Кириш Регистрация
22/10 15:00 Қўқон-1912 2-4 Пахтакор
22/10 18:00 АГМК 3-0 Динамо
22/10 21:55 Шахтёр 2-2 Динамо Загреб
22/10 21:55 Атлетико 1-0 Байер
22/10 23:59 Галатасарой 0-1 Реал Мадрид
22/10 23:59 Брюгге 0-5 ПСЖ
22/10 23:59 Олимпиакос 2-3 Бавария
22/10 23:59 Тоттенҳэм 5-0 Црвена Звезда
22/10 23:59 Манчестер Сити 5-1 Аталанта
22/10 23:59 Ювентус 2-1 Локомотив
23/10 21:55 Лейпциг - Зенит
23/10 21:55 Аякс - Челси
23/10 23:59 Зальцбург - Наполи
23/10 23:59 Генк - Ливерпуль
23/10 23:59 Интер - Боруссия Д
23/10 23:59 Славия - Барселона
23/10 23:59 Бенфика - Лион
23/10 23:59 Лилл - Валенсия

Блог

Қаҳрамон Асланов

25-кадр

Баҳор ҳавоси...

Баҳо:
+9; -0

Энди Японияни ҳар доим ютамиз, демоқчи эмасман. Иккинчи таркиб билан ҳам Японияда ғалаба қозонадиган даврлар келгани ҳақидаги баландпарвоз фаразлардан ҳам йироқман, унақа эмас. Абрамов - даҳо эмас, ўйиндан олдин унга топширилган вазифани уддалай олди, шу холос. Агар терма жамоамиз ютқазганида, буни оддий ҳолдек қабул қилиб, мураббийни заррача айбламаслигим мумкин эди, демак, нега энди ҳозир кўкларга кўтаришим керак? Менинг назаримда, танқид қилиниш таҳликасидаги инсоннигина мақташ мумкин. Ҳа энди, қандайдир ўзим ҳам тўлиқ тушуна олмаётган фалсафа буёғи, эътибор берманг. Баҳор ҳавоси...

Менимча, футболчиларимизга ҳам шу жиҳат таъсир қилди, шекилли. Дзаккерони - ҳақ, рақибдан фарқли равишда, бизникиларда босим камроқ эди. Айтайлик, икки тўп фарқи билан мағлубиятга учраган тақдиримизда ҳам, танқидлар оқими кўп бўлмас эди, ҳаммаси нормал қабул қилинар, футболчиларимизни ортиқча айбламасдик. Иштиёқ билан ўйнаш, мураббий кўрсатмаларини бажаришда бу фактор муҳим рол ўйнайди, ишонинг.

Кечаги учрашув японларга қарши кучимиз мувозанатини англатмайди. Улар ҳали ҳам кучли. Бўлади-ку, шундай ўйинлар, тўғрими? Ҳар доим ҳам кучли ғалаба қозона олмайди. Гап фақат кимдир ҳаддан зиёд кучли ўйнаб юборишида ҳам, мураббийнинг ажойиб тактика танлаб, рақибни қамаб ташлаши, ўша рақибнинг умуман бўш ўйнаши ҳақида кетмаяпти. Кеча бундай ҳолатлар кузатилгани йўқ – агар японлар ҳисобни очишганда воқеалар ривожи бутунлай бошқача кўриниш олини, биз 3-4 та гол ўтказмагунча, илк голимизни ура олмаслигимиз ҳам мумкин эди.

Биз ғалаба қозондик. Ҳеч кимнинг меҳнатини яшириш ниятим йўқ. Биз аслида керак бўлмаган уч очкони йўлга киритгандирмиз, балки. Бу очколар жуда зарур бўлганида, нимадир ўхшамас, эҳтимол. Лекин эътиборингизни бошқа жиҳатга, ушбу ўйиндан сўнг терма жамоамиз муҳитида, унга бўлган муносабатларда қандай ўзгаришлар рўй бериши мумкинлиги ҳақида фикр билдирмоқчиман.

Биринчидан. Биз Японияни тарихда биринчи марта енгдик. Бир пайтлар, қайсидир мақолани ёзаётганимда, “Японияни ютиш учун нима қилиш керак?” деган саволни ўртага ташлагандим ва жавоб ўлароқ – Японияни ютиш учун, аввал, Японияни ютишимиз керак, деган парадоксал хулоса бергандим. Айнан, мана шу жиҳатдан учинчи босқичда ушбу жамоа билан бир гуруҳда ўйнаганимиз яхши бўлди. Сўнгги босқичда, ўта муҳим учрашувда улар билан илк бора тўқнаш келишимиз мумкин эди. Ана ўшанда, бизда ғалаба қозониш учун истак кечагидан ҳам каттароқ бўлиши шубҳасиз эди. Лекин, “Ниманинг ҳисобига?” деган савол жавобсиз бўларди ва руҳан ўйинни бой берардик. Бирор нарсани биринчи марта қилиш жуда қийин бўлади, биласиз-а? Худди шу вазифани ортиғи билан бажарган кейинги авлодга камроқ эътибор берилади. Сабаби, кейингилар бу ишнинг иложи борлигини билганликлари учун ҳаракат қилишган, “биринчи”да бу имконият бўлмаганди Энди, майдондан, таркибимиздан, Япониянинг (нафақат Япониянинг) таркибидан қатъий назар, бизда ғалаба учун имконият борлигини билиб турамиз. Бу ерда имконият демайлик-да, у ҳаммада бор, айнан “Ниманинг ҳисобига?” деган саволга жавоб бўлади энди бизда. Бу кечаги уч очкодан муҳимроқ жиҳат.

Иккинчидан. Қизиқ, баъзилар японларга ғалаба керак бўлмаганини, акс ҳолда, албатта ғалаба қозонишларини айтаётганлар бор. Бундай фаразларни илгари сураётганлар футболни ҳам, японларни ҳам тушунмас эканлар. Ҳеч футбол ўйнаганмисиз? Мусобақанинг нуфузи шарт эмас. Умуман ҳатто маҳалла доирасидаги ўйинларда ҳам, ярим куч билан ўйнаш, ғалаба қозонишни унчалик истамаслик каби тушунчалар ҳақида ўйлаш кулгили. Спортчи майдонга чиқдими, бошқа қандайдир қўшимча шартлар йўқми, демак, албатта ғалаба қозониш учун майдонга тушади. Бор кучи билан ҳаракат қилади. Ўйин муҳитига кирган футболчи ёки жамоа учун ярим куч билан ўйнаш деган тушунча бўўлмайди. Умуман! Япония терма жамоасида ўйинга бўлган муносабат жиддий эди. Улар тўлиқ асосий таркибни туширдилар. Уларга ФИФА рейтинги керак эди. Умуман, улар япон, тушуняпсизми, ишга бўлган муносабат бошқача. Ўртоқлик бўладими, бошқами, майдонга тушган японнинг ғалабадан бошқа мақсади бўлмайди. Японияга очко керак бўлмаган ўйинда уларни ютдик, деб ғалабага соя солаётганлар, нега бизга ҳам уч очко керак бўлмаган ўртоқлик ўйинларидаги мағлубиятларни танқид остида оладилар? Парадокс.

Учинчидан. Биз иккинчи таркибда майдонга тушмадик. Кечаги футболчиларни иккинчи таркиб дея олмайман. Иккинчи таркиб дегани бу, бир нечта етакчи ўйинчиларсиз асосий таркиб маъносини беради. Биз кеча шунчаки йиғилган таркиб билан ўйнадик холос. Қисқа муддатда йиғилиб, ҳамжиҳат бўла олганликларига, ягона мақсад йўлида жамоа бўла олганликлариг таҳсин айтсак арзийди. Бу мураббийлар штабининг ютуғи. Ахир, бир ой олдин Шадрин кўчада Насимовни кўриб қолса, танимай ўтиб кетишига ишонаман. Нима демоқчиман?

Айнан кучсизроқ ҳисобланган тарқиб билан ғалаба қозонганимизнинг катта фойдаси бор. Абрамов терма жамоа бошқарувига келган илк кунлариданоқ, жамоада алмаштириб бўлмас футбол бўлмаслигини, ҳар қандай ҳолатда жамоа ўз футболини намойиш қила олиш қобилиятига эга эканини гапиришдан чарчамаганди. Баъзи қарорлар билан буни исботлашга ҳаракат қилган, лекин амалда исботлаш унчалик ўхшамаётганди. Айниқса, Тожикистон билан ўйиндаги сариқ карточка машмашалари қайсидир маънода мураббий учун ожизлик белгиси бўлиб намоён бўлган. Футболичларни маълум ўйинлар учун асралиши, бу йўлда қинғирроқ йўлларгача борилиши жамоанинг айнан ўша футболчиларга қаттиқ боғланиб қолганлигини кўрсатади. Кечаги ғалаба, жаҳон оммаси олдида, Ўзбекистон у даражада кучсиз эмаслигини кўрсатган бўлса, иккинчидан, ички муҳитга ижобий таъсир қилади.

Энди, ҳар қандай вазиятда, қайсидир футболчилардан ажралиб қолганимизда, бизда олдингидек “истерика” бўлмайди. Илгари, биргина Одил Аҳмедовдан битта ўйинга айрилиб қолишимиз, ярим мағлубиятни англатган бўлса, энди бундай ҳолатларни оддий қабул қила оламиз ва мисол ўлароқ Нагоя тажрибасини эслашимиз мумкин бўлади. (айнан мана шуни байроқ қилиб, терма жамоага изоҳсиз ҳар қандай футболчини “тиқиб юборавериш” ҳолатлари кўпаймаса бўлди. Футболчини “упаковка қилиб” уни сотиш мақсадида...) Йўқ, бу билан Аҳмедовсиз ҳам имкониятимиз ўзгармай қолаверади, демоқчи эмасман. Албатта, йўқотишлар термамиз ўйинига салбий таъсир ўтказиши бор гап. Лекин камида, бундай ҳолатлар бизни руҳан издан чиқармайди. февраль!

“Ниманинг ҳисобига?” деган энг мудҳиш ва пессимистик савол энди риторик оҳангда янграмайди. 

Қўшимча маълумотлар:

*1995 йили Япония футбол федерацияси ўзининг 100 йиллик тўйини нишонлаган ва спарринг рақиб сифатида ўшанда Осиё ўйинлари ғолиби мақомидаги Ўзбекистонни ўртоқлик ўйинига таклиф қилиб, 1:0 ҳисобида зафар қучганди. Биз ҳам, ўзимизнинг 100 йиллик тўйимизга, айни пайтда Осиё чемпиони мақомидаги Япония устидан қозонилган ғалабани тортиқ этдик.

*Абрамов жамоаларининг ҳимоядаги ишончсиз ўйини ҳақида гаплар юради. Лекин статистикага эътибор берсак, ҳозирда саралашда қатнашаётган унинг икки жамоаси жами 15 та ўйинда майдонга тушди ва ундан 13! тасида дарвоза даҳлсизлигини сақлай олди. 

*Афсуски, шундай ажойиб ғалабани ҳар йилини нишонлаш насиб этмас экан. 29 февраль! :)))

 

Киритилган сана: 01.03.2012 11:14. Ўкилди: 5959 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


SHAHRIXON
Сана: 14.03.2012 16:59. SHAHRIXONга ёзиш
+0; -0
Мтж Японияни ютди. Кура ташланди. Бундааай курага карар эканмиз , гурухда биринчи ёки иккинчи урин билан жч2014га чикишга кандайдир ишоняпмиз. Бу ишончга эса асосан ЯПония термасини ютканимиздан кейин эришдик деб уйлайман.хулЛАС Шундай мухитга эришдик ! "Айнан" уша галаба.

Ушбу фикрга жавобан


FUTBOLVATANI
Сана: 04.03.2012 04:44. FUTBOLVATANIга ёзиш
+0; -0
arab davlatlari termalarini qachon musulmon bowqargan

Ушбу фикрга жавобан


FUTBOLVATANI
Сана: 04.03.2012 04:43. FUTBOLVATANIга ёзиш
+0; -0
aslanov uzini fikirlariga qarshi fikr bildiribti

Ушбу фикрга жавобан


REALCHI
Сана: 02.03.2012 15:09. REALCHIга ёзиш
+0; -0
maqolaga kese maqola zo'r 4iqan Қизиқ, баъзилар японларга ғалаба керак бўлмаганини, акс ҳолда, албатта ғалаба қозонишларини айтаётганлар бор. Бундай фаразларни илгари сураётганлар футболни ҳам, японларни ҳам тушунмас эканлар. Ҳеч футбол ўйнаганмисиз? Мусобақанинг нуфузи шарт эмас. Умуман ҳатто маҳалла доирасидаги ўйинларда ҳам, ярим куч билан ўйнаш, ғалаба қозонишни унчалик истамаслик каби тушунчалар ҳақида ўйлаш кулгили. Спортчи майдонга чиқдими, бошқа қандайдир қўшимча шартлар йўқми, демак, албатта ғалаба қозониш учун майдонга тушади. Бор кучи билан ҳаракат қилади. Ўйин муҳитига кирган футболчи ёки жамоа учун ярим куч билан ўйнаш деган тушунча бўўлмайди. Умуман! Япония терма жамоасида ўйинга бўлган муносабат жиддий эди. Улар тўлиқ асосий таркибни туширдилар. Уларга ФИФА рейтинги керак эди. Умуман, улар япон, тушуняпсизми, ишга бўлган муносабат бошқача. Ўртоқлик бўладими, бошқами, майдонга тушган японнинг ғалабадан бошқа мақсади бўлмайди. Японияга очко керак бўлмаган ўйинда уларни ютдик, деб ғалабага соя солаётганлар, нега бизга ҳам уч очко керак бўлмаган ўртоқлик ўйинларидаги мағлубиятларни танқид остида оладилар? Парадокс.
-------------------------------
ayniqsa wu joyni tahlili manga juda yoqdi.qahramongayam stadion gazetasigayam omad.

Ушбу фикрга жавобан


REALCHI
Сана: 02.03.2012 15:07. REALCHIга ёзиш
+0; -0
IBRAKADABRA
----------------------------------------
zaybal balekansan4i nima san anti abramov4imisan pri4om tut evrey a?naxuy qlasan millat4ili qlb wukr qgn wu abramivdi arqasdan yaponladi yutwdi kurdin kareya kabi ku4li davlatla bn urtoqli u4rawuvla uynadin yana undan nima istesan a?jaaaa aqlli busen uzin bugn trener kegn kurasan qana kutini 4raniwini ate sanga mas naxuy uzbe futboli haqda gapiriw

Ушбу фикрга жавобан


ALMUNIYA
Сана: 02.03.2012 01:53. ALMUNIYAга ёзиш
+0; -0
бунчча абрамовга ёпишволдинглар? Бу галабада уфф футболчилар бошликлар мухлисларни умуман хамма хаммани хиссаси бор. Битта одам ютти дейиш ахмокликку!

Ушбу фикрга жавобан


ALMUNIYA
Сана: 02.03.2012 01:50. ALMUNIYAга ёзиш
+0; -0
абутурент. Мен абрамовни танкид килганим йук. Мен пастаги бази бирларни гапига айттим. Узбек узбек билан. Еврейни диб тортишиши кулгили. Еврейми африкада хам еврей. Бу гап билан уни ёмон демокчи эмас хеч ким мани тушинишим буйича.

Ушбу фикрга жавобан


ABITURIYENT
Сана: 02.03.2012 01:27. ABITURIYENTга ёзиш
+0; -0
Almuniya. Masala, yevreyligida emas. Masala, uning MTJ murabbiyi ekanligida. Bu mtjni o'zbek ham boshqardi. Hristian ham. Lekin, natijaga yevrey obordi. Dunyoning xoli shu.

Ушбу фикрга жавобан


ALMUNIYA
Сана: 02.03.2012 01:23. ALMUNIYAга ёзиш
+0; -0
галабалардан хурсандмиз. Энди ички чемпионатга хам яхширок этибор берилса яхши буларди. Шу тугрисида кахрамондан макола кутиб коламиз. Ахир пфл ни хам кучайтириш ва кизитиш керак. Масалан россияни мтж си кучайишига ички чемпионати сабабчи деб уйлайман.

Ушбу фикрга жавобан


ALMUNIYA
Сана: 02.03.2012 01:19. ALMUNIYAга ёзиш
+0; -0
кейин узбек милати еврей учун гап талашиши кулгили.

Ушбу фикрга жавобан


ALMUNIYA
Сана: 02.03.2012 01:17. ALMUNIYAга ёзиш
+0; -0
маколада айнан керакли гап лар ёзилган. Японни ютиш хаммага хам эмас. Биз эпладик. Абрамов хам яхши ишлаяпти. Лекин бир нарсани унутмаслик керак. Хал килувчи уйин эмас эди. Биз учун алббата тарихий галаба. Хал килувчи эмас.

Ушбу фикрга жавобан


IBRAKADABRA
Сана: 02.03.2012 01:10. IBRAKADABRAга ёзиш
+1; -0
BARSAREAL: Гапириб,танкид килиб тураверайлик. Хаммаси яхши кетяпти:) Бу кетишда ЖЧ га бориб колсак ажаб эмас.

Ушбу фикрга жавобан


IBRAKADABRA
Сана: 02.03.2012 01:10. IBRAKADABRAга ёзиш
+1; -0
BARSAREAL: Гапириб,танкид килиб тураверайлик. Хаммаси яхши кетяпти:) Бу кетишда ЖЧ га бориб колсак ажаб эмас.

Ушбу фикрга жавобан


ABITURIYENT
Сана: 02.03.2012 00:59. ABITURIYENTга ёзиш
+0; -0
Balki, ichki chempionat masalasida yaponlarga teng kelishimizga ancha bordir. Lekin, oxirgi termalar o'yinida teng kela olyapmiz. Kechagi o'yinda ham Toshkentdagi oyinda ham bollarni oyog'i qaltirab qolmadi. Bu narsani inkor qiganiylar bilan o'zgarib qolmaydi.

Ушбу фикрга жавобан


IBRAKADABRA
Сана: 02.03.2012 00:55. IBRAKADABRAга ёзиш
+0; -0
Тугри,мен Бобомурод акани Абрамовдан юкори куйдим. Турги,мен еврей сузини кушмаслигим керак эди. Лекин мен бу билан узбек еврейдан яхши еки фалон фистончидан яхши демокчи эмасдим. Ишонаверинг.))) Тугри,биз Японлар даражасига чикишимизга хали бор. Кушиламан. Лекин,мени айтмокчи булган гапим,термамиз уларники аллакачон билан тенглашиб эмасу,хеч булмаса уларни юта олиш даражасига етган буларди,агарда УФФ ишни тугри ташкил килганида демокчи эдим холос. Менга колса Абрамов буладими,бошкасими бизни ЖЧ га олиб чикса булгани. Уша инсон ким булишидан катъий назар унга койил коламиз албатта.

Ушбу фикрга жавобан


ABITURIYENT
Сана: 02.03.2012 00:54. ABITURIYENTга ёзиш
+1; -0
BarsaReal tortishishsin. Tortishuvlar yaxshi natija beradi. Spor rojdayet istina deyishda manga kecha. Hoziram zo'r ketvotti.

Ушбу фикрга жавобан


HEROLION
Сана: 02.03.2012 00:31. HEROLIONга ёзиш
+0; -0
IBRAKADABRA
:)))
Йук, сиз бошкача маънода кулладиз. "Бир еврейни деб" Бобомурод акага осиляпти, дедингиз - яъни бу ерда 99 фоиз шу маъноки, статус буйича Бобомурод ака устунрок - чунки у еврей эмас" деган маъно тушинилади..хар холда мен шунака тушундим..

2. Японларни давно ютиш керак эди, деб сиз айтяпсиз. Мен маколада "японларни ютиб ташайдиган давр барибир кема" деяпман. Энди булса, мени фикримни узингизга асос килиб оляпсиз.. Олдин аниклаштириб олинг - Японияни ютишга лойик булиб булганмизми хамма тарафдан? Агар "ХА" десангиз, сизга кушилмайман. Футболимиз халии ааааанча узок улардан. Агар, "ЙУК" десангиз, унда кечаги галабада тренернинг хизматини тан олишга мажбурсиз. Бир бош баланд сакраган булиб чикяпмиз. Ахир курдизу, айтайлик, 1994 да Кореяни ютганимиз даражада омадли эмасдик кеча...

Ушбу фикрга жавобан


IBRAKADABRA
Сана: 02.03.2012 00:25. IBRAKADABRAга ёзиш
+0; -0
HEROLION
2012-03-02 00:18:05
0
Иккинчидан, бошыаларга: Бу мақолага
Бобомурод Абдулланинг умуман алоқаси
йўқ.
...
Мен хам аввалига факат шундай демокчи эдим...
Блогизга эса киравераман. Айтиб куяй. Маколани зур езасиз. Сог булинг!

Ушбу фикрга жавобан


IBRAKADABRA
Сана: 02.03.2012 00:20. IBRAKADABRAга ёзиш
+0; -0
HEROLION: Миллатчи деганда мен бир юртда факат бир миллат яшашини хохловчиларни тушинаман. Гап орсида исмини айтишга эриниб гохида анави Корейс,рус деб куйиш хам мумкинку!
2. Илгари шароит булмаган булса бунга Абрамов айбдор деганим йугу. УФФ ва ОФК айбдор дедим. Яхшилаб укиб куринг.
3. Узиз хам езибсизу : "Энди Японияни ҳар доим ютамиз,
демоқчи эмасман. Иккинчи таркиб билан
ҳам Японияда ғалаба қозонадиган
даврлар келгани ҳақидаги баландпарвоз
фаразлардан ҳам йироқман, унақа эмас.
Абрамов - даҳо эмас, ўйиндан олдин унга
топширилган вазифани уддалай олди, шу
холос.

Ушбу фикрга жавобан


HEROLION
Сана: 02.03.2012 00:18. HEROLIONга ёзиш
+0; -0
Иккинчидан, бошыаларга:
Бу мақолага Бобомурод Абдулланинг умуман алоқаси йўқ. Мавзудан четга чиқманглар

Ушбу фикрга жавобан


IBRAKADABRA
Сана: 02.03.2012 00:10. IBRAKADABRAга ёзиш
+0; -0
HEROLION: Тушинарли...

Ушбу фикрга жавобан


HEROLION
Сана: 02.03.2012 00:09. HEROLIONга ёзиш
+-1; -0
IBRAKADABRA
1.миллатчиликни ёмон кураман деб, миллатини ёзищиздан ниам мантик?
2. илгари шароит булмаган булса, Абрамов причем?
3. умуман, Япония билан уйинда галаба козонганимизга олдинги тренерлар, шароитларни нима алокаси бор? хозирги шароитда любой тренер ютади, демокчимисиз? Японияда йукми шароит?

Ушбу фикрга жавобан


IBRAKADABRA
Сана: 02.03.2012 00:03. IBRAKADABRAга ёзиш
+0; -0
Миллатчини мен хам емон кураман. Агар имкон булганида Жириновскийни отиб ташлаган булар эдим.:) Абрамовни еврей десам нима бупти,хеч тушинмадим. Серверни татарин деймиз,Насимовни тожик деймиз,Сашани немис деймиз. Нима бупти? Масалан мени хам руслар узбек дейдилар. Буни емон жойини курмаяпман. Еврей деб куйса миллатчи булиб колишини энди эшитишим. Худога шукр,куп миллатли Узбекистонда катта булганман...
Уртоклик уйинлардаги натижани унчалик мухим эмаслигини,биринчи марта Абрамовдан эшитганман. Абрамов федерацияни ишлатиши эса-абсурд! УФФ хозир нима килишни жуда яхши билиб олган. Кейин,хозирги кунда ОФК хам бир мунча яхши тарафга узгарган. Буни хам инобатга олиш керак. Аваллари куп холларда ОФК белгилаган сана ва ФИФА кунлари тугри келмас эди. Косимов узбек футболига туп тепиб юрган пайтларидаек катта хиссасини кушиб куйган. Уни Абрамов билан солиштиришни узи кулгули. Уйлайманки УФФ уни МТЖ га бош мураббий этиб тайинлаб хамма екни ковун килган. Узбек футболини тирик афсонасини "улдириб" куяй дегандилар. Термадан кетмаса хам булмас эди. Чунки у танкид килишлари учун бош мураббий булмаганди. Сиз ва биздан хам купрок хохлаганди терма жамоамизни ЖЧ га олиб чикишни. Футболчилигида ушалмаган орзусини мураббий булиб амалга оширмокчи булганди. Аник айта оламанки Косимов "мужик"! У хеч качон "дух"ига синмаган,синмайди хам. Чунки у каби футболчилар узбек футболида хали бери чикмаса керак. Ха,Абрамов эса... Ха майли етар хозирча.

Ушбу фикрга жавобан


HEROLION
Сана: 02.03.2012 00:01. HEROLIONга ёзиш
+0; -0
IBRAKADABRA
очигини айтганда, сизни умуман тушунмадим. Абрамвони макташ учун асос йук экан, ёмонлаш учун асос топилиши кулгили эмасми?
Сизни факат жахон чемпионлиги кониктириши биламан. Шундай экан. унгача, фикрлариз ора сира узгариб турмагандан кейин, хадеб битта гапни кайтараверишиз ёкмаяпти. Майли, кайтаверингу, лекин бу ерда эмас.

Ушбу фикрга жавобан


ABITURIYENT
Сана: 01.03.2012 23:54. ABITURIYENTга ёзиш
+0; -0
Raulstar, dilimdagi gaplarni aytibsiz.

Ушбу фикрга жавобан


RAULSTAR
Сана: 01.03.2012 22:22. RAULSTARга ёзиш
+1; -0
Миллатчиларни жуда йоман кураман шундай нафратланаманки... Миллатчилик жамия юрагини кемирадиган к,урт. Миллатчиларни отиб ташлаш керак. Керакмас уйин эмуш! Уртокликда натижа керакми бизга? Роса танкид килдингларку. Хуп Абрамов еврей, Б. Абдулла узбек экан Абрамовчалик фойдаси тегдими футболимизга? Уша евреймасми мадхия айтишни ургатган? Шаройтми? Абрамов ишлата олаяпти федерацияни шу холос. Шуунчаа танкидга хам чидаб индамай ишини килиб юрибти уша еврей. Ростини айтайми? Косимовни азгина танкид килгандик духи етмай термадан кетди... Шу ватанда яшаб, шу ватан учун хизмат килар экан у хам узбек, миллатидан катъий назар.

Ушбу фикрга жавобан


IBRAKADABRA
Сана: 01.03.2012 21:54. IBRAKADABRAга ёзиш
+1; -0
Тавба-тавба! Причем тут Бобомурод ака?! Нима энди Абрамовга хеч ким гапирмаслиги керакми? Ким узи у Арамов? Оддий бир мураббий! Нима бупти биз ютсак? Ютибмизда энди. Кераксиз уйиндаги кераксиз очко. Бу билан ЖЧ га бориб колмадикку. Айримлар эса шу оддий галабани,аникроги бир еврейни деб, Бобомурод акага осиляпти. Тушинмай коласан одам. Термамиз ютибди,юравармайдиларми байрамини килиб. Японларни эса аллакачон ютишимиз керак эди. Факат шу пайтгача УФФ терма жамоамизга етарлича эътибор каратмаган холос. У пайтдаги мураббий ва футболчилар,хозиргидек ойлаб йигинларни тушларида хам курмас эдилар. Мураббийларни тушинарсиз ракировкалирини эса гапирмаса хам булаверади. МТЖ таркибида кандай уйинчилар уйнамаганди-я... Афсус.

Ушбу фикрга жавобан


ABOMUSLIM
Сана: 01.03.2012 21:10. ABOMUSLIMга ёзиш
+0; -0
Ман Бобомурод Абдуллага умуман тушунмайман?!! Нима кераги бор бунча Вадим Абрамовга ёпишиб олишни. Ёки шахсий адовати борми? Кечаги ҳалабада Абрамовнинг ҳиссаси баланд. Агар фоизда кўрсатиш керак бўлса 50 дан юқори!!! Келинглар тан олайлик Қосимов даврида ҳам Копа, Сервер,Одиллар жуда яхши формада эди. Лекин Миржалол уларни ўйнатолмади. Агар кеча Японияга ютқазганимизда ҳам Абрамовдан хафа бўлмасдим. Чунки Абрамов ишини билиб қиляпти. Фақатгина Ироқ билан ўйинда хатога йўл қўйди. Лекин буни унинг ўзи яхши тушунди менимча. Худо хохласа 14 март куни БААни янчиб ташлаймиз. Мен шахсан бунга ишонаман!!

Ушбу фикрга жавобан


PREMIER
Сана: 01.03.2012 20:50. PREMIERга ёзиш
+1; -0
Қосимовдан кейин Абрамов даврида ОТЖ ва МТЖларимиз жами бўлиб 20 та расмий ўйинларда майдонга тушиб, бор йўғи 3 марта мағлубиятга учрабди холос. Тўғри ўша 3 мағлубиятда унинг ҳам айби бор. Лекин ғалаба қозонган ўйинларимиздан кейин ҳам айрим муҳлислар томонидан Абрамовнинг шахсиятига тегиб танқид қилиб, ишонмасликда давом этишмоқда. Ўзи ўша танқид қилувчи айрим кимсаларга кимдир ишонадими???
Абрамов жамоаси кўрсатаётган ўйинни танқид қилайлик, таркибни танқид қилайлик, тактикани танқид қилайлик лекин унинг шахсиятини эмас!
Шахсан менда Япония билан бўлган кечаги ўйинга умуман эътирозим йўқ! Буни хаттоки "кўпни кўрган" Заккерони ҳам тан олди.
Ғолиблар танқид қилинмайди!

Ушбу фикрга жавобан


ABDULAZIZ
Сана: 01.03.2012 20:17. ABDULAZIZга ёзиш
+0; -0
Бирор нарсани биринчи марта қилиш жуда қийин бўлади, биласиз-а? Худди шу вазифани ортиғи билан бажарган кейинги авлодга камроқ эътибор берилади. Сабаби, кейингилар бу ишнинг иложи борлигини билганликлари учун ҳаракат қилишган, “биринчи”да бу имконият бўлмаганди

***********************

Айнан мана шу сўзларни тополмаётгандим гапириш учун. Термамиз уддалади! Биринчи маротаба!

Ушбу фикрга жавобан


RAULSTAR
Сана: 01.03.2012 19:30. RAULSTARга ёзиш
+0; -0
Ютган**

Ушбу фикрга жавобан


RAULSTAR
Сана: 01.03.2012 19:29. RAULSTARга ёзиш
+0; -0
Билмасдан гапирманг жаноб SKYWORTH! Ятган уйинларимизда мактаб, ютказганимизда жим туришни афзал билганман. Бошкалар каби тилимга эрк берганим йук...

Ушбу фикрга жавобан


FORLAN
Сана: 01.03.2012 19:25. FORLANга ёзиш
+0; -0
Аслида Бобомурод Абдулланинг маколалари мувозанатни саклаш учун ёзилган. Унинг узи хам бунака ишлар булишига ишонмайди. Агар худо курсатмасин БАА га ютказиб куйсак, ёки дуранг уйнасак купчилик Б.А тугри ёзган деб уйлайди ва Абрамовни сукишни бошлайди. Хамма айб биз мухлисларда жуда эмоциялимиз, бир галаба учун осмонга чикарамиз, бир маглубият учун ер билан яксон киламиз. Б.А танкид учун мавзу топа олмай кийналишини тилаб коламан:)

Ушбу фикрга жавобан


SKYWORTH
Сана: 01.03.2012 19:00. SKYWORTHга ёзиш
+0; -0
Булар хозир Бобомуродни ёмонлаяпти.Худо курсатмасин, эрта-индин хар доимгидай ЖЧ чикишдан махрум булсак,Абрамовни ёмонлашади.

Ушбу фикрга жавобан


RAULSTAR
Сана: 01.03.2012 18:47. RAULSTARга ёзиш
+0; -0
Хеч кимни хакорат килиш ниятим йук. Бир купол мисол келтирсам. Масалан ит худа бехуда акиллайверса асабиз бузиладими, бориб овозини учирасизу. Ит хам тилга кириб "мен оилангизни кургаяпман, жиноятчилар келмаслиги олдини олаяпман" деса хам уч-э деймизми? Бу ерда хам шунака асоссиз танкид. Японияни ютдик, худо хохласа БААни хам ютсак Б.А нима деган одам булади??? Ха деб асоссиз танкид роса жонга тегди. "Утган сафар майдонда эмас, майдон ташкарисида ютказдик. Бу сафар хам шу хатони такрорлашни истамайман" бу Абрамовдан иктибос. Шу холатда хам БААга уйинни сотиш... ????

Ушбу фикрга жавобан


BIGBON
Сана: 01.03.2012 18:09. BIGBONга ёзиш
+0; -0
Б А мақоласида асос келтириб ўтмаган ўзи таъкидлаб ўтганидек фантастик тахмин.

Ушбу фикрга жавобан


RAULSTAR
Сана: 01.03.2012 18:00. RAULSTARга ёзиш
+0; -0
Тахмин асосли булмаса бу курук САФСАТА.

Ушбу фикрга жавобан


BIGBON
Сана: 01.03.2012 17:52. BIGBONга ёзиш
+0; -0
Кўпчилик Б.Абдуллага осилишда давом этмоқда лекин кеча МТЖ ғалаба қозонганида Бобомурод ака бизданда кўпроқ хурсанд бўлганига ишонаман .Нима қилсин ҳар эхтимолга қарши ўйиндан олдин тахминини айтиб огохлантириб қўйдида .

Ушбу фикрга жавобан


ABITURIYENT
Сана: 01.03.2012 17:30. ABITURIYENTга ёзиш
+0; -0
Kuldashev. Gumon iymondan ayiradi. Shuncha odam Abramovga ishonib turganida hammaning ko'ngliga g'ulg'ula solishni nima deb hisoblaysiz. Yana aniq bo'lmagan homaki gumonlari sababli. Aksiga, ko'pchilik buni haqiqat deb qabul qiladi. Ana OAV da e'lon qilindiku

Ушбу фикрга жавобан


HEROLION
Сана: 01.03.2012 15:43. HEROLIONга ёзиш
+0; -0
KULDASHEV
http://www.uff.uz/blogs/author/herolion/articles/1276

ха уша макола экан..

Ушбу фикрга жавобан


RAULSTAR
Сана: 01.03.2012 15:42. RAULSTARга ёзиш
+-1; -0
Бу "нимадир"ларимиз "Абрамовнинг ковунлари" га карата айтаяпмиз! Худо хохласа БААни ютсак (менимча 2-1) ушанда яна бир бора Б. Абдуллага шахсан менинг "нимадир" дейишим аник! ))))

Ушбу фикрга жавобан


KULDASHEV
Сана: 01.03.2012 15:38. KULDASHEVга ёзиш
+3; -0
Акалар, Бобомурод Абдуллага карата нимадир дейишга хали эрта. Чунки у киши олимпиачилар хакида бир нарсалар деди. Абрамовга карата киладиган умумий танкидлари борасида эса бир нарса деёлмайман. Лекин силар уша Тотализатор мавзуси буйича у кишини эслаётган булсаларинг бироз шошилманглар, 14-мартдан кейин нима десаларинг дейсизлар.

Маколага келсак, Кахрамон акани японлар билан сентябрдаги уйинимиздан олдин ёзган "Бизнинг gаrrа" маколаларидаги муддаога кеча эришдик.
"Биз Японияни тарихда биринчи марта енгдик. Бир пайтлар, қайсидир мақолани ёзаётганимда, “Японияни ютиш учун нима қилиш керак?” деган саволни ўртага ташлагандим ва жавоб ўлароқ – Японияни ютиш учун, аввал, Японияни ютишимиз керак, деган парадоксал хулоса бергандим." Мана шу сузлар хам айнан уша маколангизда келтирилган эди а, адашмасам?

Ушбу фикрга жавобан


JENTELMEN
Сана: 01.03.2012 14:37. JENTELMENга ёзиш
+0; -0
кахрамон ака сиздан илтимос реал ва барса хакида маколалар йозиб туринг

Ушбу фикрга жавобан


RAULSTAR
Сана: 01.03.2012 13:50. RAULSTARга ёзиш
+0; -0
Хаммамиз излаяпмиз у акани ))))
Жиддий гапирадиган булсам Б. Абдуллани Абрамовда кандайдир гарази бордай. Балки Абрамов Локода пайти Хоразмни нохак ютгани учундир?! (узр энди шунака шубха пайдо буладида.) агар чиндан хам термамизни кайгуриб йозганида, кеча чикиб "узр озгина оширворибман" дерди...э хуллас оддий халк сизларга "трали-вали-мас. Журналистика сохасида ГИППОКРАТ касами борми йукми билмайман, билганим терма никоби остида Абрамовдан аламини олишга каршиман. Шахсан мен учун ТЕРМАЛАРИМИЗ олдида клубларимиз ахамиятсиз. Олга Узбегим.

Ушбу фикрга жавобан


JANUB
Сана: 01.03.2012 13:40. JANUBга ёзиш
+0; -0
Б. Абдуллани курмадингларми?

Ушбу фикрга жавобан


RAULSTAR
Сана: 01.03.2012 13:28. RAULSTARга ёзиш
+1; -0
Сарлавхани укиб ковунсотар... Э узр, Б. Абдуллани маколасими дебман )) умуман олганда хар доимгидай мени дилимдагини йозибсиз! Японларни ютдик энди навбат Австралия Ж. Кореяга! Абрамовга соглик тилайман...

Ушбу фикрга жавобан


MEDIK
Сана: 01.03.2012 13:10. MEDIKга ёзиш
+0; -0
MUNISga
bu maqolada tanganing qaysidir tomonidagi rasmlarga emas balki,wu tangaga nima sotib oliw mumkinligi haqida yozilgan.
To'g'rimi Qahramon aka?

Ушбу фикрга жавобан


MEDIK
Сана: 01.03.2012 13:02. MEDIKга ёзиш
+0; -0
Har doimgiday ajoyib.Agar mumkin bo'lsa wu g'alabani yana bir foydasini aytsam.Bo'lajak raqiblarimiz duhiga o'tirawadi,biz bilan o'yindan oldin.Huddi biz oldin Yaponlardan qo'rqqanimiz kabi.1-bolib kim o'tirdi bilaslami.Menimcha, BAA.Bu o'yinni foydasini 14-da koramiz.Hudo hoxlasa.

Ушбу фикрга жавобан


MUNIS
Сана: 01.03.2012 12:49. MUNISга ёзиш
+0; -0
пишик макола яна танганинг 2 томони хам обдон куздан кечирилган омад!

Ушбу фикрга жавобан


PLANUS
Сана: 01.03.2012 12:32. PLANUSга ёзиш
+1; -0
ажойиб макола, уз услубида, факат бу купрок сарой шоири холатини эсга солади, энг асосийси барча доводлар асослаб берилган.
Филипосянни ёмонлаб бошлаганлар кечаги учрашувда бахо бериб булишди, хайронман ниманинг эвазига биз 15 учрашувнинг 13 тасида дарвоза дахлсизлигини саклай олдик?
Ирок ва Япония бизга учта гол уришди. тахлил килишга хам акл керак экан, шу хисобда Кахрамон акага катта рахмат.

Ушбу фикрга жавобан


YAHYOHON
Сана: 01.03.2012 12:04. YAHYOHONга ёзиш
+1; -0
ANTIVIRUS | 01.03.2012 11:42
0
Рахмат, анти Абрамовчиларни юзи ёруг булди :)
___________

АНашу Абрамовчи билан Анти Абрамовчи нима дегани хеч тушунмайман?

Ушбу фикрга жавобан


ANTIVIRUS
Сана: 01.03.2012 11:42. ANTIVIRUSга ёзиш
+0; -0
Рахмат, анти Абрамовчиларни юзи ёруг булди :)

Ушбу фикрга жавобан


KIMSANBOY
Сана: 01.03.2012 11:41. KIMSANBOYга ёзиш
+0; -0
Абрамов бизни улкада, биз мухлисларга бошкача футбол хавосини тухфа этишда давом этяпти, давомийлиги тугамасин

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.