Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

"Светофор фалсафаси" ёхуд терма жамоани ким бошқариши керак?

Баҳо:
+0; -0

Кеча бир ижтимоий тармоқда келтирилган мисол менга ёқди. Ўша мисол келтирган инсон билан менинг қарашим айнан ўша вазият учун терс келган бўлса-да, ҳолатни тушуниш ва баҳолашда қўл келади.

Дейлик, бир чоррахада жуда кўп авария содир бўлади. Бир бирига ўхшамаган, турли оқибатларга олиб келувчи бу аварияларни бир омил боғлаб туради – чоррахада светофор йўқ! Лекин биласизми, светофор ростан ҳам йўқ. Анчадан бери. Мияда бир нарса “тақ” этиб авария бўлади ва ўзимизга савол берамиз: Светафор қўйилмагунча, ушбу чоррахадаги вазиятларни ўрганишдан фойда борми ёки йўқ? Вазиятни ойдинлаштириш, айбдорни топиб, адолатни ўрнатиш учун келган бир назоратчи, “ха, бу ерда светафор йўкку!” деб машинасини миниб орқасига қайтиб кетаверса, машинасини пачоқлаган айбсизларга зулм бўлмайдими? Машинани кайфда ҳайдаган, тезликни оширган, камайтирган, чизиқни босган, ремень тақмаган ва ҳоказо ҳоказоларга светафор келгунча ялломи?

Мен, айнан бугун, мана шу шаклдаги тизим ислоҳотига ҳам, кадрлар ислоҳотига ҳам қаршиман! Юқорида келтирган мантиққа бироз терс туюлган бўлса ҳам, аслида ундай эмаслигини асослашга ҳаракат қиламан.

Биринчидан.

Мен муваффақиятсизликни баҳолашни глобаллаштиришни истамайман. Айтайлик, терма жамоамиз бирор мағлубиятга учраганда, болалар футболидаги камчиликлардан тортиб, миллий чемпионатимизда савия пастлиги, тизимдаги беқарорликларни рўкач қилиш урфга кирган.

Зинҳор ушбу факторларни аҳамиятини камайтирмоқчи эмасман, бу энг чуқур ва асосий сабаблар эканига қўшиламан. Аммо қулочни бу қадар кенг олиш натижасида, доим, “айбдор ҳамма” деган хулоса келиб чиқади, мавҳумлашади ва бу “айбдор – ҳеч ким” дегандек гап. Агар мана шу глобал муаммоларни бир зарбада ҳал қилиб, бурилиш ясай оладиган бир қаҳрамонни танисангиз, бемалол, мурожаат қилинг, аюханнос солинг – лекин, бошқа ҳолатда, “барибир светафор йўқ-ку” дейиш ва кимларнидир айбини хаспўшлаш бўлиб қолади холос.

Тизимдаги камчиликлар доим тилга олиниши керак. Ғалаба қозонсак ҳам, мағлубиятга учрасак ҳам. Фақат мағлубиятнинг эртасига чиқиб, “Тизим чатоқ, ислоҳотлар керак” деб жар солиш ғалабалар даврида қўлимизни боғлайди. Ғалаба қозондикми, демак ҳаммаси зўр, деб ўйлашга бизни мажбур қилади.

(Аҳмедов устунга эмас, дарвоза ичига тепганида ва биз Лотин Америкасидан ютқазганимизда нима бўларди? Улар кучли, биз рекорд натижани қайд этдик деб чапак чалармидик? Қисман, ҳа! Лекин нотўғри-ку бу? Светафорнинг йўқлиги фақат аварияларда эмас, шунчаки, оддий кунларнинг бирида кўриниши керак эмасми?)

Англия чемпионати 1-туридаги 10 ўйинда ҳаммаси бўлиб 35 маҳаллий футболчи майдонга тушди. Бу дегани ҳар бир жамоада ўртача 2 та инглиз футболчи йўқ, дегани. Энди, бирор турнирга 20-23 футболчи жалб қилинишини эътиборга олсак, бош мураббий АПЛ да майдонга тушаётган ҳар бир футболчини терма жамоага чақиришга мажбур. Бошқа йўқ! “Вест Хэм”да ўйнайдими, “Кристал Палэс”дами фарқи йўқ. Буям муаммо, тўғрими? Тизим ичидаги манфаатлар тўқнашуви натижасида пайдо бўлган муаммо. Буям ўз ҳолича светафорнинг йўқлиги. Лекин терма жамоа ўйинларини таҳлил қилишда, муваффақиятсизлик сабабларини ўрганишда бошқа жиҳатларга ҳам эътибор берилади, тўғрими? “Рой Хожсон ҳам нима қилсин? Биз ЖЧ га арзимаймиз!” деган хулосаларни ҳеч ким хазм қила олмайди.

Айтмоқчиманки, футбол ҳар доим тизимли муаммолар қаршисида курашишга мажбур. Биздаям, Англиядаям, Бразилиядаям! Мақсад, ҳар аварияда ўша тизимни рўкач қилиб қутулиб қолиш эмас, ниҳоят, аллақачон, мавжуд муаммолар қаршисида, ўша муаммоларга иммунитетга эга бўлган тизимчаларни жорий қилиш. Светафорсиз ҳам барқарор йўл тизимини яратишга ҳаракат қилиш. Албатта, светафорни ўрнатишга бўлган ҳаракатлар (бу шарт, албатта) билан параллел тарзда.

Иккинчидан.

ЎФФ да тубдан ислоҳотларни амалга оширишга бўлган чақирувлар. Бунга ҳам қўшилмайман. Йўқ, ижобий ислоҳотларни доим қувватлаган бўлардим, лекин қачон ва қай шаклда? Ҳозирги чиқишлар асосан норозилик туйғулари билан бурканган, буни ислоҳот эмас, шунчаки, натижага жавоб бердириш, деб тушунган бўлардим. Чунки, хўп, Усмонов кетди ҳам дейлик, ўрнига вариант борми? Ҳа, фамилиялар бор, аммо бу етарлими?

Муаммоимиз мана шу ерда намоён бўлади. Ахир биз фамилияларга эмас, тизим, ишлаш принципларига қарши бўлишимиз керакку? Хўп, “ураа” деб кимнидур бўшатамиз ва ўрнига янгини олиб келамиз. Унинг нима қилмоқчи бўлаётгани, дастури, режаси, ишлаш принциплари, командаси, қобилияти, имкониятлари ҳақидаетарли маълумотимиз борми?

Менимча, ҳаммаси бошқача бўлиш керак. Терма жамоамиздаги натижалар ўз йўлига, аммо ислоҳотлар ушбу натижалардан пайдо бўлган кайфиятга боғланиб қолмаслиги шарт. Ушбу натижаларнинг оқибати ва гуёки ушбу натижаларнинг мантиқий хулосаси шаклида эскиларни тарқатиб юбориш ва “хўш, энди нима қиламиз?” деган савол билан қолишни истамасдим.

Биз Толибжоновга қаршимиз, хўп. Унинг билет сотиш услубиёқмаяпти, масалан. Уни ишдан бўшатишдан олдин, билайлик, унинг ўрнига келадиган кадрнинг бу борада фикри қандай? “Мен мана бунақа қилиб сотаман билетни” деб айтсин, интервью берсин (ким?). Биз бу фикрни Толибжоновнинг услуби билан солиштирайлик. Билет туфайли Толибжоновни бўшатиб, эртага унинг ўрнидаги одам “Билет муаммоси ҳал бўлмайди бу доирада” деса, ундан бунақа ислоҳотлардан нима наф? Яъни, биз ўз норозилигимизни “йўқолсин Толибжонов” шаклида билдиришимиз, бизни осон бошқаришларига замин яратади. Толибжонов йўқотилади ва бир муддат норозилик (муаммо эмас) тўхтатилади, вассалом. Норозиликдаги урғу кадрларга эмас, муаммоларга қаратилиши, алмаштирувлар айнан ушбу муаммоларга барҳам бериши мумкинлиги ҳақидаги асослар билан қувватлантирилиши керак.

Айтайлик, шартли бир раҳбар (ЎФФ ми, ТЖМ ми, қайси ташкилотники бўлса ҳам) соҳани, бўлимни бошқариш билан боғлиқ ўз дастурига эга бўлиши, уни ишлаб чиқиши, тақдим қилиши ва амалдаги муаммоларга бўлган ўз қарашини ифода этиши керак.

Шу билан бирга, эски раҳбар ҳам шунчаки ўйиндан чиқмайди. МТЖ нинг натижаси унинг ўз номзодини илгари суришга тўсқинлик қилмаслиги керак. Сабаби, сизга ҳар қанча ёқмаса-да, худди шу натижа ва циклни жуда муваффақиятли ўтгани ҳақигаи фаразни бемалол асослаш ҳам, исботлаш ҳам мумкин. Бу футбол. Уни таҳлил қилиб берадиган қандайдир олий ақл ва аниқ формула йўқ. Фикрлар қарама қаршилиги, муносабатлар тўқнашуви орқали энг тўғри ечимга етиб бориш мақбул йўл.

Терма жамоада авлодлар алмашинувининг революцион шаклини талаб қилаётганларни ҳам айнан шу мантиқ билан нотўғри деб биламан. Нега энди Жепаров терма жамоадан кетиб, ўрнига Искандаров келиши керак? Мураббий Жепаровни чақирмай. Искандаровни ўйнатиши бу умуман бошқа масала, лекин терма жамоага номзод бўлишда қандайдир принципларни яратишга уриниш бу - абсурд.

Терма жамоада ёш ва тажриба мувозанатининг бўлиши, катталарнинг ёшларга ўргатиши, буларнинг ҳаммасини бир четга олиб турган тақдиримизда ҳам, нега энди Искандаров ўзидан ўзи Жепаровнинг ўрнини олиши керак? Нега шунақа шарт пайдо бўлиши керак? Етти ёшдан етмиш ёшгача ўзини кўрсатсин, ростан ҳам терма жамоада фойдалироқ эканини исботласин, айнан ва фақат мана шу мезонлар билангина терма жамоа таркиби аниқланади. Келажакдаги муҳим мусобақаларда футболчининг ёши ўтган бўлиши мумкинлиги ва унинг йилдан йилга пасайиб бораётгани эътибори билан ўринбосар топиш, ўйин услубини ёшлар билан шакллантиришга уриниш бошқа масала – лекин, жорий таркибни аниқлаш референдум билан ёки кўрсатма билан амалга оширилмайди, буткул бош мураббий ихтиёрида қолиши керак.

ЎФФ ва МТЖ кадрлари орасидаги ўхшашлик шунда ва ечими ҳам ўхшаш ва тўғри йўл билан ҳал қилиниши лозим. Эски кадрларнинг таклиф қилаётганини буткул ўчирмаган ҳолда, янги таклиф ва режаларни баҳолаш керак. ЎФФ ёки МТЖ таркибига кириш ўтганларнинг хатолари эвазига эмас, ўша кадрнинг келажакдаги салоҳиятига қараб амалга оширилиши керак.

Узоққа бормайлик. Ливандаги 1:8 дан кейин нима бўлди? Натижага кимдир жавоб бериши керак, дейилди ва жавоб берилди. Кейинчи? Эскиларнинг хатоси туфайли келган янгилар ҳам ўз ҳолича ҳаракатни бошладилар. ЎФФнинг фаолиятига баҳо МТЖ орқали берилишини хис қилиб, аввал ясама легионерлар олиб келинди, кейин эса МТЖ учун миллий чемпионат қурбон қилиб юборилди. Бу қарор қанчалик тўғри ёки нотўғри бўлгани бошқа масала, мен келаётган янгилар нима қилмоқчи бўлаётганини олдиндан айтиши кераклиги, биз эса бу режаларни эскилар фаолияти билан солиштириб, қайсиси яхшироқ эканига баҳо бериш имкониятига эга бўлишимиз лозим. Шу тарзда, Жепаров эплолмади, навбат Искандаровга дейиш ўрнига, Искандаров Жепаровдан яхшироқ эплайдими, деган саволга жавоб излашимиз, икковининг ичида яхшироғини танлашимиз керак бўлади.

Бошқарувда таркибида ҳам, терма жамоа таркибида ҳам, навбат принципи эмас, рақобат принциплари бош мезон сифатида олиниши лозим.

Интернетдаги мулоқотларда фикрни бош харфлар билан ёзиш бу бақириш маъносида келади. Хуллас, КАДРЛАРНИ ИШДАН БЎШАТИШ ИШИНИ ЭПЛОЛМАГАНИ УЧУН ЖАЗО ТАРИҚАСИДА БЎЛМАСИН. ЙЎЛ ҚЎЙИЛГАН ХАТОЛАР ТАҲЛИЛ ҚИЛИНИБ, ЕЧИМЛАР ТОПИЛСИН. ЕЧИМЛАР БОРАСИДАГИ ҒОЯЛАРИ ЁКИ ТОПИЛГАН ЕЧИМЛАРНИ БАЖАРИШ САЛОҲИЯТИГА ҚАРАБ ЯНГИ КАДРЛАР ТАНЛАНСИН!

Учинчидан.

Энг муҳими. Бир ойдан кейин Вьетнамга қарши муҳим ўйинда майдонга тушамиз. Вьетнам ривожланиш босқичида бўлган, ўзига яраша кучли жамоа. Олдинги ўйинлардаги муваффақиятсизликлар туфайли энди очко йўқотишга ҳаққмиз йўқ. Мабодо шундай бўлиб қолса, биз умуман Осиё кубогисиз ҳам қолишимиз мумкин. Бу эса футболимизга жуда қаттиқ зарба беради. Ўйин амалиётига ҳам, амбицияларга ҳам, кейинги саралашларда таъсир қиладиган рейтингларимизга ҳам салбий таъсир қилади. Рейтингнинг пасайиши эса ЖЧ-2018 саралашининг учинчи босқичидаёқ кучли гуруҳ деганидир. Мана, Хитой, Саудия Арабистони каби жамоалар бир марта учинчи борсқичдан ўта олмаганликлари учун ҳам, ҳар йили бу босқичда қийинчиликка дуч келмоқдалар.

Демак, терма жамоадаги туб ислоҳотлар, кескин ёшартириш каби қарорларга қўл уриш муҳим ўйинлар натижасига ва келажагимизга путур етади. Ҳозирги шароитда амалга оширилиши керак бўлган энг муҳим ва тезкор иш - МТЖ нинг ичкарисидан даволашга ҳаракат қилиш. Бош мураббий истеъфо берган, лекин ЎФФ ҳали бу борада ўз фикрини айтмади. Бу муҳим факторнинг кўп вақт ҳавода муаллақ туриши бизнинг зараримизга ишлайди. Бу гуёки, ЎФФ яқин келажакда нима иш қилаётганини билмай қолгандек тасаввур уйғотади. Демак МТЖ бош мураббийи масаласини кўриб чиқиш ва зудлик билан ҳал қилиш, алмаштириш ёки ўз ўрнида қолиш қарорини қабул қилиш бугундаги энг асосий ишдир.

Ушбу ҳолатдан келиб чиқиб, МТЖ бош мураббийлиги учун потенциал номзодлар ҳақида қисқа фикрлар:

МИРЖАЛОЛ ҚОСИМОВ. Қосимов истеъфо берган бўлса-да, ҳали унинг аризаси қабул қилингани йўқ. Яъни унинг МТЖ да ишлашда давом этиши ҳам вариант сифатида энг бўлиши мумкин бўлган ҳоллардан бири.

Плюслар: Иордания билан ўйиндаги натижадан келиб чиқиб, Қосимовда вазиятни ўнглашга интилиш истаги, амбицияси фойда келтириши мумкин. Осиё Кубоги саралаш босқичининг илк турларида ҳам у мураббийлик қилган, демак ишнинг у томониданохирига етказилиши таҳлил ва босим юзасидан тўғри бўлади.

Шунингдек, терма жамоамизнинг бугунги ҳолатини энг яхши билади.

Минуслар: Мураббийнинг ТЖ ни бошқаришнинг истамаётгани. Агар Қосимовнинг ушбу вазифа юзасидан бугунги кайфияти ўзгаришсиз қолса, уни олиб қолиш зараримизга ишлаши мумкин. Бундан ташқари, чемпионлик учун курашаётган “Бунёдкор”даги фаолият ҳам ушбу мураббийнинг минусларидан.

ШУҲРАТ МАҚСУДОВ. Классик услуб, истеъфо ҳолатида, яқин келажакдаги муҳим ўйинларни эътиборга олиб, терма жамоа муҳитини сақлаб қолиш учун кўпинча ёрдамчи мураббий бош мураббийликка ўтказилади.

Плюслар: Терма жамоанинг бугунги таркиби билан муносабатларга эга. Жамоа камчиликлари ва ютуқларини ичкаридан билади.

Минуслар: Мақсудовнинг ҳам Абрамов билан, ҳам Қосимов билан ишлайвергани сабаб, унинг терма жамоа услубининг ғоявий қисмига унчалик алоқаси бўлмагани ва вазифаси асосан футболчиларни шуғуллантириш бўлганини таҳмин қилиш мумкин. Мақсудов ТЖ да қанчалик тажриба тўплаган бўлмасин, унинг бу жамоадаги роли ва салоҳияти бош мураббий бўлишга камлик қилади.

ВАДИМ АБРАМОВ. Маҳаллий мураббийлар ҳақида тилга олинганда биринчи бўлиб номи қайд этиладиган мураббий.

Плюслар: Бугунги жамоанинг эски авлоди ҳам, янги авлоди ҳам бегона эмас. Бир йил олдин ушбу жамоани бошқаргани, шунингдек, иккита олимпиада циклида бош мураббий бўлгани туфайли, жуда кўп номзодлар билан ишлаб улгурган. Футболчилар билан илиқ муносабатга эга. Ўтган циклда терма жамоа ўйинига янги чизгилар олиб киришга ҳаракат қилгани, ОТЖ ни назорат қилишга урингани шуни кўрсатмоқдаки, терма жамоа бошқарувига анча кенг миқёсда қарайди ва пойдеворни мустаҳкамлашга ҳаракат қилади. Нутқи яхши, футболчиларга фикрини тушунтириб бера олади. 

Минуслар: Ўтган фаолиятидаги муваффақиятсизликлар унга қўшимча босим юклайди. Шунингдек, футболимизда унга қарши бўлган инсонларнинг кўплиги ҳам Абрамовнинг минусидир. Бу терма жамоа атрофида носоғлом муҳит яратилишига замин яратилиши мумкин. Бундан ташқари, мураббий баъзида жуда қалтис ва таҳликали қарорлар чиқаришга уста, бу ҳам натижага қараб, Абрамовга қарши факторларнинг ошишига сабаб бўлиши мумкин.

НУРАЛИЕВ, МУСАЕВ КАБИЛАР Яъни турли ёшдаги терма жамоалар миқёсида фаолият олиб бораётган мураббийлар гуруҳи.

Плюслар: ЎФФ ва ТЖМ даги бугунги тизим билан бегона эмас. Қисқа даврда вазиятни қўлга олишда, федерация ва клублар билан муносабат ўрнатишда ортиқча вақт кетмайди. Яхши селекционерлар. Футболимизда етишиб келаётган салоҳиятлар ёшлар ҳақида тўлиқ ва профессионал маълумотга эгалар.

Ушбу гуруҳдан Дилшод Нуралиевни алоҳида ажратиб кўрсатган бўлардим. Футбол назарияси ва ўйини ташкил қилиш борасида республикамиздаги етакчи мураббий эканини эшитганман. Футболга яқин танишларимдан бири, “нафақат ўйин учун функцияларни тақсимлаш, балки ўйин билан боғлиқ режа қуриш, схемаларни ривожлантириш билан фақат Нуралиев жиддий шуғулланишини, бу учун етарли билимларга эга эканини” айтанди.

Минуслар: Айнан ЎФФ системасида ишлаётганликлари минус сифатида ҳам тилга олиниши мумкин. Керакли бурилишларга қатъият етишмаслиги, белгиланган қолипга тушиб қолиш ва шароитдан келиб чиқибгина қарорлар қабул қилишга мойиллик. Шунингдек, ёшлар билан ишлаган кўп мураббийлар маълум маънода юлдузга айланган, улғайган футболчилар билан муносабатларда муаммога дуч келадилар. Инилеев, Убайдуллаевларнинг кейинги фаолиятлари бунга мисол.

ШКВИРИН, БЕРДИЕВ КАБИЛАР Олий лигада муваффақият билан ишлаётган ёш мураббийлар.

Плюслар: Чекланган имкониятлар билан маълум натижага эришганлар. Юқори даражада ўзини кўрсатиш учун етарли амбицияга эгалар.

Минуслар: Олий лига ўйинлари мураббий савиясини белгилашда ҳал қилувчи фактор сифатида баҳоланмаслиги керак. Кўпинча, ўта обрули мураббийларимизнинг ҳам халқаро майдонда чет эллик ҳамкасбидан чинакамига мот бўлиб қолганини кўрамиз. Яъни халқаро ўйинлар, айниқса МТЖ савиясидаги ўйинлар “Олмалиқ” ёки “Насаф” ўйнаётган ўйинлар савиясидан анча фарқ қилади. Шунинг учун, МТЖ га шундай мураббийларни тайинлашда эхтиёт бўлиш керак. Олий лигадаги кўрсатган натижаларига эмас, намойиш қилаётган ўйин сифати, ғоялари ва МТЖ билан боғлиқ конкрет режаларига катта эътибор қаратиш зарур.

ЧЕТ ЭЛЛИК САВИЯЛИ МУРАББИЙ

Плюслар: Савияли. Ўзини хурмат қилган мураббий терма жамоага бўлган муносабатни ҳам қониқарли бўлишини таъминлайди. ЎФФ берган шароитга рози бўлиб эмас, аввалдан қандай шароитда ишлашини талаб қилиб, жавобгарликни бўйнига олиб ишга киришади. Яна, матбуот нуқтаи назаридан ҳам жуда фойдали. Журналистлар ҳам, ўйин пайтидаги студия да ўтирадиган мутахассисларимиз ҳам бемалол, қўрқмасдан мураббий хатоларини таҳлил қила оладилар, муносабат билдира оладилар. Чунки у ўзбекчани тушунмайди ва нима дедийкин, деб кетидан қувмайди.

Минуслар: Чет эллик. Бундан ташқари, муҳим ўйин олдидан вазиятни ўрганиш ва агар керак бўлса, янги номзодларни кузатиш учун етарли вақтга эга бўлмайди.

Ҳозирча фикрлар шулар. Агар юқоридаги фикрлардан келиб чиқиб, шахсий рейтингимни тузадиган бўлсам, қўйидагича кўриниш олади. 1) Чет эллик савияли мураббий 2) Вадим Абрамов 3) Дилшод Нуралиев 4) Миржалол Қосимов 5) Игорь Шквирин.

Бу менинг шахсий қарашларим. Менимча, бир муддат, ҳеч бўлмаса, бир ой ичида, ОСМОНГА ТУФЛАШНИ БАС ҚИЛИБ, РЕАЛ ВАЗИЯТНИ ХИС ҚИЛИШИМИЗНИ ВА ФОЙДАСИ ТЕГИШИ МУМКИН БЎЛГАН ФИКРЛАРНИ БИЛДИРИШИМИЗНИ ТИЛАЙМАН.Яна гаплашамиз.

Киритилган сана: 12.09.2013 14:33. Ўкилди: 11628 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


MARSEL
Сана: 15.09.2013 22:21. MARSELга ёзиш
+0; -0
Хориж мураббий керак термага.Гус Хиддинк, Марсело Бьелса.

Ушбу фикрга жавобан


HAPRINIM
Сана: 14.09.2013 23:27. HAPRINIMга ёзиш
+0; -0
Xorijlik murrabiy kerak termaga

Ушбу фикрга жавобан


GOTZE
Сана: 14.09.2013 19:11. GOTZEга ёзиш
+0; -0
Nasafni eski murabbiyi Demyanenko xam b6lorardi

Ушбу фикрга жавобан


FONATIK
Сана: 14.09.2013 14:15. FONATIKга ёзиш
+0; -0
хориждан тажрибали мутахассис олб келиш керак. Тажрибали мутахассис муддатга карамайди. Буни Иордания мураббийи курсатиб берди. 5 кун ичида Узбекистонни барча 23 та уйинчисини урганиб чикиб уйинчиларини шунга карши тайёрлай олди. Менимча Узбекистон Иорданиядан шубхасиз кучли эди аммо юкорида айтганим тажрибали мураббий уз сузини айтди, колгани омад. Футболда яна бир гап бор ОМАД КУЧЛИЛАРГА КУЛИБ БОКАДИ. Иордания тактик жихатдан кучли чикди ва хакли равишда галаба козонди.

Ушбу фикрга жавобан


FANATIK
Сана: 14.09.2013 14:06. FANATIKга ёзиш
+0; -0
энг тугри вариант хориждан кучли мураббий олиб келиш.

Ушбу фикрга жавобан


FANATIK
Сана: 14.09.2013 13:59. FANATIKга ёзиш
+0; -0
Муаллиф фикрларингиз тугри,лекин манашу жойи сизни максадингиз тугрими.
К.Асланов"
Айтайлик, шартли бир раҳбар (ЎФФ ми, ТЖМ ми, қайси ташкилотники бўлса ҳам) соҳани, бўлимни бошқариш билан боғлиқ ўз дастурига эга бўлиши, уни ишлаб чиқиши, тақдим қилиши ва амалдаги муаммоларга бўлган ўз қарашини ифода этиши керак.

Шу билан бирга, эски раҳбар ҳам шунчаки ўйиндан чиқмайди. МТЖ нинг натижаси унинг ўз номзодини илгари суришга тўсқинлик қилмаслиги керак. Сабаби, сизга ҳар қанча ёқмаса-да, худди шу натижа ва циклни жуда муваффақиятли ўтгани ҳақигаи фаразни бемалол асослаш ҳам, исботлаш ҳам мумкин. Бу футбол. Уни таҳлил қилиб берадиган қандайдир олий ақл ва аниқ формула йўқ. Фикрлар қарама қаршилиги, муносабатлар тўқнашуви орқали энг тўғри ечимга етиб бориш мақбул йўл.=============

Шу макбул йулни кандай килиш мумкун.Кайси номзод бориб,каерга бориб шу футболимиз ривожи учун килган режаларини кимга айтади.
Унга хам курашиш бошини огритиш керакмикан.
Йук мен шу жойига кушилмайман.Масалан УФФга номзод Н.Зайниев деяпмиз.У кишига хозир сиз бориб уз номзодингизни куйинг,режаларингизни эшитайликчи деб куринг.жавоби буладики" Жуда истаетган инсон булса хам Мираброрака кетсин кейин майли номзодимни куяман дейди.Кураяпсизми бизда инсонгарчилик,куз кузга тушганда уйаламан дейишлар ва бошка муоммолардан куркиш холатлари учрайди.Мени фикримча янги номзодларга сиз ва биз озгина ердам бериб юбориш керак деб уйлайман.
Булмасам хеч ким хеч качон уз номзодини хозир куймайди.Качон куйади.Уша акалар тезрок истефони тан олишса.эски рахбар осонликча жон бермайди.Сиз айтгандай очик уйин булмайди.Бу айни хакикат.

Мураббийлар масаласида тугри таклифингиз койил.Бу жойига 1000%кушиламан.

Ушбу фикрга жавобан


TDAVRON
Сана: 14.09.2013 00:57. TDAVRONга ёзиш
+0; -0
Терма жамоамиз бош тренерлигига номзод қилиб яна бир одамни ҳеч ким эсламаяпти!!!Ўзи чет эллик, ўзбек футболини, футболчиларини жуда яхши билади.Унинг жамоаси чиройли, хужумкор ўйин кўрсатиб, халкаро мусобақаларда ғолиб чиққан.Буюк тренер Лобановскийни шогирди!!!Бу- Александр Демьяненко!!! Манимча МТЖ бош тренерлигига келишга йўқ демайди .Кўп маош ҳам талаб қилмаса керак. Русийзабонлар кўп бўлган Тошкентда яшайди.Йўқ демаса керак.Керак бўлса оиласини хам олиб келади.Нима дединглар!!!

Ушбу фикрга жавобан


TDAVRON
Сана: 13.09.2013 23:12. TDAVRONга ёзиш
+0; -0
Терма жамоамиз бош тренерлигига номзод қилиб яна бир одамни ҳеч ким эсламаяпти!!!Ўзи чет эллик, ўзбек футболини, футболчиларини жуда яхши билади.Унинг жамоаси чиройли, хужумкор ўйин кўрсатиб, халкаро мусобақаларда ғолиб чиққан.Бу- Александр Демьяненко!!! Манимча МТЖ бош тренерлигига келишга йўқ демайди .Кўп маош ҳам талаб қилмаса керак. Русийзабонлар кўп бўлган Тошкентда яшайди.Йўқ демаса керак.Керак бўлса оиласини хам олиб келади.Нима дединглар!!!

Ушбу фикрга жавобан


SAMIYA
Сана: 13.09.2013 16:22. SAMIYAга ёзиш
+0; -0
bular qog'ozda qob ketmasa qanday yahwi bulardi... Ammo uffni kim ham tekshirardi, menham yaqinda bir gap o'qidim, ''futbolni tushunmaydigan odamni tushunib bulmaydi'' qachonki bizga SENATOR Emas futbolni tuwunadigan, xaqiqiy muhlisi uff prizidenti etib tayinlansa shunda kukaradi bu futbolimiz....
Biz 2010 yildagi jchga munosib emastig degandilar muhtaram Usmonov 4 yildayam munosib bulomapmiz, demak ular rahbarlikka munosibmikin... Yana bir fakt:
Qiziq xalqimiz Mirjaloldan kura VATANIMizi kuproq yahwi kurarkan,chunki u murabbiy bulishidan kura JCHga chiqiwni avzal kurdikmi, biz VATTANI yahwi kuramiz...
Qachon bu vatan jamoasiga harom aralashmasha o'shanda o'ynaymiz jchda...

Ушбу фикрга жавобан


STARR
Сана: 13.09.2013 14:57. STARRга ёзиш
+0; -0
эхтимол. Абрамов варианти хар томонлама маъкулрокдир. лекин уша UFF ва бошка рахбарият билан шартнома килиши керак

Ушбу фикрга жавобан


MASHALKLASS
Сана: 13.09.2013 14:46. MASHALKLASSга ёзиш
+0; -0
Назаримда кайси мураббий булса хам УФФни чизган чизигидан чика оладиган ва уз шахсий фикрини куркмасдан хётга татбик этадиган тажрибали ва Уффга тобе булмаган мураббий булиши керак. акс холда эски хаммом эски тогара булиб колаверади. Мураббий ута жон куяр ва талабчан булиши керак.

Ушбу фикрга жавобан


BEHZOD

Сана: 13.09.2013 12:22. BEHZODга ёзиш
+0; -0
Эсингизда булса Кореа ,Япония ва кучли араб мамлакатлар(айниқса иқлим баҳона) билан ўйинда бизнинг футболчиларимиз қўрқиб ўйнашлиги сезилиб турарди.
Абрамов мана шу қўрқиб ўйнаш характерини ўйинчилар миясидан ўчира олди,лекин охирги пайтларга келиб яна эски ҳолат пайдо бўлаётгандек куриниб бошламоқда,яна эски тактика жарима майдонига "НАВЕС" услиби у ерда эса битта хужумчи.Ман бир нарсага тушунмайман хоп майли қанотдан навес берса бир амалласа бўлар ,лекин центрдан навесси нима кераги бор уни нафақат бизни футболчилар умуман юлдузлаям 10% фойдалана олмайдику "полная потерия". М.Қосимовга хали боракан термага Худо хохласа кейинроқ тажриба орттириб кейин ишласа яхши бўлади

Ушбу фикрга жавобан


OSKARKANN
Сана: 13.09.2013 10:30. OSKARKANNга ёзиш
+1; -0
FAMOUS | 12.09.2013 19:22
Узбекистон ЖЧ саралашида жами 5 марта катнашган. Шуларнинг барида Косимов иштирок этган. Уйинчи сифатида 3 марта, мураббий сифатида 2 марта ЖЧ га чиколмади Миржалол. Яна "сан кимсану, биз киммиз" деб одолжения хам киласиз.
===========================
Гап йук. Мана шу фикрни ман хам уйлагандим. Косимов "узбек футболига омадсиз".Узи омадлидир,бошкарган жамоалари никакой уйин курсатсаям ютаверади.Бу борада омадли.Бир марта шу одамсиз харакат килиб куриш керак эди-да.Как тренер 0. Уйинларида бирон марта тренерлик фалсафа ёки тактика курмадик. Б.Абдулла ва Зафар Имомхкжаевларга ухшаган гумашталари бор.Сразу оркасини тозалаб туришади.Абрамов зур кетаётган эди. Афсус! Шу сафар ЖЧга чика олмаганимизга биринчи айбдор БОБОМУРОД АБДУЛЛА! Абрамовни ёмонлайверди,танкид килаверди,охири тухматлар килиб йук килди.Мана энди футболчиларга утди.Собатаж мабатажмией.Агар шу бола бирон давлатга рахбар булиб колса,инсоният тарихидаги энг буюк "ДИКТАТОР" булади. Менинг фикрим хамманикидан тугри, мен энг аклли одам ва хамма сохани манчалик хеч ким билмайди деган тушунча билан яшайдиган одамлардан диктатор чикади. Абрамовни ёмон курганидан Барселонага нафрат пайдо булган унда.Уша шайтоний нафрати оркасидан Барса мухлисларини "кофир"га чикариб юборди. Тавба.Бобомуродга ёкмаганлиги учун Барса тактикаси дабдаламиш.Абрамов хам ушанг учун яхши тренер эмасмиш.Эй долбаёб "барса" тактикаси оркали испанлар ютмаган нарсаси колмади. Яна шунинг фикрларини одамлар ёктиради.

Ушбу фикрга жавобан


TDAVRON
Сана: 13.09.2013 09:48. TDAVRONга ёзиш
+0; -0
Бир дарахт қуриса уни таг-туги билан олиб ташланади.Уни танасини кесиб ташлаб илдизидан янги новда униб чиқар деб кутиб ўтиришмайди.Миллий термамиз учун янги давр бошланди. Энди биз целенаправленно кейинги ЖЧ га тайёргарликни бошлашимиз керак. Буни аввало Бош мураббийни алмаштириш билан бошланади.Абрамовни хам , Қосимовни хам бу рейтингизда туришга ҳаққи йўқ. Термамизнинг бу муваффақиятсизлигида Абрамовнинг хам жуда катта ҳиссаси бор.Бизнинг асосий рақибимиз бўлган Эронга 3 очкони қўш-қўллаб подарка қилиб юборган.Қария ўйинчиларга келсак , масалан Жеперов , охирги ўйиндаги холатини кўрдик На плеймейкерлик қобилияти қолибди, на стандарт вазиятларни амалга ошириш қўлидан келди!!! Худди шундай ўйнай олмаслик Искандаровни хам қўлидан келади.Қосимов ғирт консерваторЯнгилик қилишга қўрқади.Иккинчи таймдаёқ Жепаровни замен қилиб ташлаш керак эди.Ёки стандартларни эплай олмаётганини куриб керакли кўрсатма бериши керак эди-бошқаси тепсин деб. Унда ютқазиб қўймаслик комплекси пайдо бўлган.Хуллас термамизда янгиланиш даври бошланди Ёшларни қўрқмасдан термага жалб қилиш керак, лекин нисбатан ёшроқ ўйинчиларни олиб қолган ҳолда.Осиё кубогини кейинги жахон чемпионатига тайёргарлик босқчи тарзида қабул қилиш керак!!!

Ушбу фикрга жавобан


XATIRCHIY
Сана: 13.09.2013 08:53. XATIRCHIYга ёзиш
+0; -0
Чет элдан мутахассис келмаса фойдаси йук.

Ушбу фикрга жавобан


XATIRCHIY
Сана: 13.09.2013 08:53. XATIRCHIYга ёзиш
+0; -0
Чет элдан мутахассис келмаса фойдаси йук.

Ушбу фикрга жавобан


KNYAZ
Сана: 13.09.2013 03:23. KNYAZга ёзиш
+2; -0
Ассалому алайкум ЯХШИЛАР ..!!
Ассалому алайкум К.Асланов!!
Ва нихоят маколангиз чикибди шукур.!
Аввалом бор макола учун ташаккур!
***********
Ха тугри язибсиз светафор масаласини
Светафорку курилар Пешахотларчи
Ундан утаятган футбол мухлисларчи?
Менимча энг куп жабр истам курадиган мана шу пиядолар!!
Уша УФФ хам Мураббийлару Футболчилархам уз сакколарини ишлаб олишди.
Хуш биз мухлисларчи??
Ким бизлар билан хисоб китоб килади?
Усмановнинг кетишига карши эканингизни тушинмадим тушинолмадим....
Сабаби..олдига хеч кандай максад куймаган УФФ рахбари бизга нимага керак?
Яна ЖЧ га чикан УФФдек сан кимсан ман кимман деп утирган рахбардан нима кутиш мумкун?
Тугри биз хеч ким эмасдурмиз
Биз бечора кора мехнаткаш халкмиз.
УФФдагиларнинг хаммаси салкин офесда утирган пайда биз далада кетмон чопип юрган кора халкмиз!!!
Узур мавзудан узоклашиб кетганим учун сабаби негадур шу инсонинг М.У.З.нг исмини эшитсам алергиям кузгайдиган булган!!!
Хуллас калом УФФни тазолаш керак ..
Ушанда янги кон уз узидан куйилади!!
УФФга ким келсаям юрагида Ватан туюгуси бор инсон келишини яратгандан сураб коламан!
Ва Светафорларимиз тезрок ишга тушишини кутиб коламан!
Кахрамон акамиздан эса янги маколалар кутиб коламан!
Саломат булинг яхшилар!!

Ушбу фикрга жавобан


EXCITE
Сана: 13.09.2013 01:30. EXCITEга ёзиш
+0; -0
АРСЕНАЛУЗ

Ажойиб бизнес режа! )))

Ушбу фикрга жавобан


EXCITE
Сана: 13.09.2013 01:26. EXCITEга ёзиш
+0; -0
Қаҳрамон ака, мақола учун раҳмат.

1.Абрамовнинг термадан кетиш жараёни қанчалик кутилмаган ва ғайритабиий бўлган бўлса (Эрон билан Тошкентдаги ўйиннинг эртаси кунини эсланг), унинг термага яна қайтарилиши шунчалик имконсиздир, фикримча.
2. Ҳозирги терма жамоалар(барча ёшдаги)имизнинг бугунги кундаги ҳолатини кўриб, наҳотки ўзбек мухлиси шундай футболга муносиб, деган савол янграмоқда. Наҳотки 30 миллионлик халқдан жонини фидо қилмаса-да, лоақал ўзидан талаб этиладиган даражада ўйнайдиган, аниқ ва ақлли паслари кўрсаткичи 50%дан ошадиган, зарбалари Хожибой Тожибоев айтган "эҳ, сал қолдия"дан яхшироқ бўлган 11 футболчи ва уларни жипслаштириб, ўз ҒОЯСИ ва РЕЖАСИ билан МАЗМУНЛИ ўйната оладиган мураббий чиқмасая, деган саволни ўзимга беряпман. Йўқ бундай футболчилар чиқмаслигига ишонммайман. Математик нуқтаи назардан ҳам бундай бўлиши мумкин эмас. Демак бизга А) ана шу минглаб ёшларни кузатиб, улар ичидан бўладиганини танлай оладиган ва уларни ўйната оладиган; (ёки) Б)ҳозирги бор таркибга ишлов берган ҳолда, қисқа вақт ичида янги кучли жамоа шакллантира оладиган мураббий керак.

Хулоса қиладиган бўлсак, ким ва қайси мамлакатдан бўлишидан қатъи назар ёшлар билан ишлай оладиган кучли селекционер мураббий (айтганча, шу тобда ёшлар билан ажойиб тарзда ишлай олишини намойиш этган, "Пахтакор"ни "Арсенал"га ўхшатишимга сабаб бўлган Деян Журжевич эсимга келяпти), ўзимиздан эса айнан ёшлар билан ишлай олишига ишонч боис Игорь Шквирин маъқул.

Бу шахсий фикрлар эди.

Ушбу фикрга жавобан


ARSENALUZ
Сана: 13.09.2013 00:00. ARSENALUZга ёзиш
+0; -0
Бир нарсага хайрон коламан. Хисобракамимизда, 12 млрд. пулимиз бор деб кариллайдиган федерациямиз президенти нега четдан яхши мураббий олиб келишга, Африканинг олди, Ж.Америка, Европанинг уртача термалари билан уртоклик уйинлари ташкил килишга келганда жимммммм. Куча нархида хисобласак хам 4,5 млн. доллар булаяпди. Бунинг ярми хам бир йилда бир неча уртоклик ва Европадан яхши мутахассиснинг бир йиллик маошига етадику. Уртоклик уйинларининг харажатини чипта нархидан хам чикариб олса булади. Уртача билетни 25 евро= 80 минг сум килсак 25 евро* 30 000= 750 000 евро булаяпди. 500 000 еврога нормалний командалар билан уртоклик утказса булади. Агар Узбекистонга Камерун, Кот Д'Ивуар, Миср, Гана, ЖАР, Венесуэла, Эквадор, Колумбия, Парагвай, Чили, Швеция, Дания, Белгия, Россия, Сербия ва х.к. командалар келадиган булса хакикий футбол ишкибози 70-100 минг сумни аямайди, уйинга киради. (Ливан, Катар билан уйинларда 150-200 минг сумга хам билет олиб кирганлар бор). Факат...

Ушбу фикрга жавобан


BOTIRZ
Сана: 12.09.2013 23:40. BOTIRZга ёзиш
+0; -0
ALISHERKOMIL | 12.09.2013 19:03
Хозирги МТЖ хам арабларга ютказди

Ушбу фикрга жавобан


HALAREAL
Сана: 12.09.2013 23:25. HALAREALга ёзиш
+0; -0
Aminmanki, MTJ ga yoki Maqsudov yoki Shkvirin keladi, qolganiga Federatsiyani kuchi yetmaydi.

Ушбу фикрга жавобан


ARSENALUZ
Сана: 12.09.2013 23:04. ARSENALUZга ёзиш
+0; -0
АЙтгандай, Узбекистонда мастер класс утказиб юрган германиялик оддий мутахассиснинг фикрини укидингиэ. Яхши фикрлар. Энди керак булса, футбол мактабларимизга хам четдан шунака мураббийлар олиб келиш керак.

Ушбу фикрга жавобан


ARSENALUZ
Сана: 12.09.2013 22:55. ARSENALUZга ёзиш
+1; -0
Ха-а, яхши макола. Номзодлар хам яхши, ну М.Косимовни олиб ташаш керак номзодлар орасидан. Энди, узи хам рози булмайди ишлашга. Уни конини ичишди устига чикиб тепкилашди. Уни обрусидан фойдаланмокчи булишди, узларининг оркасини бекитиш учун. Унинг энг катта айби, шу ватанни севиши, унинг учун хамма нарсага тайёрлиги. Менимча терма жамоа билан ишлаш учун хатто мехнат шартномаси хам килинмаган, иш хаки хам олмаган. Бошка махаллий мураббийлар билан хам шундай булади, уларнинг хам бошига М.К.ни куни тушади. Етарли шароитлар яратилиб берилмайди. Шунинг учун четдан мураббий олиб келишмагунча рози булишимиз керак эмас. Качонки четдан мураббий келса, у билан профессионал шартнома тузилади ва ишни хам шунга яраша ташкиллаштиради. Чет эллик мураббий шароит талаб килади, УФФ натижа. Бас килиш керак йул-йулакай мураббий тайинлашни (Абрамов, Косимов каби)

Ушбу фикрга жавобан


ARSENALUZ
Сана: 12.09.2013 22:54. ARSENALUZга ёзиш
+1; -0
Ха-а, яхши макола. Номзодлар хам яхши, ну М.Косимовни олиб ташаш керак номзодлар орасидан. Энди, узи хам рози булмайди ишлашга. Уни конини ичишди устига чикиб тепкилашди. Уни обрусидан фойдаланмокчи булишди, узларининг оркасини бекитиш учун. Унинг энг катта айби, шу ватанни севиши, унинг учун хамма нарсага тайёрлиги. Менимча терма жамоа билан ишлаш учун хатто мехнат шартномаси хам килинмаган, иш хаки хам олмаган. Бошка махаллий мураббийлар билан хам шундай булади, уларнинг хам бошига М.К.ни куни тушади. Етарли шароитлар яратилиб берилмайди. Шунинг учун четдан мураббий олиб келишмагунча рози булишимиз керак эмас. Качонки четдан мураббий келса, у билан профессионал шартнома тузилади ва ишни хам шунга яраша ташкиллаштиради. Чет эллик мураббий шароит талаб килади, УФФ натижа. Бас килиш керак йул-йулакай мураббий тайинлашни (Абрамов, Косимов каби)

Ушбу фикрга жавобан


ANTIFREE
Сана: 12.09.2013 22:21. ANTIFREEга ёзиш
+0; -0
p.s. биринчидан ва иккинчидан кисмларига раддия езилганди...
Колган фикрларингизга 100% кушиламан!

Ушбу фикрга жавобан


JAHONGIRCOM
Сана: 12.09.2013 22:16. JAHONGIRCOMга ёзиш
+0; -0
Миржалолнинг кетиши хозирда энг тугри карор,гарчи бу омадсизликда тизимдаги жуда купчилик жанобларнинг айби катта булсада!

Ушбу фикрга жавобан


ANTIFREE
Сана: 12.09.2013 22:04. ANTIFREEга ёзиш
+-2; -0
Кахрамонжон, Кахрамон ака карашларингиз хато, КАТТА хато!
Дуне футболида шундай услуб бор - агар бир кампания маглубиятга учраса еки олдинга куйган вазифаларни уддалай олмаса у бутунлай - таг томири билан бошкасига жойини бушатиб беради - федерация презентидан бошлаб то мурабби-ю, массажистларигача. Бутунлай. Бутунлай янги кон олиб кирилади, янгича ендашадиган мураббий термани услубини, уйин тактикасини ишлаб чикади. Хозирда жудаям куп маротаба Абрамов фамилияси айтилмокда, нимага? Сабаби узбек футболига бутунлай узгача услуб кирита олди. Ундан олдинчи? Ундан олдин футболимиз кай ахволда эди. Мен очиги ёшлигимдан бери кузатсамда, хеч бир нормал уйинни эслай олмайман.

Ха айтганча светофор булса хамма йул коидаларига амал килади, агар у булмаса еки чироклари енмаса авария булиши бир неча фоизга купайиб кетади. Шундай экан каттик тартиб интизомли, футбол коидаларига амал килган уйин булса ЖЧ чикиш унчалик кийин нарса, муаммо булмайди. Нимага - сабаби битта - дарвозага нормал зарба, оддий шу тугри туртбурчакка зарба беролмаган (рахматли Тожибоев таъбиричалик дарвоза утига дарвоза куйиб куйса хам устидан утиб кетадиган зарбалар)уйинчилардан галаба ва ЖЧ кутиш мумкинми ???

Ушбу фикрга жавобан


IPCHI
Сана: 12.09.2013 20:26. IPCHIга ёзиш
+2; -0
Катта ҳарфлар билан бақирсайиз ҳам, микрафонда айтасизми! УФФ қип-қизил КАР!КАР!КАР!

Ушбу фикрга жавобан


AKMALFCB

Сана: 12.09.2013 19:29. AKMALFCBга ёзиш
+-1; -0
Ҳозирча фикрлар шулар. Агар юқоридаги фикрлардан келиб чиқиб, шахсий рейтингимни тузадиган бўлсам, қўйидагича кўриниш олади. >>>> 1) Чет эллик савияли мураббий

Ушбу фикрга жавобан


FAMOUS
Сана: 12.09.2013 19:22. FAMOUSга ёзиш
+-1; -0
Энди яна Абрамовни кайтариш керак буляпти. Ана солиштиринглар фаркни.
Б. Абдулла хам макола ёзибди. Энди у хам Абрамов тарафдори буб копти. Хайитдан кейин хинани нима кераги бор? Уйинчилар уйнагиси келмайди дебди. Уйнагиси кемаса нега Косимов уларни туширди? Уйнайдиганини топмайдими? Косимов жуда дерзкий одам. Купол муносабатда булади. Узи хам бир пайтлар шунака муомала олган шекилли, ответ кайтаряпти. Худди кайнонадан азият чеккан келин вакти келиб узи кайнона булгандек. А Бобомурод ака, брат, узизниям биров оркезга тепиб-тепиб ишлатса, ишливурасизми? Пошел на х.. деб кетворарсиз. Уйинчилага мураббий ёкмаса, ё мураббий алмаштиринг, ё уйинчилани алмаштиринг. Мана энди Абрамов уйинчиларни урушмайди, уларни калбига йул топишни билади дебсиз. Нега шуни вохлирок этмадиз? Энди после пожар нима кераги бор бу нарсани? Ока, сизга Абрамов шахсан ёкмаган булса, нега энди хамма сизга эргашиши керак? Косимовнинг хам обрусини туширвординглар. Узбекистон ЖЧ саралашида жами 5 марта катнашган. Шуларнинг барида Косимов иштирок этган. Уйинчи сифатида 3 марта, мураббий сифатида 2 марта ЖЧ га чиколмади Миржалол. Яна "сан кимсану, биз киммиз" деб одолжения хам киласиз.

Ушбу фикрга жавобан


FAMOUS
Сана: 12.09.2013 19:21. FAMOUSга ёзиш
+-1; -0
Энди яна Абрамовни кайтариш керак буляпти. Ана солиштиринглар фаркни.
Б. Абдулла хам макола ёзибди. Энди у хам Абрамов тарафдори буб копти. Хайитдан кейин хинани нима кераги бор? Уйинчилар уйнагиси келмайди дебди. Уйнагиси кемаса нега Косимов уларни туширди? Уйнайдиганини топмайдими? Косимов жуда дерзкий одам. Купол муносабатда булади. Узи хам бир пайтлар шунака муомала олган шекилли, ответ кайтаряпти. Худди кайнонадан азият чеккан келин вакти келиб узи кайнона булгандек. А Бобомурод ака, брат, узизниям биров оркезга тепиб-тепиб ишлатса, ишливурасизми? Пошел на х.. деб кетворарсиз. Уйинчилага мураббий ёкмаса, ё мураббий алмаштиринг, ё уйинчилани алмаштиринг. Мана энди Абрамов уйинчиларни урушмайди, уларни калбига йул топишни билади дебсиз. Нега шуни вохлирок этмадиз? Энди после пожар нима кераги бор бу нарсани? Ока, сизга Абрамов шахсан ёкмаган булса, нега энди хамма сизга эргашиши керак? Косимовнинг хам обрусини туширвординглар. Узбекистон ЖЧ саралашида жами 5 марта катнашган. Шуларнинг барида Косимов иштирок этган. Уйинчи сифатида 3 марта, мураббий сифатида 2 марта ЖЧ га чиколмади Миржалол. Яна "сан кимсану, биз киммиз" деб одолжения хам киласиз.

Ушбу фикрга жавобан


IQBOL
Сана: 12.09.2013 19:18. IQBOLга ёзиш
+0; -0
Япония, Шимолий Кореячи

Ушбу фикрга жавобан


ALISHERKOMIL
Сана: 12.09.2013 19:03. ALISHERKOMILга ёзиш
+0; -0
икбол - Уз МТЖ тугрисида гапираяпман 10-15 йил олдинги уйин билан солиштирса хозирги уйин аъло деса булади. Узи качон МТЖ яхши уйнаган Катарни назарда тутсангиз у ерда Араб клубларини ютган холос,,Катарни унитинглар

Ушбу фикрга жавобан


ALISHERKOMIL
Сана: 12.09.2013 18:53. ALISHERKOMILга ёзиш
+1; -0
UFF torgash utirgan bulsa u umrida futbolni F тушунмаса узига ухшаган куймаса эди лаганбардор

Ушбу фикрга жавобан


IQBOL
Сана: 12.09.2013 18:46. IQBOLга ёзиш
+0; -0
ALISHERKOMIL | 12.09.2013 18:09
Хозирги авлод 10-15 йилги МТЖ нинг уйинларини эсласангиз умуман туп келса оеги калтираб кимга оширишни билмасди ва качон карама бир хил уйин услуби Тепадан хужумчиларга оширилар ва барчаси пустой булар эди. Хозирги МТЖ уйини жуда зурку,,,,кувониш керак.
-----------------------------
Сиз хозир кайси терма хакида гапираяпсиз. Тушунмадим.......

Ушбу фикрга жавобан


OUTRANKER
Сана: 12.09.2013 18:36. OUTRANKERга ёзиш
+0; -0
har kimning fikri xar xil,,, buni esa faqat uff tayinlaydi

Ушбу фикрга жавобан


ABOMUSLIM
Сана: 12.09.2013 18:11. ABOMUSLIMга ёзиш
+0; -0
Футбол федерациямиз Мураббий танлаш бўйича сўровнома ўтказса бўлмайдими мухлислар ўртасида?? Ўшанга қараб хулоса қилишсин!

Ушбу фикрга жавобан


IQBOL
Сана: 12.09.2013 18:10. IQBOLга ёзиш
+1; -0
ABOMUSLIM | 12.09.2013 17:55
0
Менимча федерациямиз Абрамовни қабул қилмайди. Шундай экан асосий номзод Шквирин!! Агар мамлакатимиздаги мураббийлардан танланадиган бўлса! Чет эллик олиб келинадиган бўлса Тео Букер, Аднан Ҳамад ёки Бора Милутинович!!!
---------------------------
Яхши фикр лекин Милутиновични чунтагимиз кутармаса керак. Чунтакка караб оёк узатиш керак. Агар Фонд форум федерация хомийси булса амалга ошиши мумкин.

Ушбу фикрга жавобан


ALISHERKOMIL
Сана: 12.09.2013 18:09. ALISHERKOMILга ёзиш
+1; -0
ABOMUSLIM
Косимов одамлар назрида сингандир аммо аник айтаман У кучли шахс, Унинг хатоси Бунедкорда колиши булди, Негадир бунедкорга богланиб колган хаттоки Зико ва Сколари пайтида хам у ердан кетмаган.Кейин Косимовга каршилар куп унинг мехнатини хеч ким курмаяпти,, Энди узингиз уйлаб куринг 22 йил давр ичида футболимиз кундан кунга ривожланмокдаку,
Хозирги авлод 10-15 йилги МТЖ нинг уйинларини эсласангиз умуман туп келса оеги калтираб кимга оширишни билмасди ва качон карама бир хил уйин услуби Тепадан хужумчиларга оширилар ва барчаси пустой булар эди. Хозирги МТЖ уйини жуда зурку,,,,кувониш керак.

Ушбу фикрга жавобан


ABOMUSLIM
Сана: 12.09.2013 18:07. ABOMUSLIMга ёзиш
+0; -0
Ҳозирча фикрлар шулар. Агар юқоридаги фикрлардан келиб чиқиб, шахсий рейтингимни тузадиган бўлсам, қўйидагича кўриниш олади. 1) Чет эллик савияли мураббий 2) Вадим Абрамов 3) Дилшод Нуралиев 4) Миржалол Қосимов 5) Игорь Шквирин.
-----------------------------------------------------
Рўйхатга гап бўлиши мумкин эмас.

Ушбу фикрга жавобан


TOSOL
Сана: 12.09.2013 18:05. TOSOLга ёзиш
+0; -0
Жуда тугри тузилган мураббийлар номзоди лекин 1чи номзод яни чет эллик мураббийни куйишни иложи йук чунки уларнинг талабини уфф бажара олмайди шундай экан АБРАМОВ керак термага гап тамом вассалом

Ушбу фикрга жавобан


IQBOL
Сана: 12.09.2013 18:00. IQBOLга ёзиш
+0; -0
ALISHERKOMIL | 12.09.2013 17:51
0
Косимовнинг ойлигини кутариб бунедкордан бушатиш керак менимча,,,,,,, Косимов эринмасдан футболистларни кузатишга имконият яратиб бериш керак. Бугун Шуртонда, эртага Наманганда индинига эса Россияга кейин козогистон ва Хитойдаги жаъмики уйинчиларнинг вариантларини куриб кария уйинчилардан воз кечиш вакти келди. Ракиб камандалар хар бир уйинчимизни имкониятини билиб карши хужм килмокда
------------------------
Шу пайтгача нима халакит берди, шуларни бажариш учун. Унинг айбидан бири хамма нарсага обрусидан хам кечиб хуп деб утираверди. Яна шу холат такрорланмаслигига ким кафолат беради. Бир одам учун учинчи марта имконият бериш куп эмасми?

Ушбу фикрга жавобан


ALISHERKOMIL
Сана: 12.09.2013 18:00. ALISHERKOMILга ёзиш
+0; -0
Абрамов булмайди е Косимовни узини кундириш керак е чет элдан олиб келиш керак, 1 ойдан сунг Ветнам билан уйнаймизку

Ушбу фикрга жавобан


ABOMUSLIM
Сана: 12.09.2013 17:57. ABOMUSLIMга ёзиш
+-1; -0
ALISHERKOMIL | 12.09.2013 17:55
------------------------------------------------------
Қосимов кучли босим остида қолиб кетади энди! У иккинчи маротаба "синди" !! Энди ишлаши қийин! Агар ман уни ўрнида бўлганимда ишламасди!

Ушбу фикрга жавобан


ABOMUSLIM
Сана: 12.09.2013 17:55. ABOMUSLIMга ёзиш
+1; -0
Менимча федерациямиз Абрамовни қабул қилмайди. Шундай экан асосий номзод Шквирин!! Агар мамлакатимиздаги мураббийлардан танланадиган бўлса! Чет эллик олиб келинадиган бўлса Тео Букер, Аднан Ҳамад ёки Бора Милутинович!!!

Ушбу фикрга жавобан


ALISHERKOMIL
Сана: 12.09.2013 17:55. ALISHERKOMILга ёзиш
+-3; -0
Косимовни узини колдириш керак факат кария уйинчилардан воз кечиш керак уларга ставка килиб Косимов адашди,,,,,Иордания уйинига келиб эса Сеергев ва Нагаеевни киритиб тугри килди манимча Косимов бирдан эмас секинлик билан кариялардан воз кечмокчи эди. Иордания билан уйинга Искандаровни бошидан киритиш керак эди ахир у Месси N2 ку,,,,Любойига дарс утиш даражасида,,,,,,,

Ушбу фикрга жавобан


IQBOL
Сана: 12.09.2013 17:28. IQBOLга ёзиш
+0; -0
Рахмат Кахрамон! Мен хам Абрамовни хохлардиму, узи рози булса керак лекин кетишига сабабчи булган одамлар бунга йул куйишмаса керак. Хориж мураббийларидан менга Осиё термаларини бошкарган мураббий булса яхши деб уйлайман. Мисол ироклик Анан Хамад, еки Ливанни бошкарган мураббий. Сизни хорижлик факт Осиёда тажрибаси бор мураббийга фикрингизни билмокчийдим.

Ушбу фикрга жавобан


ELFANAT
Сана: 12.09.2013 16:50. ELFANATга ёзиш
+-1; -0
Энг яхши вариант Абрамов! Абрамов билан 2 йилга ОЧ якунлангунча шартнома тузилсин, агар натижа АЪЛО булса яна +2 ЖЧ саралашиниям якунлаб беради. Уёги бир гап булар.

Ушбу фикрга жавобан


FALKAOSS
Сана: 12.09.2013 16:49. FALKAOSSга ёзиш
+-1; -0
abramovni qo`iyshmasa kerak. uni chiqarib tashasayam buladi nomzodlani orasidan. lekin abramov busa keyingi JCHga chiqishimizga ishonaman

Ушбу фикрга жавобан


JAHONGIRCOM
Сана: 12.09.2013 16:47. JAHONGIRCOMга ёзиш
+1; -0
Миржалолнинг кетиши хозирда энг тугри карор,гарчи бу омадсизликда тизимдаги жуда купчилик жанобларнинг айби катта булсада!

Ушбу фикрга жавобан


AKMALFCB

Сана: 12.09.2013 16:45. AKMALFCBга ёзиш
+0; -0
i

Ушбу фикрга жавобан


AKMALFCB

Сана: 12.09.2013 16:45. AKMALFCBга ёзиш
+0; -0
Familiyasini oxiri OV, EV bilan tugamaydigan murabboy kerak bizga. Shkvirin ham kerak emas!

Ушбу фикрга жавобан


BOTIRZ
Сана: 12.09.2013 16:41. BOTIRZга ёзиш
+-3; -0
Maqolaning ikkinchi aybi Birinchi masalad asosiy planga svetofor chiqib ketibdi. Aslida svetofor mavzuning boshida bo'lishi kerak edi xolos

Ушбу фикрга жавобан


BOTIRZ
Сана: 12.09.2013 16:38. BOTIRZга ёзиш
+-1; -0
Maqolaning birinchi aybi juda katta

Ушбу фикрга жавобан


HEROLION
Сана: 12.09.2013 16:11. HEROLIONга ёзиш
+-2; -0
STARR ҳаммаси бир бири билан боглик. экспериментлар утказиш учун ОЧ саралашидаги натижалар рўй бермайди. Агар ОЧ дан курук колсак, рейтингда пастга тушиб кетамиз ва ЖЧ саралашида кийналамиз..натижага иложи борича путур етказмаслик керак. ОЧ да катнашишдан яхширок ЖЧ га тайёргарлик бўлмайди.

Ушбу фикрга жавобан


ABDUHOSHIM
Сана: 12.09.2013 16:03. ABDUHOSHIMга ёзиш
+2; -0
АБРАМОВ МАЪКУЛ НОМЗОД, ЛЕКИН УФФ РАХБАРЛАРИ УНИ МТЖ МУРАББИЙЛИГИДА КУРИШНИ ИСТАМАЙДИ, А ТАК УФФНИ ХАМ ТОЗАЛАШ ШАРТ ВА ЛОЗИМ.

Ушбу фикрга жавобан


STARR
Сана: 12.09.2013 15:53. STARRга ёзиш
+1; -0
Маколани укиб,хакикатдан хам жахл устида куп гаплар айтилгани ва хулосалар килингани аник гап,МТЖ мураббийси тугрисида эса,балким хозир шароитда Осиё кубоги мухим эмасдир(агар ЖЧ-2018 максад булса), саралаш уйинлари ёки кубокдаги учрашувлар ЖЧ-2018 учун тайёргарлик сифатини утаб берар ёш футболчиларни "жанг"га тайёрлаш учун, МТЖ мураббийсини 3-4 йиллик шартнома билан "уз холи"га эксперемент килиб куйиб бериш керакдир

Ушбу фикрга жавобан


KKTAXTAKUPIR
Сана: 12.09.2013 15:21. KKTAXTAKUPIRга ёзиш
+0; -0
Четдан мураббий керак, юкоридаги айтилган мураббийлардан факат Д.Нуралиевни куйса булади, уни хам хозирмас. Тарбиялаган тарбиялаётган болалари улгайсин кейин.
Ривалдога, Зикога, Сколарига топилган пуллар нахот терма жамоа мураббийига топилмаса. Хеч булмаса Тео Букер ёки Уммон олимпия терма жамоасини бошкарган мураббий борку уша булсин (Пол Ле Гуен миди)

Ушбу фикрга жавобан


ABDUHOSHIM
Сана: 12.09.2013 15:12. ABDUHOSHIMга ёзиш
+0; -0
Миржалолни умуман номини эшитишниям истамайман! Абрамов (Бердиев ёки Шквирин) муносиб номзод. чет эллик мураббий унга вакти келса п-й дейдию суради кетади. АБРАМОВ, ШКВИРИН ва БЕРДИЕВ

Ушбу фикрга жавобан


COMMENTUZ
Сана: 12.09.2013 15:07. COMMENTUZга ёзиш
+0; -0
Битта нарса аник: Абрамов командасини (хохир хам почти уша боллар) духи бориди, куркмасди, калта пасни койиллатарди. Хозир боллар узига ишонмай тушмокда майдонга. Бу мураббийни айби. Камига сиз журналистларни хам айблаш керак, 4-хокимят эмиш. Качон конкрет танкид килгансизлар, балки бунга яраша сабаб бордир, билмадим.

Ушбу фикрга жавобан


COMMENTUZ
Сана: 12.09.2013 15:04. COMMENTUZга ёзиш
+0; -0
Фикрлариз яхши-ю, ю си борда. Яна ушаларни колдириб секин ислох килиш керакми? Шунча вакт узгармаган инсон шу ёшга чикиб узгаришига хеч ким ишонмайди, билишимча сиз хам. Бугунги таркиб УЗБ тарихида энг яхшиси эди. У-19 уйинини курдик(япония билан), агар келажак шулар булса... билмадим. Урмонга ут кетса хули - курук бирга ёнади. Лекин унутманг оркасидан янги нихол, бакувват нихоллар усиб чикади. битта "бомба" керак бизга.

Ушбу фикрга жавобан


SOKINLIK
Сана: 12.09.2013 14:59. SOKINLIKга ёзиш
+0; -0
Абрамов билан Қосимовдан бошқа одамни МТЖ етакчилари мураббий деб қаъбул қилолмайди.Савия ва блимидан ташқари обрўси хам юқори одам керак.

Ушбу фикрга жавобан


BOBOABDULLA
Сана: 12.09.2013 14:57. BOBOABDULLAга ёзиш
+-3; -0
э укимадим маколани ! бу одам факат сафсата езади ,биронта чиройли фикр чикиши кийин э куйинларэ))

Ушбу фикрга жавобан


HELLOMOTO
Сана: 12.09.2013 14:56. HELLOMOTOга ёзиш
+1; -0
Минуслар: Ўтган фаолиятидаги муваффақиятсизликлар унга қўшимча босим юклайди. Шунингдек, футболимизда унга қарши бўлган инсонларнинг кўплиги ҳам Абрамовнинг минусидир. Бу терма жамоа атрофида носоғлом муҳит яратилишига замин яратилиши мумкин. Бундан ташқари, мураббий баъзида жуда қалтис ва таҳликали қарорлар чиқаришга уста, бу ҳам натижага қараб, Абрамовга қарши факторларнинг ошишига сабаб бўлиши мумкин.
***********************
Абрамовни минуслари ичида ишга лаёқиётсиз деган ибора йўқ,аксинча қалтис қарорлари билан хам термага кескинлик ва рақобатни олиб кира олган.Сафардаги Японияга қарши асосий таркибни деярли янгилаган холда ва Олимпиада саралашида Австралия термасига антиқа қарорлари билан кучли босим ўтказа олгани сўзимни исботи.Кейруш услуби аслида ўзимизни шу шопмўйлов характерларини "ёввойи"лашган нусхаси эдида)))

Ушбу фикрга жавобан


HELLOMOTO
Сана: 12.09.2013 14:51. HELLOMOTOга ёзиш
+1; -0
Менга қолса хозиги холатда деярли ички мухит ва ўйинчиларни холатини хануз беш қўлдай биладиган Абрамов номзоди маъқулроқ!Бошқалар ишга киришиб кетгунча ва ўз ғояларини терма ўйини сифатига олиб киргунча Осиё кубоги саралашида муваффақиятга эриша олмаса керак.Бу эса унинг келгусидаги ишларига қаттиқ салбий таъсир қилиши мумкин.Абрамовни қўйиб,индамай кузатиш керак!

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.