясида бўшлиқлар пайдо бўлади. Эътибор берсангиз, Испания терма жамоасида Иньеста ўз дриблингини ишга солган пайтлари ёки Педро, Сильвалар тезлик олган пайтлари ҳужумда бирор вазият яратиш мумкин бўлмоқда холос. Ҳа, бу ўша Испания ёки “Барселона” услубига қарши ўзига хос биринчи зарба эди, лекин, бу тактикани ғалабали тактика деб бўлмайди. Шунчаки, ютқазмаслик учун ҳаракат қилиш, деса ҳам бўлади. Бу услубда Испанияни енгиш учун жуда кам вазиятларни голга айлантириш ёки испанлар жуда кўп вазиятларни кўкка совуришга тўғри келади. Португалия бўлиш учун эса ё хаддан зиёт куч сарфлаш ёки Роналдуга эга бўлиш керак.
Пранделли “антибарса”нинг ғалабали вариантини ишлаб чиқди. Ғалаба қозонадиган эмас, ғалаба қозониш учун имконият хосил қиладиган услуб десак бўлади. Тўғри, ҳали бу чемпионликка олиб келгани йўқ, лекин айтиш мумкинки, футболда ўзига хос эволюциянинг дебочаси бўлиши мумкин. Пранделли янги нав яратмади, икки навдан ўзига хос гибридни намойиш қилди. Ўша испанларнинг тўпни назорат қилиш устунликларини “Челси”нинг фалсафаси билан қориштирди. Бу хусусият айнан нималарда намон бўлади?
Эътибор беринг, Италия терма жамоасининг фалсафаси майдонинг исталган нуқтасидаги ўйини рақибни прессингга провакация қилишдан иборат. Италия рақиб ҳимоясида бўш зоналар очишни уддасидан чиқмоқда, лекин улар буни ўша испанлар каби тўхтовсиз ва динамик ҳаракат орқали эмас, аксинча, ҳаракатсизлик орқали пайдо қилишмоқда. Парадоксал ҳолат, қўшилмаслигингиз мумкин, лекин бу менинг субъектив фикрим холос.
Тасаввур қилинг, Пирло майдон марказида қабул қилади. Биз тушунган ва ўрганган футболда у ўзига энг яқин бўлган шериги ёки ҳимоячилар билан бир нечта узатмаларни амалга ошириши ва шу орқали рақибни ҳаракатланишга мажбур қилиши мумкин. Аммо Пирло тўпни иложи борича кўпроқ сақлаб туришга ҳаракат қилади, шу билан бирга, олдинга мақсадли ҳаракат ҳам унчалик кузатилмайди. Мақсад эса, рақиб футболчиларини прессинг қилишга ундаш. Испанлар худди шу ишни кўпроқ рақиб жарима майдони яқинида қилади, ёки баъзида рақибни ўз майдонига чорлаш ва янги зоналар очиш учун ҳимояда амалга оширади. Италия эса ҳар доим, мунтазам, ҳар бир нуқтада мана шу услубни жуда яхши ўзлаштирганини кўрмоқдамиз. Воқеанинг давоми, 2-3 футболчи ҳар тарафдан Пирлони ўрай бошлайдилар. Айнан шу паллада бир нечта футболчи ўша ҳаракатланган футболчиларнинг бошланғич зоналарида ўзини таклиф қилади. Пирло эса, икки футболчи орасидан кесиб ўтувчи пас учун йўлакни топа олади кўпинча. Ортиқча югуриб куч сарфланиши олдини олинади. Икки кун кам тикланиш вақтига эга бўлиб ҳам, юқори физикада қолаётганликларининг сабаби ҳам фақат жисмоний машқлар эмас, тактиканинг ўзида. Албатта, ижро маҳорати бу ерда жуда муҳим, шунинг учун ҳам эътибор берсангиз, ярим ҳимояда айнан “кесик узатмалар” бўйича устунликка эга бўлган футболчилар тўп суришмоқда. Де Росси ҳам, Монтоливо ҳам ўз клубларида айнан мана шундай ўткир узатмаларга “жавоб берувчи” ўйинчи саналишади. Италияликлар ҳар доим узатмалар орқали рақибнинг қайсидир футболчисини кесиб ўтишга ҳаракат қилмоқдалар, айнан мана шу жиҳат уларнинг ўйинига томошабоп хусусиятларни олиб кирмоқда. Ва албатта, техника ва тезликда рақибларга нисбатан оқсайдиган, аммо ақлли футболга уста бўлган Италия ярим ҳимоячиларига устунлик тақдим этмоқда. Ўтказилган деярли барча ўйинларда Италия айнан ярим ҳимоядаги рақибни енгиш орқали натижа кўрсатишмоқда. Пирлонинг суперпаслари, Балотеллининг голлари, Буффоннинг ишончи, барчаси ғалабаларнинг муҳим омиллари, лекин жамоа ўйинини умумий картинасини олганимизда, бу натижаларга пойдевор бўлаётган мана шу хусусиятларни пайқашимиз мумкин. Чунки айрим шахсларнинг қаҳрамонлиги туфайли финалгача етиб боришнинг сира иложи йўқ. Диаманти, Балзаретти каби футболчилар нафақат йирик турнирларда, ҳатто терма жамоада дебют қилдилар, лекин айнан мана шу фалсафа туфайли умумий ансамблда ўз вазифаларини бажара олмоқдалар. Вазифа ҳеч кимдан суперқаҳрамонликни, ўзидан кучлироқ рақибини тиз чўктириш маҳоратини талаб қилмайди, ҳаммаси оддий, Пранделли фалсафасини бажаришдан иборат. Арзон хом ашёдан қимматбаҳо маҳсулот яратишнинг фалсафаси шу, заргарнинг санъати! Диаманти ярим финалдаги қолган уч жамоанинг таркибида бу қадан ишончли кўрина олмасди, ишонинг. Диаманти сўзининг маъноси қайсидир тилда қимматбаҳо тош экани ҳақида гап бормаяпти асло. Ҳаммаси Пранделлининг заргарона маҳорати, ҳа Диаманти – қимматбаҳо тош!
Ҳа, бугунги Италияни том маънода мураббий жамоаси дейишимиз мумкин. Одатда кўпчиликка ёқмайдиган бу таърифнинг айнан Италияга келганда, жозибадор янграшининг ҳам сабаби бор. Италия Греция эмас, жамоанинг футболдаги мақоми мураббийни ягона услуб ва тактикага содиқ бўлмасликка чақиради. Айтайлик, Греция барча ўйинларда ўзини иккинчи планга кўриб, ҳимоявий футболни ўзига байроқ қилиб олиши мумкин. Аммо Италиянинг бунга ҳаққи йўқ. жамоа Испания билан бир мақомда, айтайлик, Ирландия ёки Хорватия билан бошқа бир мақомда ўйнашига тўғри келади. Италия билан ҳатто инглизлар ҳам иккинчи ролни танлаб ўйнашдан орланишмайди. Демак Италия учун “мураббий жамоаси” бўлиш ўта мушкул. Ягона услуб билан ҳамма ўйинда майдонга тушиш учун ё Испания каби ҳаммадан кучли ёки Греция каби ҳаммадан кучсиз бўлиш керак. Ҳар иккиси ҳам бўлмаган жамоалар учун бир бош баланд сакраш мураббий учун ҳам, футболчилар учун ҳам қийинчилик туғдиради. Мисол учун кеча Лев қайсидир жиҳатларда Италиядан келиб чиқиб ўйнашга, Пирлони зарарсизлантириш учун Кроссни чиқаришга мажбур бўлди. Натижа? Натижада немислар ўз ўйинларини қила олишмади. Хуллас, мураббий сифатида Пранделли бир қанча йўналишларни ишлаб чиқиши, футболчилар эса буларнинг барчасини майдонда ижро эта олишлари керак эди. Бу қийин. Айнан шунинг учун Италияни ҳаммага ёқяпти. Жамоа гуёки, компьютер ўйинларидаги бир бирига ўхшамайдиган турли “этап”ларни босиб ўтаётган қаҳрамонларни эслаятпти. Қандайдир уйга вазифани бажариб, томоша кўрсатмаяпти. Кўз ўнгимизда ўсиб бормоқда. Шунинг учун нейтрал мухлислар бу эртакнинг яхшилик билан тугашини исташмоқда. Қайтараман, Испания ўзи билган, ўзи ўрганиб қолган услубда тўп сураётгани учун бироз зерикарли, гуёки ўша вазифа мукаммал бажарилмаётгандек туюлади. Италия янги янги синовлардан ўтаётгани туфайли, уларнинг хатолари ҳам қабул қилинмоқда, ғалабаларга қаттиқроқ қарсак чалинмоқда.
Айнан мана шу омил финалда Испанияга салбий таъсир кўрсатиши мумкин. Испания айтарли ҳайрон қолдирмайдиган ўйин намойиш этиб, жаҳон чемпиони бўлганди. Улар яна худди шу йўлдан бориб, финалгача етиб келдилар. Испания фақат ва фақат кучлилиги туфайли ғалаба қозоняпти, ўша кучини рақибга кўрсатишни уддаламоқда. Аммо биласизми, Испания ўз кучини мухлисларга намойиш қила олмаяпти! Айнан шу туфайли уларнинг ғалабали нейтрал мухлислар томонидан яхши қабул қилинмаяпти. Бирор ўйинда бировни ҳайрон қолдирмасдан, мухлисга янги хиссиёт ва эмоция бермасдан ҳамма нарсани ютиш спортни зерикарли қилиб қўяди. Испания айнан мана шу фактор билан ҳам ҳисоблашиши ва ҳеч бўлмаса финалда, жуда ҳужумкор ва томошабоп футбол намойиш этишга уриниши мумкин. Италияни ҳар тарафлама ютибгина Испания футболдаги ўз мавқеини мустаҳкамлаши мумкин. Мана шу истак, агар у бор бўлса, Дель. Боскени чалғитиши, қандайдир янгиликка ундаши эҳтимол. Бу эса натижага салбий таъсир этиши ҳам мумкин.
Эсингизда бўлса, Евро – 2000 ярим финалида Италия ўта ҳимоявий ўйин кўрсатгани туфайли Дзофф кескин танқидларга учраганди ва “бундай чемпион керак эмас” қабилидаги гап сўзлар ҳатто Италияда ҳам пайдо бўлганди. Натижада Дзофф финалда бироз ҳужумкор ўйнашни ихтиёр қилди ва балки бу ҳам мағлубиятга сабаб бўлгандир. Бугун эса, рақибидан фарқли равишда Пранделлида бу босим йўқ. Жамоа немисларни ютиб, ўзини чемпионликка лойиқ эканини кўрсатиб бўлди, энди ҳар қандай ғалаба ҳам, ҳатто мағлубият ҳам уларга бўлган симпатияни ўчириб юбормайди. Мабодо Италиянинг финалда ғалаба қозониши учун бир неча омиллар мавжудлигини тан олсак, энг муҳимларидан бири мана шу деб ҳисоблайман. 
�
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 MUSKOMANDA |
Сана: 01.07.2012 02:26. MUSKOMANDAга ёзиш |
+0; -0
|
|
Манимча норасми финал булиб утди.Германияни карахт холатга тушириб италия бу мусобаканинг чемпиони булиб булди.Бугун эса Буффон билан Касилясни жанги булади.Голни куп урган эмас,голни кам утказиб юборган дарбозабон кубокни кутаради.
|
|
FUTBOLVATANI |
Сана: 30.06.2012 18:20. FUTBOLVATANIга ёзиш |
+1; -0
|
|
2008 yilda ispaniyani chempion bolishini kopchilik kutmagandi buyogi 2010 2012 endi.xamma.biladi.ispaniyani qanaqa oynashini shuning uchun birxilgilarga zerikarli tuyilmoqda ayib ispanlardamas ayib raqibda.
Ispaniya chempion |
|
NASAFFC |
Сана: 30.06.2012 16:21. NASAFFCга ёзиш |
+0; -0
|
|
Bir narsa tashvishga solayotgan edi. Guruh o'yinlarida Italiya hisobda oldinga o'tgach o'yinni raqibga berib qo'yayotgan edi. Pley off da ko'rinyaptiki bu narsa bartaraf etilgan.
|
 SPITAMEN |
Сана: 30.06.2012 14:49. SPITAMENга ёзиш |
+0; -0
|
|
1-urinda dux uta baland bulib kelgan ularda 2- 2000yil yarim finalda Italiydan boshqa xech qaysi terma Gollandiyani uyida 16-minutdan(1kam) Zambrottasiz yutaolmasdi 3-ular xar doim guruxdan chiqsa favoritman deganini yutib urgangan
|
 YAHYOHON |
Сана: 30.06.2012 10:07. YAHYOHONга ёзиш |
+0; -0
|
|
SHERZODCHIK | 30.06.2012 09:58
------------------------------------------- уша жамоа уйини билан хозирги уйинни нима фарки бор??? агар хозирги уйин зерикарли деб хисобласангиз энг бош айбдор Арогонес булиб чикади, уша бошлаган... |
|
SHERZODCHIK |
Сана: 30.06.2012 09:58. SHERZODCHIKга ёзиш |
+0; -0
|
|
Zo'r maqola bo'libdi. Kutilgan desayam bo'ladi. 2008dagi Ispaniya bilan, hozirgi Ispaniya
6rtasida katta farq bor. Aragones jamoasi tomowabop o'yin ko'rsatgandi. Hozirgisi esa to'pni bir-biriga owirib yuraveradi. Menimcha, eng zerikarli o'yin Ispaniya-Fransiya o'yini bo'ldi. |
 IBRAKADABRA |
Сана: 30.06.2012 02:17. IBRAKADABRAга ёзиш |
+0; -0
|
|
Уз вактида Дино Дзоофни хам,Липпини (2006 йилдагиси) хам жуда кучли булмаса хам,аклли жамоалар тузишганди. Хакамлар ва скандинавлар дустлигини хисобга олмаганда бакирок Траппаттони жамоаси хам емон эмасди. Донадони эса менга бошидан екмаганди... Лекин мана яна биттаси чикди- Пранделли! Дрижор! ИФФ хам терма жамоага кимни бош мураббий этиб тайинлашни жуда яхши билар экан. Аклли экан. Липпини хисобга олмаганда терма жамоага оз вакт ичда кайтарилган мураббий йук хисоб. УФФ эса битта мураббий топиб олган. Йук иккита. Абрамов ва Косимов. Ишонаверинглар,агар Косимов муаффакиятсизликка учраса МТЖ га яна Абрамов бош булади. Абрамов яна ковун туширса,Косимов борку... Хуллас давом этаверади. Борку бизда хам Хайдров,Саркисян,Виктор( фамилияси эсимда йук) Бердиев,Тошев сингари уткир мураббийлар. Хатто Маматказин дегани хам бор. Шуларни хам бир МТЖ га бош мураббийликка тайинлаб куришмайдими. Хот биронтасидан аклли тактика чикиб колар. Мана бошида купчилик назарга илмаган Абрамовдан " Абрабарса" деган тактака чикдию. Улибди энди бирорта Италия мухлиси булган мураббий топилмаса. Хазил. Бизни чала савод мураббийларимиз факат кимни пули куп булса ушани боласини термага чакиришни еки клубни асосий таркибига куйишни биладилар. Пранделли расмда курсатиб турган жойини ишлатиб аник бир тактика,режа тузишни билмайдилар. Эх,роса алам киладида одамга...
|
 FOTIX |
Сана: 29.06.2012 22:14. FOTIXга ёзиш |
+0; -0
|
|
Эсингизда бўлса, Евро – 2000 ярим финалида Италия ўта ҳимоявий ўйин кўрсатгани туфайли Дзофф кескин танқидларга учраганди ва “бундай чемпион керак эмас” қабилидаги гап сўзлар ҳатто Италияда ҳам пайдо бўлганди.
----------------------- Лекин менинг фикримча ўша вақтдаги италия хозирги италиядан анча кучлироқ эди |
|
SERENADA |
Сана: 29.06.2012 21:07. SERENADAга ёзиш |
+0; -0
|
|
Энг мухими финалдаям Италияни гимнини эшитадиган булдик. Маза килиб.
|
|
SMILE |
Сана: 29.06.2012 21:04. SMILEга ёзиш |
+0; -0
|
|
SMILE |
Сана: 29.06.2012 21:03. SMILEга ёзиш |
+0; -0
|
|
Hammasidan manga Italiyadagi ichki-tawqi muhit yoqyapti oddiy personaldan tortib bow murabbiygacha bir-birlariga ajoyib muomilada böliwyapti hech qanday guruxbozlikdan asar yöq manimcha bu Italiyani Ispaniyadan yaqqol ustun joyi, daje öwa "Balotilloyam" qisib yuripti oma kecha uyin tugaganidan keyin uning g'alabani C.Ronaldu usulida ya'ni ham kibr bilan ham alohida jamoaga qöwilmasdan niwonlawi odamni öylantirib qöydi oxiri baxayr bösin..;-) Italiyaga qanday uslubda busa ham Ispanlardi yutish tilakdowiman zora bu mag'lubiyatdan keyin jamoalar Barsa usulida öynawdan voz kechib qoliwar...:-D
|
 SILBURN |
Сана: 29.06.2012 20:36. SILBURNга ёзиш |
+0; -0
|
|
Adashmasam 2011-yil (qaysi oy esimda yo'q) Italiya o'z uyida Ispaniyaga qarshi o'rtoqli uchrashuv o'tkazgan edi. O'sha o'yinda Italiya mani hayratda qoldirgan. Juda tezkor, shiddatli hujumkor o'yin namoyish etgan. Adashmasam 2:1 hisobida Italiya yutgan edi. Shundan so'ng Italiyaga mehrim oshgan edi. Undan oldin Italiyani o'yinlarini qiziqish bilan ko'rmas edim. O'sha o'yinda hujum chizig'i o'ta kuchli o'yin namoyish etgan. Hujumda Cassano , Dinatale, Jusipe Rossi (De Rossi emas, jarohat olgani uchun euro2012 ga kela olmadi) harakat qilishgandi. Ispaniyaliklar hatto dovdirab qolgan edi. Biz bilgan Prandelli o'sha vaqtlardan jamoani shakllantirayotgan edi. Ko'rmagan bo'lsangiz final oldidan bir ko'ring, youtube yoki mytubeda bo'lsa.
Siz aytgan gaplarga qo'shilaman. Yarim himoyachilar, himochilar, hujumchilar ham alo darajada o'ynayaptilar. Hamma Italiyani o'yinidan rohat olyapti. Futboldan faqat rohatlaninglar. |
|
YAHYOHON |
Сана: 29.06.2012 20:04. YAHYOHONга ёзиш |
+0; -0
|
|
Менга Пирлони эркин уйнаши ёкяпти, хохлаган жойида ижод киляпти, хеч канака позицияга куймабти мураббий, ЖЧ-2006да хам, Миланда хам, Юведа хам бу даражада Пирлони курмаганман. Менга хам тактик мураббийлар ёкади, Пранделлига омад,
|
|
SERENADA |
Сана: 29.06.2012 19:39. SERENADAга ёзиш |
+0; -0
|
|
Буларни укиб Италияни чемпион булишига хеч кандай шубха колмади менда.
|
 ROSSONERI |
Сана: 29.06.2012 19:17. ROSSONERIга ёзиш |
+0; -0
|
|
- ITALIA tomonlagayam shomol tegarkanmi. :) Ispanla bn birinchi o'yinni ko'rganimda, to'risi, qaysi uslub bilan ispan himoyasini yorib kirib ketvotganiga hayron bo'gandim.
- Italiyaning eng ustun tomoni himoyalanishni bilishadi va himoyada bu ishni chin dildan bajarishadi. Kyellini, Bonuchchi, Buffon o'yiniga qarang, hammasi kulib, hotirjam o'ynashadi. Yevro-2012gacha Prandellining qo'lida katta salohiyatli himoyaviy-jamoa bor edi va u an'analardan kelib chiqib o'z jamoasi o'yinini himoyadan tezkor qarshi hujumga qurishi ham mumkin edi. Ammo Prandelli ishladi. Natijasini esa Yevro-2012da ko'rib turibmiz. - Umuman Prandellining o'yin uslubini katta revolyutsiya dib etish qiyin, sababi Italiyaning bugungi kundigi o'yini - Yuventusning o'tgan mavsumdigi o'yinlariga o'xshab ketadi. Germaniya darvozasiga urilgan 2-gol esa MILAN-style! Faqat Milanda Balotellining o'rnida odatda Ibragimovich bo'ladi. - D.Turdialiyev "Fiorentina" o'yinchisi dib etvotgan Rikardo Montolivo erkin agent sifatida Milan bilan shartnoma imzolagan. Futbolchining termadigi o'yinlarini ko'rib klub uchun mavsumning eng foydali transferi disa bo'ladi. |
МУАЛЛИФНИНГ БОШҚА МАҚОЛАЛАРИ
- Хотира
- Янги тажриба. Автодебат.
- Ерликлар
- Бир юз ўн миллион
- "Роналду чўққиси"
- Ҳаёт лойиҳаси
- Рангсиз футбол
- "Арсенал" ўзгариши керакми?
- Мундиал ва Евро фарқи
- Мажбурият
- Зидан изидан
- Стратег
- "Ромарио фалсафаси"
- Ғолиби бор, мағлуб йўқ
- Cал қолишига сал қолди
- Тошбақа қаерга кетяпти?
- Олға, "Насаф"
- Пеп Гвардиола ҳақидаги 4 абсурд
- Бошқача федерация
- "Жаноби тўп ҳикояси"
- Чўзилиб кетган эсанкираш ёхуд "Локомотив" қаерга кетяпти?
- Мураббий ғалабаси
- Стратегия
- "Бурга дори"
- "Маҳалла"
- "Етти ўлчаб, бир кес"
- "Ўнг туш бўлмас, туш ўнг бўлмас..."
- "Априс"лар (архивдан)
- "Тики така" ёхуд "... девлар қутулди"
- Жаҳон чемпионатини томоша қилиш учун 6 сабаб
- Гравитация
- "Тафаккур ўйинлари"
- Адолат ва эҳтирос - 2
- Руни ва "Манчестер Юнайтед" ҳақида
- Биз сичқон эмасмиз
- Мен ҳам эдим сенингдек...
- "Искандарнинг шохи бор?"
- "Оч қора" ранг
- Нега ОЧЛ йўлланмалари Ўзбекистонга камроқ берилиши керак?
- Ўзбекистон Вьетнамни нега юта олмайди?
- "Светофор фалсафаси" ёхуд терма жамоани ким бошқариши керак?
- Қоч, Жамшид, қоч!
- Сколарини танимаган таксист (архивдан)
- Танаси бошқа дард билмас
- Асослар ва қасослар
- Талаб ва таклиф
- "Чорраҳа"даги жамоа ёхуд омадни тинч қўйинг
- Иккита ҳужумчи
- Ж.Корея - Ўзбекистон: Учрашув таҳлили
- "Отамдан қолган калькулятор қани?"
- Барчаси сценарийга боғлиқ
- Таркиб бошоғриғи
- "Мундиал кайфияти"
- "Қалдирғоч" фақат қанотдан иборатми?
- Ўзимизнинг "ўғри"
- Тебраниш
- Умрингиз узоқ бўлсин... Сэр...
- Ўзбек футболидаги "тактикасизлик" ёхуд "Испанларга тегманг"
- Жозе Моуриньо - қўмондон!
- ОЧЛ даги клубларимизда имконият қандай?
- Гвардиола "Бавария"га нима учун керак?
- Бугунги "Пахтакор"
- Бизга неча очко керак?
- "Ўзбекчилик"
- Голсизлик
- Алдамчи сериялар
- Чипталар бор
- Домланинг айтганини қил
- Имтиҳон
- "Барселона"да инқирозми?
- "Уэмбли" йўлида
- Бизга мундиаллар нима учун керак?
- Биз Англия бўла оламизми?
- Цивилизация
- 90 дақиқа қолганда...
- Холислик
- Ғанимат
- Реализм ва "Реал"изм
- МДҲ мадҳи
- Бу омад эмас
- Бизнинг муаммо
- "Челси" - "маладес" - 3
- “Челси”даги “Achilles' heel”
- Деградация
- "Бир уриниб кўрмаймизми?"
- Хатарли Қатар
- Мундиалнинг "расми"
- Жиноят ва жазо
- Устозларим...
- Ҳаракат
- TOP - 20
- Роберто (МанСити)
- "Сен иккинчисан!"
- "Қизилқум" - чемпион!
- Ғалабадан муҳимроқ
- Қосимов тактикасининг 4 жиҳати
- Минг доллар
- "Қўзивой" Роналду
- "Титопоя"
- Бу бизники
- Мураббийлик иши
- Мағлубиятга учра ва очколарингни ол
- "Энг яхши иккинчи даражали рол учун"
- Diamante di Prandelli
- Баҳром Ҳакимов: "Маҳаллий футболчи кўпроқ жон куйдиради"
- Ҳайкал
- "Сичқон ови"
- Жиддий комедия (архивдан)
- Немислар ўқимасин
- Мен - Абрамовчиман!
- Шунақа бир ўйин
- "Абрамовнинг Ливандаги сояси"
- Қани, кетдик! Ким билан? Нима фарқи бор?
- Хатолар "хит паради"
- Профессионал
- "Челси тажрибаси"
- Руҳшунос керакми?
- Трансляция ҳуқуқи
- Вадим Абрамов: "Мен Адвокат эмасман"
- "Нексия олсанг бўлмайдими?"
- Cэр
- Интиҳонинг ибтидоси... (архивдан)
- Қани Месси? Қани, Месси...
- "Барселона"ни қандай тўхтатиш мумкин?
- "Челси" - "маладес"
- Ноодатий мавзу...
- Руҳият
- Абрамов ва бошқалар...
- Қутулдик...
- "Квадрат"
- Бугун ўқинг
- Чет эллик мураббий
- Қўрқинчли туш
- Дўстлик
- Индивидуал
- Футбол - кураш демак
- Қуръа... ва бироз Англия ҳақида
- Келинг, келишайлик
- "Яна битта гол"
- Баҳор ҳавоси...
- "Иблис адвокати"
- Вазифа
- "Капалак" принципи (Эффект бабочки)
- "Бунёдкор" 6 мартда майдонга тушмаслиги мумкин
- Аҳволим "анови"лардан яхши
- Бурилиш
- Моуриньо Англияга келадими?
- Кўникма
- Ўйин
- Месси миссияси
- Вақтида туғилган Заммер...
- Томоша
- Манфаатлар тўқнашганда...
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
