Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

Жозе Моуриньо - қўмондон!

Баҳо:
+2; -0

"Келаси йили Мадридда бўлмасам керак. Мени яхши кўришадиган жойда ишлашни истайман" – деб, ва яна ўз одати бўйича, ҳакам ҳақида ҳам ўз айбловларини эълон қилиб, Жозе Моуриньо Мадриддаги юришини якунига етказди. Тўғри, у расман ҳали ҳам “Реал” бош мураббийи, ҳатто яқин кунларда боши узра яна бир совринни кўтариш эҳтимоли ҳам бор. Аммо ҳамма билиб турибдики, Испания кубоги ҳозирда Моуриньонинг “юриш мазмуни эмас”, балки, Иван Васильевичнинг дўсти княз Мелославский таъбири билан айтганда, “қайтишда Қозониям ола келинглар” дегандек гап. Зеро ўша буйруқнинг жавобини ҳам яхши биласиз. Демак сўнгги уч йилдаги Жозе Моуриньо, унинг “Реал”даги миссияси ва буни қанчалик бажариб, бажара олмагани ҳақида фикр юритишнинг айни вақти ҳозир. Якун “Интер”даги каби эмас экан, бу мавзу доим мунозарали ва турлиёқлама бўлиши табиий, бу эса ушбу мавзуда ёзиш эхтиёжини икки баробарга оширади.

Албатта, мураббий ишига баҳо беришдаги дастлабки ва энг оддий ўлчов клубнинг у келмасдан олдинги ҳолати ва бугунгисини солиштириш билан бўлади. Хўш? Масалан, олти йил ЕЧЛ чорак финалини кўрмаган “Реал” қаторасига учинчи марта турнир ярим финалида ўйнамоқда. Ажойиб натижа, бу кўрсаткич фақат “Барселона”да яхшироқ холос. Фақат “Барселона”. “Барселона”.

Ўз ўзидан мавзу ўша Каталония клубига бориб тақалаверади. Жозе Моуриньо “Барселона”ни Испаниядаги яккаҳокимлигига чек қўйди, аввал қироллик кубогини, кейин чемпионатни тортиб олди. Кейин эса очиқчасига устидан кулди – “Барселона” сўнгги етти ўйинда фақат бир маротаба мадридликлар устидан ғалаба қозона олди холос. Қалай?

Келтирилаётган натижалар ва ўйинларга қараб туриб, ҳар ким Жозенинг Мадриддаги фаолиятининг нақадар муваффақиятли ёки қанчалик муваффақиятсиз чиққани ҳақида фикр юритавериши мумкин, зеро ҳар ким “Реал”га нисбатан ўз муносабатига эга. Кимгадир кам, кимгадир кўп. Қизиқроқ мавзу эса, Жозенинг Мадридда мураббий сифатида қайси жиҳатларини намойиш қила олгани, аниқроғи, ўша натижаларнинг сабаб ва оқибатлари, шундай эмасми?

Қаердадир ўқигандим, уруш пайтида инсонни шамоллаш каби енгил касалликлар четлаб ўтар экан. Одатий кунда юпун кийиниб, кўчада бироз туринг, дарров бирор касалликни орттириб олишингиз ҳеч гап эмас. Аммо урушда аскарлар унданам қийин шароитларда жанг қилишлари мумкин. Сабаби инсон организми қайсидир маънода мияга бўйсунади, мия эса янада каттароқ хавф билан машғул бўлар экан. Катта хавф олдида эса, кичик хавфлар четга чиқади, аниқроғи, иммунитет инсонни безовта қилиб ҳам ўтирмасдан, касалликни енгиб кетаверар экан. Бу фаразни нафақат инсон организми, балки жамиятга нисбатан ҳам қўллаш мумкин. Инсонлар ташқи душман ёки табиий офат, ўлимлар пайтида жипслашишади, аммо хавф камайгач, қандайдир майда чуйда муаммолар туфайли ҳам жанжаллашишлари мумкин, тўғрими?

Хуллас, Жозе Моуриньонинг клублардаги фаолиятлари, характери ва узоқ вақт бир жамоада ишлай олмаслиги ва бошқа факторлар ҳақида фикр юритиб унга бир таърифни бериш мумкин. У – уруш мураббийи. У уруш ҳолатида жамоани яхшироқ бошқаради. Уруш пайтидаги давлат раҳбарларида қандай вазифалар бўлади? Шундоғам жипс халқни янада жипслаштириш, ғоявий йўлбошчи бўлиш, душманга зарба бериш, режалар ишлаб чиқиш, стратегик муаммоларни бартараф этиш ва ҳоказо. Моуриньо “Реал”га келганида жамоа уруш ҳолатида эди. Душман Мадридни қуршовга олган замонлар эди. Илк ўйиндаги йирик мағлубият мадридликларни янада важоҳатлантирди. Уларга ҳақиқий йўлбошчи, душманнни қандай енгиш кераклигини ўргата олувчи, ишонтира олувчи етакчи керак эди. Бусиз улар рақибни енга олмасликларини жуда яхши тушуниб туришарди, шунинг учун, ҳар бир жангчи қўмондоннинг ҳар бир сўзини ерда қолдирмай бажаришга ўзини мажбурлай оларди. Қўмондон ваъда қилаётган ғалабани ҳамма истаётганди.

Жамоа ўйини нега айнан ушбу мавсумда пасая бошлагани сабабини шу ердан ахтарсак бўлади. Уруш ўтган йили тугаган. Мадриднинг ғалабаси билан. Энди тинчлик мураббийи керак эди “Реал”га. Тинчлик пайтида давлат раҳбарларининг вазифаси бутунлай бошқа томонга ўзгаришини яхши биламиз, тўғрими? Энди раҳбар умуман бошқа вазифаларни бажариш керак бўлади. Ижтимоий қонунларни такомиллаштириш, иқтисодиётни барқарорлаштириш, таълим тизимини ривожлантириш, коммуникация ва яна бир нечта “ция”лар... Шунингдек, халқ ва халқ, халқ ва давлат ўртасидаги ўзаро муносабатларни тартибга солиш ҳам уруш пайтидагидек осон бўлмайди. Жонга бўлган хавф камайгач, жамиятдаги жипслик йўқолади, турли манфаатлар пайдо бўлади ва табиийки, бу манфаатлар тез тез тўқнашишни бошлайди.

Жозе “Реал” учун ажойиб қўмондон бўла олди, аммо айнан тинчлик пайтида керакли одам бўла олмади, назаримда. Аввалги “Реал” агар бирор совринни ютишни истаса, албатта, “Барселона” тўсиғидан ўтиши шарт эди. Ўз ўзидан Моуриньо бор эътибор ва имкониятини “антибарса” услубини ишлаб чиқишга қаратган бўлиши табиий эди. Чунки бошқа жамоаларни савиядаги фарқ ва ўша уруш ҳолатидаги жипслик ёрдамида енгса бўлади, “Барселона”ни енгиш учун эса алоҳида йўналиш керак. Жамоа айнан ўша йўналишда иш олиб борди. Хўш “Барселона” учун энг фойдали “қарши восита” нима? Тажовуз ва қарши ҳужум, тўғрими? “Реал” айнан мана шу икки йўналишда мукаммалликка интилди ва менимча, жамоа ҳозирда бу борада Европада тенгсиз.

Уруш тугади. Эндичи? Энди тинчлик вазифаларини ҳам бажариш керак. Ўйинни ташкил қилишни такомиллаштириш. Таркибдаги рақобатбардошликни ошириш. Ёшларга таълим бериш. Ўзаро муносабатлар ва муаммоларни ечиш. Ҳоказо, яъни ўша тинчлик пайтида давлат раҳбари амалга ошириш керак бўлган ишлар.

Жозе эса, бу борада олдингидек кучли эмаслигини жуда яхши билади. Нима қилиш керак? Аввал унга нима ёрдам берган бўлса, ўша факторни яратиш керак, сунъий бўлса ҳам. Иккинчи жаҳон урушидан кейин, собиқ иттифоқ раҳбарлари (жумладан, АҚШ ҳам) халқни осонроқ бошқариш учун нима қилдилар? Ташқи душман ўйлаб топдилар. Уни бўрттирдилар. Социализм ва капитализм баҳси, ўзаро рақобат, совуқ уруш – аслида жамиятни жипсликда ушлаб туриш, осонроқ бошқариш учун ўйлаб топилмаганмидикин, мабодо? Бояги метафорани эсласак, организмни енгил касалликлардан асраш учун мияни каттароқ хавфлар билан тўлдириш керакмикин?

“Реал” ўйини мукаммал эмасди. “Реал” ўйини “антибарса” эди холос. Ҳа, Испаниядаги бошқа жамоалар фонида бу у қадар сезилмайди, лекин эътибор беринг, “Реал” мана шу уч йил давомида “Барселона”дан бошқа барча кучлироқ жамоаларга қарши муаммоларга дуч келган, барибир. Ўтган мавсумни эслашимиз мумкин, “Барселона”ни ўз майдонида енгган “Реал” учун гуёки уруш тугаган эди, фақат ўша байроқни керакли жойга ўрнатиш учун ясатилган отларда кибор юришини қилаётганда партизан мисоли ўрмондан немислар чиқиб қолишганди, эсингиздами? Ўшанда “Реал”га айнан эмоция етишмаганди. Йўқ, бошқа ҳаммаси жойида эди, демоқчи эмасман. Муаммо ўйинни ташкил қилишда эди, “Реал” айнан эмоция ва юксак мотивация орқали рақибни енгишга ўрганиб қолган, “Бавария” билан ўйинда эса ўша устунлик юзага чиқмаганди. Уруш йўкку?

Жозе буни пайқаган бўлиши табиий. Лекин уинг услуби шундай. Масалан кулол кўза ясаши учун фалон, фалон хом ашёлар керак бўлишини жуда яхши билади. Жозе ҳам ўша кулол мисоли, ўз маҳсулотини ясашда, сув ўрнида айнан “юқори мотивация”ни ишлатади. Усиз Жозенинг маҳсулоти маҳсулот бўлмайди. Балки Венгерга бу шартмасдир, Хайнкес умуман яккаҳокимлик чемпионатида туриб ҳам кучли жамоа ярата олар, лекин Жозенинг услуби шундай.

Бу мавсум бошланганда эса, уруш тугаб бўлганди. Енгиллик натижасида бой берилган очколар “Барселона”ни олдинга улоқтирди. Ла Лига бой берилгандек, фақат ЕЧЛ орзуси жамоани бир маромда ушлаб турганди. Лекин қаранг, умуман курашсиз, урушсиз “Манчестер” Юнайтед”га тайёрланиб бўладими? Ўта шахсий фикрим, лекин “Реал” ичкарисида пайдо бўлган қандайдир муаммолар, Касильяс можароси, буларнинг ҳаммаси Моуриньо томонидан атайлаб ўйлаб топилгандек. У тинчликда бошқара олмасди-ку, эсингиздами? Қайсидир ўйиндан кейин у ўз шогирдлари очиқчасига айблади. Яна бир марта, “икки-уч қўзи” ҳақидаги гап. Касильяснинг захирага ўтириши, танқидларга кўмилган пайтда ўйиндан олдин майдонга чиқиб келиш ва мухлисларга “ҳақоратларни ўйиндан олдин ўзимга нисбатан қилинг, ўйин пайтида бизни олқишланг” дея туриб бериш – буларнинг барчаси Мадридда уруш ҳолатини яратиш, шу орқали футболчиларда қўшимча мотивациялар яратиш, уларни уйғотиш учун қилинмаганмиди? Бусиз иложи йўқ, “антибарса” тактикасининг доим иш бериши, одатий ва давомли ғалабаларга асос бўла олишига ишонриш қийин. Қаранг, “МЮ” билан ўйинда ҳам, кечаги ярим финалдаям, ўйин айнан Моуриньо истагандек тарзда кечиши учун қайсидир эпизодга эхтиёж сезилди. Нимчоракда Нанининг четлатилиши, кеча эса Бензема киритган биринчи гол. Унгача, “Реал” рақибига ўзиникини ўтказишнинг уддасидан чиқа олмаётганди. Ахир биз урушда эмасмиз, рақиб эса душман эмас.

Ҳа, шундай. Моуриньо кеча ўйиндан кейин, жуфтлик масаласини Дортмунддаги ўйин натижаси ҳал қилганини тан олди. Қўшиламан. Ҳатто айтишим мумкинки, бу жуфтлик тақдирига Мюнхендаги ўйин натижаси ҳам таъсир кўрсатди. Кулманг, бир кун олдин асосий душман курашдан чиқиб кетганини билган “Реал” футболчилари учун уруш ҳолати якунига етиб қолгандек эди гўё. Чунки бугунги “Реал” айнан Жозенинг “Реал”и. Ортиқ ҳам, кам ҳам эмас.
“Барселона” мураббийни алмаштириб, қандайдир янгиликлар устида бош қотириб, хуллас урушдан бир муддат чиққан паллада эса Жозе Моуриньо “Реал”га, “Реал” эса Жозе Моуриньога керак эмас. У бир йилда атиги 2-3 тагина муҳим ўйин, чақириқ бўладиган чемпионатда жамоасини юқори тонусда барқарор ушлаб тура олмайди. Унга уруш керак. Ҳар куни. Уни яхши кўришсин. Уни ёмон кўришсин. Фақат уни унутишмасин, унга бефарқ бўлишмасин. У фақат шундан қўрқади. Бусиз Жозе ҳеч ким.

Жозе Моуриньо яна Англияни орзу қилаётгани ҳам шундандир балки. У ер Испания эмас ҳар ҳолда. Тақвимни кўриб, “Барселона билан фалон ойда ўйнар эканмиз” дейилмайди. Деярли ҳар ой қандайдир топ рақиб билан ўзаро ўйин бор. Яна бир нечта дербилар. Яна бир нечта дербисифат ҳисоб китоблар. Венгер, Фергюсон... Ди Канио, керак бўлса. Ўйин олди даҳанакилар. Шоумен ҳакамлар. Тентакнамо журналистлар. Ҳар куни уруш. Ҳар куни жанг.
Испанияда эса уни ёрқин ғалабалар билан бирга аччиқ мағлубиятлар кузатиб қолмоқда. Унинг “Реал”даги уч мавсуми қандай кечгани ҳақида ҳар ким баҳони ўзи берсин. Айнан “Реал”га бўлган муносабатидан келиб чиққан ҳолда. Лекин шуни билингки, Жозени сизнинг фикрингиз умуман қизиқтирмайди. У – қўмондон. У жанг қилаётганда, майда муаммолар билан мутлақо иши бўлмайди. Муаммонинг каттаси эса, айни муддао.

Киритилган сана: 01.05.2013 13:56. Ўкилди: 10076 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


EXCITE
Сана: 27.05.2013 00:58. EXCITEга ёзиш
+0; -0
FILOSOF | 02.05.2013 23:15
Моуриньо - каландимог "пиар"щик.
----
BAHROMJON | 02.05.2013 13:07
Ким узи у? Битта тилмочда деб куяколаман.

----------------------
Моуриньонинг статистикасидан парча:
Жамоалардаги муваффақиятлар:
Порту – Португалия чемпиони (2), кубок (1), Португалия суперкубоги (1), УЕФА кубоги (1), УЕФА Чемпионлар лигаси (1). Жами 6 та соврин.
Челси – Премьер лига чемпиони (2), Англия кубоги(1), FA кубоги (2), Англия суперкубоги (1). Жами 6 та.
Интернационале – Италия чемпиони (2), Италия кубоги (1), Италия суперкубоги (1), УЕФА Чемпионлар лигаси (1). Жами 5 та.
Реал Мадрид – Испания чемпиони (1), Испания кубоги (1), Испания суперкубоги (1).
Шахсий муваффақиятлар:
Португалия премьер лигасида йилнинг энг яхши мураббийи (2), Англия премьер лигасида йилнинг энг яхши мураббийи (2), Италияда йилнинг энг яхши мураббийи (2), Испанияда йилнинг энг яхши мураббийи (1), Олтин ўриндиқ (1), Мигель Муньос мукофоти (2), УЕФА талқинида йилнинг энг яхши мураббийи(2), УЕФА талқинида йилнинг энг яхши жамоаси (4), Европада йилнинг энг яхши мураббийи(2), ФИФА талқинида йилнинг энг яхши мураббийи (1), Футбол статистикаси.....ташкилоти талқинида йилнинг энг яхши мураббийи(4), World Soccer Magazine йил мураббийи (3), BBC sports йилнинг энг яхши мураббийи (1), La Gazzetta dello Sport Man of the Year (1) ва яна бир қанча йилнинг энг яхши мураббийига аталган совринлар.
Шунингдек,
Миллий чемпионатлар тарихида уй стадионида энг узун мағлубиятсиз серия. Унинг қўл остидаги жамоалар 2002 йил 23 феврал (Порту 2:3 Бейра-Мар) дан 2011 йил 2 апрел (Реал М 0:1 Спортинг Хихон) гача бирор марта уйида мағлуб бўлмаган. Серия 150 матч давом этган.
Моуриньо ўзига хос муваффақиятга эришган. У учта чемпионатда битта мавсум давомида очко олиш бўйича рекорд ўрнатган: Португалияда 86 очка, Англияда 95 очко ва Испанияда 100 очко.
Жозе Моуриньо бошқарган жамоаларнинг мухлислари у кетганидан кейин ҳам уни ҳурмат қилишади (Реалда бундай бўлишига бироз шубҳа бор). Масалан, Челси ва Интер ўртасидаги баҳсда мухлислар Моуриньо исмини куйлашган. Ваҳоланки бу вақта португал Реал мураббийи эди.
Португал, испан, итальян, француз, инглиз ва каталон тилларини мукаммал билади.
Моуриньо ўзи ҳақида:
“Мен қийин синовлардан ўтишни ёқтираман. Португа келганимда бу жамоа узоқ йиллардан бери ҳеч қандай соврин ютмаганди. Челсига ўтганимда жамоа 50 йилдан буён Англия чемпионлигини қўлга киритмаганди. Интер 45 йил Чемпионлар лигасида ғалаба қозонмаганди”.
МАНБА: wikipedia.org. Таржимада хатоликлар бўлса, узр.
Хуллас, Қаҳрамон аканинг фикрига қўшиламан. Жозе Моуриньо - қўмондон!

Ушбу фикрга жавобан


EXCITE
Сана: 27.05.2013 00:35. EXCITEга ёзиш
+0; -0
балки, Иван Васильевичнинг дўсти княз Мелославский таъбири билан айтганда, “қайтишда Қозониям ола келинглар” дегандек гап. Зеро ўша буйруқнинг жавобини ҳам яхши биласиз.

---

Мириқиб кулдим)))

Ушбу фикрга жавобан


FARIDBEK
Сана: 06.05.2013 11:02. FARIDBEKга ёзиш
+0; -0
Mavrinyo juda juda kuchli va irodali murabbiy Realda qolsa yangi mavsumda barsaga hech nima qolmasdi wuning uchun Mavrinyo ketyapdi

Ушбу фикрга жавобан


FARIDBEK
Сана: 06.05.2013 11:02. FARIDBEKга ёзиш
+0; -0
Mavrinyo juda juda kuchli va irodali murabbiy Realda qolsa yangi mavsumda barsaga hech nima qolmasdi wuning uchun Mavrinyo ketyapdi

Ушбу фикрга жавобан


SHOXBOBIR
Сана: 04.05.2013 08:48. SHOXBOBIRга ёзиш
+0; -0
Maurinio xammadan kuchli

Ушбу фикрга жавобан


FILOSOF
Сана: 02.05.2013 23:15. FILOSOFга ёзиш
+0; -0
Мен билган энг буюк тренер -бу Алекс Фергюссон.Ундан кейин Арсен Венгер. Моуриньо - каландимог "пиар"щик. Энди Порту билан Интерга ЕЧЛ ни оберганига буюк булиб колаверадими? Ундай булса нечта тренерлар ЕЧЛ ни олган? Хаммаси буюкликка давогарми? Даже юртдоши Роналду бизни йулимиз бошка-бошка деб Моурга откат берворди.

Ушбу фикрга жавобан


FILOSOF
Сана: 02.05.2013 21:30. FILOSOFга ёзиш
+0; -0
Мен билган энг буюк тренер -бу Алекс Фергюссон.Ундан кейин Арсен Венгер. Моуриньо - каландимог "пиар"щик. Энди Порту билан Интерга ЕЧЛ ни оберганига буюк булиб колаверадими? Ундай булса нечта тренерлар ЕЧЛ ни олган? Хаммаси буюкликка давогарми? Даже юртдоши Роналду бизни йулимиз бошка-бошка деб Моурга откаь берворди.

Ушбу фикрга жавобан


GOLBOLSIN
Сана: 02.05.2013 16:46. GOLBOLSINга ёзиш
+0; -0
"Testere o'ldirishni bas qilib mushtlashishni o'rganishi kerak", degandi Qorahonli.

Ушбу фикрга жавобан


ULUGULUG
Сана: 02.05.2013 13:41. ULUGULUGга ёзиш
+0; -0
Mourinyo eng zor trener. U butun dunyoga yengilmas Barsani yengish usulini korsatib qoydi. Florintana Peres ham aytgan: Mourinyoni aosiy maqsadi Barsa davrini tugatish

Ушбу фикрга жавобан


BAHROMJON
Сана: 02.05.2013 13:07. BAHROMJONга ёзиш
+0; -0
Ундан кура кушнимиз, шофер илхом ака хакида макола езганингизда ман учун кизикрок эди. Ким узи у? Битта тилмочда деб куяколаман. Лекин реал бу еркин келажак ва буюк утмиши бор хакикий афсоналар жамоаси. Унда 4 та ортикчаодам бор. Моуриньо, Пепе, коентрао ва албатта Роналду. Хуллас сизнинг езган маколаларингиз ичида мен энг кам кизикиш уйготган макола. Абрамовчи эдингиз уни клони тугрисида езиб мен учун энди моуриньочи хам булдингиз-10

Ушбу фикрга жавобан


JAHONGIRCOM
Сана: 02.05.2013 12:21. JAHONGIRCOMга ёзиш
+0; -0
Ха,хакикатдан хам,Моуринью ута кибрли,Мадридда факат хакамлар,Касильяс,Рамос билан айтишиб ёдда коладиган булди,агар кетса! Лекин билишимча,у аник кетади,чунки Реалда хамманинг хафсаласи пир булди,ахир Реалга битта чемпионлик ва кубокни бошка нормал тренер хам олиб бера оларди...

Ушбу фикрга жавобан


JAHONGIRCOM
Сана: 02.05.2013 12:21. JAHONGIRCOMга ёзиш
+0; -0
Ха,хакикатдан хам,Моуринью ута кибрли,Мадридда факат хакамлар,Касильяс,Рамос билан айтишиб ёдда коладиган булди,агар кетса! Лекин билишимча,у аник кетади,чунки Реалда хамманинг хафсаласи пир булди,ахир Реалга битта чемпионлик ва кубокни бошка нормал тренер хам олиб бера оларди...

Ушбу фикрга жавобан


JAHONGIRCOM
Сана: 02.05.2013 12:21. JAHONGIRCOMга ёзиш
+0; -0
Ха,хакикатдан хам,Моуринью ута кибрли,Мадридда факат хакамлар,Касильяс,Рамос билан айтишиб ёдда коладиган булди,агар кетса! Лекин билишимча,у аник кетади,чунки Реалда хамманинг хафсаласи пир булди,ахир Реалга битта чемпионлик ва кубокни бошка нормал тренер хам олиб бера оларди...

Ушбу фикрга жавобан


MANCHESYU
Сана: 02.05.2013 00:37. MANCHESYUга ёзиш
+0; -0
гап йук макола зур чикибди худди ,,Ранолда Кузивой''га ухшаб

Ушбу фикрга жавобан


ZIMISTONIY
Сана: 01.05.2013 23:41. ZIMISTONIYга ёзиш
+0; -0
Енгил макола бубди. Осон ёзилган. Купирган.

Ушбу фикрга жавобан


ZIMISTONIY
Сана: 01.05.2013 23:41. ZIMISTONIYга ёзиш
+0; -0
Енгил макола бубди. Осон ёзилган. Купирган.

Ушбу фикрга жавобан


NOZIMBEK
Сана: 01.05.2013 22:38. NOZIMBEKга ёзиш
+0; -0
Моуриньога гап йук.замонавий футболнинг ёркин намунаси.

Ушбу фикрга жавобан


NOZIMBEK
Сана: 01.05.2013 22:38. NOZIMBEKга ёзиш
+0; -0
Моуриньога гап йук.замонавий футболнинг ёркин намунаси.

Ушбу фикрга жавобан


UZBLONDONDA
Сана: 01.05.2013 22:35. UZBLONDONDAга ёзиш
+0; -0
Анчелотти керак "Реал"га. Эсланг, у "Милан"да кандай ишлаган? Уруш пайтида хам ишлади. Тинчликда хам ишлади!

Ушбу фикрга жавобан


OFITSER
Сана: 01.05.2013 21:25. OFITSERга ёзиш
+0; -0
Ha Mour judayam kuchli trener Realda ham yutganda yaxshi bo'lardi!Maqola uchun rahmat

Ушбу фикрга жавобан


FILOSOF
Сана: 01.05.2013 21:04. FILOSOFга ёзиш
+0; -0
мобитель! Манкутлигин куриниб турибди.Миянгда озгина булса хам извилина булганда ишлатган булардинг.Жахон футбол юлдузлари йигилган Реал билан бу йил нимага эришди? Кузинг кур,кулогинг карми,манкурт.Ман фактларни ездим.Шизофреник!

Ушбу фикрга жавобан


DARDOR
Сана: 01.05.2013 21:00. DARDORга ёзиш
+0; -0
RAHMAT QAHRAMON AKA QOYIL SIZGA HAQNI YOZIBSIZ

Ушбу фикрга жавобан


TASHRIF
Сана: 01.05.2013 20:23. TASHRIFга ёзиш
+0; -0
FAMOUS?
Тугри айтасиз,Жозе узини яхши куради. Кибр факат Аллохга хослигини билмайди,билса хам амал килмайди. Уни битта шогирдчасиям бор узига ухшаган,ану Тоттенхам устози. Уям шу кетиши булса Жозедан утказади!

Ушбу фикрга жавобан


PROGRESSIVE
Сана: 01.05.2013 20:13. PROGRESSIVEга ёзиш
+0; -0
Oka maqolaga gap yo'q. Iloji bo'lsa tez tez maqola yozin.

Ушбу фикрга жавобан


PROGRESSIVE
Сана: 01.05.2013 20:13. PROGRESSIVEга ёзиш
+0; -0
Oka maqolaga gap yo'q. Iloji bo'lsa tez tez maqola yozin.

Ушбу фикрга жавобан


AZIZI
Сана: 01.05.2013 19:46. AZIZIга ёзиш
+0; -0
Узр бир марта ёзгандим. Техник носозлик.)))

Ушбу фикрга жавобан


AZIZI
Сана: 01.05.2013 19:42. AZIZIга ёзиш
+0; -0
Лекин уйин охирида унинг юз ифодасига эътибор бердингизми? Ожизлигини хис килган оддий инсонга айланди! ( унинг табиатидан келиб чиксак балки бу узокка чузилмас ) Аммо мени унга рахмим келди. Хозир унга хам балки осонмас.

Ушбу фикрга жавобан


AZIZI
Сана: 01.05.2013 19:41. AZIZIга ёзиш
+0; -0
Лекин уйин охирида унинг юз ифодасига эътибор бердингизми? Ожизлигини хис килган оддий инсонга айланди! ( унинг табиатидан келиб чиксак балки бу узокка чузилмас ) Аммо мени унга рахмим келди. Хозир унга хам балки осонмас.

Ушбу фикрга жавобан


AZIZI
Сана: 01.05.2013 19:41. AZIZIга ёзиш
+0; -0
Лекин уйин охирида унинг юз ифодасига эътибор бердингизми? Ожизлигини хис килган оддий инсонга айланди! ( унинг табиатидан келиб чиксак балки бу узокка чузилмас ) Аммо мени унга рахмим келди. Хозир унга хам балки осонмас.

Ушбу фикрга жавобан


NINDZYA
Сана: 01.05.2013 18:17. NINDZYAга ёзиш
+0; -0
пасрокда езган FAMOUS акани езганларига кешиламан!кеча шуни оркасидан Баруссияга мухлислик килдим чунки у Ч.Л.сини ютганда эххе нималар деб тешамарди, узини худога тенглаштирган одамда... кейин кумондонга киеслаш..!? билмадиму лекин халиги телеканал якинрок ухшатиш киловди

Ушбу фикрга жавобан


WUNSHUW
Сана: 01.05.2013 17:50. WUNSHUWга ёзиш
+0; -0
hali ketmadiku

Ушбу фикрга жавобан


ABDULXAMID
Сана: 01.05.2013 17:38. ABDULXAMIDга ёзиш
+0; -0
manimcha real raxbariyati unga topshirgan misiyani u to'laligicha bajardi uni asosan barsa xukumronligini toxtatish uchun olib kelingan edi va u buni alo darajada udaladi ishoning natija u qadar muxum emas edi real mutasadilariga maurni falsafasi ozi shunaqa uning ketish vaqti keldi chunki o'zaro o'yinlarda barsa bilan natija yaxshilandi undan birinchi o'rinda shu talab etilgan edi qolganini yangi murabiy bajarishi kerak mourga raxmat shucha mexnati uchun xozirgi real ancha yaxshi shakilangan va nisbatan yosh jamoa g'alablar xali oldinda xudo xoxlasa olg'a real maqolaga gaq yoq

Ушбу фикрга жавобан


SANCHES
Сана: 01.05.2013 16:56. SANCHESга ёзиш
+0; -0
Моурни кумондонга киёслашни ажойиб топкирлик дейиш мумкин. Тугриси койил колдим. Хакикатда моур бу жамоага маълум вактда совринлар ютиб бериш учун ёлланадиган мураббий. Жангда хам кумондондан факатгина улкан галабалар талаб килинади.
respect !

Ушбу фикрга жавобан


MOBITEL
Сана: 01.05.2013 16:35. MOBITELга ёзиш
+0; -0
FILOSOF 2013-05-01 16:00:41 0 Дуне олди юлдузлари тупланган Реалда
Моуриньо шу 3 йил ичида нимага
эришди.Бор-йуги битта чемпионлик ва
испания кубоги. ЕЧЛ да кулидан хеч бало
келмади шундок юлдуз уйинчилар билан .
Одамларга хам хайронсан "пиар"шикларни яхши куришади.Иш булмаса хам
гапдон,сузга чечан булса булди.Абрамовга
ухшаб. дарров гипнозига тушиб колишади!!!

Нималар деб валдираяпсан? Ахир сандай ахмоклардан бошка хамма МОУРни ИНТЕР, ПОРТУЛАРНИ ЧЛ КУБОГИНИ ЮТИБ БЕРГАНИНИ КУРГАН, УНИНГ МАХОРАТИГА ТАН БЕРГАН ЗАМОНДА ИЧИНГНИ КОРА ЭКАНЛИГИНИ НАМОЙИШ ЭТИШИНГА БУ ТРЕНЕРНИ ТЕГИЗИБ КУЙГАНИ САБАБ БУПДИДА

Ушбу фикрга жавобан


SHEVAROONEY
Сана: 01.05.2013 16:24. SHEVAROONEYга ёзиш
+0; -0
Maqola yaxshi, lekin gap inson xaqida ketayotganda bir narsa deyish qiyin. Madridda aslida nimalar bulayotganini xech kim bilmaydi,bu shunchaki jurnalistning farazlari xolos.Manimcha bu maqola oxirida Qaxramon aka, bu shunchaki faraz edi deb yozib quyishi shart edi.

Ушбу фикрга жавобан


HEROLION
Сана: 01.05.2013 16:23. HEROLIONга ёзиш
+-1; -0
FILOSOF.......... Абрамов? тавба, "балиқда жун йўқ, жун бўлганида бурга бўларди..."

Ушбу фикрга жавобан


FILOSOF
Сана: 01.05.2013 16:00. FILOSOFга ёзиш
+1; -0
Дуне олди юлдузлари тупланган Реалда Моуриньо шу 3 йил ичида нимага эришди.Бор-йуги битта чемпионлик ва испания кубоги. ЕЧЛ да кулидан хеч бало келмади шундок юлдуз уйинчилар билан . Одамларга хам хайронсан "пиар"шикларни яхши куришади.Иш булмаса хам гапдон,сузга чечан булса булди.Абрамовга ухшаб. дарров гипнозига тушиб колишади!!!

Ушбу фикрга жавобан


QUQON
Сана: 01.05.2013 15:47. QUQONга ёзиш
+0; -0
maqolaga gap yuq 5+.seni chelsida kutyapmiz maur

Ушбу фикрга жавобан


TASHRIF
Сана: 01.05.2013 15:28. TASHRIFга ёзиш
+0; -0
Гаплариз хак Кахрамон ака! Ростдан хам Жозе бор эътиборини Барсани йулидан оп ташашга каратган эди. Бошка жамоалар билан уйинда эса муаммоларга дуч келяпти Реал. Аввалига уша Боруссия,кейин Ман Юнайтед ва мана яна Боруссия билан 2 уйин. Утган йили хам Бавариядан ута олишмаганди. Айтмокчи,агар Чакир Нанини майдондан четлаштирмаганда, Жозе эртаги эртарок тугаган булар эди!

Ушбу фикрга жавобан


DAVIDVILLA
Сана: 01.05.2013 15:23. DAVIDVILLAга ёзиш
+0; -0
Blin El classico nima bo'ladi endi(((

Ушбу фикрга жавобан


FOREIGNER

Сана: 01.05.2013 15:18. FOREIGNERга ёзиш
+0; -0
No Comments!Super!

Ушбу фикрга жавобан


HOLLAND
Сана: 01.05.2013 15:15. HOLLANDга ёзиш
+0; -0
Yaxshi maqola! Joze va uning Realdagi faoliyati haqidagi har xil fikrlarning yana bir o'ziga xos varianti!

Ушбу фикрга жавобан


FUTBOLVATANI
Сана: 01.05.2013 15:01. FUTBOLVATANIга ёзиш
+0; -0
baribir APL ga teng keledigoni yoq mour qaytsa Apl yanayam qiziqarli boladi city myu arsenal liverpool totenhem chelsea shunichunam qaytmoqchi maur realda uni 1ta vazifasi qoludi udalolmagan endi udalolmasayam kere ammo realdi ancha oziga keltirvoludi oldinigi yillarga qaraganda oxirgi 2yilda ayniqsa classicolaram oldingidek qiziqarli bome qoldi pep ketgandan keyin

Ушбу фикрга жавобан


ARXEOLOG
Сана: 01.05.2013 15:01. ARXEOLOGга ёзиш
+0; -0
Men Mourni eng zo'r deb bilaman. U hech qachon taslim bo'lmaydi. Realning muxlisi sifatida kechagi o'yinidan faxrlanaman. Real eng zo'r. Maqolaga esa gap yo'q.

Ушбу фикрга жавобан


FUTBOLVATANI
Сана: 01.05.2013 14:59. FUTBOLVATANIга ёзиш
+0; -0
baribir APL ga teng keledigoni yoq mour qaytsa Apl yanayam qiziqarli boladi city myu arsenal liverpool totenhem chelsea shunichunam qaytmoqchi maur realda uni 1ta vazifasi qoludi udalolmagan endi udalolmasayam kere ammo realdi ancha oziga keltirvoludi oldinigi yillarga qaraganda oxirgi 2yilda ayniqsa classicolaram oldingidek qiziqarli bome qoldi pep ketgandan keyin

Ушбу фикрга жавобан


KNYAZ
Сана: 01.05.2013 14:58. KNYAZга ёзиш
+0; -0
Яхшигина макола бупти
Яшанг ака.....
Суперррррррррррр.!!!!!!!
Мен бир нарсани айтиб утмокчидим мен сиз айтган КУМОНДОН мухлисиман..
Агар у бошка клубга утса мен хам Реалдан вос кечаман.....
КУМОНДОН каерда булса мен хам у билан...
МОУРИНЬО бу менинг КУМЕРИМ....

Ушбу фикрга жавобан


JONNYREAL
Сана: 01.05.2013 14:53. JONNYREALга ёзиш
+0; -0
Кеча Перес уйинчиларни кутиб олиб саломлашаётганда, охирида Моур Переснинг шундоккина олдига келиб чузган кулига хам карамай бурилиб кетди... Галатида...

Ушбу фикрга жавобан


JONNYREAL
Сана: 01.05.2013 14:52. JONNYREALга ёзиш
+0; -0
Гап йук. Супер. +5 камлик килади)
хаммаси батафсил ёритилган... Рости хам шу булса кк...

Ушбу фикрга жавобан


FAMOUS
Сана: 01.05.2013 14:48. FAMOUSга ёзиш
+1; -0
Жозени сизлар билдирган фикрлар умуман кизиктирмайди дейилибти. Аксинча, Жозени у хакида билдирилаётган барча фикрлар кизиктиради. У интернетдаги хабарлар остидаги изохларни диккат билан кузатади. ТВ да тахлил курсатувларини колдирмайди. Чунки Жозе узини севадиган, уз эгосини юкори куядиган шахсдир. У доим диккат марказида булишни истайди. У хакда купрок гапиришларини истайди. Орада кандайдир танаффус булса хам, у бирон уткир реплика бериб узини борлигини эслатиб куяди. Бошкалар фикрига албатта жавоб кайтаришни канда килмайди. У узини севади. Жозе ЧЛ голиблигини Реал учун эмас, узи учун жуда истаганди. Танхо, ягона, бетакрор макомини олиш учун. Энди у Реалдан кетса, юз фоиз ишонч билан айта оламанки, у Реалга мувафаккиятсизлик тилайди. Мен килмаган нарсани биров хам килмасин деган максадда. Эслатаман, Челсидан кувилганида Грант бошкарувига утган Челси 2008 финалда МЮ га маглуб булади. Ушанда хамма "Челси сал колувди ютишига" деганида, у баттол "футболда сал колди термини иш бермайди, тулик бажарилиши керак" деб киноя килганди. Агар Челсини севганида бундай демас эди, аксинча илхомлантирар эди. Моуриньо клубларини севмайди, у узини севади.
P. S. Фотих Теримда хам шундай хислатлар мавжуд.

Ушбу фикрга жавобан


NARGIZA
Сана: 01.05.2013 14:38. NARGIZAга ёзиш
+0; -0
Тасанно, факат койил колиш керак маколага. Ану спорт телеканалидаги бемаза шархловчиларни 10 тасини урнини босади Кахрамон. Рахмат сизга

Ушбу фикрга жавобан


SUPERFANAT
Сана: 01.05.2013 14:27. SUPERFANATга ёзиш
+0; -0
+5

Ушбу фикрга жавобан


IBRAHIMOVICH
Сана: 01.05.2013 14:25. IBRAHIMOVICHга ёзиш
+0; -0
менга.хам.жанг.керак.олга.ибра.моурино

Ушбу фикрга жавобан


BOYOVUTLIK
Сана: 01.05.2013 14:18. BOYOVUTLIKга ёзиш
+0; -0
Joze-qumondon.yutqazgandan keyin hakamnikiga osiladigan QUMONDON.

Ушбу фикрга жавобан


UZBEKISTONIM
Сана: 01.05.2013 14:08. UZBEKISTONIMга ёзиш
+0; -0
хар доимгидек маколангизга беш кетдим,ижодингизга омад

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.