Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

Қоч, Жамшид, қоч!

Баҳо:
+3; -0

 

“Мен зўр диллерман. Автомашина сотаман!”

“Зўр машиналар сотасанми? БМВ борми?”

“БМВ ни аҳмоғам сотишни билади. Мен ВАЗ сотаман” (“КВН”дан)

Мана шу ҳазил билан сарлавҳани боғлаб, мени ўзбек футболчиларини камситишда айбламанг. Аслини олганда ҳам, Европада ўзбекистонлик футболчиларга бўлган талаб биз истаганимиздек, ёки биз “аслида шундай бўлиши керак” деб ҳисоблайдиган даражада яхши эмас. Нега Англияда корейслар ёки Германияда японлар кўпайиб кетаётганининг тизимли изоҳини билмаганим учун, барчасини воқеалар кетма кетлиги билан боғлашим мантиқлироқ. Яъни аввал, бир нечта ходиса рўй беради, масалан, бир ёки бир нечта юртдошимиз Европада муваффақият қозонади.

Ана ундан кейин, футболчиларимизга жиддийроқ қарашлар пайдо бўлади, агентларимизга ҳам осон бўлади ва ҳоказо. Ёшларимизнинг жаҳон чемпионатида қатнашишлари, у ерда ўзларини яхши томондан кўрсатишлари - бу ярим мол ҳам эмас, восита холос. Барибир, юқорида айтганимдек, аввало бир нечта конкрет мисолларга эга бўлишимиз шарт.

Муайян мисолларга эга бўлишимиз учун эса тизимдан кўра ёрқин талантларга эхтиёж сезамиз. Масалан Одил Аҳмедов АПЛни забт этади ёки Денисов “Локомотив” даражасидан сакраб, Бундеслигадаги ёрқин футболчилардан бирига айланади. Ёки Жамшид Искандаров қайсидир жамоанинг назарига тушади ва...

Ҳа, Жамшид Искандаров иложи борича бу ердан кетиши керак. Бир қанча тўсиқлар борки, уларни бу ерда туриб забт этиб бўлмайди ва бир кун Жамшид Искандаровдан Шерзод Каримов қолишини истамасдим.

Биринчидан, ПФЛда энг юқори амбицияга эга бўлган клублар йўқ. Шошманг, “Бунёдкор”  ҳар йили ОЧЛ ни олишга ҳаракат қиляпти-ку, деманг. Фозил Мусаевнинг клубни тарк этганининг ўзиёқ кўп хулосаларга сабаб бўлиши мумкин. Ёш, иқтидорли, умидли ва жамоада муайян ўрнига эга бўлган футболчининг ушлаб тура олмаслик ўша клуб амбицияларининг ўша футболчи даражасидан паст эканини билдиради. Ахир Мусаев Европага эмас, Осиёга, яъни кўпи билан ўша “Бунёдкор” қатнашадиган турнирда ўйнайдиган жамоага йўл олди. Айтмоқчиманки, Жамшид Ўзбекистондаги мана бу жамоага ўтса, яна ўсиши мумкин, деган фикрни ҳар қанча уринсам ҳам асослай олмайман.  “Пахтакор”нинг ҳозирги ёшлари бир неча йил ўтиб, халқаро майдонда барчани тиз чўктиради, деган гап эса, “Насияга эртага келинг” деб пештоғига ёзи қўйгшан дўконни эслатади - “Совринлар учун келаси йили курашамиз!”

Энг юқори мақсади Ўзбекистон олий лигасида ғалаба қозониш бўлган бу клубларда футболчи биз кутган даражага эриша олмаслиги тайин. Ҳа, Одил Аҳмедовни мисол келтиришингиз мумкин, у ҳақида пастроқда гаплашамиз.

Иккинчидан, ПФЛ даги мураббийлар даражаси. 2002 йилда “Пахтакор” Ўзбекистондаги энг иқтидорли ёш футболчиларни йиғиб олганди. Уларга мураббий этиб эса Тожмурод Агамуродов тайинланган. Айнан ушбу мураббийнинг юқори савиядаги ишлари туфайли биз ҳатто ҳозиргача терма жамоамиз ўзагини ташкил қилиб келаётган футболчиларга эга бўлдик. Гейнрих, Кападзе, Жепаров, Кошелев, Николаев, Бикмаев ва бошқа футболчилар футбол ўйнаш билан бирга ўсиб бордилар.

Кучли таркибга эга булиб ҳам натижага эришиш мумкин, тўғрими? Кўп тортишиб қолинади, фалон жамоа шундоғам кучли, мураббийсиз ҳам чемпион бўлиши мумкин. Бир қараганда тўғри гап, агар топ жамоалардаги мураббийнинг ишига баҳо беришни истасак, таркибдаги футболчиларнинг ўсиб боришига аҳамият қаратишимиз керак бўлади. Бу ерда муҳим савол шу: Жамоа кучли таркиб бўлгани эвазигагина бошқаларни ютяптими ёки мураббий ушбу таркибдан максимал даражани тақдим эта оляптими? Яъни мураббийнинг асосий фазифаси таркибдаги футболчилардан максимал фойдалана олиши. Ҳар бир футболчининг ютуқ ва камчиликларига тўғри баҳони бериб, ютуқларини ошириб бориши ва камчиликларининг ўйинга таъсирини камайтириб боришидир. Мисол учун ўша Агамуродов “Нефтчи”да ҳужумчи бўлган Кападзедан ажойиб марказий ярим ҳимоячини яратди ва ҳоказо.

Хўш, сўнгги йилларда, ўша Сколари давридан буёғига, бирор футболчи маълум даражада давомли ўсиш суръатига эга бўлиб бормоқдами? Ким? Ўша терма жамоага сакраб кириб келган футболчилар ҳам давомига тўхтаб қолишяпти, тўғрими? Демак бизда у ёки бу футболчидан максимал фойдаланишга эхтиёж ҳам, ўқув ҳам йўқ.

Учинчидан, тактик омил. Жамшидда дриблинг бор, деймиз. Қанчадир вақтгача бундан завқ оламиз. Вақти келадики, рақиблар уни яхшироқ қўриқлашади. Кўпчилик бўлиб тўп учун курашишади ва бир кун келиб бу дриблингдан асар ҳам қолмайди. Қаранг, Мессининг дриблингларидан, Роналдунинг тезлигидан ҳайрон қоламиз. Лекин биласизми, бу дриблинг ва тезлик ортида катта мураббийлик меҳнати ва жамоавий тактик ҳаракатлар ётибди.

Месси қандай қилиб ҳалигача ҳаммани алдаб юрибди? Месси тўпни олиши билан унинг жамоадошларига эътибор беринг. Аввалига унинг ҳаракатлари учун “коридор” очилади. Кейин жамоадошлар шундай ҳаракатланишадики, Мессининг ҳар бир қадамида тўпдан ажралиш учун вариант бўлади. Яъни тўп билан олдинга ҳаракатланаётган Месси исталган пайтда тўпни шеригига етказиб бериши мумкин. Учбурчак ҳолатида футболчилар Месси билан бирга олдинга ҳаракат қилишади ва давомли тарзда ўзларини таклиф қилиб боришади. Албатта, буни ҳимоячи ҳам сезади ва бир хаёли билан Мессининг пас бериши ҳақидаги вариантни ҳам йўқотишга интилади. Месси эса ҳаракатда давом этади.

Яъни замонавий футболда дриблинг бу - рақибни ё ўнга ёки чапга алдаб ўтишдангина иборат эмас. Бу икки вариантдан ташқари орқага, ёнга, олдинга, пастлатиб, юқорилатиб пас бериш ёки дарвозага зарба бериш вариантлари бўлади. Ҳужумчи ўша икки вариантдангина эмас, камида тўрт-беш вариантдан бирини танлаши дриблингнинг давом этишини таъминлайди, ҳимоячилар имкониятини чеклайди. Акс ҳолда икки ҳимоячи бемалол, ҳар қандай дриблёрдан тўпни олиб қўйиши мумкин. Бемалол!

Роналдунинг тезлиги ҳақида ҳам шу гап. Агар жамоавий ҳаракатланиш орқали каттароқ бўш зона очиб берилмаса, ўша тезликдан умуман фойда йўқ, шундайми?

Демак, Жамшиднинг ўсиб бориши учун фақат индивидуал маҳорат ёки машғулотлар эмас, атрофдаги жуда кўп шароитларнинг мавжуд бўлиши ҳам муҳим аҳамият касб этади ва унинг терма жамоамиз етакчиси бўладиган даражага чиқиши учун Олий лигамиз ўйинлари мос эмас.

Ҳа, Одил Аҳмедов ҳам каттароқ ёшга етгунча “Пахтакор”да ўйнади, кейинчалик МТЖда ўзини кўрсатибгина, кучлироқ чемпионатга йўл олди.

Нега энди Жамшид унинг йўлидан бора олмас экан?

Бора олмайди! Қаранг, Одил Аҳмедовдан олдин шунақа ҳолат кузатилганми? Йўқ! Ўзини кўрсатган бошқа легионерларимиз Максим Шацких ҳам, Виталий Денисов ҳам, Санжар Турсунов ҳам, Илёс Зайтуллаев ҳам миллий чемпионатимизда деярли ўйнашмаган. Аҳмедов узоқ вақт, камида 3-4 йил бир маромда ўсиб борганининг асосий сабабларидан бири, унинг омадли вақтга тўғри келиб қолганлигидир. Чунки 2008-10 йилларда ички чемпионатимизда ўсиш кузатилди. Жуда юқори амбицияли клуб “Бунёдкор” бор эди. Одил у ерда ўйнамаган бўлса ҳам, “Пахтакор” айнан ўша жамоага мос тарзда ўз олдига юқори мақсадлар қўйди, ўша жамоа билан курашди. Албатта, Аҳмедовнинг профессионал эканига, ўз олдига катта мақсадни қўйиб, оғишмасдан ҳаракат қилганига таҳсин айтсак бўлади, аммо у яна икки йил қолганида, у ҳам бир жойда тўхтаб қолган бўларди, менимча.

Ўша 2-3 йиллик даврда фақат Одил эмас, бошқа футболчилар ҳам савия жиҳатидан озми-кўпми ўсиб боришган. Ўша рақобат, ўша амбициялар, ўша шароит ҳозир Жамшидда йўқ.

Бошқа тарафдан олсак, Одил Аҳмедов ўз вақтида чет элга кетди, деб ҳисобламайман. Аслини олганда у ҳам кеч қолган, назаримда. “Арсенал” ёки бошқа Европа жамоаларинг қизиқишлари ҳақида ҳар қанча гапирмайлик, вазиятга реал қараш керак. Аҳмедов энди Россия чемпионатидан юқорига сакрай олмайди. Келаси йили у 28 ёшга киради. Айтингчи, Европада бу ёшдаги футболчиларга қай даражада эътибор берилади? Ҳатто ўша ёшгача топ даражада ўзини кўрсатган бўлса ҳам, эътибор камайиб боради-ку?! Агар Одил ҳеч бўлмаса икки йил олдин Россияга кетганида, ҳозир у анча юқорироққа чиқиши мумкин эди.

Хулоса қилиб айтганда, Жамшид Искандаровга мос клуб топишни кечиктирмасдан бошлаш керак. Бу ерда совчи клубнинг футболчига бўлган реал муносабати ҳам муҳим аҳамият касб этади. Ҳа, яхши футболчи экан, машғулот қилиб турсинчи, ўзини кўрсатсин, фойдаси тегиб қолар, қабилидаги муносабатга учраган жуда кўп футболчиларимиз оқибатда захирага михланишган. Жамшиддаги иқтидорни қадрлаб, у билан ишланса, клуб учун  жуда фойдали топилма бўлишига ишонган жамоа бўлса, жуда яхши бўларди. Фикримча, Мессининг шу даражага чиқишига клуб ва мураббийнинг унга бўлган муносабати катта аҳамият касб этган. Ҳа, у талант, лекин шу талант ҳам  бошқа мураббий қўл остида Роналдиньонинг ёки Златаннинг соясида қолиб кетиши ва шунчаки “бир Кркич” бўлиши мумкин эди холос. Балким... 

Сарлавҳадаги мурожаатим, “Пахтакор” клубига эмас. Клуб ўз манфаатини ҳимоя қилади. Кучли футболчидан осонликча воз кечишни истамаслиги ёки каттароқ пул кутиши табиий. Умуман, ҳеч қайси клубнинг мақсади “ёшларни кучли жамоаларга ўтиб кетишини таъминлаш” бўлмаслиги керак, буни талаб қилишга ҳеч кимнинг ҳаққи йўқ. Менинг мурожаатим футболчининг ўзига ва клубнинг эмас, футболчининг манфаатларини ўйлаши шарт бўлган агентига!

Келаси йили 22 ёшгача бўлганлар ўртасидаги Осиё чемпионати, яъни олимпиада саралаш ўйинлари бўлиб ўтади. Омадимиз келса, 2016 йилдаги олимпиадада юртдошларимиз ҳам қатнашиши, у ердаги асосий қаҳрамонлардан бири Жамшид Искандаров бўлишига ишонгим келади. Лекин, у пайтга келиб, Жамшиднинг ёши Роналду  ёки Месси “Олтин тўп” олгандаги ёшига етиб қолган бўлади.

Футбол совчилари эса, худди ўзимизнинг ўзбек совчилари каби, йилдан йилга ёшроғини қидиришмоқда... Ўтириб қолма!

Киритилган сана: 28.08.2013 16:27. Ўкилди: 8637 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


RESPECTUZ
Сана: 12.09.2013 21:52. RESPECTUZга ёзиш
+0; -0
Имкониятим булса эди углимни канакадир Пахтакор ёки Бунёдкор академиясидамас, Аякс, Реал Мадрид, Барселона ёки Челси академиясида укитган булардим. Узимиздаги икки мана шу "гранд" жамоа академияларига укишга кабул килишни узига аввало "шапка" тулаш керак экан. Фарзандингиз академияга кабул килиган такдирда хам уни дарров химоячи ёки дарвозабон килиб куйишади, чунки ярим химоя ва хужумда "кимларнидир" эркатойлари туп суришади. Эплаб пас беролмайдиган ёки эплаб гол уролмайдиган. Окибатда чемпионатимизда бутун чемпионат давомида атиги 1-2 та гол урадиган хужумчи Камолиддин Мурзоевлару, маймунларча килик курсатадиган дарвозабон Темур Жураевлар пайдо булади. Эх, болам-а, пешонангга битилгани шу булмасинда деб куясан

Ушбу фикрга жавобан


BURGUT
Сана: 03.09.2013 15:41. BURGUTга ёзиш
+0; -0
Doimgde bu Maqolaniyam o`zimizdan boshqa xech kim o`qimedi (aniqrog`i yetib bormedi) Afsus.........

Ушбу фикрга жавобан


TDAVRON
Сана: 29.08.2013 19:12. TDAVRONга ёзиш
+0; -0
Одил хам анжидан кетиши керак!!! Ана
габулову,ионову, Самбалар хам
кетибди .Кискаси команда пердивники
булиб колди.Усиш деган нарса
булмайди.

Ушбу фикрга жавобан


COBBOY

Сана: 29.08.2013 15:35. COBBOYга ёзиш
+0; -0
жамшид хам шерзод болиб колади корасила. Бизани очкоз кулубларимиз тоймиди.

Ушбу фикрга жавобан


TAJRIBA
Сана: 29.08.2013 15:24. TAJRIBAга ёзиш
+0; -0
ТИМРА.

Кизиксиз-эй, "Анжи"га кетиш учун реальный шанс булса, термада хали тажрибаси булмаса, конечно "Анжи"га курикка олиб боради. Косимов хам, Усмонов хам добро берган булиши хам мумкин. "Анжи"га урнашиб олса, термага так и так чакирилади кейинчалик.

Ушбу фикрга жавобан


HEROLION
Сана: 29.08.2013 12:09. HEROLIONга ёзиш
+0; -0
Манга жуда катта бахо бериб юборибсиз. Мақолани анча аввал бошлаганимга гувохларим бор. Хаммани узизга ухшатманг :))

Ушбу фикрга жавобан


TIMRA
Сана: 29.08.2013 11:19. TIMRAга ёзиш
+1; -0
Бу мақола бежизга ёзилмаган. Муаллиф Қ. Асланов матераилни нима сабабдан ёзганини очиқламаган. Мақолани ёзишга туртки бўлган воқеа эса қуйидагича: кеча, 28 август куни, йиғин бошлаган терма жамоамиз сафига Жамшид искандаров ҳам чақирилиган. Лекин Жамшид Искандаров терма йиғинига келмаган, чунки "Пахтакор" вице-президенти Самвел Бабаяннинг талаби билан Маҳачқалъанинг "Анжи"сига кўрикдан ўтишга олиб кетилган. Футболчини Бабаяннинг ўзи олиб кетган Маҳачқалъага. Терма йиғинига чақирилган Искандаровни йиғинга қўйиб юбормай, Россияга олиб кетган Бабаян кимдан рухсат олиб шундай қилган: Қосимовданми ёки М. Усмоновданми? Маълум бўлишича, МТЖ бош мураббийи бу ҳақида огоҳлантирилмаган. Балки, Бабаян Усмоновнинг ўзидан рухсат олиб шундай қилгандир. Нима бўлган тақдирда ҳам, клуб ва футболчини трансфер қилиш мақсадларини терма мақсадларидан устун қўйиш яхши иш эмас. Боз устига МТЖ бош мураббийидан ҳам изн сўралмаган. Бу ҳолат Қосимовга нисбатан ҳам, термага нисбатан ҳам ҳурматсизлик белгисидир. Кимда ким ушбу хабарга ишонмаса, куни кеча сайтда чиққан хабарлардан термага кимлар чақирилгану, йиғинда кимлар иштирок эта бошлаганини яхшилаб кўрсин. Машғулотларда иштирок қилаётганлар ичида Ж. Искандаров йўқ. Ваҳоланки, у йиғинга чақирилган. Йиғин ҳақидаги бугунги хабарда ҳам Жамшид искандаров исми ҳам, расми ҳам йўқ. "Пахтакор" фанатлари: "Нега Искандаров миллий термага чақирилмаяпти?!" деб ҳамма ёққа жар солишганди. Мана, Искандаров чақирилди, ҳатто Иорданияга қарши ўйинга тушиш шансига ҳам эга бўлди, лекин машғулотларга келмади. Ўз ихтиёри билан эмас, Бабаянинг ихтиёри билан. Бу ерда Жамшидда айб йўқ, ҳамма айб "Пахтакор"нинг "жонкуяр менежери"да! ПФЛ Регламенти бўйича эса, футболчини терма йиғинига қўйиб юбормаганлик учун "Пахтакор"га катта жазо чоралари кўрилиши лозим. Лекин амалда фақат оддий ўзбек клубларига нисбатан ишлайдиган ПФЛ Регламенти бу сафар "Пахтакор"га нисбатан ишлармикан? Ишониш жуда қийин.

Ушбу фикрга жавобан


AKMALFCB

Сана: 29.08.2013 11:02. AKMALFCBга ёзиш
+0; -0
бизда у ёки бу футболчидан максимал фойдаланишга эхтиёж ҳам, ўқув ҳам йўқ. Haq gap. Bizda futbolchilardan unumli foydalana olishmaydi. Nasaf o'yinchisi Gadoevning Man utd dagi Valenciadan qayeri kam. tezlik bor. talant bor. lekin o'sish uchun muhit va kuchli trenerlar, va kuchliroq chempionatda o'ynashi zarur. Shoxrux Gadoev hali yosh, yana 3-4 yil Nasafda o'ynab yuruvrsa shunchaki Gadoev bo'lib qolaveradi

Ушбу фикрга жавобан


DEUTSCH
Сана: 28.08.2013 23:11. DEUTSCHга ёзиш
+0; -0
Хозирча бизда Европага олиб борадиган иккита эшик бор:Россия ва Козогистон.

Ушбу фикрга жавобан


SAFARALI
Сана: 28.08.2013 23:10. SAFARALIга ёзиш
+0; -0
Buning uchun chempionatimiz saviyasini ko'tarish kerak. Chet elda kamolga yetish baribir mushkul.

Ушбу фикрга жавобан


SAFARALI
Сана: 28.08.2013 23:10. SAFARALIга ёзиш
+0; -0
Buning uchun chempionatimiz saviyasini ko'tarish kerak. Chet elda kamolga yetish baribir mushkul.

Ушбу фикрга жавобан


JEPAROV
Сана: 28.08.2013 22:30. JEPAROVга ёзиш
+0; -0
osmirlardi sotish kerak shukurov,turopovlardi

Ушбу фикрга жавобан


TDAVRON
Сана: 28.08.2013 22:00. TDAVRONга ёзиш
+0; -0
Ўйинчиларимиз Европа клубларида ўйнаши учун аввало МТЖ миз Жч нинг финал босқичига мунтазам чиқиши керак .Ана ўшанда ўртоқлик учрашувлари утгазишга хам муаммолар бўлмайди. Ана ўсмирларимиз , ёшларимиз Жч нинг финал босўичига мунтазам чиқиб тургани учун улар билан ўртоқлик учрашувлари ўтқазиш учун манаман деган термалар керак бўлса ўзлари Тошкентга келишяпти ёки бизникилар бориб Испания, Чили, Австриялар билан ўйнашяпти!!!

Ушбу фикрга жавобан


TDAVRON
Сана: 28.08.2013 21:50. TDAVRONга ёзиш
+0; -0
Масалани иккинчи тарафи бор!!! Пфл да футболни савияси тушиб кетяпти, стадионга мухлислар кам тушадиган бўлиб кетяпти деб бонг урамиз!!! Чемпионатимизда сал пичоққа илинадиган ўйинчи чиқиб қолса дарров чет элга, кучлироқ чепионатга ўтишига маслахат беришни бошлаймиэ.Бизчи!!! Бизни чиройли, кучли ўйинчиларни ўйинини кўришга хаққимиз йўқми!!!Футбол- халқ учун!!! Мана пастда бир юзер Жамшидни ўйинини кўраман деб Пахтакор ўйинини кўришга аҳд қилибди.Уям кетса кимни ўйинини кўраман деб стадионга тушади.Спорт каналимизни аҳволини кўриб турибсизлар. Европа футболи у ёқда турсин , ўзимизни футболниям эплаб олиб беролмаяпти. Кубок бахсидаги Бунёдкор-Локомотив ўйинини олиб беришмадиям.Хуллас аввало ўзимизни қадримизга етайлик!!!

Ушбу фикрга жавобан


FUTBOLVATANI
Сана: 28.08.2013 21:19. FUTBOLVATANIга ёзиш
+-1; -0
Bizda qogan davlatlarga qaraganda yoshlardi govda jismoniy jihatdan juda nimjon buni jahon osiyo chempionatlarida yaqqol korsatub qoyabti texnika joyida bizi oyinchilarda shu fizik jixatdan ancha kuchsizda
Och qoringa futbol oynurib ))

Ушбу фикрга жавобан


FUTBOLVATANI
Сана: 28.08.2013 21:19. FUTBOLVATANIга ёзиш
+0; -0
Bizda qogan davlatlarga qaraganda yoshlardi govda jismoniy jihatdan juda nimjon buni jahon osiyo chempionatlarida yaqqol korsatub qoyabti texnika joyida bizi oyinchilarda shu fizik jixatdan ancha kuchsizda

Ушбу фикрга жавобан


AXILLES
Сана: 28.08.2013 20:35. AXILLESга ёзиш
+0; -0
Faraz qilamiz agar hozir Paxtakorni murabbiyi Scolari bo'lib qolsa. Hozirgi yoshlarimiz yuksak darajada rivojlangan bo'lardi fikrimcha. Paxtakorni pushkaga olish kerak. Hamma talantlarimizni yetishtiradigan va ularni o'z qo'li bilan barbod qiladigan klub bu PAXTAKOR! Paxtakorni muammosi esa pulga borib taqaladi.

Ушбу фикрга жавобан


AXILLES
Сана: 28.08.2013 20:29. AXILLESга ёзиш
+0; -0
Haqiqiy yurakdan yozilgan maqola. Huddi shu muammo hammamizni qiynab yurgandi. Sizga rahmat Qahramon Aslanov. Jamshid Iskanderovga taklif tushgandayam Paxtakorni ochko'zligi tufayli rad javobi beriladi keyinchalik esa Huddi maqoladagiday Sherzod Karimov paydo bo'ladi. Paxtakorniyam tushinish mumkin. Lekin uff futbolimiz uchun shu iqtidorlarimizni shu muammolarini hal qilish uchun ma'lum bir qaror yoki klubga yordam puli ajratishi mumkinku? Yana 1-2 yildan keyin Iskanderovni maksimum borishi mumkin joyi bu Rossiya premer ligasi bo'ladi. Yana bir gap Paxtakordan ko'ra Bunyodkordan yaxshiroq klubga o'tish imkoniyati biroz yuqoriroq. Osiyo klubiga o'tgan har qanaqa futbolchimiz o'sdi deb hisoblamagan bo'lardim.

Ушбу фикрга жавобан


YAHYOHON
Сана: 28.08.2013 20:09. YAHYOHONга ёзиш
+0; -0
Кочиши кераклигини хаммамиз биламиз,
Буни юкорида айтганиздек Шерзоддаям, Азиздаям, ундан олдин Гейнрихдаям, Сервердаям айтган эдик, лекин кандай килиб, каерга???

Ушбу фикрга жавобан


MARTINI
Сана: 28.08.2013 19:56. MARTINIга ёзиш
+0; -0
Otangizga raxmat mavlono !!! juda xam xaqchil maqola bolibdi !

Ушбу фикрга жавобан


KHARITON
Сана: 28.08.2013 19:27. KHARITONга ёзиш
+0; -0
Рахмат, Кахрамон.
Зур гаплар булибди, хатто узимизда хам Ёшлар Тждан куркмай асосий таркибга олиш керак. Бизда асосий таркибга кеч олишади, то у жамоага мослашиб, Агент назарига тушгунча поезд кетиб колади.

Ушбу фикрга жавобан


UZBJASUR
Сана: 28.08.2013 19:22. UZBJASURга ёзиш
+0; -0
Iltimos dagovor pulini xalqdan yeg'voselayam wu jamwiddi yo diganda fulxemdigi kamandaga padarka qilila bundan zori bomidi uzbda

Ушбу фикрга жавобан


FUTBOLLL
Сана: 28.08.2013 19:11. FUTBOLLLга ёзиш
+0; -0
Қанча гапирмайлик бизни клублар футболчилар учун катта нарх ўйишади. Бизни клублар айтган нархга Европаликлар Африкадан жисмонан Искандаровдан 2-3 марта кучлирок футболчи сотиб олишади. Футболчиларимиз кучли чемпионатда ўйнашлари учун клубларимиз ўз нафсларини тийишлари, футболчи келажаги ўйнашлари керак. Европаликларни фикрлашича учун бизни футболчилар арзимаган суммага ўйнашлари керак.

Ушбу фикрга жавобан


TIMURLAN
Сана: 28.08.2013 19:08. TIMURLANга ёзиш
+0; -0
Бабаян текинга футболчи бермаса керак, камида 2 баравар кутариб айтадиганлар тоифасиданку

Ушбу фикрга жавобан


TIMURLAN
Сана: 28.08.2013 19:08. TIMURLANга ёзиш
+0; -0
Бабаян текинга футболчи бермаса керак, камида 2 баравар кутариб айтадиганлар тоифасиданку

Ушбу фикрга жавобан


STRONG
Сана: 28.08.2013 19:04. STRONGга ёзиш
+0; -0
бу болани техникаси яхшидур лекин жисмонан жуда нимжон. бу уни айби эмас. европада уйнаш учин бакувват булиши кере хозир россияга текинга берсаям захира уриндигини узида машгулот вактидаёк синдириб ташлашади. жамшиди жойи ПФЛ.

Ушбу фикрга жавобан


ALISHERKOMIL
Сана: 28.08.2013 19:01. ALISHERKOMILга ёзиш
+0; -0
Жамшид Искандаровнинг уйинини куриш у-н пахтакорга тушаман бунака таланлар 100 йилда бир икки тугилади,,,,, Хозир Месси 1 ракамда булса Жашид 2 урнда

Ушбу фикрга жавобан


AZIZFUTBOL
Сана: 28.08.2013 17:57. AZIZFUTBOLга ёзиш
+0; -0
жимжитлик.кул ювилиб култикка урилган

Ушбу фикрга жавобан


DJAMSHID

Сана: 28.08.2013 17:44. DJAMSHIDга ёзиш
+0; -0
жимжитлик.кул ювилиб култикка урилган

Ушбу фикрга жавобан


DJAMSHID

Сана: 28.08.2013 17:43. DJAMSHIDга ёзиш
+0; -0
жимжитлик.кул ювилиб култикка урилган

Ушбу фикрга жавобан


MARATBEK
Сана: 28.08.2013 17:27. MARATBEKга ёзиш
+0; -0
SAMARQANDI
===========
Jamshid 1993 yilda tug'ilgan. Yestafeyev jamoasi esa 94-yilgi futbolchilardan tashkil topgan edi.

Ушбу фикрга жавобан


SIMPLEMAN
Сана: 28.08.2013 17:14. SIMPLEMANга ёзиш
+0; -0
Respekt muallif!

Ушбу фикрга жавобан


SAMARQANDI
Сана: 28.08.2013 17:07. SAMARQANDIга ёзиш
+0; -0
Жамшид 2011 йилдаёк "Динамо"да уз потенциалини курсатиб куйганди. Буладиган бола бошидан маълум. Ушанда агар Жамшид Динамода эмас, Пахтакор ёки Бунёдкорда туп сурганида уни 2011 йилги Мексикадага ЖЧга олиб боришарди. Лекин, ушанда усмирларимиз ичида Олий лигада уйнадиган икки футболчидан бири булсада, на Евстафеев на Мусаев мана шу болага эътибор бермаганди. Якунда у Мексикадан четда колганди.

Ушбу фикрга жавобан


KKTAXTAKUPIR
Сана: 28.08.2013 17:01. KKTAXTAKUPIRга ёзиш
+0; -0
Тугри, кейинчалик трансфер нархининг 30 ёки 40 фойзини бериш шарти билан булсада куйиб юбориш керак! Лекин камида Россия ёки Украйна премер лигаларидаги бирон клубга!

Ушбу фикрга жавобан


ABDUAZIZ
Сана: 28.08.2013 16:56. ABDUAZIZга ёзиш
+0; -0

Ушбу фикрга жавобан


MUXLISUZB
Сана: 28.08.2013 16:47. MUXLISUZBга ёзиш
+0; -0
EXCELLENT!!!

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.