Кириш Регистрация

Блог

Қаҳрамон Асланов

25-кадр

"Қалдирғоч" фақат қанотдан иборатми?

Баҳо:
+1; -0

Ҳар хил ўйинлар бўлади. Жумладан, нисбатан кучсизроқ жамоанинг ўзидан кучлироқ рақибини ютиб қўйиши. Кўп кўрганмиз. Ҳамма шунақа деяпти, “Бунёдкор” аслида рақибидан кучлироқ экан. Ҳар икки ўйинда ҳам буни исботлабди. Фақат натижа ўхшамади, омад келмади. Ва ҳоказо.

Биласизми, ўша нисбатан кучсизроқ жамоанинг ўзидан кучлироқ рақибини ютиб қўйиши одатда қандай бўлади? Мисол учун нисбатан кучсизроқ жамоа пировардида ўта кучли ва иштиёқ билан ўйнаб юборади. Масалан, ит қувлаганда илгари қўлингиз етмаган томдан сакраб кетасиз-ку, шу каби, умрида бажара олмаган ишларни қилиб юборишади футболчилар. Ёки аксинча, кучли жамоага омад келмайди. Ярим метрдан ҳам қийшиқ тепишади, зарбалар тўсинга тегадимией, дарвозабон қаҳрамонлик кўрсатворадимией, хуллас тушундингиз. Мана шундай ўйинлардан кейин оғир хўрсиниш бўлади, аммо футболнинг аслида бир ўйин эканини хис қиласиз, ғолибга тан берасиз, мағлубга ачинасиз. Барибир тўп думалоқ-да, тўғрими?

Биласизми, айнан бугун менда шунақа хиссиёт бўлмади. Бошқа кўз билан, “Бунёдкор”нинг рақибидан минг чандон кучли экани ҳақидаги уйдирмани унутган ҳолда томоша қилиб кўринг-да, ўйинни? Нима кўряпсиз? Энг ачинарлиси, сиз ва мен “Бунёдкор” кучлироқ эканини исботлайдиган бирорта асос топа олмаяпмиз-ку? Балки, таркибимиздаги футболчилар савияси чинданам устундир, лекин бу жамоанинг кучини ташкил қиладиган факторлардан атиги биттаси холос-ку?

Хўш, савол: Биргина гол керак бўлган ва гуёки бутун ўйинни ҳужум қилиш билан ўтказган “Бунёдкор” биргина хавфли вазият ярата олдими? Мен эслай олмаяпман. Бутун ўйин давомида жамоамиз бирор марта чинакамига хавфли вазият яратмади. Қулай зарбали вазиятга чиқмади. Хавфли зарба амалга ошира олмади. Бу дегани шуки, биз нафақат рақибни юта олмадик, балки эплай олмадик. Ютиш қийин, гол уриш керак, омад келиши керак, рақиб ҳам хато қилиш керак ва ҳоказо. Лекин савияли ўйин намойиш қилиш, ғалаба учун керакли ҳаракатларни амалгат ошириш ўзимизнинг қўлимизда эди, афсуски, бунисини ҳам бажара олмадик.

Биринчидан. Жамоа ўйинни жуда шошқалоқлик билан бошлади. Майдонни қаерида тўпни эгалламайлик, қандайдир ортиқча ҳаракатлар, зўриқиш, керакмас жойларда тезкорлик намойиш қилиш, шерикларини беҳуда югуртириш каби ҳолатлар кузатилди. Натижада “Бунёдкор” иккинчи таймда чарчаб қолди. Айниқса руҳан. Биринчи таймдаги ҳужумлар пайтида рақиб жарима майдонида кўпроқ футболчиларимиз ўрин олишган бўлса, иккинчи таймда ундай бўлмади. Сабаби, майдон бўйлаб уёқдан буёққа чопаверган футболчиларимиз чарчаб қолишди ва аксарият ҳолатда майдон марказида ёки жарима майдони атрофида жойлашиб қолаверишди. Қанотлардан ҳужум қилаётган жамоа аксарият ҳолларда имкон қадар рақиб дарвозасига яқинроқ ва зичроқ ҳаракат қилиш керак.

Иккинчидан. Ўша қанотлардан узатмалар масаласи. Деярли барча ҳужумларда сўнгги пас қанотдан узатилиши кўзда тутилганди. Яъни қарши ҳужумлар ҳам, позицион, марказдан уюштирилган ҳужумлар ҳам якунда қанотга тўп етказиш билан давом этди. Кейинги қадам: тўпни жарима майдонига етказиб бериш. Хўш, уддаландими? Қанотдан ҳужум қилишнинг ҳам ўзига хос жиҳатлари бор, яъни ақл ишлатилиши керак бўлган нуқталар.

1) Оширмалар аниқ жамоадошга ёки очиқ худудларга етказилади. Яъни қанотдан тўпга эгалик қилаётган футболчи. Ўз жамоадоши эгаллаб турган зонани аниқ кўриши ва ўша ерга тўпни етказиб беришга ҳаракат қилиши керак. Бу ерда ҳужумчининг маҳорати ҳам талаб қилинади, яъни ҳаракатланиш эвазига тақибдан қочиш ва бўш, қулай зоналарни эгаллаш. Бизда одатда, икковиям амалга ошмади. Қанот футболчилари таваккалига тўпни жарима майдонига узатавердилар. Табиийки, бу ерда таиландликлар сон жиҳатдан кўпроқ ва уларнинг вазифаси ҳам осонроқ: етти метр ичига тўпни киритиш эмас, ўша етти метрдан бошқа ерларга тўпни тепиб юбориш.

2) Тўп ҳужумчилариимзга аниқ етиб борган тақдирда ҳам, эгалланган позициялар қулай эмасди. Яъни аксарият ҳолларда, бош билан бир зарба бериб, дарвозани нишонга олиш мумкин бўлган вазиятларни кузатмадик. Ё тўп зарба бериш учун ноқулай тарзда узатилди ёки ҳимояилар билан курашда тўпни кўнгилдагидек буйсундириш ёки зарба беришнинг имкони йўқ эди. Бу ерда ҳам айб икки томонга тушади: ҳужумчилар позиция танлашда хатога йўл қўйдилар, қанот ўйинчилари тўпни сақлаб турган ҳолда, позицион устунлик �мумкин бўлган пайтни кутмадилар.

3) Дарвозага босим уюштириш. Қанотдан амалга ошириладиган ҳужумларда бундай услуб ҳам қўл келади. Яъни оширмалар иложи борича дарвозага яқин бўлган худудга етказилаверади. Узатмалар гоҳ юқорилатиб, гоҳ пастлатиб, асосийси, бироз кучлироқ тарзда дарвозабон майдончасига етказилади. Бу ҳолатда, зарба бериш позициясига чиқиш катта аҳамият касб этмайди, сабаби, яқин масофадан салгина тўпга тегиш, йўналишни ўзгартириб юбориш орқали ҳам дарвоза ишғол қилиниши мумкин. Бу ерда асосий вазифа имкон қадар кўпчилик бўлиб дарвозага ҳужум қилиш ва тўп курашларда рақибни енгиш. Бундай ҳолда фақатгина туп учун курашда ғолиб чиқиш билан вазифанинг ярми бажарилади, чунки бошқа ҳимоячининг “страховкаси” ёки зарба учун қулай вазият ахтариш шарт эмас – масофа яқин, ҳар қандай зарба голга айланиши мумкин.

4) Иккинчи темп. Бунда ҳам имкон қадар дарвоза яқинига босим уюштирилади, фақат жарима майдони атрофида имкон дақар зарбали позициялар хосил қилинади. Яъни сал орқароқда, муҳим позициялар эгалланишга ҳаракат қилинади, қанот ўйинчилари эса вазиятни аниқ баҳолашлари ва баъзида ҳужумни марказга тезлик билан кўчиришлари мумкин.

Хуллас ўйиндан олдин бизга иш бериши мумкин бўлган қандайдир аниқ режа бўлганлигини инкор этишга ҳаққим йўқ, аммо шуниси аниқки, биз ўйнай олмадик. Бажара олмадик. Эплай олмадик. Кучли эмасмиз.

Одатда, омад туфайли кимгадир ютқазиб қўйилганда, қандайдир ишонч берувчи хиссиёт ҳам бўлади. Бу сафар омад келмади, демак қачондир келиши керак-ку, бундай ўйинлар дарс бўлар футболчиларга, деб ўзимизни овутамиз. Энг ёмони мана шундай фикрларни биз, бу ўйиндан кейин айта олмаяпмиз. Ахир рақибимиз ўзининг энг яхши ўйинини ўтказмади-ку,бугун? Аксинча, хавотирларимиз янада ошяпти. Нолу ноллар кўпайиб кетяпти, биз эса яқинда кимнидир ютишимиз керак. Қандай қилиб? Мураббийларимизни янада қаттиқроқ ишлашга чақираман. Омад.

Киритилган сана: 21.05.2013 23:13. Ўкилди: 7197 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


EXPERIENCE
Сана: 30.05.2013 10:45. EXPERIENCEга ёзиш
+0; -0
Зур тахлил! 1-2 нарса кушсам:
1) Канотлардан хеч курса прострел, ерлатиб тепган холда, килгандаям, кимнингдир оёгидан варатага кириб кетиши эхтимоли кам булмаган буларди

2) Команда канотлардан ташкари, босим остида булганда, кандай уйнашни билмайди. Тугри, бу иш онсон иш эмас. Лекин тенденция шу. Ливан билан хам шундай булганди (гарчи сборный булса хам), Бунёдкорнинг ОЧЛ уй уйинларида хам, ва айникса Буририам билан уйинлда якоол сезилди. Айнан бир оз босим булганида, команда утириб куяпти.

Ушбу фикрга жавобан

SERIY
Сана: 23.05.2013 12:39. SERIYга ёзиш
+0; -0
Бунедкорни уйинида узига хос "почерк" йук, яни уларда жамоани олдинга бошлай оладиган, кийин вазиятларда маъсулиятни уз буйнига оладиган футболчи йуклиги хам панд берди. Ички биринчилигимизда бу услубда галаба козониш мумкин, лекин халкаро уйинларда бу "услуб" иш бермаслиги аник эди.

Ушбу фикрга жавобан

SERIY
Сана: 23.05.2013 12:38. SERIYга ёзиш
+0; -0
Бунедкорни уйинида узига хос "почерк" йук, яни уларда жамоани олдинга бошлай оладиган, кийин вазиятларда маъсулиятни уз буйнига оладиган футболчи йуклиги хам панд берди. Ички биринчилигимизда бу услубда галаба козониш мумкин, лекин халкаро уйинларда бу "услуб" иш бермаслиги аник эди.

Ушбу фикрга жавобан

SERIY
Сана: 23.05.2013 12:38. SERIYга ёзиш
+0; -0
Бунедкорни уйинида узига хос "почерк" йук, яни уларда жамоани олдинга бошлай оладиган, кийин вазиятларда маъсулиятни уз буйнига оладиган футболчи йуклиги хам панд берди. Ички биринчилигимизда бу услубда галаба козониш мумкин, лекин халкаро уйинларда бу "услуб" иш бермаслиги аник эди.

Ушбу фикрга жавобан

SERIY
Сана: 23.05.2013 12:37. SERIYга ёзиш
+0; -0
Бунедкорни уйинида узига хос "почерк" йук, яни уларда жамоани олдинга бошлай оладиган, кийин вазиятларда маъсулиятни уз буйнига оладиган футболчи йуклиги хам панд берди. Ички биринчилигимизда бу услубда галаба козониш мумкин, лекин халкаро уйинларда бу "услуб" иш бермаслиги аник эди.

Ушбу фикрга жавобан

SAFARALI
Сана: 22.05.2013 21:36. SAFARALIга ёзиш
+0; -0

Ушбу фикрга жавобан

SAFARALI
Сана: 22.05.2013 21:36. SAFARALIга ёзиш
+0; -0
darvozaga to'g'ri tepadigan odam bo'lmasa qayoqdan gold bo'lsin? lekin bunikni bopladi. yirik hisobda yutamiz deb katta ketmaslik kerak edi. nachora.

Ушбу фикрга жавобан

HURRRMATAKA
Сана: 22.05.2013 19:26. HURRRMATAKAга ёзиш
+0; -0
Ман Косимовни тактикасигаям, мураббийлик салохиятигаям ишонмиман. Лекин, шу инсон йук тактика ва нурсиз, таваккал канотларга ёпишиб колган уйин билан, Кореяда ракибни биргина хатоси(агар йул куйса) ёки стандарт вазиятлардаги омад туфайли, уз майдонимиздаги Катар билан уйинда эса, стадион тула мухлисларимизни куллаб-кувватлаши, илтижоси сабаб уйинчиларда тугиладиган катта иштиёк эвазига МТЖни Бразилияга олиб борсин деб ишониб турибман. Хозир бошка мураббий олиб келишдан мантик курмаябман. Савол! 20 кунда нимани узгартиради уша мураббий? 2000 йилда Ливандаги Осиё чемпионатига 2 ой колганда термага келган Саркисян нимани эплагандику, хозирги пайтда 20 кун ичида ким нимани эплай олади?

Хозир Миллий терма жамоамиз учун биргина план бор - нима килиб булса хам, ЖЧ-2014 Бразилияга йулланмани кулга киритиш. Колгани, уйин сифати, тактика, голлар шоуси, буларни хаммаси 1 тийин!!!

Ушбу фикрга жавобан

MANSURXO
Сана: 22.05.2013 17:21. MANSURXOга ёзиш
+0; -0
Asab buzilishini hohlasang o’zbek futbolini ko’r!

Kecha “Bunyodkor”- “Buriram Yunayted” o’yinini tomosha qilaturib biram asablarim buzilib ketdiki, asti qo’yavering. Bitta gol urish shunchalar qiyin ekanini shu paytgacha bilmay yurgan ekanmiz. 90 daqiqa yana qo’shimcha 7 daqiqa kamlik qildiya!
Men futbol mutaxassisi emasman, lekin necha yillik futbol muhlisiman. O’zbek futboli muhlisi. Nima qilay, yutsa ham, yutmasa ham ko’raveraman. Chunki men o’zbek farzandiman, millatim sha’ni men uchun har narsadan ustun.
Keling gapni cho’zmay, kechagi o’yin haqida bir muhlis sifatida fikrlarimni bildirib o’tay. Kamoliddin Murzoyev – hujumchi, lekin unda hujumchida bor biror element ko’rmadim. Na to’p uchun kurash, na to’pni his qilish, na gol urishga ishtiyoq… Hech narsa yo’q. Lutfilla To’rayev kim o’zi? To'p bilan muomala qilishni bilmaydi. Hujumchimi yoki yarim himiyachi? Semirib ketgan, men shu paytgacha u kabi semiz futbolchini ko’rmaganman. Alibobo Rahmatullayev – puf desa uchib ketadigan darajada. Oyog’i yerni his qilmaydi. To’p uchun kurashda baho 0! Zahiradan tushirildi, lekin jamoaga nima foydasi tegdi? Hech qanday! Afsus... Hayrulla Karimov, menga himoyachining uzun sochlaridan boshqa hech narsa ko’rinmadi. Himoyachilik qobiliyati 0! Komanda kapitani sifatida jamoani oldinga boshlash kabi jihatlar yo’q. Hatto raqib hujumchisi bilan to’p uchun kurashda ustunlik yo’q! Kecha hujumchini ochiq to’xtatib qolgan vaziyatni ko’rdingizmi? Boshqa hakam bo’lganida aniq qizil kartochka berardi. Uning xalqaro maydonda o’ynatish juda havfli va ahmoqlik!
Shu o'rinda, raqib o’yini haqida ikki og’iz. Juda tartibli, ishonchli o’yin. Bir-birini tushunib o’ynashi, to’p uchun kurashlarda ustunligi evaziga kerakli natijaga erishildi.
Kecha futbolchilarimiz o’yinini tomosha qilaturib, maydonda bir gala ko’cha futboli vakillarini ko’rganday bo’ldim! Na malaka, na tajriba, na bir tayyorgarlik… hech narsa ko’rmadim. Hatto jismoniy tayyorgarlikning yo’qligi meni hayron qoldirdi, futbolchilarda o’ziga nisbatan ishonch yo’q. Oyog’i yerda mahkam turmaydi, o’ziga ishonmaydi. Palapartishlik, bir-birini tushunmaslik, chiroyli kombinatsiya… hech narsa yo’q. Maydonda har bir futbolchining o’z o’rni bo’lishi kerak, maydonni bir qismini nazorat qila olishi kerak, men bu hususiyatlarni hech bir futbolchida ko’rmadim. Futbolda burchak to’pi havfli vaziyat sanaladi, lekin bizda samarasiz yakunlanadi bunday vaziyatlar… Standart vaziyatlardan foydalana oladigan biror futbolchini ko’rsata olasizmi? Ikkinchi qavatda ustunlik yo’q, bir amallab uzatilgan paslar qanday golga aylansin! Bosh bilan o’ynaydigan biror bir futbolchini ko’rmadim. Yana bir jihat, faqat qanotlardan hujumlar… bu taktika shunchalar eskirib ketdiki… Oleg Zoteyev faqat himoyachilarni mo'ljalga oldi... Legionerlar bir bosh baland futbolchilar sanaladi, kechagi o’yinda buni his qilmadim.
Endi murabbiy masalasi. Mirjalol Qosimov yaxshi murabbiydir, lekin buni isbotlay olmadi. Kechagi o’yinda uning na bir taktikasini na bir rejasini ko’rmadik. Hech bo’lmaganda zahiradan tushadigan futbolchilar orqali ham ko’rsata olmadi o’zini. Futbolchilar bilan ishlash, ularni o’yinga tayyorlash… hech narsa qilinmagan. Hatto qaysi futbolchi maydonning qaysi qismida yaxshi o’yin ko’rsatadi, shu narsaga e’tibor qaratmagan. Nahotki murabbiyning vazifasi, futbolchilarni o’n kurik yugirtirish-u to’p tepish mashqlarini o’tkazish bo’lsa?
Men juda qo’rqayapman, bugun taylandning bir klubi bilan o’ynadik, har qanday tajribali va aqlli jamoa murabbiyi har qanday jamoa bilan uddalashi mumkin bo’lgan ishni bizning milliy terma jamoa murabbiyi (e’tibor bering!) uddalay olmadi. Bitta gol yetarli edi, ikkita yoki uchta emas, bitta! Ertaga osiyoning eng kuchli jamoasi - Janubiy Koreya bilan o’ynaymiz, to’g’ri legionerlarimiz tarkibga qo’shiladi, lekin murabbiy o’sha! Shu murabbiy taktikasi, shu murabbiy rejasi asosida bo’ladi o’yin! Men shundan qo’rqayapman.
Yana bir jihat, mening muhlis sifatida qonimni qaynatdi. Kecha sharhlovchining og’zidan bol tomib maqtashini eshitdingizmi: biroz aniqlik yetishmadi, ozgina xatoga yo’l qo’yildi… Qanaqa ozgina aniqlik? Iltimos, “Sport” telekanali mutasaddilari, sharhlovchilikka odam tanlayotganingizda futboldan habari bor, kerak bo’lsa tanqid qiladigan, xato va kamchiliklarni ochiq-oshkor aytadigan sharhlovchi toping! To’xtamirzayev dastidan dod! Xato-kamchiliklardan ko’z yumib ayb-nuqsonlarni xaspo’shlovchi sharhlovchi kerak emas bizga! Biz qorani ko’rib turib oq deya olmaymiz! Shu o’rinda jurnalistlardan iltimos, tanqid qiling! Futbolimiz o’sishini istasangiz, bugungi xatolarini takrorlamasligi uchun ham tanqid qiling, baraka topkur! Zero, biz muhlislar ham kuni kelib quvonaylik, bizning jamoa deb faxr bilan aytaylik!

Futbol_Muhlisi

Ушбу фикрга жавобан

XPORTLANDX
Сана: 22.05.2013 12:44. XPORTLANDXга ёзиш
+0; -0
qachon 4-3-3ga o'tamiz a??? Hech bo'lmasa bitta o'yinga tavakkal qilaylik. oliy ligamizda bo'lsayam mayli 3-5-2yam yaxshiku. To'g'ri qo'pol taktikayu lekin Bunyodkorbop taktikala menimcha

Ушбу фикрга жавобан

FILOSOF
Сана: 22.05.2013 12:20. FILOSOFга ёзиш
+0; -0
Бир замонда Рубин Барселонани барселонада ютиб қўйган эди.Ўша ўйинни хам худди шу мақолададагидек тахлил қилиб чиқса , чинданам Рубин Барселонадан ўша пайтда кучли эканда.Асосий сабаб деб мен Қосимовнинг қўрқоқ тактикаси деб биламан.Иккита хужумчи чиқариб ўйинни биринчи минутидан босиш керак эди рақибни.Бир-бирига тўп ошириш билан нақ биринчи таймни йўқотишди.Мтж мизда хам ўз майдонидаги ўйинларда шу ахвол . Косимовнинг бу тактикаси кўриб турибмиз сафардаги ўйинларда жуда яхши асқотади.

Ушбу фикрга жавобан

HALAREAL
Сана: 22.05.2013 05:36. HALAREALга ёзиш
+0; -0
Press konferensiyada jurnalistlarimizga qoyil qolmaymanda, aniq-tiniq, keskin ruhda savol bera olmaydi. Aylantiriiiib, paхtani quyyyiib, andisha va miing istihola bn savol berishadi. Natijada esa murabbiyni fikri anekdodi bn tugaydi, bu yoqda muhlis alamdan ich-ichidan yonib yotibdi.

Ушбу фикрга жавобан

HALAREAL
Сана: 22.05.2013 05:23. HALAREALга ёзиш
+0; -0
Qosimovni futbolchi sifatida juda hurmat qilaman, lekin murabbiylikka kelganda bori shu ekan. MTJ da ham bir hil taktika, Bunyodkorda ham.

Ушбу фикрга жавобан

UNDERGROUND
Сана: 22.05.2013 01:55. UNDERGROUNDга ёзиш
+0; -0
agar evropadan murabbiy olib kelinsa bechora murabbiyam UZBdan ancha narsani urganib ketedi)) yani palonchievdi jiyani, pismadonchievichga qarawli odam))

Ушбу фикрга жавобан

ROSSONERI
Сана: 22.05.2013 01:51. ROSSONERIга ёзиш
+1; -0
Stramachchoni? Haha, hahaha, hahahahaaa))))
9-o'rin, to'qqizinchi! U nimani qoyillatardi?

Mirjalolda plan B tugul plan A ham yo'q. O'yin yo'q.
MTJ bir amallab JCHga chiqib qolar (eplashi qiyin), lekin jamoa o'yini endi shakllanmiydi, uje qotib qoldi.

Ушбу фикрга жавобан

PROGRESSIVE
Сана: 22.05.2013 01:04. PROGRESSIVEга ёзиш
+0; -0
balki italiyalik yosh murabbiy olib kelarmiz. Stramachchoniga ohshaganmi

Ушбу фикрга жавобан

PROGRESSIVE
Сана: 22.05.2013 01:04. PROGRESSIVEга ёзиш
+0; -0
balki italiyalik yosh murabbiy olib kelarmiz. Stramachchoniga ohshaganmi

Ушбу фикрга жавобан

FAMOUS
Сана: 22.05.2013 00:29. FAMOUSга ёзиш
+1; -0
Бобомурод ака, каердасиз? Чикинг шкафни оркасидан. Бир нима деворинг. Майдапас - капут, канотпас - салют деб эслатиб куйинг. Бунёдкор кейинги боскичга чикмаса хам гол утказмадику, тугрими? Қаттасиз братан?

Ушбу фикрга жавобан

AKMALFCB

Сана: 22.05.2013 00:05. AKMALFCBга ёзиш
+0; -0
Boshqa trener kerak. Zborniygayam yevropa futboli havosidan nafas olgan taktik jixatdan kuchli murabbiy kerak!

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.