Қаҳрамон Асланов
25-кадр
Стратегия
| Баҳо: |
+0; -0
|
Италия терма жамоаси ўйин услуби ҳақида гап кетганда, нега ҳимоявий футболни тушунамиз? Аслида, ушбу жамоанинг барча ўйинларини, айтайлик, Европа ва Жаҳон чемпионати саралашидаги учрашувларини кузатиб борадиган мухлис бўлсангиз, бундай хулосага келишингиз осон бўлмайди. Тўғри-да, асосан Мальта, Кипр, Грузия, нари борса, Дания, Чехия — яъни, ижрочиларнинг савияси ва таркиби сендан кучсизроқ бўлган жамоаларга қарши ўйнайдиган бўлсанг, атайлаб ҳам ҳимоявий футбол ўйнаб бўлмайди, нима дедингиз? Ҳа, бу ўйинларда Италия позицион ҳужум қилади, учрашувнинг асосий қисмида тўпни назорат қилади, бу — шубҳасиз.
Барибир, Италия деганда ҳимоявий футболни тушунишимизнинг асосий сабаби, биз уларни асосан йирик турнирларнинг финал қисмида росмана кузатамиз. Айниқса, рақиб Германия, Бразилия, Испания каби жамоалар бўлса, бу тўқнашувлар футбол дурдоналарига айланади. Айнан мана шу ўйинларда эса, Италия ҳимоявий футбол намойиш қилади.
Йўқ, фақат ўша ўйинларда эмас, финал босқичининг барча ўйинларида Италия шунақароқ ўйнайди. Италиянинг доим гуруҳларда судралиб юриши, Ирландия, АҚШ, Хорватия, Мексика ва шу каби жамоалар билан ўйнаганда ҳам катта муаммоларга дуч келиши сабабсиз эмас.
Менимча-да, энди...
Қисқа турнирлар учун жамоа тайёрланаётганда, жисмоний тайёргарлик, тактика-ю схемалардан ташқари, стратегия жуда муҳим аҳамият касб этади. Энг муҳими десак ҳам бўлади.
(Масалан, ўртамиёна жамоалар принципи - "қаергача борсак бордик", қабилида иш тутадиганлар бор. Мураббий ҳар бир рақибни яхшилаб ўрганиб, ҳар бир ўйин учун алоҳида тайёргарлик кўрилади. Исталган босқичда жамоа ютқазиб чиқиб кетиши мумкин ва ҳеч ким уларни қаттиқ танқид остига олмайди. Охиригачаям борса бўлади: масалан, Греция шу тарзда Европа чемпиони бўлганди).
Италияда эса босим ва мақсад юқорироқ. Мусобақанинг финал, камида ярим финал босқичигача боришни ният қилган италиялик мураббийлар бу йўлда таркиб жиҳатидан, футбол ўйнаш нуқтаи назаридан улардан кучлироқ жамоаларга рўпара келиш эҳтимоли юқори эканини жуда яхши билишади. Хўш, стратегия гуруҳдаги рақибларга қаратиладими ёки айнан ўша ҳали қарши тарафда чиқиши мумкин бўлган Бразилиягами?
Албатта, Италия турнирга олиб борадиган 23 футболчи, айниқса асосий таркиб, айнан Бразилия ёки Испанияга мослаб танланади. Шунинг учун ҳам мураббийлар нуқул "Бажжоми ёки Дел Пьеро?" мазмунидаги саволга жавоб излашга мажбур бўлишади.
Ҳайрон қолардим, рақиб масалан, Камерун бўлса, Бажжониям, Дель Пьерониям бир вақтда майдонга туширса бўлмайдими? Шунақа бир схема қилиш мураббийнинг қўлидан келмайдими? Рақиб — Камерун-ку?!
Манимча, саволга жавоб топиб бўлганмиз, аллақачон. Гуруҳдаги Камеруну АҚШларга мос таркибни танлаб, ҳужумкор ўйин қилиш мумкин, лекин бу ўйинлар кейинги босқичлар учун пойдевор бўлиб хизмат қиладими?
Эврика!
Мураббий атайлаб, рақиб анча кучсиз бўлса ҳам, ўша келажакда Бразилия билан ўйнайдиган таркибни туширади. Қаранг, рақиб — Того бўлади, лекин Италия учта таянч ярим ҳимоячиси, ягона ҳужумчи билан ўйнайди. Ё Бажжо ёки Дель Пьеро захирада ўтиради. Бу таркиб чархланиб бориши, тонусга кириши керак. Шарт!
Мисол учун Бразилия ёки Испания гуруҳда ҳам ҳамма билан ҳужумкор ўйнаши ва уч тўртталаб гол уриши мумкин. Шундай қилади, чунки, кейин ҳам, рақиб ким бўлишидан қатъий назар, уларнинг ўша ўйинга бўлган муносабати мана шу ҳужумкорлигича қолади.
Нега доим Италия гуруҳда кучсизроқ жамоалар билан ўйинларда қийналиши ҳақида бошқатдан фикрлаб ўтиришимиз шарт эмасдир. Ҳимояга урғу қаратишга мослаштирилган таркиб фақат ғалаба учун ўйнаши осон эмас.
Ҳозир Осиё кубоги мусобақалари бўлаётгани сабабли, энди Ўзбекистон терма жамоаси ҳақида ҳам гаплашсак бўлар.
Шимолий Кореяни мағлубиятга учратдик. Эртага, гуруҳ ғолиблиги учун асосий рақибимиз бўлган Хитойга қарши сафланамиз. Миржалол Қосимовнинг фикрига қўшиламан эртага нима бўлишини ҳеч ким билмайди.
(Қизиқ ҳолат шундаки, ҳатто рақиблар бу учрашувга қандай ёндошиши кераклиги масаласи ҳам ўйиндан 15 дақиқа олдин ҳал бўлади. Биздан икки соат олдин ўйнайдиган гуруҳдаги нариги рақибларимизни айтяпман. Қаранг, агар Саудия Арабистони Шимолий Корея устидан ғалаба қозонадиган бўлса, бизнинг ўйиндаги Хитойнинг вазифасини осонлаштиради. Хитой биз билан дуранг ўйнаши ва сўнгги турда ҳеч нарса керак бўлмаган корейслар устидан ғалабага умид қилиши мумкин. Ўзбекистон эса Саудия билан деярли плей-офф ўйинида жон олиб беришга мажбур. Шимолий Корея ютса, аксинча, стратегик жиҳатдан Қосимов шогирдларининг вазифалари бирмунча осонлашади).
Шимолий Корея билан ўйин, ҳар қандай турнирнинг биринчи ўйини сингари, жамоамиз ҳақида бирор бир саволга аниқ жавоб бермади. Аксинча, менда бир қанча саволлар келтириб чиқарди. Масалан, ушбу ўйин ҳақидаги кўп мулоҳазалар мана бундай бўляпти: "Шимолий Корея бутун жамоа бўлиб интизомли ҳимояланди. Бунақа ҳолатда, ҳатто Мадриду Барселоналар ҳам қийналяптику..."
Мен бу фикрга қўшилмаган бўлардим. Шимолий Корея кўпчилик бўлиб ҳимоялангани, ҳужум қилишга келганда нари борса, 3-4 киши бўлиб олдинга боргани бизнинг вазифамизни осонлаштирди. Нега?
Биз деярли, 0:0 ҳисобини чўнтагимизга солиб, ғалаба учун ўйнашимизга тўғри келди. Рақиб тўпни бизга бериб қўйгач, ҳужум қилиш имкониятимиз ошди. Биз ҳар тўпни йўқотганимизда, уни қайтариб олиш учун бир неча дақиқа югуришимизга тўғри келмади. Рақибнинг кенг фронт бўйлаб ҳужумларини қайтариш вазифаси кун мавзусидан кўтарилди. Вазифа — фақат тўпни назорат қилиш, хато қилмаслик ва гол уриш.
Тўғри, бунақа ўйинларда ютиш жуда қийин, лекин ютқазмаслик ҳам осон, шундай эмасми?
Қаранг, майдон марказимизда Кападзе, Ҳайдаров, Аҳмедов, Жепаров ва Турсуновлар тўп сурдилар. Ҳар бири тўпни яхши назорат қила олади, жуда яхши биринчи ва сўнгги пасга эга. Тажриба юқори. Яъни агар рақиб бизга тўпни топшириб қўйса, ушбу футболчилар учун айни муддао, ушбу футболчилар учун энг яши вариант.
Яна, савол туғилади.
Хитой ёки эҳтимол, биз билан фақат ғалаба учун майдонга тушадиган Саудия Арабистони айнан корейслар танлаган йўлни танлайдими? Ҳа, биз гуруҳда фаворит сифатида эътироф этилаётган бўлишимиз мумкин. Балки, Хитой ҳам, Саудия Арабистони ҳам бизга пастдан туриб қарашар. Бу саволга-ку, эртагаёқ жавоб оламиз, аммо мақолани ёзаётганимда, мени бошқа муаммо ўйлантираётганди.
Чорак финалда бизга майдон эгалари Австралия терма жамоаси ёки Жанубий Корея рўбару келиши эҳтимоли юқори экани анча аввалроқ ойдин бўлиб улгурганди. Аниқки, бу жамоалар бизга ташаббусни топшириб қўймайди, бу жамоалар билан ўйинда ҳар тўп йўқотганимизда уни қайтариб олиш учун яхшигина куч сарфлашга мажбур бўлишимиз шубҳасиз. Ҳар бирининг ёши ўттиз атрофида бўлган, тезлик борасида у қадар устунлика эга бўлмаган оғир ярим ҳимоямиз ўзини намойиш қилади? Хўп, Австралияни қўя турайлик, эртага Хитой билан, масалан?
Баъзи ўйинларда тезлик асқотади, баъзида, масалан гуруҳ босқичида бизга, тажриба иш беради. Австралия ва Кореяга тажриба борасида дарс бера олмас эканмиз, тезкор қарши ҳужумлар бизга бегона экан, чорак финалда нимамиз бўлади бизда?
Кимгадир жиннига ўхшаб кўринаётган бўлишим мумкин, ҳалиги кино бор-ку, Малласоч малика, бир аёл эртага турмуш қурсаг-у, бола туғсам-у, ўша бола йигирмага кириб, ёнғинда ҳалок бўлса, нима бўлади, деб йиғлаб ўтиради. Лекин, биласизми, мақола — кечаги ёки эртанги ўйин ҳақида эмас, ушбу турнирга биз танлаган стратегия ҳақида эди, сезгир бўлсангиз, пайқагансиз.
Хуллас.
Биз финал ёки ярим финалга чиқмоқчимиз, шундайми? Биз Австралия ёки Жанубий Кореяни ютишимиз керак, шундайми?
Тан олишимиз керак, бугунги таркибимиз тўрт йил олдингидан кучсизроқ. Ўйинимизни белгилаб берадиган Жепаров, Кападзе, Аҳмедовлар 4 йилга қаридилар. Энди биз бу таркиб билан Осиё грандлари билан тенгма тенг, позицион ўйнай олишимиз осон бўлмаслигини, балки умуман иложи йўқлигини қабул қилишимиз керак.
Нима қил, дейсан? Имкониятингдан келиб чиқиб, ёндош рақибларга, шунга яраша режа тайёрла.
Хўш, айнан Австралияни ютадиган стратегия билан ташриф буюрганмизми? Шимолий Корея билан ўйинга танланган таркиб айнан Австралия билан ўйинда иш бериши мумкинми? Ўша ярим ҳимоя? Ахир ташаббус бизда бўлмайди-ку?! Қайси ярим ҳимоячимиз бузғунчилиги билан машҳур, қарши ҳужумда кимнинг тезлигига таянамиз?
Қизиқмисан, Шимолий Кореяга қарши таркиб Австралия билан ўйинда тушмайди-ку?
Шуни айтаманда, ҳар бир ўйинга алоҳида ёндошиб, турнир стратегияси ҳақида қайғурмасак, эртага, кучлироқ рақибга дуч келганда, бошқатдан тайёрланамизми? Кечаги ўйинлар эртанги ўйин учун пойдеовр бўлиб, ўйин шакллари такомилашиб бормайдими? Мана бу — турнир стратегияси дейилади.
Назаримда, менимча, агар узоққа бормоқчи бўлсак, бутун турнир учун, Австралия каби рақибларнии назарда тутган ҳолда, стратегия белгилашимиз шарт. Австралиялар билан ўйнайдиган оптимал таркиб, оптимал схема, энг асосийси оптимал фалсафа, бугунги ўйинлардан тобланиб бориши керак, назаримда. Тажрибали ярим ҳимоячилар ёрдамида, гуруҳ ўйинларида осонгина тики-така ўйнаб, эртага, чорак финалда, хўш, ана энди, мана бунақа ўйнаймиз, деб жамоа руҳиятини тубдан ўзгартириб юбориш яхши эффект бермаса керак.
Эсингизда бўлса, Қатардаги турнирда Вадим Абрамов ўз жамоасига жуда қаттиқ ишониб юборганди. Заявкада атиги уч номинал ҳимоячи бўлган, ҳужумкор, позицион ўйинлар билан барчани ўзига жалб қилган. Қачонгача? Яшанг! Австралия билан ўйингача.
Кейин нима бўлди? Бизда Австралияга қарши ўйнайдиган руҳиятнинг ўзи йўқ эди. Сочворамиз ҳаммани руҳияти билан кучли жамоага қарши ўйнаб бўлмасди. Одилга сен ҳимоячисан, ман шу ерда туриб тур деб кўрсатма бериб бўлмасди. Натижа — аён.
Нима демоқчиман?
Нега Австралия билан ўйин темпини кўтара олмайдиган таркиб туширилмоқда гуруҳ ўйинларда? Турнирдаги балки энг муҳим ўйинда қарши ҳужум ва тўпсиз ўйнашимизни билиб туриб, нега ушбу йўналишдаги пойдевор бугунги кучсизроқ рақиблар билан қўйиб борилмаяпти? Насиб қилиб, чорак финалга чиқиб қолсак, янгича ўйнашга мажбур бўламизми?
Италия терма жамоасини шунинг учун эслагандим. Италия терма жамоасининг муваффақиятлари замирида айнан стратегик ёндошиш туради. Алоҳида ижрочилар борасида кўпгина жамоалардан доим орқада бўлса-да, совринларни ютишда рақобат қила олдилар улар. Айнан плей-оффдаги муҳим ўйинларни муҳим стратегик мақсад қилиб олганликлари учун ҳам гуруҳда қийналадилар. Гуруҳда қолиб кетмай, плей-оффга чиқиб олишса мағлубиятга учрашлари жуда қийин бўлади.
Биз нега келганмиз Австралияга? Шу ердан туриб ярим финални кўзлаб пойдевор қўямизми ёки ҳар бир ўйинда натижа кўрсатсак бўлдими? Бу икки хил қараш ўртасида катта фарқ бор. Жуда катта.
Балки мен йўқ муаммолар ҳақида фикр юритаётгандирман. Балки бир ўзим шундай фикрдадирман. Лекин худди шу нарса мураббийларимизни ҳам ташвишга солмаётган бўлса, ростан хафаман.
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 SHUKHRATBEK |
Сана: 14.01.2015 10:18. SHUKHRATBEKга ёзиш |
+0; -0
|
|
nТушунишимча, ҳар ўйинда битта таркибни шакллантириб, Австралия, Кореяга қарши ўйинга тайёрлаш ҳақида ёзибсиз. Лекин, бу бир тарафлама фикрлаш, манимча. Саудия, Корея чарчаш ҳақида қайғураётган турнирда, бизникилар ҳадеб 1 та таркибда ўйинини шакллантириши ғайритабиий туюлмаяпдими сизга?)\\nБундай ўйинлари зич турнирда исталган терма жамоа таркибини алмаштириб ўйнайди, бу ҳам стратегиядир, билсангиз. Ҳам барча ўйинчиларининг имкониятини очиб бермайди дарров, ҳам ўйинчиларга тикланиш имконияти берилади. \\nЎйинларни шакллантириш эса турнирга тайёргарлик вақтида қилиниши керак эди.
|
|
SHUKHRATBEK |
Сана: 14.01.2015 10:18. SHUKHRATBEKга ёзиш |
+0; -0
|
|
Шуни айтаманда, ҳар бир ўйинга алоҳида ёндошиб, турнир стратегияси ҳақида қайғурмасак, эртага, кучлироқ рақибга дуч келганда, бошқатдан тайёрланамизми? Кечаги ўйинлар эртанги ўйин учун пойдеовр бўлиб, ўйин шакллари такомилашиб бормайдими? Мана бу — турнир стратегияси дейилади.\n\nТушунишимча, ҳар ўйинда битта таркибни шакллантириб, Австралия, Кореяга қарши ўйинга тайёрлаш ҳақида ёзибсиз. Лекин, бу бир тарафлама фикрлаш, манимча. Саудия, Корея чарчаш ҳақида қайғураётган турнирда, бизникилар ҳадеб 1 та таркибда ўйинини шакллантириши ғайритабиий туюлмаяпдими сизга?)\nБундай ўйинлари зич турнирда исталган терма жамоа таркибини алмаштириб ўйнайди, бу ҳам стратегиядир, билсангиз. Ҳам барча ўйинчиларининг имкониятини очиб бермайди дарров, ҳам ўйинчиларга тикланиш имконияти берилади. \nЎйинларни шакллантириш эса турнирга тайёргарлик вақтида қилиниши керак эди.
|
|
SHUKHRATBEK |
Сана: 14.01.2015 10:12. SHUKHRATBEKга ёзиш |
+0; -0
|
|
Кечирасизу, Қаҳрамон, Одил Аҳмедовни 4 йилга қариди деб бекор ёзибсиз. Ахир Пахтакордан Анжи, Краснодар жамоаларига ўтган, ҳозирги кунда 27 ёшли футболчига нисбатан бундай фикрлашиз нотўғри, манимча. Аксинча, Одил тажриба ва жисмоний тарафдан ўсди дердим.
|
 MOBITEL |
Сана: 14.01.2015 08:33. MOBITELга ёзиш |
+0; -0
|
|
какастад сиз булмаса термамизни уйинларини вапше корманг. ман чоракдан утишимизга ишонаман. инсонда доим ишонч умид булиши керак. сизи каранг-у мухлисмиш. . .
|
|
MOBITEL |
Сана: 14.01.2015 08:30. MOBITELга ёзиш |
+0; -0
|
|
какаскад сиз булмаса термамизни уйинларини вапше корманг. ман чоракдан утишимизга ишонаман. инсонда доим ишонч умид булиши керак. сизи каранг-у мухлисмиш. . .
|
 PYTHONJAVA |
Сана: 14.01.2015 08:19. PYTHONJAVAга ёзиш |
+0; -0
|
|
FILOSOF\nСардорда Роналду, Бейлдек тезлик, зарба бор , Жамшидда Модрич, Узилдай техника, плеймейкерлик махорати бор. \nSal evi bilanda endi Filosof. Biz ham Sardor Jamshidni katta muxlisimiz. Lekin bunaqa odamni taltaytiradigan gaplar yaramaydi. Ular o\'rtamiyona chempionatimizda kuchlidurlar. Lekin bundan kuchliroq musobaqalarda ozlarini korsatishini kutib turibmiz.
|
 MURODILLA |
Сана: 14.01.2015 07:02. MURODILLAга ёзиш |
+0; -0
|
|
e gap yoq Qaxramon aka. bularkanu kino kuravermay maqola yozsa. kuproq yozib turing
|
 ISAEV |
Сана: 14.01.2015 06:13. ISAEVга ёзиш |
+0; -0
|
|
Эх, шу маколангизни Косимов у\'к,игандами! Терма жамоамизга жуда керакли маслахатлар бор экан.
|
 LIDERSOCCER |
Сана: 14.01.2015 04:03. LIDERSOCCERга ёзиш |
+0; -0
|
|
e yashang bratan, ancha bupketti maqola yozmaganingizga. judayam yaxshi maqola, uzbekcharoq aytganda, FUNDAMENT... musobaqada ishtirok etish uchun fundament. tugri gaplar aytilgan. avstraliaga qarshi AVTOBUS taktikasida uynash kk, tezkor, reaksiyasi tez va kuchli uyinchilar kk bunga. nima bugandayam, terma jamoamizga omad! \nmaqola uchun rahmat Q. Aslanov!!!
|
 FOTIX |
Сана: 14.01.2015 00:57. FOTIXга ёзиш |
+1; -0
|
|
мана Қахрамон Аслановча мақола\n\nолдинлари ўзингизга ўхшамаётгандиз
|
|
FILOSOF |
Сана: 14.01.2015 00:46. FILOSOFга ёзиш |
+0; -0
|
|
Кахрамон! Камнамо булиб кетдингиз. Маколангиздаги баъзи мулохазаларингиз бахсли.Масалан-/Тан олишимиз керак, бугунги таркибимиз тўрт йил олдингидан кучсизроқ. Ўйинимизни белгилаб берадиган Жепаров, Кападзе, Аҳмедовлар 4 йилга қаридилар. Энди биз бу таркиб билан Осиё грандлари билан тенгма тенг, позицион ўйнай олишимиз осон бўлмаслигини, балки умуман иложи йўқлигини қабул қилишимиз керак./- Нима биз 4 йил олдин Осиё грандлари билан тенгма-тенг уйнай олганмизми? Наоборот охирги пайтларда , ЖЧ 2014 саралашларида тенгма-тенг уйнай бошладик. Лекин Косимовга маслахат,- Рашидов хамда Искандаровга асосий таркибдан жой топиб бериши керак!!!Сардорда Роналду, Бейлдек тезлик, зарба бор , Жамшидда Модрич, Узилдай техника, плеймейкерлик махорати бор. Хозирги таркибдан Копадзе, Джепаровлар тушиб колса, аскарият мухлислар хафа булмаса керак!!!!!
|
 ALPHAUZ |
Сана: 14.01.2015 00:28. ALPHAUZга ёзиш |
+0; -0
|
|
Kuzatamiz... Alloh O\'zi xayrli qilsin. Zafar yor bo\'lsin!
|
|
BIOLOG  |
Сана: 13.01.2015 23:38. BIOLOGга ёзиш |
+0; -0
|
|
Buni o\'rtoq Qosimovga ham junating! Yaxshi maqola.
|
 UZBCHAMP |
Сана: 13.01.2015 23:22. UZBCHAMPга ёзиш |
+0; -0
|
|
Qiziq ancha oylantiradigan maqola koramiz kuzatamiz
|
 RAULBLANCOS |
Сана: 13.01.2015 22:51. RAULBLANCOSга ёзиш |
+0; -0
|
|
Osiyo uyinlari oldidan tarkibga faqat yoshlar jalb etildi jamoani yoshartirish haqida jar solindi lekin Ok ga asosan yana eski sostav olib ketildi ilk uyinda Ok-2011 dagi 9 uyinchi maydonga tushirildi...agar rejada yana tajribaga suyanadigan bölganimizda nima uchun tayorgarliklarda örtoqlik öyinlarida boshqa tarkib bn uynaldi. . .
|
|
FLORENTINO |
Сана: 13.01.2015 22:36. FLORENTINOга ёзиш |
+0; -0
|
|
xaaa to`g`ri, ancha qimmatli va mazmunli fikrlar bildirgansiz. qarashlarda ham ma`no bor. Meni bir narsa o`ylantiryapti Qosimov ham o`z jamoasiga haddan tashqari ishonib yubormayaptimikin. Matbuot anjumanlarida yutishga ishonaman, yigitlarga ishonaman deb bemalol aytyapti? yo bu psixologik hujummi? Mourinyo Realda Barsaga qarshi o`yin oldidan shunaqa fikrlar bildirardi? Siz nma deysiz??? Javob uchun raxmat
|
 JONNYREAL |
Сана: 13.01.2015 21:41. JONNYREALга ёзиш |
+0; -0
|
|
Етказмокчи булган фикрларингиз менга ёкди. Тугриси озгина уйлантириб хам куйди) Менимча Косимов жамоаси майдонда биринчи ракамдан кура иккинчи ракам остида яхширок уйнайди. Стандартларга суянса керак. (Яна)) \nP.S. Макола чикмай куйди деб бугун эслагандим)
|
 KAKASTAD |
Сана: 13.01.2015 21:35. KAKASTADга ёзиш |
+0; -0
|
|
Qahramon aka judayam qoyil qolaman fikrlashizga. Men sizdek futbolni unchalik yaxshi tushunmasam ham(Stradegiya va taktikasini nazarda tutyapman),lekin ichki intuitsiyam guruhdan chiqsak ham chorakdan o\'ta olmasligimizga 99,9 foiz ishontirmoqda.
|
.jpg) SHAMSHER |
Сана: 13.01.2015 21:21. SHAMSHERга ёзиш |
+0; -0
|
|
Мураббийдан хафа бўлиш кеак эмас.\nУнинг қўлидан келгани шу менимча.
|
МУАЛЛИФНИНГ БОШҚА МАҚОЛАЛАРИ
- Хотира
- Янги тажриба. Автодебат.
- Ерликлар
- Бир юз ўн миллион
- "Роналду чўққиси"
- Ҳаёт лойиҳаси
- Рангсиз футбол
- "Арсенал" ўзгариши керакми?
- Мундиал ва Евро фарқи
- Мажбурият
- Зидан изидан
- Стратег
- "Ромарио фалсафаси"
- Ғолиби бор, мағлуб йўқ
- Cал қолишига сал қолди
- Тошбақа қаерга кетяпти?
- Олға, "Насаф"
- Пеп Гвардиола ҳақидаги 4 абсурд
- Бошқача федерация
- "Жаноби тўп ҳикояси"
- Чўзилиб кетган эсанкираш ёхуд "Локомотив" қаерга кетяпти?
- Мураббий ғалабаси
- Стратегия
- "Бурга дори"
- "Маҳалла"
- "Етти ўлчаб, бир кес"
- "Ўнг туш бўлмас, туш ўнг бўлмас..."
- "Априс"лар (архивдан)
- "Тики така" ёхуд "... девлар қутулди"
- Жаҳон чемпионатини томоша қилиш учун 6 сабаб
- Гравитация
- "Тафаккур ўйинлари"
- Адолат ва эҳтирос - 2
- Руни ва "Манчестер Юнайтед" ҳақида
- Биз сичқон эмасмиз
- Мен ҳам эдим сенингдек...
- "Искандарнинг шохи бор?"
- "Оч қора" ранг
- Нега ОЧЛ йўлланмалари Ўзбекистонга камроқ берилиши керак?
- Ўзбекистон Вьетнамни нега юта олмайди?
- "Светофор фалсафаси" ёхуд терма жамоани ким бошқариши керак?
- Қоч, Жамшид, қоч!
- Сколарини танимаган таксист (архивдан)
- Танаси бошқа дард билмас
- Асослар ва қасослар
- Талаб ва таклиф
- "Чорраҳа"даги жамоа ёхуд омадни тинч қўйинг
- Иккита ҳужумчи
- Ж.Корея - Ўзбекистон: Учрашув таҳлили
- "Отамдан қолган калькулятор қани?"
- Барчаси сценарийга боғлиқ
- Таркиб бошоғриғи
- "Мундиал кайфияти"
- "Қалдирғоч" фақат қанотдан иборатми?
- Ўзимизнинг "ўғри"
- Тебраниш
- Умрингиз узоқ бўлсин... Сэр...
- Ўзбек футболидаги "тактикасизлик" ёхуд "Испанларга тегманг"
- Жозе Моуриньо - қўмондон!
- ОЧЛ даги клубларимизда имконият қандай?
- Гвардиола "Бавария"га нима учун керак?
- Бугунги "Пахтакор"
- Бизга неча очко керак?
- "Ўзбекчилик"
- Голсизлик
- Алдамчи сериялар
- Чипталар бор
- Домланинг айтганини қил
- Имтиҳон
- "Барселона"да инқирозми?
- "Уэмбли" йўлида
- Бизга мундиаллар нима учун керак?
- Биз Англия бўла оламизми?
- Цивилизация
- 90 дақиқа қолганда...
- Холислик
- Ғанимат
- Реализм ва "Реал"изм
- МДҲ мадҳи
- Бу омад эмас
- Бизнинг муаммо
- "Челси" - "маладес" - 3
- “Челси”даги “Achilles' heel”
- Деградация
- "Бир уриниб кўрмаймизми?"
- Хатарли Қатар
- Мундиалнинг "расми"
- Жиноят ва жазо
- Устозларим...
- Ҳаракат
- TOP - 20
- Роберто (МанСити)
- "Сен иккинчисан!"
- "Қизилқум" - чемпион!
- Ғалабадан муҳимроқ
- Қосимов тактикасининг 4 жиҳати
- Минг доллар
- "Қўзивой" Роналду
- "Титопоя"
- Бу бизники
- Мураббийлик иши
- Мағлубиятга учра ва очколарингни ол
- "Энг яхши иккинчи даражали рол учун"
- Diamante di Prandelli
- Баҳром Ҳакимов: "Маҳаллий футболчи кўпроқ жон куйдиради"
- Ҳайкал
- "Сичқон ови"
- Жиддий комедия (архивдан)
- Немислар ўқимасин
- Мен - Абрамовчиман!
- Шунақа бир ўйин
- "Абрамовнинг Ливандаги сояси"
- Қани, кетдик! Ким билан? Нима фарқи бор?
- Хатолар "хит паради"
- Профессионал
- "Челси тажрибаси"
- Руҳшунос керакми?
- Трансляция ҳуқуқи
- Вадим Абрамов: "Мен Адвокат эмасман"
- "Нексия олсанг бўлмайдими?"
- Cэр
- Интиҳонинг ибтидоси... (архивдан)
- Қани Месси? Қани, Месси...
- "Барселона"ни қандай тўхтатиш мумкин?
- "Челси" - "маладес"
- Ноодатий мавзу...
- Руҳият
- Абрамов ва бошқалар...
- Қутулдик...
- "Квадрат"
- Бугун ўқинг
- Чет эллик мураббий
- Қўрқинчли туш
- Дўстлик
- Индивидуал
- Футбол - кураш демак
- Қуръа... ва бироз Англия ҳақида
- Келинг, келишайлик
- "Яна битта гол"
- Баҳор ҳавоси...
- "Иблис адвокати"
- Вазифа
- "Капалак" принципи (Эффект бабочки)
- "Бунёдкор" 6 мартда майдонга тушмаслиги мумкин
- Аҳволим "анови"лардан яхши
- Бурилиш
- Моуриньо Англияга келадими?
- Кўникма
- Ўйин
- Месси миссияси
- Вақтида туғилган Заммер...
- Томоша
- Манфаатлар тўқнашганда...
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
