Қаҳрамон Асланов
25-кадр
"Энг яхши иккинчи даражали рол учун"
| Баҳо: |
+4; -0
|
Йирик ҳисоб вазиятга мосми, финалга ярашадими, буни ўйлаб ўтирмайман, айтишим мумкин, у – ҳаққоний. Балки Иньеста-ю Хавилар “пижонлик”ни давом эттириб Италиянинг обруйини сақлаб қолишлари мумкин эди, майдонга голга ташна Торрес тушгач эса сездим - йирик ҳисоб бўлади!
Лекин биласизми, футбол икки рақиб жамоанинг куч мувозанатини ўлчайдиган тарози эмас. Агар ростанам шундай бўлганда, биз ҳар доим бир-бирига ўхшаган, бир мантиққа сиғадиган натижаларни хосилни йиққандек териб олаётган бўлардик. Сергей Бубка, лангар билан қанчадир баландликка сакрайди – фалон бутун ўнда фалон метр, қани, сиз ҳам шундай оширинг, сиз кучлироқсиз, тамом, агар фарқни катталаштирсангиз, янада кучлироқсиз, вассалом. Аммо бу футбол, бу ерда энг асосийси нима биласизми? Кучми? Тайёргарликми? Таркибми? Мураббийми? Ҳар доим ҳар хил, демак булар эмас. Футболда асосийси - сценарий! Ҳар бир ўйиннинг ўз сценарийси бор. Агар Сильва ўшанда гол ура олмаганда бутунлай бошқача ўйинни кўардик, балки. Кассанонинг зарбаси дарвозага кирганда, яна бошқа сценарий гувоҳи бўлардик. Мотта жароҳат олмаганда, бугу кўрганимизга ўхшамаган воқеаларни томоша қилардик, балки. Бу ерда жамоаларнинг кучи у қадар катта рол ўйна маётган бўлиши мумкин. "Эффект бабочки" номли фильм бор-у, қаҳрамон ҳадеб ортга қайтаверади ва бироз бошқача ҳаракат қилганда, бутунлай янги сценарийни бошдан кечираверади. Футбол ҳам шу... Фақат бу ҳам бир фильм эмас. ҳаёт сценарийси, фақат бир марта имкон бўлади холос. Аввал нима бўлди, ўша воқеадан келиб чиқиб у бўлди, буниси тугаб у бўлди, занжир мисол бир бирига мантиқан боғланиб келаётган воқеалар якунла бизга якуний оқибатни тақдим қиладики, қайсидир маънода, ҳар доим шунақа бўлиши керакдек, таассуротда янги тарихни қайд этамиз. Испания – Италия 4:0!
1. Ярим финалдан кейин
Италия терма жамоаси гуруҳда иккинчи ўринни олди ва бу ўзига яраша ноқулайликларни келтириб чиқарганди. Масалан, ярим финалдаги рақибга нисбатан италияликлар икки кун кам дам олишди. Бунинг устига, чорак финалда Италия 120 дақиқа Англияга қарши ўйнаб, жуда кўп эмоция сарфлаганди. Немислар эса, Грецияни осонлик билан енгишган, мантиқан олганда, немислар рақибдан яхшигина устунликка эга бўлишлари керак эди. Бу устунликни йўққа чиқариш учун Италия ҳаддан ортиқ куч сарфлаши шарт эди. Шундай бўлди ҳам. Агар жамоага гуруҳда ҳам осон бўлмаганини эътиборга олсак, Пранделли шогирдлари ҳар уч кунда ҳал қилувчи ўйинда майдонга тушиб бордилар. Бунинг устига, финалдаги рақиб Испания улардан бир кун кўп дам олиш имконига эга эди.
2. Финалдан олдин
Айнан мана шу фактор ҳал қилувчи бўлиши мумкинлигини Дель Боске пайқагани табиий. Испания схемаси олдинги ўйинлардан фарқ қилмаган бўлса-да, ўйин мазмунига ўзгартириш киритилганди. Испанлар сезиларли равишда ўйинга тезлик қўшдилар. Прессинг ва темп оширилди. Марказда тўпсиз ва тўп билан ҳаракатланишга кўпроқ урғу берилди. Тажовуз оширилди. Испаниянинг биринчи таймдаги ўйинига эътибор беринг, аслида олдинги ўйинлардан кўра устунлик кўпроқ кўринди, вазиятлар ҳам кўпроқ яратилди, лекин шундай бўлса-да, тўпни эгаллаб туриш фоизи 47-53 эди. Яъни Дель Боске тўпни сақлаб туришни камайтирганди. У финалга хос эхтиёткорлик ва хотиржамлик Италияга кўпроқ устунлик беришини ва стандартлардан ёки алоҳида эпизодлардан фойдаланиш айнан Италияга қўл келишини сезди. Испаниянинг устунлиги бутун ўйин тўхтовсиз ва динамик кечиши орқали қўлга киритиларди, сабаби, айтганимдек, Италияда жисмоний тикланиш рақибга нисбатан пастроқ эди. Буни Чезаре Пранделли ҳам ўйиндан кейин тан олди.
3. Биринчи тайм
Ўйиннинг бошланиши негадир менга икки йил олдинги “Уэмбли”да кечган ЕЧЛ финалини эслатиб юборди. Италия активлик билан прессинг қилишга ўтди, марказда актив ўйнай бошлади. Аммо Испаниянниг илк хавфли вазияти ва бугун ўйнамоқчи бўлган темпни намойиш қилиши билан Италия “ўчди”. Улар сездилар – бугунги Испанияга қарши очиқ футбол ўйнаб бўлмайди. Тезликни имкон қадар пасайтириш ва ўйин вақтини турли кичик эпизодчаларга бўлиб ташлаш керак. Эътибор беринг Италиянинг бугунгача киритган голлари ўйин мантиғидан бироз четда бўлган эпизодлар ёки стандарт вазиятлардан эди. Демак, ёруғлик ўша ерда. Аммо сценарийнинг бу қисмида ҳам омад Италиядан юз ўгирди. Сильва ўз имкониятидан бу сафар фойдаланди ва ҳисоб очилди. Мувозанатни тиклаш учун қилинган бир нечта ҳаракат эса самарасиз якунланди, воқеанинг давоми эса, испанларнинг қарши ҳужуми – 2:0.
4. Мотта
Иккинчи таймни бироз дадил бошлаган Италияга кутилмаган тарафдан яна бир синов келди. Менимча, ўйин ғолибини эмас, ўйин тақдирини белгилаган вазият айнан мана шу эди. Мотта майдонга чиқишидан беш дақиқа ўтар ўтмас, жароҳат олди. Пранделлида эса уни алмаштириш учун имконият қолмаганди. Хўш, хато кимда? Кўряпсизми, эски гап – мураббийларда кўпинча хато бўлмайди – қарорлар ва унинг оқибатлари бўлади. Қарор бор, оқибат эса, яхши ва ёмон тугаши мумкин. Қаранг, биринчи таймда мажбурий ўзгариш қилинди, Кьеллини жароҳат олиб, Бальдзареттига ўрнини бўшатганди. Иккинчи таймни Ди Натале билан бошлаган ва у дарров ажойиб имкониятга ҳам эга бўлганди. Ҳа, балки Пранделли ягона алмаштириш имконини бу қадар эрта якунламаслиги керакдир. Ҳақсиз. Лекин бошқа тарафдан қараганда, ўйинда бурилиш ясашга ҳаракат қилмагани учун уни барибир айбламасмидик? Хуллас, марказда курашувчанроқ бир кучга эга бўлмоқчи бўлган Пранделли, боридан ҳам айрилди ва ўйин ўзининг учдан иккисини якунламасдан, ғолибни аниқлаб бўлди.
Кўряпсизми, бу бир сценарий. Жамоаларнинг бугунги кучи ёки қандайдир футбол қоидалар эмас, айнан мана шу баён қилинган сценарийнинг оқибати ўлароқ порлади бугунги натижа. Италия айнан бугунги ҳолатда, бугунги воқеалар ривожида, бугунги сценарийда Испанияга бас кела олмас экан.
Уёғини шарҳлаш ҳам шарт эмас. Италия мағлубиятни тан олди. Бошқа иложи ҳам йўқ эди, шундоқ ҳам қийналаётган жамоа энди бир киши кам бўлиб қолгач. Очиқчасига ўйин якунини кута бошлашди. Йўл йўлакай, яна икки гол ҳам ўтказиб юборишди – Испания Европа чемпиони. Улар айнан бугунги ўйинлари туфайли хурматга лойиқлар. Пранделли эса, чекланган имконият ва чексиз муаммолар билан ҳам жуда кучли жамоа тузибди. Турнирнинг энг драматик ва чиройли ўйинлари айнан Италия иштирокида бўлгани, факт. Улар ўсишда давом этяптилар ва кейинги турнирлардаги Италияни кўриш янада қизиқроқ бўлади.
Балки кўпроқ эътиборни чемпионларга эмас, мағлубларга қаратиб юборгандирман. Лекин, биласизми, бу табиий равишда, Испаниянинг ўзига хос мезон вазифасига ўтиб олганига ва бошқаларнинг кучи фақат уларнинг фонида ўлчанаётганига анча бўлди. Яна қанча давом этади, билмайман. Шуни аниқ биламанки, биз футбол тарихининг камдан кам такрорланадиган даврида яшаяпмиз. Ҳозир зерикаётгандирсиз, эҳтимол, аммо насиб қилиб, тақдир сизни бир неча ўн йилларнинг ортига элтганида, фарзандларингизга айнан шу жамоани ҳикоя қилиб берасиз. Келажакнинг энг кучли жамоаларини айнан мана шу Испания билан таққослайсиз. Бу шубҳасиз.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 REALCHI |
Сана: 05.07.2012 13:40. REALCHIга ёзиш |
+0; -0
|
|
aka ispaniya xozirda jaxonda eng ku4li terma jamoa unga bas keliw qiyin....lekin final uyini vaqtidagi ahvolizga qarasam xozirgi italiyadanam battaridi......))))
|
 ZIMISTONIY |
Сана: 04.07.2012 15:15. ZIMISTONIYга ёзиш |
+0; -0
|
|
Ispaniya ku4li. Ln hamasi kafolatlanmaganini o``zlariyam biliwadi va oz ku4lariga iwonmasdan hakamlarga termuliwadi ,turli ayyorliklar qilib yuriwadimiyey...
|
|
ZIMISTONIY |
Сана: 04.07.2012 15:14. ZIMISTONIYга ёзиш |
+0; -0
|
|
Ispanlarni xorvatlar ayamaganidami wu gaplar bormidi...
|
|
SHARQ |
Сана: 03.07.2012 12:51. SHARQга ёзиш |
+1; -0
|
|
Аввало макола учун рахмат!
ИСпанларни табриклаймиз, аммо кийин булишига карамай янги бошланган ишни давом эттириб чиройли ва мазмунли уйин курсатган Италияга браво!(Пранделли Германия билаг уйиндан олдин айтди биз химояга ётиб олиб бошланган мехнатимизни кукка совурмаймиз деб маладес!) Негадур хеч ким турнир ташкилотчилари ва умуман уйинларнинг жадвали хакида индамади. Тугри хар бир турнирда узига хос камчиликлар ёхуд мезбонлар учун имкониятлар берадиган жадваллар тузилади лекин бу сафар Италия учун жуда нокулай булганини тан олиш керак. Испанлар барча уйинларини (гурух)Гданскда утказишди. Италия эса 1-уйинни Испанлар билан Гданскда колган икки уйинни эса Познанга бориииб уйнашди (кани тенг имконият?) Хоп, чорак финал Италия -120 минут айтилди уйин Киевда булди сунг Варшавага кетилди у ерда хам уйнаб у ердан яна Киевга кайтилди - оххо шунча йул босиш яна тикланиш учун 1 кун кам дам олиш?! Энди караймиз чорак финал Испания - уйин Донецкда булди кейин ярим финалда хам яна Донецкда уйин булди финал эса (Варшавадан кура анча якинрок - ярим финалда Италия мана шу ерда еди)шундоккина Киевда утди. Футбол мухлислари мени тугри тушунишсин ИСпанияга гап йук буни Итлия хам уйиндан кейин тан олди ва албатта хар хил омилларни маглубиятга сабаб килиб курсатиш бироз унгайсиздек туйилиши мумкин аммо нима учун уйин 4-0 булди деганларга шу жихатлар балки уз хиссасини кушган булиши мумкин дейман. Италия турнирни безади, у хали ткомиллашиш жараёнида ва бугунги уйин ва натижаси жуда хам яхши. Ахир узингиз айтинг Италия классик уйинини курсатишада давом этаверганида биз мухлислар шундай ажойиб уйинларни курармидик, уз урнида Испанияга хам янада ишлашга мотивация тугилди чунки у курди Италия ортидан илдамлаб келмокда (шунинг учун хам уша кесик пасларни амалга оширишга каттик харакат килишда ва хужум чизигига умуман туп етиб келмаслиги учун харакат килишди Испанлар, хатто бироз чучишди хам - шуни узи етарли)! |
|
FILOSOF |
Сана: 02.07.2012 15:36. FILOSOFга ёзиш |
+0; -0
|
|
Яхёхон, качон Узб термаси Кореяни ТЖ сини ютган ( узок 1994 й. хисобга олмаган холда) Ахборотингиз учун шу сиз менсимаётган Ливан Кореяни якинда ютди,яна ЖЧ саралашида, кандайдир Осие уйинларида эмас,бу биринчидан, иккинчидан мен Косимовни севаман эмас, ахмок Абрамовни гипнозига тушмаганман.
|
 XORAZMSHOX |
Сана: 02.07.2012 14:25. XORAZMSHOXга ёзиш |
+0; -0
|
|
Har doimgidek maqolaga gap yo'q
|
 YAHYOHON |
Сана: 02.07.2012 12:56. YAHYOHONга ёзиш |
+0; -0
|
|
FILOSOF | 02.07.2012 12:51
_____________ Ушалар Сиз севган Косимовда хам бор эди))) ва яна мавжуд))) |
|
FILOSOF |
Сана: 02.07.2012 12:51. FILOSOFга ёзиш |
+0; -0
|
|
Футбол бу жамоавий уйинлигини хаммамиз биламиз.Уйин такдирини ижрочилар хал килади .Испания халкининг бахтига ,Ароганес хамда дел Боскенинг бахтига хозир испания терма жамоасида буюк ижрочилар йигилган.Пирлони хозир хамма мактаяпти,зур уйинчи деб,аммо у Хави, Иньеста даражасидаги уйинчи холос,факат у италия термасида битта булиб ,жамоадошларидан яккол ажралиб турди.Вахоланки испанида Хави,Иньестадан ташкари шундай уйинчилар каторига Сильвани, Фабрегасни, Хаби Алонсани хам киритишимиз мумкин.Киссадан-хисса шуки Сиз севган Абрамовнинг бахтига Узб ТЖ да Осие микесидаги ижрочилар йигилган, шунинг учун Катарда 4-уринни олганмиз!
|
 JAFARJON |
Сана: 02.07.2012 12:12. JAFARJONга ёзиш |
+0; -0
|
|
Расмдаги бола тушмаганда Балотелли бутса киярмиди.
|
 HEROLION |
Сана: 02.07.2012 11:47. HEROLIONга ёзиш |
+0; -0
|
|
FILOSOF
Испания кучли экани олдиндан маълум. 4:0 хисоби хакида ёзгандим, "шунака буп колди", деб ... Италия ўзининг энг кучли ва яхши спорт формасида бўлгандаям, фаворит бўлмасди финалда Испанияга қарши... |
|
JAFARJON |
Сана: 02.07.2012 11:44. JAFARJONга ёзиш |
+0; -0
|
|
Испанларни 1 та 2 та ютиш мумкин, лекин бу билан испанлардан кучли деп булмайди. мана хозир Германия барибир кандайдир мусобака утказилса италиядан кура фаворит хисобланиб майдонга тушади. Испанлар узлари учун янги тарих яратиб олишди. у тарихни узгартириш учун янги мауриниолар, янги лёвлар керак шекилли.
|
|
GOLBOLSIN |
Сана: 02.07.2012 10:21. GOLBOLSINга ёзиш |
+2; -0
|
|
Испаниянинг ўзига хос мезон вазифасига ўтиб олганига ва бошқаларнинг кучи фақат уларнинг фонида ўлчанаётганига анча бўлди
=== ESP- Jamoalar kuchini o'lchash uchun yangi o'lchov birligi yoki shartli belgi. Italiyaning kuchi 0.25 ESP ga teng. |
|
FILOSOF |
Сана: 02.07.2012 09:51. FILOSOFга ёзиш |
+1; -0
|
|
Маколадаги фикрларга кушилмайман.Футбол сценарийси кандай езилганига карамай,кандайдир сабаблар шундай окибатларга олиб келишига карамай,Хозирги Италиянинг кандай жисмоний,рухий холатига карамай,бугун Испания Италиядан бир калла устун,нафакат Италиядан хозир хар кандай терма жамоадан устун.Кеча Испания хакикий испанча( барселонача )уйин курсатди.Хозир Испанияда буюк ижрочилар йигилган ,любой ТЖ ни юта олади.Бу ерда хатто дел Боске хам иккинчи даражада.
|
|
FARXODOVICH |
Сана: 02.07.2012 09:45. FARXODOVICHга ёзиш |
+1; -0
|
|
Жаҳон термаси? Нима Испания ўзига қарши тўп сурадими :))
|
 ANDIJONIY |
Сана: 02.07.2012 08:09. ANDIJONIYга ёзиш |
+0; -0
|
|
ha kechagi final o'yiniga ispaniya maksimal kuch bilan tayyorgarlik ko'rgan ekan. jaxon termasiga qarshi o'ynasa ham favorit hisoplanardi.
|
 CHESSMASTER |
Сана: 02.07.2012 04:18. CHESSMASTERга ёзиш |
+-2; -0
|
|
Гап йўқ, тўппа тўғри. Айни вазиятда, айни ҳолатда Италия бас кела олмади. Лекин Испаниянинг ўйини.., ҳа, майли..
|
МУАЛЛИФНИНГ БОШҚА МАҚОЛАЛАРИ
- Хотира
- Янги тажриба. Автодебат.
- Ерликлар
- Бир юз ўн миллион
- "Роналду чўққиси"
- Ҳаёт лойиҳаси
- Рангсиз футбол
- "Арсенал" ўзгариши керакми?
- Мундиал ва Евро фарқи
- Мажбурият
- Зидан изидан
- Стратег
- "Ромарио фалсафаси"
- Ғолиби бор, мағлуб йўқ
- Cал қолишига сал қолди
- Тошбақа қаерга кетяпти?
- Олға, "Насаф"
- Пеп Гвардиола ҳақидаги 4 абсурд
- Бошқача федерация
- "Жаноби тўп ҳикояси"
- Чўзилиб кетган эсанкираш ёхуд "Локомотив" қаерга кетяпти?
- Мураббий ғалабаси
- Стратегия
- "Бурга дори"
- "Маҳалла"
- "Етти ўлчаб, бир кес"
- "Ўнг туш бўлмас, туш ўнг бўлмас..."
- "Априс"лар (архивдан)
- "Тики така" ёхуд "... девлар қутулди"
- Жаҳон чемпионатини томоша қилиш учун 6 сабаб
- Гравитация
- "Тафаккур ўйинлари"
- Адолат ва эҳтирос - 2
- Руни ва "Манчестер Юнайтед" ҳақида
- Биз сичқон эмасмиз
- Мен ҳам эдим сенингдек...
- "Искандарнинг шохи бор?"
- "Оч қора" ранг
- Нега ОЧЛ йўлланмалари Ўзбекистонга камроқ берилиши керак?
- Ўзбекистон Вьетнамни нега юта олмайди?
- "Светофор фалсафаси" ёхуд терма жамоани ким бошқариши керак?
- Қоч, Жамшид, қоч!
- Сколарини танимаган таксист (архивдан)
- Танаси бошқа дард билмас
- Асослар ва қасослар
- Талаб ва таклиф
- "Чорраҳа"даги жамоа ёхуд омадни тинч қўйинг
- Иккита ҳужумчи
- Ж.Корея - Ўзбекистон: Учрашув таҳлили
- "Отамдан қолган калькулятор қани?"
- Барчаси сценарийга боғлиқ
- Таркиб бошоғриғи
- "Мундиал кайфияти"
- "Қалдирғоч" фақат қанотдан иборатми?
- Ўзимизнинг "ўғри"
- Тебраниш
- Умрингиз узоқ бўлсин... Сэр...
- Ўзбек футболидаги "тактикасизлик" ёхуд "Испанларга тегманг"
- Жозе Моуриньо - қўмондон!
- ОЧЛ даги клубларимизда имконият қандай?
- Гвардиола "Бавария"га нима учун керак?
- Бугунги "Пахтакор"
- Бизга неча очко керак?
- "Ўзбекчилик"
- Голсизлик
- Алдамчи сериялар
- Чипталар бор
- Домланинг айтганини қил
- Имтиҳон
- "Барселона"да инқирозми?
- "Уэмбли" йўлида
- Бизга мундиаллар нима учун керак?
- Биз Англия бўла оламизми?
- Цивилизация
- 90 дақиқа қолганда...
- Холислик
- Ғанимат
- Реализм ва "Реал"изм
- МДҲ мадҳи
- Бу омад эмас
- Бизнинг муаммо
- "Челси" - "маладес" - 3
- “Челси”даги “Achilles' heel”
- Деградация
- "Бир уриниб кўрмаймизми?"
- Хатарли Қатар
- Мундиалнинг "расми"
- Жиноят ва жазо
- Устозларим...
- Ҳаракат
- TOP - 20
- Роберто (МанСити)
- "Сен иккинчисан!"
- "Қизилқум" - чемпион!
- Ғалабадан муҳимроқ
- Қосимов тактикасининг 4 жиҳати
- Минг доллар
- "Қўзивой" Роналду
- "Титопоя"
- Бу бизники
- Мураббийлик иши
- Мағлубиятга учра ва очколарингни ол
- "Энг яхши иккинчи даражали рол учун"
- Diamante di Prandelli
- Баҳром Ҳакимов: "Маҳаллий футболчи кўпроқ жон куйдиради"
- Ҳайкал
- "Сичқон ови"
- Жиддий комедия (архивдан)
- Немислар ўқимасин
- Мен - Абрамовчиман!
- Шунақа бир ўйин
- "Абрамовнинг Ливандаги сояси"
- Қани, кетдик! Ким билан? Нима фарқи бор?
- Хатолар "хит паради"
- Профессионал
- "Челси тажрибаси"
- Руҳшунос керакми?
- Трансляция ҳуқуқи
- Вадим Абрамов: "Мен Адвокат эмасман"
- "Нексия олсанг бўлмайдими?"
- Cэр
- Интиҳонинг ибтидоси... (архивдан)
- Қани Месси? Қани, Месси...
- "Барселона"ни қандай тўхтатиш мумкин?
- "Челси" - "маладес"
- Ноодатий мавзу...
- Руҳият
- Абрамов ва бошқалар...
- Қутулдик...
- "Квадрат"
- Бугун ўқинг
- Чет эллик мураббий
- Қўрқинчли туш
- Дўстлик
- Индивидуал
- Футбол - кураш демак
- Қуръа... ва бироз Англия ҳақида
- Келинг, келишайлик
- "Яна битта гол"
- Баҳор ҳавоси...
- "Иблис адвокати"
- Вазифа
- "Капалак" принципи (Эффект бабочки)
- "Бунёдкор" 6 мартда майдонга тушмаслиги мумкин
- Аҳволим "анови"лардан яхши
- Бурилиш
- Моуриньо Англияга келадими?
- Кўникма
- Ўйин
- Месси миссияси
- Вақтида туғилган Заммер...
- Томоша
- Манфаатлар тўқнашганда...
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
