Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

Ўзбекистон Вьетнамни нега юта олмайди?

Баҳо:
+4; -0

Инглизларда “Whynot?” (Почему нет?) ибораси бор. Маълум фараз учун асослар келтиришга эринсангиз, шу саволни берасиз ва қарши аргументлар талаб қиласиз. Албатта, асос келтиришдан кўра, инкор қилиш осонроқ, тўғрими? Осиё чемпионати саралаш баҳсларида терма жамоамизнинг бурилиш нуқтаси бўлиши керак бўлган эртанги муҳим ўйин олдидан, мен ҳам ўзимга шу саволни бериб кўрдим ва таассуфки бир талай қарши асосларни тан олишга мажбур бўлдим. Рақибидан етарлича кучли бўлган ва ғалаба қозониш учун барча имкониятга эга бўлган терма жамоамиз вазифани бажара олмаслиги мумкинми? Келинг, шу ҳақида фикр юритиб кўрамиз.

1. Тайёргарликнинг кўнгилдагидек олиб борилмагани.

Бугунги вазият икки ой олдингининг айнан ўзгинаси. Ўзимизча биздан кучсиз деб ҳисоблаётган рақибимиз тайёргарликка зўр бермоқда биз эса, шунчаки ўйин вақтини кутиш билан шуғулланмоқдамиз. Августдаги пассивлик қандай оқибатларга олиб келганини билиб туриб ҳам, октябрдаги ўйинга панжа ортидан қаралаётгани ажабланарли.

Рейтингдаги 145-ўринга қараманг, Вьетнам анойи жамоа эмас. Гуруҳда эгаллаб турган сўнгги ўрин ҳам, биз эгаллаб турган ўрин каби тасодиф – фойдаланилмаган ўнлаб имкониятлар ва мезбонларнинг биргина голи эвазига Гонконгда мағлубиятга учрашганди. Худди шу сценарий февралда биз билан ҳам бўлиши мумкин эди, тўғрими?

Ван Фук шогирдлари 9 октябрь куни сафарда Қатар устидан иродали ғалабага эришдилар, кейин эса Қатарнинг яна бир клуби “Ал Араби” мағлубиятга учратилди. Мана шу натижаларга мос кайфиятда жамоа Тошкентга етиб келди.

Уларнинг фонида терма жамоамизнинг Қосимовнинг бошқа бир жамоаси “Бунёдкор” билан ўйини жуда ғариб кўринмоқда. Сиз ўзингиз билан қанақа қилиб шахмат ўйнайсиз ахир? Ҳа, терма жамоамиз учун “Бунёдкор” етарлича мос рақибдир, аммо шунчаки футболчилар жамғармаси холос. Мураббийсиз қолган бу рақиб (Пишчур ҳам майдонга тушмади) терма жамоамизнинг ўйин услубига ўз реакциясини бермайди, ўйинга мослашиб ўзгариб бормайди, турли тактик қопқонлар қўймайди ва ҳоказо. Бундай ўйин расмий ўртоқлик ўйинидан кўра, шунчаки йиғин пайтидаги иккиёқлама баҳсга мос келади кўпроқ.

Бундай кайфият билан биз осонликча ғалаба қозонмоқчимизми? Нега? Биз Осиё грандимиз, шундайми? Қачон? Умуман терма жамоамизнинг 2013 йилдаги ҳолати бу мақом учун умуман мос эмаслиги, биз ўтмиш билан яшаётганимизни қачон фаҳмлаймиз? Қаранг, жорий йилда биз қайси ўйинда чинакам кучли ўйин намойиш қилдик? Гонконг билан дуранг, Ливанни аранг мағлуб этиш, Кореяда мағлубият, Қатар билан асабий бир соат, Иордания билан икки дуранг. Яъни, биз шунчаки майдонга тушиб, савия фарқини намойиш қилган ҳолатда, ҳар қандай жамоани енгиб кетаверадиган ҳолатда эмасмиз, бу шубҳасиз. Бу фаразни терма жамоамиз кўрсатаётган натижалар ва кўрсатаётган ўйин айтиб турибди. Буни билиб туриб, Осиё чемпионатига панжа ортидан қарашга ҳеч кимнинг ҳаққи йўқ эди.

Ўзбекистон футбол федерацияси, Терма жамоалар маркази, терма жамоа бош мураббийи бу ҳолат ҳақида бош қотириши, ечимларини излаши, ўзини излаётгандек кўрсатиши керак эди. Нима бўлгандаям, “Борми? Бор!” принципида футболда ғалаба қозониб бўлмайди.

2. Бош мураббийнинг вақтинча экани

Иордания билан Тошкентдаги дурангдан кейинги матбуот анжуманида Миржалол Қосимов истеъфога чиқишини айтди. Орадан бирмунча вақт ўтиб, истеъфо қабул қилинмагани маълум бўлди кейин эса ЎФФ президентининг бош мураббий вақтинча экани ва қишда янги мураббий келиши мумкинлиги ҳақида фикри янгради.

Барибир мавҳум. Ҳар қандай жамоанинг ғоявий йўлбошчиси бош мураббий саналади, унинг кайфияти, ишга муносабати, мақсад учун ўзига қўйган талаби шогирдларига юқиши керак. Бусиз якдил жамоа тузиб бўлмайди. Агар юқори истак ва мақсад бош мураббийда бўлмаса, жамоадан нимани кутиш мумкин? Хўш, талаби инобатга олинмагач, Қосимов қандай кайфиятда терма жамоага қайтди? Ўзидан сўра, дейишингиз мумкин. Лекин жавоблар оддий ва одатий бўлади, асл ҳақиқатни унинг ўзидан бошқаси билмайди. Ахир “Титаник” чўкаётганда ҳам чолғучилар мусиқа чалиб туришган, эсингиздами?

Учта ўйин ўтгач, янги мураббий келиши ҳақидаги баёнот эса, вазиятни бадтар чигаллаштиради. Хўш, Қосимов учун бу учта ўйин қандай даражада муҳим? “Ўлимидан олдинги сўнгги сўз”ми ёки вазиятни ўнглаш учун сўнгги имконият? Мабодо мана шу уч ўйинда терма жамоа қониқарли, кучли ўйин намойиш этиб, вазифани уддалаб, ўз келажаги учун маълум векторни намоён қила олса, Қосимов қоладими ёки кетадими барибир?

Бундан ташқари, эртага кетиши аниқ бўлган мураббий билан футболчилар қандай ишлашади? Мен уларни профессионалликда “Бавария” билан бир ўринга қўя олмайман. Кейин бу клуб эмас, терма жамоа. Таркибга кира олмаса ҳам, ўзини кўрсатиш орқали кейинги чақирувлар учун замин тайёрлаш истаги уларда бўлмайди. Натижада фақат майдонга тушган ўйинчилар қайсидир маънода ўзини кўрсатишга ҳаракат қилиши мумкин холос.

Тайёргарликлар етарли бўлмагани туфайли, ўйин услубимиз, тактика ва ўйиннни ташкил қилишдаги муаммоларимиз борлиги сир эмас. Бунинг ўрнини босиб юбориши мумкин бўлган ички муҳит ва якдилликдаги камчиликлар муаммони янада катталаштиради. �

3. Легионерларга нисбатан вужудга келган муносабат

Терма жамоалар маркази раҳбари Асқар Толибжонов Иордания билан муваффақиятсизлик сабабларини легионер футболчиларга тўнкашга ҳаракат қилди. Россияда фаолият юритаётган мутахассис Алишер Аминов (Рустам Акрамовнинг қариндоши) ҳам интервьюда легионер футболчилар панд берганини очиқ айтди ва ёшларга таяниш кераклигини қўшимча қилди. “Футбол шарҳи” кўрсатуви ҳам ўша ўйинни таҳлил қилаётиб, асосий урғуни Одил Аҳмедов ва Тимур Кападзеларнинг ишончни оқлай олмаганига берди. Айтганча, Аминов ҳам легионерлар ҳақида сўз юритганда, Одил Аҳмедов исмини тилга олганди. Қизиғи, айнан Одил Аҳмедов эртанги ўйинга терма жамоага чақирилмади.

Истасангиз қабул қилинг, истасангиз йўқ, шахсий фикримча, бундай таҳлилларни бир биридан бехабар ҳолда пайдо бўлган мустақил фаразлар дея олмайман. Сабаби, биринчидан, ушбу манбалар озми кўпми терма жамоа марказига яқин шахслар саналадилар ва таҳлил бир миядан чиққан бўлиш эҳтимоли юқори. Иккинчидан, бу айбловлар пайдо бўлиши учун асослар етарли эмас. Ёки асослар четдан қараганда кўзга ташланадиган даражада эмас.

Қаранг, Жанубий Корея билан ўйинда Жепаровнинг тўп оширишларини Санжар Турсунов голга айлантирмоқда. Қатарда яна Санжар Турсунов ягона гол муаллифига айланди. Эронда Турсуновни чалиб йиқитишди. Жепаров жарима тўпидан оширган узатмани Бақоев дарвозага киритиб уч очко келтирди. Ливан билан Тошкентдаги ўйиндаги муҳим гол муаллифи – Сервер Жепаров. Қатарга киритилган голларнинг аксариятида ҳам легионерлар асосий ишни бажаришди. Насимов дубл қайд этди, Аҳмедов ҳам гол урди. Иорданиядаги ўйиндаги гол муаллифи яна Сервер Жепаров. Тошкентда Виталий Денисов учрашувнинг энг яхши ўйинчиси бўлди.

Тилга олинган футболчиларнинг ҳаммаси легионерлар. Улар Ўзбекистонни елкаларида кўтариб шу ергача олиб келганини пайқаш қийин эмас. Мана шу ўйинларни умумий таҳлил қилиб, уларни айбдорга чиқариш учун каттароқ изоҳ керак бўлмайдими? Футболчилар танқид қилинмаслиги керак, демоқчи эмасман, фақат таҳлилнинг холис бўлиши учун легионер-легионермас деб футболчиларни ажратиб олиш тўғри бўлмайди. Бундай ажратиш таҳлилдаги урғу футболчининг майдондаги ҳаракатига эмас, балки шаҳсиятига, муносабатига қаратилаётганини билдиради ва легионерлар учун умумий бир ташҳис қўйилётганидан далолат қилади.

Шунча гапдан сўнг ҳам, уларни яна терма жамоага жалб қилинаётгани эса, бироз ғалати.

“Если че, айбдор сизсизлар! Ҳозир сизларсиз ўйнай олмаймиз, шунинг учун чақиряпмиз. Вазият бўлиши билан сизлардан воз кечамиз, буни истаймиз жуда” -.шунақа тақлидда янграмаяптими қарорлар? Агар ростанам легионерлар сабаб ютқазяпмиз, деб ҳисобласак, улардан воз кечиб, таркибни бутунлай ўзгартириб юбориш керак. Эпласак! Эпласак, албатта.

Ёки навбатдаги вазифалар учун ҳам легионерларга ишонч билдириб, орада сирада уларни айбдор қилавермаслик керак. Улар ҳам ўзимизнинг футболчилар эканини бизга, уларнинг ўзига тушунтиришимиз керак. Ва ўзимиз ҳам тушунишимиз керак, хўпми?

Футболчилар аҳмоқ эмас. Хизматга яраша бундай “рахмат”лар уларга салбий таъсир қилади. Бундай ҳолда, футболчилар ягона мақсад йўлида якдил бўлиб мураббий атрофида жамлана олмайдилар.

4. Миржалол Қосимов жамоаларидаги тенденция

Вьетнам биз учун, айнан Миржалол Қосимов учун энг ноқулай рақиблар сирасига киради. Кучли бўлиб, кучли эмас, кучсиз бўлиб етарлича кучсиз эмас.

Айтайлик, Япония ёки Корея каби жамоалар қаерда тўп суришмасин, ташаббус учун ҳам курашадилар ва вазиятни қўлга олишга ҳаракат қиладилар. Мураббий сифатида Қосимов бундай жамоаларга қарши тура олади. Ўйинни рақибга қараб ташкил қилади, тамом. Аммо Вьетнам бизга юқори баҳо бериши ва асосан ҳимояни ўйлаши табиий. Улар биздан ўйин кутишади ва мослашиб қаршилик қилишга ҳаракат қилишади.

Яхши ташкил этилган ҳимояларга қарши эса, Миржалол Қосимов муаммоларга дуч келиши тенденцияга айланиб улгурди. Гонконг ва Ливанни кўп айтилди. Иордания билан ўйинларни олинг. Иордания илк ўйиннинг биринчи таймида ташаббусга эришишга ҳаракат қилди, кўпроқ тўп билан муомалада бўшлишга интилди. Айнан ўша биринчи таймда биз уларга қарши энг яхши таймни ўтказдик, хавфли вазиятлар ҳам кўп бўлди, узоқ масофалардан зарбалар бердик. Танаффусдаёқ ўйин услубимизни ўрганган Иордания кейинги уч таймда тактик жиҳатдан бизни енгди. Ташаббусни бизга бериш билан бирга прессингни сусайтирмади. Узоқ масофалардан зарба бериш учун имкон қолдирмади ва керакли натижага эришди.

Бу фақат терма жамоамизнинг муаммоси эмаслигини “Бунёдкор” иштирокидаги ўйинлар ҳам исботлайди. “Бунёдкор” ОЧЛ да Тошкентдаги тўрт ўйиннинг бирортасида ғалаба қозона олмади. Нақ учта ўйинда эса умуман ҳисоб очилмай қолгани, муаммоннинг янада каттароқ эканини билдиради. Ҳатто ички ўйинларда, айниқса “Насаф” билан кубок финалида ҳам, “Бунёдкор” иккинчи планда ўйнаганда яхшироқ натижага эриши мумкинлигини кўрсатди.�

Хулоса

Вьетнамдан ташқари, эртага юқорида тилга олинган тўсиқларни ҳам енгиб ўтишимиз вағалаба қозонишимиз шарт. Осиё чемпионатига чқа олмаслигимиз футболимиз учун жуда катта зарба бўлади.

Биринчидан, биз кейинги ЖЧ саралаши, яъни 2016 йилнинг ёзигача катта мусобақаларсиз қоламиз. Бунақа ташкилотчилик билан, фақат ўртоқлик ўйинлари билан терма жамоамиз маълум йўналишда ривожлана олмаслигини исботлаш шарт эмас.

Иккинчидан, жиддий мусобақалардан уч йил аввалдан бошлаб, ҳеч қайси ўзини хурмат қилган мураббий келиб ишлашни истамайди. Қисқа қилиб айтганда, Осиё чемпионатидан қуруқ қолсак, терма жамоамиз икки йилга уйқуга кетишини таҳмин қилсак бўлади.

Учинчидан, Осиё чемпионатида қатнашмасак, рейтингда пастлаб кетамиз. Бу нима дегани? (Авваллари ЖЧ саралаши учун гуруҳлар тақсимланаётганда, аавалги саралашлардаги натижалар инобатга олинарди. Масалан, ЖЧ-2006 саралашида плей-оффгача келганимиз туфайли, кейинги мундиал саралашининг 3-босқичида Саудиядан ташқари, Сингапур, Ливан каби кучсизроқ жамоаларга дуч келдик. ЖЧ-2010 саралашида гуруҳда сўнгги ўринни олганимиз туфайли, ЖЧ-2014 саралашининг 3-босқичдаёқ бизга Япония ва ҚХДР рақиб бўлди)

Энди эса, қуръада жаҳон рейтингидаги ўрин аҳамият касб этади. Демак бу сафар плей-оффгача етиб келганимизнинг фойдаси бўлмайди. Осиё чемпионатида қатнашмасак, рейтинг очколарини қаердан оламиз? Кучлилар билан ўртоқлик ўйнамасак, (ўйнаганда ҳам ютиш керак) кучсизлар устидан ғалаба етарли очко бермаса? Натижада икки йил ичида рейтингда сезиларли пастлашимиз мумкин. Бу эса кейинги саралашнинг учинчи босқичидаёқ яна кучли жамоаларни тақдим этади. Айнан мана шу омил туфайли икки сафардан буён Хитой ва Саудия Арабистони қийналаётганини кўрмаяпмизми?

Демак, ютишимиз нафақат бугунги терма жамоамизнинг ҳолати, балки келажагимиз учун ҳам жуда муҳим.

Умид қиламизки, бундай кайфият терма жамоамизга таъсир қилмайди ва улар вазиятнинг жиддийлигини хис қилган ҳолда, ишончли ғалабага эришадилар.

Байрамингиз билан.

Киритилган сана: 14.10.2013 15:17. Ўкилди: 8087 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


IBRAKADABRA
Сана: 15.10.2013 17:33. IBRAKADABRAга ёзиш
+0; -0
Хулоса: Менимча терма ва уни атрофидагилар асабни тугатмай 2 йилга,жимгина уйкуга кетганлари авзал.

Ушбу фикрга жавобан


IBRAKADABRA
Сана: 15.10.2013 17:19. IBRAKADABRAга ёзиш
+0; -0
Ўзбекистон футбол федерацияси, Терма
жамоалар маркази, терма жамоа бош
мураббийи бу ҳолат ҳақида бош
қотириши, ечимларини излаши, ўзини
излаётгандек кўрсатиши керак эди... Эххэ,иштахлар карнайку.)) Фантастикаку бу бизни футбол учун.

Ушбу фикрга жавобан


IBRAKADABRA
Сана: 15.10.2013 17:12. IBRAKADABRAга ёзиш
+0; -0
Бундай кайфият билан биз осонликча
ғалаба қозонмоқчимизми? ... Дурранг булса хам катта гап... Биз
Осиё грандимиз, шундайми? .... Ким айтди? ... Қачон?... Канакасига?...
Умуман терма жамоамизнинг 2013
йилдаги ҳолати бу мақом учун умуман
мос эмаслиги, биз ўтмиш билан
яшаётганимизни қачон фаҳмлаймиз?... Буни фахлаш шарт эмас,куриниб турибдику ахир термани пачоклиги...
Қаранг, жорий йилда биз қайси ўйинда
чинакам кучли ўйин намойиш қилдик?.. "Кучли уйин курсатиш"? Бу термага ет сузку ахир.
Гонконг билан дуранг, Ливанни аранг
мағлуб этиш, Кореяда мағлубият, Қатар
билан асабий бир соат, Иордания
билан икки дуранг. Яъни, биз шунчаки
майдонга тушиб, савия фарқини
намойиш қилган ҳолатда, ҳар қандай
жамоани енгиб кетаверадиган ҳолатда
эмасмиз, бу шубҳасиз.

Ушбу фикрга жавобан


DINAMACHI
Сана: 15.10.2013 10:02. DINAMACHIга ёзиш
+0; -0
oka,raxmat, qurbon hayit muborak,aziz vatandosh,birodarlar

Ушбу фикрга жавобан


DINAMACHI
Сана: 15.10.2013 10:01. DINAMACHIга ёзиш
+0; -0
oka,raxmat, qurbon hayit muborak,aziz vatandosh,birodarlar

Ушбу фикрга жавобан


DINAMACHI
Сана: 15.10.2013 10:01. DINAMACHIга ёзиш
+0; -0
oka,raxmat, qurbon hayit muborak,aziz vatandosh,birodarlar

Ушбу фикрга жавобан


SOBITGERMAN
Сана: 15.10.2013 08:25. SOBITGERMANга ёзиш
+1; -0
eng yomoni o'zini o'zbek futboli muxlisiman deb atab: faqat terma o'yinlariga tekin bilet bo'lsa tushadigan, oliy ligada nechta jamoa qatnashishini umuman bilmaydigan "fanatlar" ham bor...
ular zo'r berib chiranishmoqdaki bugun stadionga hech bir muxlis bormasa...
muxlis qor yoqqandayam, tosh yoqqandayam muxlislagini qilish kerak...
faqat TV dan ko'rib, san undaysan, san bundaysan deyish g'irt pastkashlikdir

HAQIQIY MUXLISGA O'XSHASANGCHI, BIRODAR...

Ушбу фикрга жавобан


YAHYOHON
Сана: 15.10.2013 03:45. YAHYOHONга ёзиш
+0; -0
BAHROMJON__________ раз улар айбдор булса чакирмасин умуман, майдонга тушгани учун хам айбдор улар булса кани адолат?

Ушбу фикрга жавобан


CAPPUCCINO
Сана: 15.10.2013 01:13. CAPPUCCINOга ёзиш
+0; -0
Сиз ўзингиз билан қанақа қилиб шахмат ўйнайсиз ахир?

Zo'r!

Ушбу фикрга жавобан


CAPPUCCINO
Сана: 15.10.2013 01:13. CAPPUCCINOга ёзиш
+0; -0
Сиз ўзингиз билан қанақа қилиб шахмат ўйнайсиз ахир?

Zo'r!

Ушбу фикрга жавобан


PARMAZON
Сана: 15.10.2013 00:42. PARMAZONга ёзиш
+0; -0
Узбек футболи келажаги учун хам Ветнамга Омад!
Балки шунда футболимизда кандайдир ижобий узгаришлар булар?

Ушбу фикрга жавобан


JADROO

Сана: 15.10.2013 00:18. JADROOга ёзиш
+0; -0
MENI KECHIRING!!! YURT FUTBOLIDAN MENDA FAQAT QAYG`u QOLDI!!! Yillar bu qay`guni yuvib ketolsa, quvonch onlari kesa quvonib gaplashamiz...

Ушбу фикрга жавобан


JADROO

Сана: 15.10.2013 00:15. JADROOга ёзиш
+0; -0
QOGANINIYAM O`QIMIMAN!!! SEN, O`ZINGCHA ABADIY CHINOVNIKLAR!!! BIR KUN, KERAK BO`SA MEN KABI FAQIR OLDIDA JAVOB BERASANLAR!!! Hamma qilmishing, meni xalqim va meni ishonchim suiste'moli uchun uchun!!!

Ушбу фикрга жавобан


JADROO

Сана: 15.10.2013 00:11. JADROOга ёзиш
+0; -0
Нима бўлгандаям, “Борми? Бор!” принципида футболда ғалаба қозониб бўлмайди.
________________________
Bularni o`zigayam allaqachon pastdagi ishni qilish kerak. VOX-XA-XAX-XA!!! Bu achchiq va alamli kulgu! Muhlisli qalbini allaqachon muzlatib bo`lgan bu shimiltiriqlar faqat va faqat o`z shimiltiriqlariga xos!!! Bularda na vatanparvarlik, va na olijanob insoniy hislatlar mavjud. Asablarim buzildi. Cheksiz, cheksizda cheksiz nafratim bu kommentlarim orqali ularni dunyo taraqqiyotini o`zgacha ko`rinishi "Jonlinet" orqali ham bezovta qilolmasligi yanada jahlimni chiqaradi. Qanaqib tarjimaga ruhsat berishgan hozirgacha tushonolmiman, o`sha ruhsat berilgan "Buzrukni kuzi" 6 millionmikan (aniq eslolmiman) dushmanni topgan bo`sa bu munofiqlar o`z xizmat doirasida shunchadan topib, uni ko`klarga ko`tarishi, bugunimizdan ovunchoq, ertamizga ishonch bo`lishi (aslida) lozim bo`lgan eng katta ta'sir vositasini o`z shaxsiy manfaatlari yo`lida ishlatishayotgani menda ularga nisbatan yanada nefratni tug`diradi. Shunday kun kesinki, bu xoromxalishliging jazosini meni ko`z o`ngimda ol!!! HECH QACHON BORMIMAN O`SHA STADIONINGA!!!

Ушбу фикрга жавобан


KNYAZ
Сана: 15.10.2013 00:05. KNYAZга ёзиш
+0; -0
Ассалому алайкум ЯХШИЛАР!!
Аввалом бор барчангизни эртанги хайт байрами билан табриклайман ..!!
★★★★★
Худо хохласа Ветнамни ютамиз!
Нима булса булар эртага
Ветнамни бугун ютмасанг булмаса!!
Хар даойимгидек ажойиб макола!

Ушбу фикрга жавобан


JADROO

Сана: 14.10.2013 23:57. JADROOга ёзиш
+0; -0
Рейтингдаги 145-ўринга қараманг, Вьетнам анойи жамоа эмас. Гуруҳда эгаллаб турган сўнгги ўрин ҳам, биз эгаллаб турган ўрин каби тасодиф – фойдаланилмаган ўнлаб имкониятлар ва мезбонларнинг биргина голи эвазига Гонконгда мағлубиятга учрашганди. Худди шу сценарий февралда биз билан ҳам бўлиши мумкин эди, тўғрими?
_________________
Qosimovga o`xshab gapiryabsiz. Uni eng muhum kamchiliklaridan bittasi, hech qachon muhlis (futbolchilar haqida nimadir diyolmiman, balki, ulargayam) ga raqibni aslida shimiltiriq ekanligi, hemirga qimmatligi, ularni ostin-ustin qib tashashimiz haqida gapirmidi. Men kuchimizga nisbatan umr ehtiyotkorona munosabatlarni eshitishnmi hohlamiman!!! BU SHUNCHAKI SOTSIALISTLARNI EHTIYOT CHORASI!!! Unaqa qarashga allaqachon tupurish kerak. Meni ma'zur tutaslar

Ушбу фикрга жавобан


JADROO

Сана: 14.10.2013 23:50. JADROOга ёзиш
+0; -0
Maqola nomi kishida hayrat va ishonch, shu bilan ishonchsizlik ruhini uyg`otadi! Nohotki noto`gri - Ўзбекистон Вьетнамни нега юта олмайди? Faqatgina betta undov belgisa kamdek holos - Ўзбекистон Вьетнамни нега юта олмайди?!. Hammasini o`zgartira olamiz...

Ушбу фикрга жавобан


MUSTAFA
Сана: 14.10.2013 23:42. MUSTAFAга ёзиш
+0; -0
ЯШАВОР ВАСИЛИИИЙЙ! ЙУГЕ! КАХРАМОН АСЛАНООВ! УДАР МАКОЛАЛАР ЁЗАСИЗДА БИРОДАР. АНУ ...ЛАРНИ АФТИНИ БУРИШТИРАДИГАН.

Ушбу фикрга жавобан


MUSTAFA
Сана: 14.10.2013 23:41. MUSTAFAга ёзиш
+0; -0
ЯШАВОР ВАСИЛИИИЙЙ! ЙУГЕ! КАХРАМОН АСЛАНООВ! УДАР МАКОЛАЛАР ЁЗАСИЗДА БИРОДАР. АНУ ...ЛАРНИ АФТИНИ БУРИШТИРАДИГАН.

Ушбу фикрга жавобан


JANGO

Сана: 14.10.2013 23:09. JANGOга ёзиш
+0; -0
лекин гап йўқ сувни лойқалаётган пропесорни хидини олганизга!

Ушбу фикрга жавобан


JANGO

Сана: 14.10.2013 23:08. JANGOга ёзиш
+0; -0
лекин гап йўқ сувни лойқалаётган пропесорни хидини олганизга!

Ушбу фикрга жавобан


SINDROM
Сана: 14.10.2013 22:48. SINDROMга ёзиш
+0; -0
Ruhiyat bilan bogliq maqola

Ушбу фикрга жавобан


MARTINI
Сана: 14.10.2013 22:13. MARTINIга ёзиш
+-1; -0
Otangizga Raxmat Qaharamon !!! Qahramon Aslanovni taxlili maqolasini o`qisam maza qilamanda ijodizga rivoj shunaqa asosli maqolalariz kopaysin raxmat!

Ушбу фикрга жавобан


KINGISBACK
Сана: 14.10.2013 21:53. KINGISBACKга ёзиш
+0; -0
Ўртоқ муаллиф!!! Термамиз Вьетнамни юта олмаслигига ишонаётган бўлсангиз , нега жаҳон чемпионатининг финал босқичига чиқа олмаганини тинмай таъна қиласиз!!!

Ушбу фикрга жавобан


ABDULMUTALIB
Сана: 14.10.2013 21:33. ABDULMUTALIBга ёзиш
+0; -0
Abramov 6z ixtiyori bilan termani tark etdi lekin nimaga uni tez q6yvoriwdi imkon bermadi???? Qosimovga 2014-saralawi kagbuta praktika b6ldi 6pit owwirvoldi mayln oxiri bahayr busin vetnam maralni ezilgan gripdan tuzalip buni bitip qolib qiynalip napas ovotkan jamoaga qarwi 6ynidi

Ушбу фикрга жавобан


NURIDDINJON
Сана: 14.10.2013 20:40. NURIDDINJONга ёзиш
+0; -0
2015-йил янги Президент келади.Балки шундан кейин футболимизда юксалиш даври бошланар?ОЧда чемпион булиш вакти келди!Хуллас хали хаёт олдинда,Кахрамонжон!

Ушбу фикрга жавобан


SNAYPERS
Сана: 14.10.2013 20:31. SNAYPERSга ёзиш
+-1; -0
To'g'ri lekin bular Osiyo chempionatiga chiqa olmay ko'zi ochilgani ma'qul.

Ушбу фикрга жавобан


SADIK
Сана: 14.10.2013 20:15. SADIKга ёзиш
+0; -0
Биз ракибга караб тактика танлашимиз керак эмас, узимизнинг тактикамизга эга булишимиз керак. Хар канча мураббий алмашмасин, хамма мураббий хам уйинчиларга тактика танлайди. Бу тактикани усмирлардан бошлаб МТЖ гача узлаштиришимиз керак. Масалан исботи Барселона ва Япония термаси. Манимча уша тактика. Абрамовча тактика деб атасак яхши буларди. Йоки Инилиевча тактика

Ушбу фикрга жавобан


XPORTLANDX
Сана: 14.10.2013 19:19. XPORTLANDXга ёзиш
+0; -0
Server o'z o'zidan burchak to'pinito'g'ri darvozaga yo'llamadi, unga shu aytilgan edi. Nima buncha bitta gapni chaynaysizlar. Bir paytlar Odiljon edi, hozir esa hamma uni Odil deyapti. Bliiiiin nimaga bunaqamiz-a???
Gap ekan deb hamma narsani gapiravermanglar hurmatli yuzerlar.

Ушбу фикрга жавобан


COBBOY

Сана: 14.10.2013 17:28. COBBOYга ёзиш
+1; -0
достлар, акалар укалар курбон хайити барчангизга муборак болсин. Юртимиз тинч, дастурхонимиз барокатли болсин. АЛЛОХИМ барчамизни оз панохида асрасин.

Ушбу фикрга жавобан


FEARX
Сана: 14.10.2013 17:25. FEARXга ёзиш
+0; -0
BAHROMJON | 14.10.2013 16:20
---------------------------------------------------------
адашманг,сиз айтган лигенерлар эмас,ЛЕОГОНЕР..Жепаров...битта Одил пенальтини уролмади,Анзур гол урган эди..

Ушбу фикрга жавобан


KUYMAZORLIK
Сана: 14.10.2013 17:15. KUYMAZORLIKга ёзиш
+0; -0
Gap yo'q!

Ушбу фикрга жавобан


KUYMAZORLIK
Сана: 14.10.2013 17:14. KUYMAZORLIKга ёзиш
+0; -0
Gap yo'q!

Ушбу фикрга жавобан


KOMILRAHIM
Сана: 14.10.2013 17:00. KOMILRAHIMга ёзиш
+0; -0
макола узингизни стилингизда бупти,умуман олганда МТЖ олдинги уйинлардан келиб чикадиган салбий окибатларни бошидан утказиши хали олдиндага ухшаяпти, шуни этиборга олсак Ветнам билан буладагн уйин жуда мух эканлигини ТЖМаркази пайкамаган шекили, афсус маглубият еки дурранг макола хулосасида айтиб утилган окибатларга дучор килади.

Ушбу фикрга жавобан


JONNYREAL
Сана: 14.10.2013 16:59. JONNYREALга ёзиш
+0; -0
гап йук хар доимгидек зур. хакикат.
сервер ростданам бошка йулини кидирса буларди

Ушбу фикрга жавобан


JONNYREAL
Сана: 14.10.2013 16:57. JONNYREALга ёзиш
+0; -0
гап йук хар доимгидек зур. хакикат.
сервер ростданам бошка йулини кидирса буларди

Ушбу фикрга жавобан


IMPERATOR
Сана: 14.10.2013 16:41. IMPERATORга ёзиш
+0; -0
Agar wrtaga burchak to'plarini yana Server ijro etadigan bo'lsa unga nisbatan menda katta nafrat paydo bo'ladi. Serik yetar endi a?! Bu burchak chizig'i senga otangdan qolgan meros emas...

Ушбу фикрга жавобан


BAHROMJON
Сана: 14.10.2013 16:20. BAHROMJONга ёзиш
+0; -0
Хар доимгидек уткир тил билан бошланиб мавхум якунланган макола. Лекин гапда анча хакикат бор. Легионерлар масаласига келсак, улар аслида хам асосий айбдорлардир! 50 та бурчак тупини тузукрок оширмаган легионер, 11 метроини уролмаган легионер. Ошириш пайтида оширмай дарвозага тепган, оширмай узи тепадиган холда оширган легионер. Умуман майдон мен борлигимда факат менга бер кабилида уйнаган айнан легионер! Голларни улар урганига келсак, ахир махаллийга бермаса- жойни хам тупни хам кандай килиб улар урсин.

Ушбу фикрга жавобан


ABDULXAMID
Сана: 14.10.2013 15:56. ABDULXAMIDга ёзиш
+0; -0
maqolaga gap yo'q lekin bular aybni o'zidan legonerlarga ag'darmoqchi bo'layapdi lekin xamma biladiyu murabiy va terma jamoalar markazi aybdor ekanligini ayniqsa Abramovni kim bo'shatgan bo'lsa eng katta ayb o'shanda deb o'ylayman

Ушбу фикрга жавобан


DLSHOD
Сана: 14.10.2013 15:44. DLSHODга ёзиш
+0; -0
respect !

Ушбу фикрга жавобан


AJINA
Сана: 14.10.2013 15:39. AJINAга ёзиш
+0; -0
Юқоридаги барча мулоҳазалардан қатъий назар, эртанги ўйинда Ўзбекистон терма жамоаси фаворит экани шубҳасиз. Тажриба, савия жиҳатидан барибир рақибдан бир бош баландмиз. Истанг, пессимизимда айбланг, истасангиз, ёзганларимни “филга айланган пашша” деб, ўлдириб ташланг, ихтиёрингиз. Мен шунчаки, эртанги ўйинга жиддийроқ муносабатда бўлиш кераклигини айтдим холос. Муносабат жиддийлашган сари, қўрқув ҳам ошаркан, қўрқув эса рақибни янада кучлироқ кўрсатиб юбораркан. Мендаги хавотирнинг асоси ўша қурқувнинг ҳаддан ташқари кўплиги билан боғлиқ бўлса керак.

Умид қиламизки, бундай кайфият терма жамоамизга таъсир қилмайди ва улар вазиятнинг жиддийлигини хис қилган ҳолда, ишончли ғалабага эришадилар.
****************
Эсингизда бўлса Қирғизистон билан ўйинимиз олдидан хам шунга ўхшаш қўрқув хисси пайдо бўлганди,гўёки улар бизни ютиб қўядигандай.аслида кўнглимиз улардан кучли эканлигимизни сезиб турсада,хадик билан Бишкекка боргандик.Бу сафар хам шунга ўхшаш қўрқув хисси бордай,лекин Вьетнамни йирик хисобда юта олишимизга ишонаман,хатто Ханойда хам!!!

Ушбу фикрга жавобан


ABDUAZIZ
Сана: 14.10.2013 15:28. ABDUAZIZга ёзиш
+0; -0
Худо хоҳласа ютамиз йирик ҳисобда

Ушбу фикрга жавобан


MANREDUZ
Сана: 14.10.2013 15:18. MANREDUZга ёзиш
+1; -0
Qanday qilib 6zingiz bn waxmat o'ymaysiz... Qoyil qoldim lekin 6xwatiwga. Juda yaxwi faktlarga asoslangan, mazmunli maqolangiz uchun rahmat

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.