Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

Гравитация

Баҳо:
+0; -0

Фикрингизга қўшиламан, ўйинимиз қашшоқ чиқди”.

(Миржалол Қосимов, Ўзбекистон терма жамоаси бош мураббийи Уммон терма жамоасига қарши иккинчи ўйиндан сўнг)

 

Терма жамоамизнинг Уммонга қарши кечган икки нурсиз ўйиндан кейин футбол жамоатчилигида, айниқса мухлислар орасида авж олган мана бу фаразга қарши чиқмоқчиман - “Миржалол Қосимовнинг услуби қанотлардан ҳужум қилиш”. Айниқса, терма жамоамизнинг сўнгги ва “Бунёдкор”нинг бу мураббий бошчилигидаги охирги халқаро ўйинлари омадли чиқмагач, ушбу услубга салбий тусда баҳо берилмоқда ва мураббийнинг фақат қанотлардан ўйнаш услубидан воз кечиш кераклиги айтилмоқда.

Йўқ, Миржалол Қосимов қанотлардан ўйнашни тарғиб қиладиган, шунақанги бир услубни танлаб, шогирдларига ўргатадиган мураббий эмас. Буни Қосимовнинг ўзи ҳам матбуот анжуманида айтиб ўтди. У футболчиларга асосан марказдан ҳужум қилиш кераклигини, тўпни сақлашга ҳаракат қилиш лозимлигини, кўр-кўрона қанотдан тўп узатишлар амалга ошириш керакмаслигини уқдирган экан. Мен бу гапга тўлиқ ишондим, ростан ҳам, Қосимов марказдан ҳужум қилиш кераклиги ҳақида кўрсатма берган...

Хўш, унда нега футболчилар қанотга ўтиб кетаверадилар?

Биласизми, марказдан ҳужум қилиш жамоадан кўп нарсани талаб қилади. Камида, “квадрат ўйнаш”ни билиш керак. Айтмоқчиманки, дарвозага яқинлашган сари рақибнинг прессинги ошиб бораверади. Бу ерда жамоа қисқа масофада ҳам тўпни сақлаб туришни, ҳаракатлар орқали очиқ зоналар яратиш, тўпга эгалик қилаётган футболчи учун вариантларни кўпайтиришни билиш керак. Бу борада камчиликлар бўлса, ўз-ўзидан футболчилар тўп йўқота бошлайдилар, манзилсиз тўп узатишлар кўпаяди. Ҳеч бўлмаса, эхтиёткор бўлиш мақсадида футболчилар орқага тўп узатишни кўпайтирадилар... ва ўз-ўзидан тўп тез тез қанотга етказиб берилаверади.

Нега?

Марказдан фарқли равишда, агар жамоа тўпни сақлаб туришни билмаса, қанотда ўйнаш осонроқ. Сабаби, қанотдан ўйналганда рақиб тўрт эмас, уч тарафдан ҳужум қила олади холос. Футболчи майдон ташқарисига орқа ўгирган ҳолда тўпни сақлаб туриши мумкин. Нари борса, минимум ҳаракат билан аут ёки бурчак тўпи ишлаш имконияти бўлади.

Иккинчидан, қанотдан ҳужум қилаётган футболчида тўпни ошириш вектори ҳам аниқ. Ўнггами, чапгами, деб ўйланиб ўтирмайди, жарима майдони томонга тўпни ошириб қутилади - ҳамманинг кўзи ўнгида, ҳужум мантиқий якунлангандек туюлаверади.

Айтмоқчиманки, аслида биз қанотларни услуб ва қурол сифатида танлаб, шу усулда ҳужум қилиш мақсадида ўйнамаяпмиз, аслида, марказдан ўйнашни эплай олмаётганимиз туфайли, табиий равишда қанотга ўтиб қолмоқдамиз ва барибир нима қилишни билмаяпмиз.

Биз қанотдан ҳужум қилиш услубида ўйнамаётганимизни пайқашнинг бошқа йўллари бор. Хўш, аслида қанотдан ҳужум қилиш шунақа ёмонми, замонавий футболда бундай ўйнаш мумкин эмасми? Мумкин!

Аслида, кўпчилик бўлиб ҳимояланадиган ва кучли прессинг қиладиган рақибларга қарши бу жуда қўл келади. “Манчестер Сити”нинг ушбу мавсумда урган голларига эътибор берсангиз, аксарият қисми айнан қанотдан амалга оширилган ҳужумлардан сўнг киритилганини кўрасиз. Ёки “Валенсия”, “Эвертон” каби жамоаларининг айнан мана шунақа услубда муваффақият қозонганликларини кўрамиз.

Солиштирганда, бизнинг терма жамоамизда қанотдан футбол ўйнашнинг оддий талаблари ҳам мавжуд эмас:

Тезкор қанот футболчиларимиз қанчалик тайёр?

Жарима майдонида тўпни қабул қила оладиган, бош билан яхши ўйнайдиган футболчиларимиз кўпми?

Тўп юқорилатиб оширилганда, юқори қаватда курашда сон устунлигига эга бўлишга ҳаракат қиляпмизми? Умуман ўша пайтда нечта футболчимиз жарима майдонидан жой олмоқда?

Тўп қанотдан юқорилатиб оширилиши шартми?

Узатма шунчаки жарима майдонига йўналтирилмоқдами ёки аниқ футболчигами?

Мана шу саволларнинг бирортасига ҳам ижобий жавоб бера олмаганим учун, мен терма жамоамиз қанотдан ҳужум қилиш услубида ўйнаяпти ёки “Миржалол Қосимов шу услубни яхши кўради/ўзлаштирган/танлаган”, дейишдан бир неча километрлар йироқман. Қосимов ҳақ, биз марказдан ҳужум қилмоқчи бўляпмиз, лекин эплай олмаганимиз учун тўп қанотга бориб қоляпти. Агар аввалдан, тактик ва стратегик мақсадимиз тўпни қанотга узатиш бўлганида, ўша тўпни жарима майдонига қайтариш ёки дарвозага киритиш учун, ҳужумни мантиқий давом эттириш учун бошқа шароитларни яратишга ҳаракат қилган бўлардик. Сиз масалан, тўп қанотга етказилгач, ҳужумни мантиқий давом эттириш учун кейинги қадамларни кўряпсизми?! Хўш, бунга ким айбдор?    

Лирик чекиниш қиламиз.

Умуман олганда, футболда ғалаба қозонишнинг услублари кўп. “Барселона” майдапас ўйнаб, рақибни эзишни уддаларди. “Реал” қарши ҳужум уюштиришнинг энг юқори чўққисига чиқа олди. “Атлетико”да шиддат муҳим, “Боруссия” тезкор вертикал футболи билан машҳур... Ҳар бир жамоа ўзига хос жиҳатдан бошқасидан кучли, ўз йўналиши бўйича мақсад сари интилади. Лекин шу билан бирга, дунёдаги барча кучли жамоалар интиладиган ва муваффақият пойдевори, деб биладиган жиҳат - ташаббусни ўзида сақлай билиш, яъни тўпга эгалик қилиш.

Кучли жамоа бўлишнинг асоси шу. Йўқ, мен Пеп Гвардиоланинг баъзида зериктириб юборувчи тўп оширишларини назарда тутмаяпман, асло. Финалларда ёки муҳим учрашувларда тўпга эгалик қилган жамоа ютади, демоқчи эмасман, зинҳор. Аммо тўпга эгалик қилишни билиш (шунақа ўйнаш эмас) - кучли жамоанинг энг муҳим талаби. Нега?

Мураббийлар қандай футбол тарғиб қилишларидан қатъий назар, ҳар қандай услубнинг асосини “тўпни сақлай билиш” пойдевори устига қурадилар. Қанотдан ҳужум қилинадими, автобус қўйиладими, стандарт вазиятларга урғу бериладими, бу иккинчи масала - муҳими кучли жамоа керак бўлганда тўпни ўзида сақлай билиши шарт. Фақат тезкорлик ёки қарши ҳужум тактикаси устига жамоа тузиб бўлмайди. Сабаби, ҳар қандай рақиб бундай жамоалар билан қарама қарши ўйин қилиши ва йилига 50-60 ўйинда майдонга тушадиган кучли жамоа толиқиб қолиши мумкин. Тасаввур қилинг, ҳар бир ўйинда ташаббус учун курашасиз, рақибдан тўпни олиб қўйишга ҳаракат қиласиз, вазият пойлайсиз.

Йўқ, кимга ёқади бу?

Ундан кўра барчага тўпни сақлаб турувчи, ўйинларда ташаббус билан ҳаракат қилувчи жамоа имижини яратган муҳим. Бу ҳолатда, кучсизроқ рақиблар ўйин бошидан ташаббусни сизга топшириб қўяди, ўйин бошидан сиз чўнтакда дуранг билан ҳаракатни бошлайсиз. Кучли жамоаларда бу ҳам руҳий тарафдан, ҳам жисмоний тарафдан устунлик олиб келади. Ҳар ўйиндаги асосий вазифаси ўзгармайди, демак, ғалаба қозониш, гол уриш учун ўйнаш одат тусига киради. Англияда бу йил нега “Ливерпуль”  ёки “Челси” эмас, айнан “Манчестер Сити” ғалаба қозонганининг ҳам калити шу ерда - Пелегрини шогирдларида тўпни сақлаб тура олиш асосий пойдевор эди, бу билан улар ҳаммага босим қилишди, ҳеч қайси жамоа уларга қарши ташаббус учун курашмади.

Терма жамоамизга қайтадиган бўлсак, бизга Қатардаги Осиё кубоги нима берганди?

Кўпчилик айтганидек, у ерда биз майдапас ўйнамаганмиз. Киритилган голларни эсланг, қанот ўйинчиларимиз қанчалик фаол бўлганини ёдга олинг. Сўнгги натижадан қатъий назар, биз Осиёда ўзига хос имиж яратдик - кучли ярим ҳимоячиларга эга бўлган ва тўпни ўзида сақлаб тура оладиган жамоа. Греция 2004 йилда Европа чемпиони бўлгандир, лекин ишонинг, улар совриндан бошқа ҳеч нарса ютишмаганди, келаси саралашдаёқ, улар иккинчи даражали жамоа имижига тушиб бўлишганди.

Ўзбекистон ярим финалда 0:6 ютқазган бўлса-да, биз кутган ва Жаҳон чемпионати саралаши олдидан бизга қўл келадиган имижни ярата олгандик.

Энди араб жамоалари ёки Осиё ўртамиёналари биз билан ўйинларда ташаббусни ўз ихтиёри билан бериб қўйишни афзалроқ, деб била бошлагандилар. Ҳатто Корея ёки Япония ҳам ўйин бошланиши билан тўпни ўзиники қилиб олишга ҳаракат қилмаётганди, ташаббус учун аста-секинлик билан курашаётганди. Аралаш таркибда тушган бўлсак-да, Япониядаги ғалабамизни (у ғалаба японларга керак эмасди, деб коммент ёзадиганлар, йўқолинг, илтимос) эсланг. Сўнгги дақиқаларда довдир футбол кўрмагандик, тўп вакилларимизга ўтгач, японлар ҳам қайтиб олиш учун вазият кутишга мажбур бўлгандилар. 10 кундан кейин Бразилияда тўп сурадиган Эрон Тошкентда бутун жамоа бўлиб ҳимояга ётиб олишдан уялмаганди.

Мен ҳозир натижа ҳақида умуман гапирмаяпман. Уммондан учралган мағлубиятнинг мен учун бир тийинлик қиймати йўқ, бу ўйин умуман ҳеч нарсани ҳал қилмайди. Лекин менга Уммоннинг қандай ҳисобда эмас, қайси услубда икки марта ютиб кетгани ёқмаяпти - хотиржам услубда!

Менга ўша бир қанча ўйинлар орқали қўлга киритган имижимизни яна бой бераётганимиз ёқмаяпти. Тўпни сақлаб туришни унутганимизга хафаман, эртага, бирор ЖЧ саралашида яна ўша Уммонми ё Иордания биланми ўйнасак, улар қўрқмасдан тўпни бир бирларига оширишиб юришларини ўйлаб, азият чекяпман.

Таркиб аралаш, биз шоу қилдик, ёшлар, қарилар, авлодлар алмашинуви ва ҳоказо, ҳоказо, ҳоказо - хўп, акалар. Лекин биз Осиё кубогидан олти ойлик масофада турибмиз, аниқроғи, олдимизда яна 4-5 та йиғин, ундан камроқ ўртоқлик учрашуви қолди, холос. 

Қайтараман, тўпни қанотга олиб бориб у ердан жарима майдонига узатиш бу терма жамоамизда шундай услуб борлиги эмас, ҳеч қандай услубнинг йўқлигидир. Фарқи каттами?

Ахир баландликдан катта тезликда қулаятган жисмга “учяпти” деб баҳо бера олмаймиз-ку, тўғрими? Гарчи қанотларини тинмай қоқаётган бўлса ҳам... 

Киритилган сана: 02.06.2014 13:19. Ўкилди: 10035 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


QIPCHOQ
Сана: 05.06.2014 00:59. QIPCHOQга ёзиш
+0; -0
Qahramon aka sizni oldin Chempion gazetasidagi maqolalaringiz xam zur edi. Sizni maqolalaringiz chuqur yoziladi. Futbolni zur tushunasiz. Bugun kupchilik Qosimovni tanqid qilib Abramovni maqtayapti, Abramov xam sexrgar emasku, olimpiadani saralashini nega xech kim eslamaydi. Qatardagi Osiyo chempionatidagi 0-6 mag'lubiyatu tupni uzimizda saqlab qolish buyicha ustunlik! Tug'ri Taktikani foydasi shumi?Taktika shu bulsa nima keragi bundaqangi taktikani? "Tepadan pastga qarab tushish uchish emas garchi u qanot qoqayotgan bulsa xam" - ushbu fikr Abramovni taktikasiga qaratib aytilgan gap. 6-0 ga yutqizilgan, olimpiadaga saralashda Toshkentda BAAni 2-0 ga yutayotib 3 ta gol utqizish tug'ri taktika tanlanganimi? Topqir murabbiyni ishimi shu. Xirosima-94 dagi murabbiylar Akramov va Abduraimov kabi murabbiylarni taktikasini maqtanglar.Qosimovni tanqid qilib uni kunglini uksitgancha undan kura milliy chempionatimizni saviyasini kutarish xaqida uylaylik, kelishilgan uyinlarni fosh qilib bunday uyinni uyushtirganlarni tartibga chaqiraylik. Muxlisni stadiondan bezdirayotgan, futbolimiz saviyasini tushirayotgan ushalarku. Qosimov emas. Qosimovday saviyaga ega bulgan futbolchiligida vatan futboli uchun fidokor bulgan futbolchi xozircha yuq bizda. Men ushbu fiklarim bilan Abramovni qoralamoqchi emasman, u xam inson adashadi, agar futbolda taktikani juda zur bilganida va tug'ri tanlay olganida xozir biz 2 marta olimpiada chempioni, Osiyo kubogi soxibi... Va Boshqa sovrinlarni qulga kiritardik. Men uz fikrimni yozdim. Qosimovga xam Abramovga xam ishlariga omad, ular murabbiy bulib ishlar ekan futbolimiz qizg'in munozara va baxslarga boy bulaveradi. Bu esa muxlislarni milliy chempionatimizga bulgan qiziqishini ortiradi.

Ушбу фикрга жавобан


TIMURAY
Сана: 04.06.2014 20:10. TIMURAYга ёзиш
+0; -0
хуллас-калон Косимов термадан кетиши шарт,хеч канака уйин(зрелищность) йук термамизда, уффдагилар хам албатта билишади косимов тайинланиши хато булганини,лекин факат кучли одамлар уз хатоларини тан олади,коганлар эса юраверади биз кучли факат бизга омад етишмаяпти деб.

Ушбу фикрга жавобан


THEONE
Сана: 04.06.2014 11:03. THEONEга ёзиш
+0; -0
RESPECT!!! Chiroyli tuwuntirilgan!!!

Ушбу фикрга жавобан


SHAMSHER
Сана: 03.06.2014 16:49. SHAMSHERга ёзиш
+0; -0
фақат йиғлагим келади

Ушбу фикрга жавобан


ARISTOKRAT
Сана: 03.06.2014 10:20. ARISTOKRATга ёзиш
+0; -0
Хуллас Абрамов дейишмокчи аммо иложи йук

ука сан мандан расмий равишда сурадинг илтимос килсанг булардику...
-ака канча илтимос килишим керак
-ха,энди ишинг тушгандан кейин 10 марта,100 марта илтимос киласанде ука.

Жаноб фаришталар кочиб кетмокда федерациядан сезилмаяптими.

Ушбу фикрга жавобан


DAVRONP
Сана: 03.06.2014 09:57. DAVRONPга ёзиш
+0; -0
Макола яхши чиккан. Лекин бу маколани тегида жамоани потенциали пастлиги ётганди гуе. Агар мкола шу манони бервотган буса, ман кушиламан. Жамоада, аникроги уйинилада футборл уйнаш эсдан чикиб колган, хамма томонлама. Мураббийга тезкор фикрлидган, техникали, туп бн муомала кила оладган кадрладан лоакал 3-4 та буса, манимча уни уйлаган тактикасини амалга ошиши осонро кечса кере.
Лекин яна уша таккослашга юзланишимизга тугри кевотти. Абрамов даврида МТЖ канакейдию, Косимов даврида канака булди. Балки уйинчиларимизи даражаси Абрамов даврида юыорирог бугандир, Косимовда акси бувотгандир...Бирок...

Ушбу фикрга жавобан


OLMALIQ
Сана: 03.06.2014 09:54. OLMALIQга ёзиш
+0; -0
Ёзилган маколани укиб шундай хулосага келдим. Бугунги кунда терма жамоамизга энг муносиб мураббий бу _ Вадим Абрамов. Ха, Абрамов даврида узбек футболига узгача руз кириб келди. Хозир хам эътибор беринг Локонинг уйин услубига - хилма-хил хужумлар... Юртимизда хеч кайси мураббийнинг потенциали Абрамов билан теглашаолмайди. Абрамов хатто Европанинг жамоаларида хам ишлаб кета олади. Ундща тугма истеъдод бор. Тошкентда булиб утган Узб-Эрон уйини хеч ёдимдан чикмайди. Эрон жарима майдони ичига камалиб олганди. Авсрталия билан уйинчи, уларни хам жарима майдоинга камаб куйгандик. Яна бир имкон булганида мен албатта Австралияни магул этардим, - деган эди Абрамов. Жахон чемпионати куръа натижаларини курган Абрамов, биз 2014 йилги жахон чемпионатига борамиз деб бизларга ишонч билан гапирган эди. Аммо, УФФ даги баъзи бир галамисларнинг иши туфайли биз мундиалдан курук колдик. Эх, афсус, терма жамоамизни гуёки шахсий томоркага ухшаб колгандек. Мана курасизлар Косимов термада мураббий булар экан, Осиё чемпионатига яна уша эски 11 пахлавонни олиб кетади. Ва шармандали натижаларни кайд этади. Кейин "Боллада айб йу, барча айб манда" деб интеьвю беради. Хали хам кеч эмас, мухтарам Мираброр Зуфарович Вадим Абрамовни термага кайтаринг! Узбек халки шунда сиздан миннатдор булар эди. Ахир футбол бежизга миллионлар уйини эмас-ку.

Ушбу фикрга жавобан


NASAFRONALDU
Сана: 03.06.2014 08:28. NASAFRONALDUга ёзиш
+0; -0
Avvalambor maqola uchun rahmat muallif, fikrlaringizga qo'shilaman.
Fudbolchilarimiz ruhan ezilgan. Agar oxirgi turda Koreya Eronga bitta gol urib hisobni tenglashtirganda nima bo'lardi?! (tayyorgarlik qizg'in pallada, terma tarkibi chiqqan, kimdir tarkibdan norozi, ENG MUHIMI BIZ UCHUN TERMAMIZDAN KUCHLIROQ JAMOA YO'Q). Bu bilan nima demoqchiman?-hamma gap ruhiy tetiklikda. O'yinchilar o'sha-o'sha, faqat psixolagichiski muammo bor.

Ушбу фикрга жавобан


BAXAFIFA
Сана: 03.06.2014 07:19. BAXAFIFAга ёзиш
+0; -0
Maqola uchun raxmat. Bizning futbolchilarga ishonch etishmaydi. Bir eslang qatar2011 ham aksariyat hujumlar qanotdan amalga oshirilgandi. Jangobarlik kerak tarmamizga. Futbolchilarga gap yuq. Kuchli psixologlar kerak. Ayniqsa hujumchilarga

Ушбу фикрга жавобан


BAXAFIFA
Сана: 03.06.2014 07:18. BAXAFIFAга ёзиш
+0; -0
Maqola uchun raxmat. Bizning futbolchilarga ishonch etishmaydi. Bir eslang qatar2011 ham aksariyat hujumlar qanotdan amalga oshirilgandi. Jangobarlik kerak tarmamizga. Futbolchilarga gap yuq. Kuchli psixologlar kerak. Ayniqsa hujumchilarga

Ушбу фикрга жавобан


FATHQUQON
Сана: 03.06.2014 02:46. FATHQUQONга ёзиш
+0; -0
Бечора Косимов.Куллаётган чоралари ,услублари иш бермаётган Косимов.Сунъи юлдуз мураббий яратиш курбони,яъни кулидан келмас

лигини билсада ,узига нисбатан назари тушган одамларга айтолмай чорасиз колган бечора Косимов.Булди етар.Абрамов.Шевченко узини энг зур уйинларини миланда Торрес эса атлетикода курсатган демокчтманки Абрамов хам мтжни кандайдир макомга кутарди.Энди янада билимли ва тажрибаси юклрирок мутахасис га мтж ни топшириш керак.Ахир дунёда узини хурмат килган федерациялар ва клублар миллатига карамасдан зур мутахасисларни чакириб ишлатаётган бир вактда ,биз ё тентакмиз ёки дохо.
Энди журналистлар хакида.Сизлар бюрократлар жамоасига карши уйинга чикиб куйдинглар ва хаммаларинг хар хил жарохатлар олдиларинг.Сизларга хам кийин тушунамиз лекин биз мухлислапни ёлгиз ташлаб куйманглар мухлисларни танкиди бамисоли ака укани уришгандай балки куввати ундан хам пастрокдир лекин сизларники ота угилга танбех бергандек таъсир килади.Мтж уз уйида икки марта тескари шапалок еди,бундай хурланимизга нисбатан матбуот анчагина осудадек назаримда.Муаллифга ташаккур .Сог булинг.

Ушбу фикрга жавобан


RAULBLANCOS
Сана: 03.06.2014 00:22. RAULBLANCOSга ёзиш
+0; -0
futbolchila unaqa futbolchila bunaqa dgan gapdan yiroqman.misol 2011 yilda ham termamizning asosi hozirgi uyinchila edi lekin natija bor edi hamma gap trenerda qosimov jamoasi hech qachon 1 raqam ostida uynalmagan va uynalmediyam eron va qatar lardi mehmonda yutgan buliwimiz mumkin lekin buladi hamasi bir omad yoki tasodif yani uwa uyinlada biz yutqizmaslik uchun uynagamiz qosimov imiji asosan 2 raqam ostida uynaw bunga yaqol misol sifatida bunyodkorning ochl dagi uynlari xullas qosimov jamoasi psixalagik kuchsiz va buw jamoa. . .

Ушбу фикрга жавобан


RAULBLANCOS
Сана: 03.06.2014 00:14. RAULBLANCOSга ёзиш
+0; -0
Ахир баландликдан катта тезликда қулаятган жисмга “учяпти” деб баҳо бера олмаймиз-ку, тўғрими? Гарчи қанотларини тинмай қоқаётган бўлса ҳам...
Wu joyiga respect

Ушбу фикрга жавобан


WAPSTAR
Сана: 03.06.2014 00:02. WAPSTARга ёзиш
+0; -0
Maqolaga gap bolishi mumkin emas.
Qaxramonjondan uzr soragan xolda boshqa tema xaqida yozmoqchiman.
ESHITISHIMCHA MTRK JCH NI TRANS XUQUQINI SOTVOLISHI UCHUN 1 MILLION DOLLAR TOLASHI KK EKAN.
MTRK ESA BU SUMMANI ARZONLASHTIRMOQCH BOLYAPTIKAN.
BU KETISHDA KELISHUVGA ERISHOLMASA JCHNI OLIB BERA OLMAS EKAN.
UZBDA TAXMINAN 1 MILION ISHQIBOZ JCNNI KORADI DEP TAXMIN QISAK XAR BIR KISHIGA 1 DOLLARDAN TOGRI KELAR EKAN.
KELILA SHU PULNI YIGBERELIK)

Ушбу фикрга жавобан


IBRAKADABRA
Сана: 02.06.2014 23:53. IBRAKADABRAга ёзиш
+0; -0
Маколадаги гапларга кушиламан. Бизда услубни узи йук. Услуб деган тушинча хам булмаса керак. Козозлар бор,унда турли схемалар бор,туп тепиш бор. Аммо футбол йук. Улган футбол...

Ушбу фикрга жавобан


WAPSTAR
Сана: 02.06.2014 23:52. WAPSTARга ёзиш
+0; -0
Ахир баландликдан катта тезликда қулаятган жисмга “учяпти” деб баҳо бера олмаймиз-ку, тўғрими? Гарчи қанотларини тинмай қоқаётган бўлса ҳам..
.....................
Mana bu o'zbek futboli togrisidagi xaqiqiy qiyos

Ушбу фикрга жавобан


IBRAKADABRA
Сана: 02.06.2014 23:42. IBRAKADABRAга ёзиш
+0; -0
Кимдир футболчиларни яна кимдир мураббийни айблайди. Бу нормал холат. Лекин терма жамоани хароб холга тушишида футболчиларни хам мураббийларни хам айби йук. Барча айб федерация рахбарларида. Федерацияда футболга тушинмайдиганлар еки узбек футболини фидойиси булмаган инсонлар ишлайди. Уларни хар бир карорлари факат терма жамоа заририга ишлаган,ишлаяпти бундан кейин хам килган ишларини турган битгани зарарга ишлаши хакикатга якин.
Бир мураббий натижа курсатади. Дарров олкишлар,мукофотлар ва кушимчасига кушимча ишлар... "Мана яхши ишлаганинг учун кушимча ставка - олипияни хам бошкар..."
"Премия"сини бер ва кушимча талаб куй кушимча иш билан босим юкламасдан. Футбол профессори деганлари бор. Нахотки ушалар билмайди бизни мураббийлар битта ишни зурга эплайди,иккита иш улар учун эмас. Умуман футбол оламидаги мураббийлар икки жамоани бошкариб барака топмаганлар...
Хаммаси ушандан бошланган. Абрамовни кетишига хаммадан хам мен ачинган булсам керак. Уни гапирмасам кунглим жойига тушмасди. У бор термага яна кизиккандим. Хар бир уйин олдидан ва кейин эринмасдан танкид килиб утирардим. Хозирчи? Косимовни гапиришга арзигулик иши ва терма жамоамизни курарга арзирли уйини йук... Абрамов вактида жонли эди хамма нарса. Мотивация бор эди...
Хозир шунча гапирмайлик барибир УФФ Косимов номзодида колади. Косимов хам уз навбатида бир амаллаб гапи утадиган болларни йигиб Австралияда шарманда булади. Эссиз Вадим Абрамов шундай мураббий...
Эссиз Миржалол Косимов узбек футболини тирик афсонаси...
Эссиз УФФ фидойиларсиз колган ташкилот...

Ушбу фикрга жавобан


KINGISBACK
Сана: 02.06.2014 23:01. KINGISBACKга ёзиш
+0; -0
Гус Хиддинк, Бора Милутинович, Сколарилар терма жамоалармиқёсидаги тренерлар ,лекин конкрет клубларда ютуқларга эриша олишмаган.

Ушбу фикрга жавобан


KINGISBACK
Сана: 02.06.2014 22:55. KINGISBACKга ёзиш
+0; -0
Терма жамоада бош мураббий бўлишнинг ўзгача спецификаси бор. Яъни қисқа вақтли йиғинларда барибир ўйинчиларни тайёлашни иложиси йўқ,вақт етмайди. Ўйинчилар турли клублардан турли фор мада келишади. Шунинг учун бош тренер фақат командани тактик тайёрлаши мумкин. Қосимовни жуда кучли бўлмаса хам яхшигина команда миқёсидаги тренер дейиш мумкин. У буни бир неча йиллик Бунёдкордаги муваққиятлари билан кўрсата олган. Шуни Уфф бошлиқлари тушунмаяпти . Терма жамоа мураббийлигига кучли тактик қўйиш керак.Нега Венгерни,Моуриньони терма жамоаларга чақиришмайди.ўзлари ҳам интилишмайди. Так что Қосимовни ёмон тренер дейолмаймиз ,лекин терма жамоа миқёсида эмас.Уммонга икки марта ютқазишимизда Қосимов айбдор эмас, юқоридагилар айбдор.

Ушбу фикрга жавобан


MARDIYEV
Сана: 02.06.2014 22:39. MARDIYEVга ёзиш
+0; -0
Қойил. Ажойиб мақола, бошқа журналистлардан ҳам шунақа мақолалар кутамиз. Агар уларда журналистик маҳорати қолган бўлса, йилдан-йилга журналистларимиз ҳам футболимиздан қолишмаяпти. Ҳеч бўлмаса журналистик ҳаққини бажариб қўйинглар илтимос!!!

Ушбу фикрга жавобан


MEDIK
Сана: 02.06.2014 21:44. MEDIKга ёзиш
+0; -0
IMRONBEK

avvalo maqolaga gap yöq.Rahmat aka!
Imronbek,bizning eng katta kamchiligimiz ham aynan wu.Yani,biz har doim saralawni sönggi bosqichidan keyin koncetratsiyani pasaytirvoramiz.Qahramon aka maxsus sonda yozganidek nafaqat muxlislar,balki futbolchilar ham tuwkunlikka tuwib qoladilar.Ularga bizdanam qiyin böladi.Chunki biz muxlislar alamimizni futbolchilardan,murabbiydan olamiz. Natijada sodda qilib aytganda öwa eron,korea bilan öynalgan öyinlar esdan chipadi.Keyin hammasi bowidan bowlanadi.Ummonlarga yutqazamiz.Keyin sekin yutqazmaslikni bowlaymiz,keyin yutiwniyam bowlaymiz.Oxirida qarasak 1ta gol yetmay qoladi...
Respekt.

Ушбу фикрга жавобан


PREMIER
Сана: 02.06.2014 21:32. PREMIERга ёзиш
+0; -0
"Боримиз шу" дан кейин “Фикрингизга қўшиламан, ўйинимиз қашшоқ чиқди” термани шиорига айланиб қолмаса бўлди. Яхшигина имиджимиз бор эди...

Ушбу фикрга жавобан


IMPERATOR
Сана: 02.06.2014 21:29. IMPERATORга ёзиш
+0; -0
(у ғалаба японларга керак эмасди, деб коммент ёзадиганлар, йўқолинг, илтимос)
Respect!

Ушбу фикрга жавобан


KUYMAZORLIK
Сана: 02.06.2014 20:32. KUYMAZORLIKга ёзиш
+0; -0
kechirasiz:kechirasizu fikrlaringizga respekt!

Ушбу фикрга жавобан


KUYMAZORLIK
Сана: 02.06.2014 19:58. KUYMAZORLIKга ёзиш
+0; -0
Qaxramon aka ko'rinib turgan lekin biroz tushunarsiz masalani juda chiroyli ochib bergan.Shunday maqolalar uchun tashakkur!Xaqiqatdan Qosimov mtj. uchun umuman mos murabbiy emas.Termamizning o'yini qashshoqlashgandan qashashoqlashib bormoqda.Shu ketishda osiyo kubogida butun osiyoga sharmanda bo'lishimiz aniq.Maqsudov meksika qaxramonlari osiyo chempionatida bilan bir tiyin bo'lib kelganda aybni tayyorgarlikka to'nkadik.Qosimovga qatorasiga o'rtoqlik o'yinlariyu chet el yig'inlari tashkil qilib berganimiz bilan uning o'zi termamiz uchun umuman to'g'ri kelmagandan keyin bundan nima foyda?Shu ketishda bo'lsa Avstraliyada na guruxdan chiqamiz va na mazmunli o'yin ko'rsatamiz bu aniq.Futbolni o'ldirish evaziga ximoyada yotib qarshi xujumda o'ynab omad xisobiga bir amallamasak agar... Lekin Qosimov xozir qanday qilib bo'lsa xam 1-raqamda o'ynash xaqida o'ylamoqda.Lekin buni eplay olmayapdi.Eplay olishi uchun ancha borga o'xshaydi.Ummon tugul Gonkongni yenga olmagandigu...

Ушбу фикрга жавобан


KADIGUZARLIK
Сана: 02.06.2014 19:53. KADIGUZARLIKга ёзиш
+0; -0
респект!

Ушбу фикрга жавобан


KECHIRASIZ
Сана: 02.06.2014 19:17. KECHIRASIZга ёзиш
+0; -0
Зўр. Ҳар қандай жамоани энг кучли жиҳати бўлиши керак. Энг зўр камонбоз қилич билан уруша олмаслиги мумкин,лекин ишлата олади. Камон отишга шароит тўғри келиб қолса ,камонбоз умуман адашмайди. Шунга ўхшаб қарши хужум, қанотдан хужум, прессинг, майда пас, олисдан зарба ва яна қанақадир услубларни жамоа имкониятидан келиб чиқиб танланиши ва автоматик кўринишга келганча сайқалланиши керак. Абрамов билибми,билмайми бизнинг жамоага мос тактика танлай олди.

Ностандарт ўйин, техникага асосланган "стиль"бизани имижимиз. Шунинг учун Гейнрих, Жепаров, Шацких, Одил, Кападзе,Турсунов жамоа юраги эди. Ҳайдаров, Мусаев зарбачилар. Денисов, Ҳасановлар тезлик, Бақоев босим, Зотеев таёқча. Гейнрихку штраф плошадка қироли. Айёр,хотиржам ва аниқ зарбачи. Унга Ўзбекистонда конкурент йўқ. Мураббий ҳар бир футболчини туғма кучли томонидан фойдаланиши ва унга шу жиҳатни ишга солишга шароит яратиб берса ва уни ривожлантирса аниқ футболчида қўшимча иштиёқ ва куч пайдо бўлади. Мажбурлаб ҳеч нарсага эришиб бўлмайди.

Ушбу фикрга жавобан


ILHOMBEKT
Сана: 02.06.2014 18:35. ILHOMBEKTга ёзиш
+0; -0
Yaponiyani safarda 3- tarkib bilan yutgandik. Ana shu tarkibni kelgusi o'yinlarga ham tayyorlab borish kerak edi. Shundan so'ng Koreyslarni ham yuta olardik. Aytgancha, Koreya JCH yo'llanmasini hakamning yordami bilan yutdi-ku. Hech zamonda o'yindagi to'xtalishlar uchun 7 daqiqa qo'shib beradimi? Agar o'sha vaziyatlarda hakamlar OFKning topshirig'i bilan Koreyani olib chiqishmaganda biz hozir JCHga tayyorlanayotgan bo'lardik.

Ушбу фикрга жавобан


BOOSS
Сана: 02.06.2014 18:19. BOOSSга ёзиш
+0; -0
Респект!

Ушбу фикрга жавобан


COMMENTUZ
Сана: 02.06.2014 18:04. COMMENTUZга ёзиш
+0; -0
Абрамовни уз назарияси бориди ва у иш берганди, у хак эди, яна бир марта айтаман у хак эди, унинг тактик режаси бизга мос тушганди.

Ушбу фикрга жавобан


MANREDUZ
Сана: 02.06.2014 18:00. MANREDUZга ёзиш
+0; -0
Bir gap aytaymi? Qosimovni kamandasi öynayotgan futbol bunaqa murakkab tahlillarga zigirchalil ham arzimaydi.

Ушбу фикрга жавобан


FALKAOSS
Сана: 02.06.2014 17:36. FALKAOSSга ёзиш
+0; -0
Ma1rifalievlar o`ynagan paytda qanotdan hujum kuchli bo`lardi....

Ушбу фикрга жавобан


TASHRIF
Сана: 02.06.2014 17:32. TASHRIFга ёзиш
+0; -0
ТЕРМАГА ЧЕТДАН МУРАББИЙ КЕРАК Ё ХЕЧ БУЛМАГАНДА АБРАМОВ. ФУТБОЛЧИЛАР КОСИМОВ КУЛ ОСТИДА УЙНАШНИ ИСТАШМАЯПТИ. БУ ЯККОЛ КУРИНИБ ТУРИБДИ. ГЕЙНРИХ КОПАДЗЕ АЗИЗ ХАЙДАРОВ ЖЕПАРОВЛАР ЁРДАМИ ТАЖРИБАСИ КЕРАК ХАЛИ ТЕРМАГА. УЛАР МАХОРАТЛИ ЛЕКИН КОСИМОВ МУРАББИЙЛИГИНИ ТАН ОЛИШМАЯПТМ УЛАР ХАМ БОШКАЛАР ХАМ. УЛАРНИ УЙНАТА БИЛАДИГАН МУРАББИЙ ЗАРУР. ЁШЛАР БИЛАН ЭСА ХАЛИ ХЕЧ НАРСАГА ЭРИШИБ БУЛМАЙДИ. УЛАР ГУР ХАЛИ. РАХБАРИЯТ НИЯТИНИ ТУШУНАМАН. УЗБЕК МУРАББИЙИ ХАЛКАРО МАЙДОНЛАРДА УЗ ШОГИРДЛАРИ БИЛАН ВАТАНИМИЗ ДОВРУГИНИ ДУНЁГА ЁЙСА КАНДАЙ ЯХШИ. ЛЕКИН КОСИМОВ ХАЛИ ТАЖРИБАСИЗКУ? УНДАН НИМАНИ КУТИШ МУМКИН? ОК 2015 ДА ЁШАРТИРИЛГАН ТЕРМА БИЛАН БОРИБ ШАРМАНДА БУЛАМИЗ. БИРДАНИГА ЭМАС АСТА СЕКИН КУШИШ КЕРАК ЁШЛАРНИ. КОСИМОВ ПСИХОЛОГИК УЗИ ТАЙЁР ЭМАС.БОЛЛАРКУ УМУМАН. УЙИНДА ТАКТИКА ЙУК ОЛДИНДАН УЙЛАНГАН КОМБИНАЦИЯЛАР ЙУК. ХАР МАГЛУБИЯТДАН КЕЙИН ХУЛОСА ЧИКАРАМИЗ ДЕГАНИ ДЕГАН.БУ ХУЛОСА ЧИКАРИШ ЯНА НЕЧА ЙИЛ ДАВОМ ЭТАРКИН? ЭРТАГА УЙИН,КОСИМОВ ЭСА ЛИССАБОНДА САЁХАТДА ЮРИБДИ. БУ НИМАСИ ЭДИ? ЧУНКИ КОСИМОВ УЗИЯМ БИЛАДИ КУЛИДАН ХЕЧ НИМА КЕЛМАСЛИГИНИ.

Ушбу фикрга жавобан


PUTBOL

Сана: 02.06.2014 17:16. PUTBOLга ёзиш
+0; -0
Yawang...

Ушбу фикрга жавобан


DIABLO
Сана: 02.06.2014 17:05. DIABLOга ёзиш
+0; -0
bu futbolchilani aybimas. Eplomayaptimas. Masalan. Qosimov o'rtada o'ynela dgan bo'sa futbalistla o'ynomayapti i keyn qanotga to'p owirilvoti dvosla. Bu noto'ri. Abramov paytida xilma xilli ko'pidi. Nme o'wa payt o'rtadanam xujumla ko'p bo'lardiyu. O'wa payt wkvirin qosimov sastavla o'ynamagan. Hozirgi futbalisla o'ynagan. Qosimov faqat gap bilan iw bitirvoti. Man hic bir o'rtadan hujum qiliwga harakati ko'rmadm. Har holda wunga harakat qiliwganda qanottan manzilsz to'p owiriwdan orqaroqqa to'p uzatgan yaxwi. Cunki to'p yo'qotilmidi. I ketn dalniy udar beriwga yaxwi. Yaqinlawomaganidan keyn

Ушбу фикрга жавобан


ANDUZ
Сана: 02.06.2014 17:04. ANDUZга ёзиш
+0; -0
Ахир баландликдан катта тезликда қулаятган жисмга “учяпти” деб баҳо бера олмаймиз-ку, тўғрими? Гарчи қанотларини тинмай қоқаётган бўлса ҳам...
_________________________________________________________
Шу ери ключевой бупти :)
Миржалол Косимов Мураббийликда укуви йукдир. Лекин футболчиларни хеч ким танкид остига олмаяптику. Сайтдошлар кани айтингларчи, жарима майдонига якинлашганда кайси футболчи очиляпти ёки очилишга харакат киляпти? Денисовни отасига рахмат, шу бола уйнаса хам юрагидан уйнайди. Охирги уйинда "Булмаганга-булишма" дедими ёки бошка сабами у хам охири тухтади, тугрида уни уринда бошкаси булганда хам шунака килар эди. Одилдан хам умуман хафсалам пир булди. Нима бало булган бу болларга хайронсан.

Ушбу фикрга жавобан


IMRONBEK
Сана: 02.06.2014 16:59. IMRONBEKга ёзиш
+0; -0
Ха яна бир гап. Нима бўлганда хам Абрамовни бошқа режалари хам бор эди. "Техник" сабабларга кўра терма мураббийлигидан озод этилган. Охирги пайтлар гимнни хам айтмай қўйишяпти ўйинчиларимиз.

Ушбу фикрга жавобан


IMRONBEK
Сана: 02.06.2014 16:54. IMRONBEKга ёзиш
+0; -0
Мен хам Фикрингизга қўшиламан, ўйинимиз қашшоқ чиқди. Бундан буёғи Қосимовни ёмонлашдан фойда йўқ. У яхши мураббий. Ўзб.- Корея 2-2 ўйинни эсланг ёки бўлмаса Эрон-Ўзб 0-1. Қани ўша ўйинчиларимиздаги шиддат? Худди томоғидан бўғизлаб ўйнатаётганимизга ўхшайди. Хамма айб футболчиларимизда. Улар хаммасига айбдор. Мураббий айтгани билан улар югуришмаса хаммаси холва. Кўпроқ ўйинчилармизни танқид қилишимиз керак хурматли журналистлар. Мисол учун Денисов Россияда қандай қилиб кучлилар сафида хайронман. Одил хам ғалати. Охири яхши бўлсинда.

Ушбу фикрга жавобан


UZBCHAMP
Сана: 02.06.2014 16:53. UZBCHAMPга ёзиш
+0; -0
Abramov haquqatdan ham yaxshi trener ekan jin ursin bu gaplarni yozaman deb o'ylamagandim

Ушбу фикрга жавобан


UZBCHAMP
Сана: 02.06.2014 16:52. UZBCHAMPга ёзиш
+0; -0
Lokomativ shunchalik yaxshi futbol o"ynayaptimi?

Ушбу фикрга жавобан


ELIVERPOOL
Сана: 02.06.2014 16:47. ELIVERPOOLга ёзиш
+0; -0
MUZ, TOLIB, QOSIM VA O'ZBEKCHANI BILMAYDIGAN O'ZBEK RUSTAMLAR BOR EKAN TERMA JAMOA JCH.GA CHIQOLMAYDI.

Ушбу фикрга жавобан


DIMATTEO
Сана: 02.06.2014 16:45. DIMATTEOга ёзиш
+0; -0
wu ummonni treneri Poll le Guen qayerdadir ewitgandim adawmasam ovropa yoki afrika termalaridan biriga murabbiylik qilgan, GAP ANIQ MURABBIYDA , bo'lmasa UMMON da qattan bunca talan.....
MAN MIRJALOL AKANI DOIM QOLLAB-QUVVATLAGANMAN FIKRIMDAN QAYTMAYMAN HAM, AMMO NIMAGA FEDERATSIYA UNGA BERGAN IMKONIYAT YA'NI CET ELDAN MASLAHATCI MURABBIY OLIB KELINIWINI SO'RAMAYAPTI HAYRONMAN))))))))

Ушбу фикрга жавобан


QORQOPLONI
Сана: 02.06.2014 16:13. QORQOPLONIга ёзиш
+0; -0
Fikr bildirish, internetda o'tirib Qosimovni, Abramovni so'kishdan osoni yo'q. Aslida har birimiz o'z ishimizni qanchalik eplayapmiz? Futbolchilardan professionallikni talab qilamiz. biz o'zimiz professionalmizmi? Aslida hamma narsani ko'r - ko'rona qilish, qotib qolganlik bizning o'zimizning "uslubimiz" emasmi? Xo'p, biz aytgacha bo'lib, Qosimov ketib boshqa murabbiy kelsa - yu, uyam eplayolmasa, uniyam so'kamizmi? Agar haqorat qilishning terma jamoaga nafi tekkanda, biz jahon chempionatini emas, jahon chempionligini ko'zlab yurardik.

Ушбу фикрга жавобан


MAXIMUS
Сана: 02.06.2014 16:00. MAXIMUSга ёзиш
+0; -0
ДЕМАК МУХЛИСЛАРНИНГ "ЯНГИ ҚОН КИРИТИШ КЕРАК" ДЕГАН ТАЛАБИДА ЖОН БОР!

Ушбу фикрга жавобан


MAXIMUS
Сана: 02.06.2014 15:59. MAXIMUSга ёзиш
+0; -0
МАҚОЛАДА МУАММОНИНГ ҲЕЧ ҚАНДАЙ ЕЧИМИ ЙЎҚ! ИККИНЧИДАН ШУНДАЙ ФУТБОЛ НАМОЙИШ ЭТИШИМИЗГА КИМ САБАБЧИ?! "ҚОСИМОВНИ КЎРСАТМА БЕРГАН, ФУТБОЛЧИЛАР БАЖАРМАГАН" ДЕГАН ГАПЛАР НАТИЖА УЧУН БАҲОНА БЎЛМАЙДИ. МУАММОНИНГ ЕЧИМИНИ ОЧИҚ-ОЙДИН ГАПИРИШ КЕРАК. ҚОСИМОВ ИШИНИ УДДАЛАЙ ОЛМАЯПТИ, ВАССАЛОМ! МОУРИНЬОГА ТЕНГЛАШТИРМОҚЧИ ЭМАСМАНУ ЛЕКИН НАТИЖА БЎЛМАСА МОУРИНЬОНИ БЎШАТИШАДИ, ФУТБОЛЧИЛАРНИ ЭМАС! ЎША СИЗ ЁЗГАН КУБОК ЎЙИНИДА ҲАМ ЙИГИТЛАРНИ АБРАКАДАБРА ЎЙНАТА ОЛГАНДИ-КУ!

Ушбу фикрга жавобан


ACHKI
Сана: 02.06.2014 15:45. ACHKIга ёзиш
+0; -0
Э чап канот ёки унг канот буладими бир хил услуб хилма хиллик йук, натижа йук, олдиндан укиш мумкин. Нима булганда хам янги тренер керак.

Ушбу фикрга жавобан


ATTRACKTIVE
Сана: 02.06.2014 15:34. ATTRACKTIVEга ёзиш
+0; -0
Bu maqolada ayni ichimdagilar aytilgan Raxmat! Qosimov hech bulmasa OK-2011 dagi imijimizni birpul qimasa bo'lgani. Mayli natija ko'rsatolmasligi aniqlashib boryapti(Buni deyarli hamma bilib bo'ldi). Shuning uchun navbatdagi JCH tayyorgarligida xorijlik murabbiyni kutamiz.

Ушбу фикрга жавобан


RAMZES
Сана: 02.06.2014 15:20. RAMZESга ёзиш
+0; -0
Ha, Qahramon aka masalani mohiyatini chiroyli ochib beriptila. Shunaqa mavzuni kôtarvotganila uchun sila - jurnalistlaga, sayt hodimlariga ming rahmat !

Endi mavzuga qaytsek. Kôrdik shuncha ôyin, shuncha norozilikladan keyinam qimirlash yôq. Ushanichun ham Qosimov ketib boshqa trener kelishini talab qivotmizade... Mirjalolakani hurmat qilaman. Lekin murabbiy sifatida umuman Milliy terma jamoamizga mosamas. Ôzlariga yarasha qarashlari bordir, lekin Milliy termamizga tôğri kemidi. Ôzi hammasiga aybdor UFF bilan TJM !

Ğalabaga munosib ôynab, hakam xatosi, ôyin oxirida bitta xato bilan ôtqazilgan gol tufayli Abramovni xaydab Qosimovni qôyishganida ayb. Eng katta xato mana shu ! Abramov ôz fikrini singdira olardi. Taktik, strategik, mazmunli, chiroyli ôyinimiz boridi. Jamoani psixik tayyorlashni ham tobiga keltirardi. Lekin shans bermasdan xaydashdi.
Xop, mayli shunaqayam bôldi. Lekin endi Qosimovdan umid qilishga majbur bôp qoldik. Boshida natija yomon bômyatudi, ishonch boridi. Ammo keyin ôyin uslubimiz, shashtimiz tushib ketti. Palapartish, bemano zerikarli futbolga ôtib qoldik. Ana ushandayam almashtirishmadi Qosimovni. Bu ikkinchi xato !
Mana bu yil yana shu axvol. Milliy terma jamoamiz pastga qarab shônğivotti, qulashda davom etvommiz. Lekin xali vaqt bor, kech bômasidan almashtirish kerak. Variantla ham yôqmas. Chet eldan murabbiy ob kelomasakanmiz, yurtimizdan qidirilu. Shkvirin, Ashurmatov murabbiy sifatida hurmat qozonib bôlishti. El-yurt, futbol mutaxassislarimiz ham maqtashvotti. Qosimov bilan Maqsudovni almashtirib Shkvirin bilan Ashurmatovni qôyish kerak dib ôyliman. Endi uchunchi xatoni qimasimizdan murabbiyni almashtirish kerak. Boshqachasiga bômidi. Xaliyam kechamas !!!

Ушбу фикрга жавобан


FCYUVENTUS
Сана: 02.06.2014 14:57. FCYUVENTUSга ёзиш
+0; -0
Bizga xorijdan murabbiy kerak boshqasi hammasi bekor. Ber van Maarveyk yaxshi variant u hozir hech qatta ishlamayapti va terma jamoa bilan yaxshi ish olib bora oladi. Haliyam kechmas uni obkelishga.

Ушбу фикрга жавобан


SHAXRIHONIY
Сана: 02.06.2014 14:55. SHAXRIHONIYга ёзиш
+0; -0
MURABBIY ALMASHISH KERAK

Ушбу фикрга жавобан


BEGZOD
Сана: 02.06.2014 14:15. BEGZODга ёзиш
+0; -0
Нима Косимов узидан узи марказдан хужум килилар деса дарров марказдан хужум булиб мева бериб коладими! Уша услуб жорий килиниб машгулотларда синаб бир неча йил ушбу услубни амалда куллаб уйинларда ривожлантирилмайдими? Ёки Косимов шогирдларига канотдан юриш услуби жонга тегди енди марказдан кирилар деб айтса дарров узидан узи бубкомайдию! Шунинг учун термага чет елдан мураббий олиб келиш нихоятда зарур!

Ушбу фикрга жавобан


BEGZOD
Сана: 02.06.2014 14:01. BEGZODга ёзиш
+0; -0
Кахрамон ака маколадаги гапларга ишонадиган булсак унда хамма айб мураббийда-да тугрими сабаби хеч кандай услубни термага сингдира олмайдиган мураббийни нима кереги бор! Тогри бизни услуб бир пайтлар фойда келтиргандир лекин енди у жуда ескирди енди бу услуб шубхасиз жамоамиз зарарига ишлайди! Айтганча хеч кандай услуб йук дедингиз! Бу узбек футболи учун жудаям шармандали холат! Хаттоки вьетнам терма жамоасиниям узининг услуби булган бир вактда нахотки кудратли давлатда футболга миллиардлар сарфланаётган юрт футболида хеч кандай услуб булмаса! Бошликлар хам тошоша килиб утираверади услуб йук ураааа деб. Тайинламисанларми барака топгурлар узининг машхур услубига, узининг машхур дунёкарашига ега мураббийни! Миржалол Косимов-Бируслуб Йуксимов! Ёки Услубга Зорсимов!

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.