Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

Мағлубиятга учра ва очколарингни ол

Баҳо:
+2; -0

Эртага Ўзбекистон биринчи лигасида биринчи босқич ўйинлари якунига етади. Билмаганлар учун маълумот, лига ўйинлари шу билан ниҳоясига етмайди, икки минтақадаги илк саккиз жамолара, яъни ҳаммаси бўлиб 16 жамоа олий лига йўлланмаси учун курашни давом эттиради.

Биринчи босқичнинг муҳимлиги фақатгина илк саккиз жамоаларни аниқлашгина эмас, кейинги босқичда ушбу ўйинларда тўпланган очколарнинг ҳам қадри бўлади. Фақат, футбол тили билан айтганда, “олтин очколар” қоидаси амал қилади. Яъни, жамоалар кейинги босқични шу пайтгача тўплаган очколари билан бошлашмайди. Минтақаларда сўнгги тўрт ўринни банд этган жамоалардан олинган очколар бекор қилинади. Айтайлик, “Суғдиёна” 56 очко тўплади ва бу очколар унинг минтақада биринчи ўринни олишига ёрдам берди. Аммо энди, янги босқичга ўтилганда, “Суғдиёна” сўнгги ўринлардаги 4 жамоадан (шартли) олган 22 очкосидан айрилади ва 34 очко билан сўнгги босқични бошлайди. Бу тушунарли.

Бундай қоидалар қандайдир парадоксал ҳолатларни келтириб чиқариши мумкинлигини билардим. Сўнгги тур олдидан атайлаб, яна бир бор текшириб кўрдим. Қизиқ ҳолат, жамоа учун мағлубиятга учраш ғалаба қозонишдан кўра фойдалироқ бўлиши мумкин экан. Зўр-а? Тушунтираман.

Мавзу объекти – “Хоразм” жамоаси. Жамоа бугунгача 35 очко тўплади ва кейинги босқич масаласини муддатидан олдин ҳал қилди. Унинг сўнгги турдаги рақиби – “Регистон” жамоаси. Самарқандликлар сўнгги тур олдидан 27 очко тўплашган ва “Ғаллакор”, “Ёшлик”, “Сурхон 2011” жамоалари билан бирга икки ўрин учун кураш олиб бормоқдалар. “Ёшлик” ва “Ғаллакор”да ҳам 27, “Сурхон 2011” да 26 очко мавжуд.

“Хоразм” “Сурхон 2011”га қарши ўтказган 2 ўйинда атиги 1 очко тўплаган. “Регистон”ни эса биринчи турда мағлубиятга учратган. Демак, мабодо “Сурхон 2011” кейинги босқичга чиқадиган бўлса, “Хоразм” кейинги бсоқичга 1 очкони олиб ўтади холос. “Сурхон 2011” пастда қолиб кетадиган бўлса, “Хоразм”нинг ўша бир очкоси бекор қилинади, лекин, бошқа жамоалардан кўпроқ очко айрилиб ташланади, сабаби, бошқа жамоалар “Сурхон 2011”дан кўпроқ очко олган бўлишлари мумкин. “Регистон” чиқадиган бўлса, “Хоразм” кўпроқ очко билан ўтиши аниқ, чунки, хоразмликлар “Регистон”дан аллақачон 3 очко олиб бўлишган.

Демак, биринчидан, сўнгги турда “Регистон”га қарши ўйнайдиган “Хоразм” ҳар қандай натижадан қатъий назар, кейинги босқич масаласини ҳал қилган.

Иккинчидан, “Хоразм” “Регистон” мағлуб бўладиган бўлса, “Регистон” кейинги босқичга чиқади, “Хоразм” эса ундан олган аввалги 3 очкоси билан кейинги босқичга ўтади.

Учинчидан, агар “Хоразм” ғалаба қозонадиган бўлса, “Регистон” эмас, “Сурхон 2011” кучли саккизталикка кириши мумкин. У ҳолда “Хоразм” 3 эмас, 1 очко билан қанотланишга мажбур.

Ана энди тасаввур қиляпсизми, “Хоразм” ғалаба қозониб бир очкога, мағлубиятга учраб, 3 очкога эга бўлади. Қалай? 

Мақола ушбу блогдаги сўнггиси бўлиши мумкин. Кейинги мақолаларимни, шу кунларда ишга туширилаётган шахсий сайтдан ўқишингиз мумкин бўлади. 

Киритилган сана: 09.07.2012 12:11. Ўкилди: 7139 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


GAYRATBEK
Сана: 11.07.2012 00:35. GAYRATBEKга ёзиш
+0; -0
ho ho ha ha emas

Ушбу фикрга жавобан


SHERYURAK
Сана: 10.07.2012 16:11. SHERYURAKга ёзиш
+0; -0
muallif sizga omad tilayman.

Ушбу фикрга жавобан


PUYOL
Сана: 10.07.2012 07:13. PUYOLга ёзиш
+0; -0
xorazm bu maqolani eshitib yo pirray divorgandir) songgi soz huddi hayrlashuvde chiqipti, konferensiya ishlamidimi endi

Ушбу фикрга жавобан


ALBARS
Сана: 09.07.2012 18:56. ALBARSга ёзиш
+0; -0
Шахсий сайт номи қандай? Кейинги пайтларда сайтларда фаолик камайиб кетди. "Сурхон" эртага "Ёшлик" билан ўйнайди ютса ҳам кучли сакизликка кираолмаса керак. Менимча юқорида жойлашганлар ўзаро келишиб бўлгандек гўё.. Лекин "Сурхон"бу йил жуда мазмунли ўин кўрсатди. Ўйинлари кўпгина олий лига жамоалари ўйинларидан кўра қизиқарлироқ бўлди.

Ушбу фикрга жавобан


PLAZA
Сана: 09.07.2012 17:14. PLAZAга ёзиш
+0; -0
Қаҳрамон ака, клублар сиз каби фикрлаб, шунчалик аниқ ва дақиқ ҳисоб-китоб қилиб кўришармикан, қизиқ?

Ушбу фикрга жавобан


MARATBEK
Сана: 09.07.2012 16:09. MARATBEKга ёзиш
+0; -0
Sayt uje ishga tushdi.
akfutbol.ucoz.ru

Ушбу фикрга жавобан


BECKTU
Сана: 09.07.2012 12:49. BECKTUга ёзиш
+0; -0
ЎЎЎЎ шахсий сайт качон ишга тушади аниғини айтинг. Сайт номи қанақа

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.