Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

Реализм ва "Реал"изм

Баҳо:
+1; -0

Испанияда ҳеч қачон пешқадамлар ўртасида 13 очколик фарқ йўққа чиқарилмаган, буни ҳатто ўзини максималист деб ҳисоблайдиган Жозе Моуриньо ҳам жуда яхши тушуниб турибди. Кимдир бор муаммони “Реал”дан излар, сабаби, жамоа ЕЧЛ даги ўйинларининг ярмида ҳам у қадар ишончи кўринмади. Бошқалар эса “Барселона”нинг ажойиб стартига урғу беради, зеро, агар “Барселона” ўтган мавсумни ўтган йилгидек бошлаганда, ҳозир бу жамоалар ўртасидаги фарқ атиги 4 очко бўларди холос. Хўш, доимо икки гегемоннинг узун масофадаги марафонини эслатадиган Ла Лигадаги бу ноўхшов ҳолатни таҳлил қилганимизда, сабаблардан бирини танлашга мажбурмизми? Албатта йўқ. Демак навбати билан ҳар икки томондан хулосага яқинлашамиз ва учинчи томондан нуқта қўямиз. Кетиб қолманг.

Демак, Тито Виланова. Қай даражада мураббий экани ҳалигача сирли бўлган бу шахс “Барселона” тарихидаги энг яхши стартга эришиб бўлди. Бу факт. Ҳозирги натижалардан Гвардиоланинг улушига қанчалик урғу берсангиз, кимдир, олдинги йиллардаги ғалабалардан Виланованинг ҳам хизматларини қидиришни бошлаб юборади ва бу баҳс чексизликка юз тутиши шубҳасиз. Ундан кўра келинг, мураббий “босс”га айлангач, нимани ўзгартиргани ҳақида фикр юритайлик.

Виланованинг “Барса”даги имзоси у қадар аниқ сезилмайди, лекин у бор ва жуда муҳим. Тўғри, у Пеп каби дарров бутун таркибни ўзгартириб ўз жамоасини қуришга киришмади- бу табиий чунки у Пеп штабидаги инсонлардан бири эди, қайсидир маънода таркибнинг жамланишида Титонинг ҳам қўли бор, Пике ёки Фабрегасни эсланг. Аммо у тактик жиҳатдан “Барселона”ни шундай ўзгартирдики, ўтган йили пайдо бўлаётган муаммонинг ечимини усталик билан топгани таҳсинга сазовор.

Гап шундаки, икки йил олдин дунё футболида гегемонга айланган “Барселона” ўйини аста секинлик билан орқага кетиши табиий эди. Айниқса, Пуйол, Хави каби футболчиларнинг ёши ўтиб бораётган, Санчес, Фабрегас мисолидаги трансферлар кутилган натижани бермаётганди. Пеп (балки бирга) бу муаммога ўз ҳолича ечишга ҳаракат қилди: таркибда кескинлик билан бир қатор ёшларни чиқарди. Куэнка, Роберто, Тельо, Алкантара каби футболчилар энг муҳим ўйинларда,ҳам биргаликда майдонга туша бошладилар. Вақт эса бу йўналишнинг у қадар тўғри эмаслигини кўрсатди – “Барселона” услуби қанчалик мукаммал бўлмасин, ижрочиларининг жуда юқори савияли бўлишларини тақозо қиларди. Алкантара ва Тельо бирданига, балки умуман Хави ва Месси бўлмасликлари мумкин, тўғрими? Натижа маълум, жамоа мавсумни ўзига керакли тонусда якунлай олмади, “Реал” ва “Челси”га қарши ўйинларда биз осонлик билан рақиб дарвозасига кириб борадиган ва шиддатли прессинг уюштирадиган “Барселона”ни кўрмадик. Таназзулми бу?

Тито мана шундай оғир вазиятда жамоани қабул қилиб олди, ўйин борасида муайян муаммолар бор, босим эса фақат Фергюссоннинг бўлажак вориси каби катта. Ҳозир ҳам, бир эътибор беринг, жамоа мавсумнинг деярли барча ўйинида ғалаба қозонаётган бўлса-да, унинг ростанам дунё футболидаги гегемонлиги ҳақидаги тасаввур сизда камроқ тўғрими? Гвардиоланинг “Барса”си ҳайбатлироқ, шиддатлироқ ва кучлироқ кўринарди, нима дедингиз? Аввалига ҳимоядаги хатолар туфайли деб ўйладик, кейин эса, йирик ҳисоблар йўқлигини рукач қилдик. Хатолар камайди, ҳисоблар йириклашди ҳамки, негадир “Барселона “ фақат очколарни теряпти холос, бизни ҳайрат кўчасига етакламаяпти. Сабаб?
Пеп ташкил қилган “Барселона”нинг асосий хусусияти бу – рақиб майдонидаги тотал прессинг эди. “Барселона” услубини 70-йиллардаги “Аякс”, 80-йиллардаги “Спартак”, 90-йиллардаги Круифф “Барселона”сига қиёслаган ҳар қандай мутахассис, Пеп жамоасининг ўшалардан фарқли жиҳати айнан мана шу прессинг эканини таъкидламай қўймасди. Виланова айнан мана шу прессингдан воз кечди ва унинг “Барселона”си Круиффнинг жамоасига максимал даражада яқин келди. Виланованинг бу услубдан воз кечганига сабаблар етарли, асосийси, ўша ўтган йили бўй кўрсатган кадрлар муаммоси. Хави ва Фабрегаслар билан бутун ўйин рақиб майдонида шиддатли босимни ушлаб туриш осон бўлмай қолганди, ўтган йили жуда кўп ўйинларда, айнан шунинг учун ҳам Хави жамоа темпидан тушиб қолаётганди. Виланова бошчилигидаги “Барселона” эса рақибга ҳам ҳужум қилиш имконини беряпти, тўпни қайтариб олиш учун ҳимояга қайтиш ва хатони кутишга қарши бўлмаяпти. Шунинг учун ҳам мавсум бошида бундай ўйинга ўрганмаган ҳимоячиларга кўпроқ босим тушди, лекин энди “Барселона” тезкор ҳужумларни кўпроқ уюштиряпти, кўпроқ вазият яратяпти, кўпроқ гол уряпти. Энг асосийси, Хави ва Фабрегас устига тушадиган юк камайди ва энди улар, асосйи вазифа билан шуғулланишга кўпроқ куч ва шароитга эга бўлмоқдалар. Олдинги йиллардан шаклланган ва ҳозир ҳам ҳеч қаерга йўқолмаган пойдевор эса барибир жамоа билан бирга, керакли пайтда, айниқса кучли жамоаларга қарши ўйинларда қўл келиши шубҳасиз.

Назария бўйича бу йилги “Реал” рақибини бутунлай тахтдан қулатиши керак эди. Йилдан йилга ўсиб бораётган ва айни пишиб етилган мадридликларнинг бу йўналишда давом этишларига тўсиқ йўқ эди гўё. Мадриддаги суперкубокда “Барселона”ни чилпарчин қилиб ташланганда, “Реал”даги улкан потенциални гувоҳи бўлгандик. Ўша куч қаерга кетди?

Аминманки, ўша куч ҳали ҳам мавжуд, вазиятлар тақозоси мос келиб қолса, бу кучни мавсум давомида яна кўришимиз мумкин. Энг асосий савол бошқа ерда: жамоадаги ушбу потенциални намойиш этилиши заруратини пайдо қиладиган куч “Реал”да, ёки унинг мураббийида ҳам борми?

Ишониш қийин. Жозе Моуриньо ажойиб ғалабаларга эришадиган жамоа туза олади, аммо мағлубиятга учрай оладиган, мағлубиятни кўтара оладиган жамоа туза олмайди. Мауриньо жамоалари қўлга киритилиши энг оғир бўлган ЕЧЛ кубогини кўтара олади, аммо ушлаб туриш энг қийин бўлган мағлубият юкини эмас. “Реал”да муаммони ёмон тайёргарлик, ижрочиларнинг йўқлиги ёки ёмон тактика эмас, айнан олдинги мағлубиятлар натижасида пайдо бўлган руҳий мувозанатсизлик пайдо қиляпти, деб ўйлайман.

Мен Жозени айблай олмайман, у ўзидан талаб қилинган вазифани ўзи тўғри билган йўналишда амалга оширмоқда. Футболчиларда мотивация кўнгилдагидек бўлмаса, мураббий нима қилсин, профессионалми улар? Мураббий бошқаларнинг фикри билан фаолият юритиши хато бўлади, албатта. У жамоа қолипига тушадиган мураббийлар тоифасидан эмас, у курашчи, у келиб, кўриб, ғалаба қозонадиган цезар, цезарлар эса ушбу ғалабаларнинг шуҳратини ўз мамлакатига олиб кетади, ғалаба қозонилган жой эса харобага айланади. Бир неча йиллардан бери йирик ғалабаларни кўрмаган “Реал” айнан мана шундай мураббий танлаганда, ҳаммасини ҳисобга олган бўлиши керак, айни ўша пайтда анъана эмас, кубокни танлаган. Мауриньо ўша ўнинчи ЕЧЛ кубогини Мадридга олиб келиши мумкинлигини инкор қилмайман, ош бўлсин, анъана эса Раул мисолида немис диёрига кетиб бўлганди. Қайси бири муҳим, бу энди ҳар бир диднинг ўз ихтиёри.

Уч ҳафта олдин “КПР” га қарши ўйиннинг учдан бири ўтмаёқ, “МЮ” ҳимоячиси Рафаел алмаштирилди. У ўриндиққа аранг етиб борди, кейин ўзини тута олмай йиғлаб юборди. Нега биласизми? Мен ҳам билмайман, лекин бошқа нарсани биламан – Рафаел Фергюссоннинг ҳар бир қарори энг тўғри эканига ишонади, алмаштирилдими, демак ўйини чиқмаган – бошқа сабаб ҳақида ўйлаш керакмас – машғулотга зўр бериши керак. Рафаел кейинги ўйинда майдонга тушди ва Манчестер дербисидаги энг яхши ўйинчилардан бири бўлди. Бошқа бир вазият, Месси ўғил кўрган куннинг эртасига “Камп Нау”да бўлиб ўтган ўйин эсингиздами? “Сельта”га қарши. Месси ўша ўйинда гол уришни жуда истаганди, балки нишонлаш учун тайёргарлик кўргандир. Хуллас биринчи таймда қулай вазиятдан фойдалана олмаган Месси иккинчи таймда фақат юрди. Ўйнамади. Майдонда юрди. Виланова уни алмаштиришга ботина олмади. Шериклари қувватлаш учун тўпни унга оширишга ҳаракат қилишар, барибир ўхшамасди. Гуёки, бир оилада аразлаб қолган кичик ўғил, унинг феълини яхши биладиган акалар ва ота эса иложи борича уни юпатишга уринишарди. Шунақасини “Реал”да тасаввур қила оласизми? Мен эса, йўқ. Роналдунинг бахтсиз бўлиб қолганига сабаб шудир, у Мадридда ҳеч қачон эркатой болакай бўла олмайди, ўнлаб рекордларни урса-да. У Мадридда ёлланма ишчи, пулини олдингми, ўйна ва гол ур. Бир дақиқа югурмай қўйчи, хуштагимизни эшитасан!. Мажбурсан шунга, сенга шунча пул тўлаганмиз, сен эса, бизга ғалабаларни олиб беришинг шарт. Никоҳ шартномаси ҳукмронлик қиладиган бу оилада ҳар икки тараф ҳам бахтли бўла олмайди. Ғалабалар, яхши кунлар уларни бирлаштирар, лекин оғир кунлар бир бириннг елкасига бош қўйиб эмас, бир-бирига тош отиб ўтказилади. Мадридда футболдан завқ олинмай қўйганига анча бўлган. Мадридда “мадридстар”лар эмас, “гладиаторлар” фаолият кўрсата бошлаганига анча бўлган,

Қайтараман – бу танлов ва мезонлар иши, мен ҳеч кимни айбламоқчи эмасман. Қайтараман, Моуриньо Мадридга ғалабалар қозониш учун келган, анъаналарни сақлаш учун эмас. Унга Мадридга муҳаббат уйғотувчи ва футболчиларга Мадрид нималигини англатувчи Рауллар керакмасди, гол уриб очколар келтирувчи Бенземалар зарурроқ эди. Бу унинг танлови, Моуриньо анъаналар қоровули эмас, у бир пайтлар тўп ташиб юрган “Камп Нау”га келиб провакация билан шуғуллана оладиган алоҳида шахс.

Роналду ҳам ҳозир ўзи қумсаётган муҳитдан ўз истаги билан чиқиб кетганди. У характер жиҳатидан Моуриньога ўхшайди, у яккахон уруш очишни ва бу жангда ғалаа қозонишни истайди! Унинг Манчестер анъаналари даражасидан юқорироқни кўзлагани шубҳасиз, айнан шу анънани сақлаб қолиш туфайли бир пайтлар ҳатто Бекхэмдан ҳам воз кечилганини ўйлаб ҳам ўтирмаганди кетаётганда. Аминман, агар Роналду Манчестерда қолганида, камроқ гол урарди, лекин футболдаги ҳозирги даражаси ҳам, “Олтин тўп”лари сони ҳам ҳозиргидан кўпроқ бўларди. Унинг муваффақиятларида “Руни ва Скоулз”нинг улуши кўп бўлганини айтиб кайфиятини бузадиган фанатлар гуруҳи мавжуд бўларди, аммо Роналдуда Месси билан тенг қуроллар ёрдамида курашиш имконига эга бўларди, тўғрими?

Ўнлаб юқори савиядаги футболчиларига эга бўлган мактаби бўлмаса-да, “Реал”да ҳам бу анънана бор эди. Мана бу Зиданнинг футболкаси, мана бу Роналдо бутсиларининг изи, мана бу шкафдан кимсан Раул фойдаланган. Мана шу тушунчаларнинг ўзи тўлқинлантира оладиган авлод, улар ким, Кальехон бўладими, Сольдадоми ёки Педро Лион, фарқи йўқ, қадрланмас экан, мана шу анъаналар қайсидир нуқтада совринлардан устун қўйилмас экан, “Реал”да муаммолар пайдо бўлаверади. Ҳа, Сольдадолар билан чемпион бўлиш қийиндир, лекин Сольдадолар билан мағлубиятлар мардонавор босиб ўтилади. Мен бунга ҳам аминман. ��

Киритилган сана: 18.12.2012 16:59. Ўкилди: 7950 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


DINAMACHI
Сана: 19.12.2012 18:20. DINAMACHIга ёзиш
+0; -0
Men ham esladi,qanaqa zör real bor edi morientes,raul,yerro,karlos u paytla elklassikoni ham mazmuni qarashlari boshqacha edi. 2-dan erkatoy bola bölish un sadoqat bölish kk. Sadoqatni baxosi baland.

Ушбу фикрга жавобан


UZBEKFAN
Сана: 19.12.2012 16:40. UZBEKFANга ёзиш
+0; -0
Мен кўпроқ Ўзбекистон термасига мухлислик қилганим ва бу Испания жамоаларини ўйинини кўрмаганим учун мақолага тушуна олмадим. Узр.

Ушбу фикрга жавобан


ANTIVIRUS
Сана: 19.12.2012 09:19. ANTIVIRUSга ёзиш
+0; -0
Ажойиб макола учун ташаккур. Бу ерга яна бир нарса журналистларни футболчилар шахсий хаётларига хаддат ташкари куп аралашишини хам кушиш мумкин.

Ушбу фикрга жавобан


SERIY
Сана: 19.12.2012 07:49. SERIYга ёзиш
+0; -0
Бу Кахрамон Аслановча хулоса, лекин мани фикрларим анча бошкачадир.
Реалга мотивация эмас, Жозе Моуриньо ортикчалик килмокда. Уни миссияси тугади, у утган йили барсадан чемпионликни тортиб олиш учун Реалнинг барча уйинчиларини "siqib сувини ичиб булган", шунинг учун улар бу йил яхши уйин курсата олмаяпти. Яна шу ерда бир неча йилдан бери факат шу битта чемпионлик билан дарров "туйиб" колгани мани хайрон колдирмокда. Барселона утган бир неча йилларда еки Пеп даврида 15 тадан ортик кубоклар ютди, лекин улар "туйиб" колишмади, Реал эса битта чемпионлик билан "туйиб" колаетган экан бу ерда энг асосий айбдор яна мураббий булади.

Ушбу фикрга жавобан


SERIY
Сана: 19.12.2012 07:49. SERIYга ёзиш
+1; -0
Бу Кахрамон Аслановча хулоса, лекин мани фикрларим анча бошкачадир.
Реалга мотивация эмас, Жозе Моуриньо ортикчалик килмокда. Уни миссияси тугади, у утган йили барсадан чемпионликни тортиб олиш учун Реалнинг барча уйинчиларини "siqib сувини ичиб булган", шунинг учун улар бу йил яхши уйин курсата олмаяпти. Яна шу ерда бир неча йилдан бери факат шу битта чемпионлик билан дарров "туйиб" колгани мани хайрон колдирмокда. Барселона утган бир неча йилларда еки Пеп даврида 15 тадан ортик кубоклар ютди, лекин улар "туйиб" колишмади, Реал эса битта чемпионлик билан "туйиб" колаетган экан бу ерда энг асосий айбдор яна мураббий булади.

Ушбу фикрга жавобан


ZIDANUZB
Сана: 19.12.2012 01:49. ZIDANUZBга ёзиш
+-1; -0
maqola yaxshi chiqipti, kamchiliksiz parvardigor)

Ушбу фикрга жавобан


ZIDANUZB
Сана: 19.12.2012 01:47. ZIDANUZBга ёзиш
+-1; -0
аммо Роналдуда Месси
билан тенг қуроллар ёрдамида курашиш имконига эга бўларди,
тўғрими?
@@@@@@@@@@
mana bu gapizga 200٪ qushilmiman... sizga savolda, barsada eng tez yuguradigani Kim? usha futbolchi bilan (messidan bowqasi busin)chelsidagi hazard degan futbolchini kechgacha ketmon chopdirib ertasiga bir startga quyingchi Kim birinchi kelarkan ...
agar barselonani shu tarkibiga bizzi azizbek haydarovniyam quwib quyingda messini tawqariga chiqarvoring, bir yilda messini amaki degizdiradi azizbek ham... messi mukammal futbolchi, lekin xavi iniesta .... va yana 1-2ta futbolchilarsiz messi bunaqa darajaga yetolmasedi 200٪ garantiya...

uziz aytganizday ronaldo agar MYuda uynayatgan buganida messini sindirvoradigan bupketardi, tak CTO ikkita odamni suhbatida 3-shaxsning roli katta, messini xudo deyvermaylar

Ушбу фикрга жавобан


ZIDANUZB
Сана: 19.12.2012 01:47. ZIDANUZBга ёзиш
+-1; -0
аммо Роналдуда Месси
билан тенг қуроллар ёрдамида курашиш имконига эга бўларди,
тўғрими?
@@@@@@@@@@
mana bu gapizga 200٪ qushilmiman... sizga savolda, barsada eng tez yuguradigani Kim? usha futbolchi bilan (messidan bowqasi busin)chelsidagi hazard degan futbolchini kechgacha ketmon chopdirib ertasiga bir startga quyingchi Kim birinchi kelarkan ...
agar barselonani shu tarkibiga bizzi azizbek haydarovniyam quwib quyingda messini tawqariga chiqarvoring, bir yilda messini amaki degizdiradi azizbek ham... messi mukammal futbolchi, lekin xavi iniesta .... va yana 1-2ta futbolchilarsiz messi bunaqa darajaga yetolmasedi 200٪ garantiya...

uziz aytganizday ronaldo agar MYuda uynayatgan buganida messini sindirvoradigan bupketardi, tak CTO ikkita odamni suhbatida 3-shaxsning roli katta, messini xudo deyvermaylar

Ушбу фикрга жавобан


FATHQUQON
Сана: 19.12.2012 00:06. FATHQUQONга ёзиш
+0; -0
Макола бамисоли мевали дарахтдай булибди.Уни сояси еки мевасидан фойдаландик.Ташаккур.Маколани укиб илк фикр шундай булдики,бамисоли реал уйинчилари ва мураббийлари клубда бажараетган вазифалари тугаб бораетган аскардай.Хизмат тугайди ва купчилик таркайди.Улар купрок кейинги фаолиятларини уйлаетгандай туюлмокда назаримда

Ушбу фикрга жавобан


NODIRJON
Сана: 18.12.2012 22:42. NODIRJONга ёзиш
+0; -0
мана буни макола деса булади яна кутиб коламиз

Ушбу фикрга жавобан


NODIRJON
Сана: 18.12.2012 22:42. NODIRJONга ёзиш
+0; -0
мана буни макола деса булади яна кутиб коламиз

Ушбу фикрга жавобан


NBKICKER
Сана: 18.12.2012 21:50. NBKICKERга ёзиш
+0; -0
QAXRAMON - GAP yo'q!!! MOLODEC!!!! Barselona tito bn yanada kuchaygani aniq. Oprniklarni yanada xujumkor o'yini ko'proq gol urish bn ko'proq gol o'tkazayotganiga xam sabab bo'layapti. Tito Cesc dan unumliroq foydalanayapti, bir vaqtning o'zida Iniest, Xavi va Cesc larni o'ynatishda KATTA YUTUQ bor. Real xaqida ESA TOZA XAQIQIAT VA YURAKDAGI GAPLARNI AYTIBSIZ!!! O'tgan yili Ispaniya chempionligini nishonlagan REAL va bunga SALMOQLI xissa qo'shgan RONALDU ni Madridda VARAN chalik ko'rishmagani ham XAQIQAT. Eeex RAUL, MORIENTES, GUTI davridagi REAL ACHCHIQ O'TMISH.
RAXMAT QAXRAMON!!!

Ушбу фикрга жавобан


MASTERFUTBOL
Сана: 18.12.2012 20:25. MASTERFUTBOLга ёзиш
+0; -0
Madrid MU, LVP, Milan, Yuvedan farqli chempda hech qachon 3-bulmagan. Mour kelib 2-dan 1-ga olib chiqdi, hozir ham uwa tarkib, uwa uslub bsa ham wijoat an4a pasaygan. Ln klub 1-dan 2-gamas xuddiki 3-ga sakragandek guyo, agar MC chlda omadli qatnawganda nima bulardi tasavvur qiliw qiyin(Ayaks bn 2 uyini kupro nazarda tutmoq4iman). Mour uz an'anasiga sodiq qolmoqda (3-yilgi muvaffaqiyatsizlik, u ketgan jamoada muhit izdan 4iqiwi: Chelsea haligacha orzuyidagidek murabbiyga eriwa olmadi`Xiddink buliwi mn edi, ln...', Inter b.sa hali ham uziga kela olmadi. Madrid uz an'anasiga sodiq qoladimi, yoki... Yoki Mour bn yana 2-3y hamkorlikni davom ettiradimi(iwoniw qiyin)-bu juda qiziq

Ушбу фикрга жавобан


XABIALONSO
Сана: 18.12.2012 20:21. XABIALONSOга ёзиш
+0; -0
100% q6wilaman maqoladagi fikrlarga, Qaxramon aka, haqiqiy jurnalist ekanligizni yana isbotlab q6yibsiz. Rahmat.

Ушбу фикрга жавобан


FOTIX
Сана: 18.12.2012 20:11. FOTIXга ёзиш
+2; -0
Plaza. Xaqiqatdan ham rosa ezilib o'qibsiz, ishondik :)

Ушбу фикрга жавобан


PLAZA
Сана: 18.12.2012 20:11. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


PLAZA
Сана: 18.12.2012 20:10. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


PLAZA
Сана: 18.12.2012 20:07. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


PLAZA
Сана: 18.12.2012 20:06. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


PLAZA
Сана: 18.12.2012 20:06. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


PLAZA
Сана: 18.12.2012 20:05. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


PLAZA
Сана: 18.12.2012 20:05. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


PLAZA
Сана: 18.12.2012 20:05. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


PLAZA
Сана: 18.12.2012 20:03. PLAZAга ёзиш
+0; -0
Эзилиб укидим. Афсус...
Мен Йерро бошлик Раул, Редондо, Зидан ва Павонларни согиндим (((
Перес калласи ишласа Раулни клубга кайтаради. Администрацияга булса хам...

Ушбу фикрга жавобан


RAZBORWIK
Сана: 18.12.2012 19:42. RAZBORWIKга ёзиш
+0; -0
FILOSOF YOWLARDAN BULSA OLGA OMAD TAYLAKOV!

Ушбу фикрга жавобан


BURGUT
Сана: 18.12.2012 18:46. BURGUTга ёзиш
+0; -0
Doimgde KLASS

Ушбу фикрга жавобан


FILOSOF
Сана: 18.12.2012 18:38. FILOSOFга ёзиш
+0; -0
Олга Рузимбой Ахмедов!!!Йук,бу шиор эскирди . Олга Темурхужа Абдухоликов!!!Даешь сборную Узбекистана!!!

Ушбу фикрга жавобан


FILOSOF
Сана: 18.12.2012 18:29. FILOSOFга ёзиш
+0; -0
Олга Рузимбой Ахмедов!!!Йук, эскирди . Олга Темурхужа Абдухоликов!!!Даешь сборную Узбекистана!!!

Ушбу фикрга жавобан


SANCHES
Сана: 18.12.2012 18:29. SANCHESга ёзиш
+0; -0
munis
хаа нимагадир мен бунга эътибор кимаган эканман ((

Ушбу фикрга жавобан


SANCHES
Сана: 18.12.2012 18:27. SANCHESга ёзиш
+0; -0
munis
хаа нимагадир мен бунга эътибор кимаган эканман ((

Ушбу фикрга жавобан


ELIVERPOOL
Сана: 18.12.2012 18:25. ELIVERPOOLга ёзиш
+0; -0
У бир пайтлар туп ташиб юрган "Камп нау"га келиб...
Ёмонам хироблабсиз лекин.
Макола у-н рахмад.

Ушбу фикрга жавобан


MUNIS
Сана: 18.12.2012 18:21. MUNISга ёзиш
+0; -0
SANCHES суперкубокда менга реал ва барса урин алмашгандай туйилувди тажовускор энди реал ва пайт пойловчи барса булганди

Ушбу фикрга жавобан


MUNIS
Сана: 18.12.2012 18:20. MUNISга ёзиш
+0; -0
SANCHES суперкубокда менга реал ва барса урин алмашгандай туйилувди тажовускор энди реал ва пайт пойловчи барса булганди

Ушбу фикрга жавобан


SANCHES
Сана: 18.12.2012 18:13. SANCHESга ёзиш
+0; -0
жамоаларнинг хозирги холатига профессионалча ёндашув бупти. койилман,Барсада тито амалга оширган бу улкан узгаришни сезмаганим учун узимдан хижолатман ))

Ушбу фикрга жавобан


HELLOMOTO
Сана: 18.12.2012 17:53. HELLOMOTOга ёзиш
+0; -0
Кетиб колманг...)))...Саркисян билан роса гулмисиз-райхонмисиз уйнайдиган бола экан муаллиф..

Ушбу фикрга жавобан


XUSHNUD
Сана: 18.12.2012 17:47. XUSHNUDга ёзиш
+0; -0
Барселонани сафарда хали мухим уйинлари бор. Атлетико яна Эл классико яни 3 очколи эмас 6 очко ишланадиган уйинлар. Омад Барса

Ушбу фикрга жавобан


XUSHNUD
Сана: 18.12.2012 17:42. XUSHNUDга ёзиш
+0; -0
Койил. Ажойиб макола булибди.

Ушбу фикрга жавобан


MUNIS
Сана: 18.12.2012 17:24. MUNISга ёзиш
+0; -0
э койилэ бир нафасда укилди!

Ушбу фикрга жавобан


RAZBORWIK
Сана: 18.12.2012 17:20. RAZBORWIKга ёзиш
+0; -0
KAXRAMON AKA MADRIDGA BORIB KELDIZMI?))

Ушбу фикрга жавобан


FOTIX
Сана: 18.12.2012 17:20. FOTIXга ёзиш
+0; -0
Noodatiy yondashuv :)

yaxshi chiqibdi

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.