Қаҳрамон Асланов
25-кадр
"Квадрат"
| Баҳо: |
+2; -0
|
Мураббий ва футболчиларнинг меҳнатида қуруқ натижага шунчалик боғланганки... Бундай ҳолат кўпинча мағлубиятлардан сўнг кузатилади. Лекин шундай ўйинлар бўлар эканки, ғалаба сизга очко ва протоколдан бошқа хурсандчилик баҳш этмас экан. Қани эди кўрмасайдим шу ўйинни...
Сиз учрашув қайдномасига назар ташланг. Нимани ўқийсиз? Ҳисобда орқада бордик. Иккинчи таймда босимни ошириб, охири ҳисобни тенглаштирдик. Кейин ғалаба қозондик. Абрамов учта ҳимоячи қолдириб ҳужумга зўр берган. Иккинчи таймда майдонга тушган Абдуҳолиқов ҳал қилувчи, яъни биринчи голга ҳаммуаллифлик қилибди. Иккинчи бўлимда туширилган яна бир футболчи эса, ғалаба голини киритди. Қойил. Биз керакли натижага эришдик. Эришиб ҳам, баъзи футболчиларимизни кейинги ўйинга сақлаб қолган ҳолатда (ўйин икки кундан сўнг) стратегик уч очко эгасига айландик. Қойил. Аммо, биласизми, мен ўйинни кўрдим. Афсус.
Ирода туфайли эпизодлар яратмадик! Аксинча, эпизодлар бизни иложсизликдан қутқарди. Сизни ҳам. Мени ҳам. Абрамов ҳам ўзини вазият хукмига ва омадга ташлаган ҳолда иложсиз эди.
Ўйин йўқ! Умуман 2012 йилда олимпиячиларимиз ўтган йилги шаштларини йўқотган. Австралия билан қорли ҳаво, Ироқдан руҳий мағлубият, БАА да эпизодлар ҳал қилганига ишонгимиз келди, гуёки, бироз кучсизроқ саналган Сурияга қарши ҳақиқий савия намойиш этилади, деб ўйлагандим. Қаёқда. Гап руҳият, вазият, ҳолатда эмас экан. Агар бундай бўлган тақдирда ҳам, футболчининг вазифаси мана шундай руҳий босим ва тўсқинларни енгиб ўтиш эмасми?
Гап футболда экан. Биз ўйнай олмаяпмиз. Гап алоҳида фтуболчиларда эмас, умуман ушбу жамоада муаммо бор. Каттагина. Боя бир ҳамкасбим билан шу мавзуда гаплашаётиб, у менга “наҳотки, шулар Дубайда “Зенит” билан ўйинда тўпни назорат қилган футболчилар эди?” деди. Гап ҳисобда эмас, қисман тўғри. Биз “Зенит” билан ўйинда тўпни назорат қила олгандик. Агар бугун айнан мана шу жиҳатдан оқсамаганимизда, буни эслаб ҳам ўтирмасдим. Энг ёмони, биз тўпни назорат қила олмадик. Умуман 3-4 та кетма-кет аниқ пас бера олмадик. Наҳотки? Абрамовнинг энг катта “козири”, шу пайтгача биз мақтай оладиган жиҳатда бой бердик-ку? Агар айтайлик, вазиятлардан фойдалана олмаслик, жисмоний жиҳат, техника оқсаганда, бошқа гап. Биз айнан, бошқаларни ютишни ният қилган “тўпни назорат қилиш” бобида ютқазаётгандик!
Ҳамкасбим Бобомурод Абдулла бу борада “Абрабарса” тактикаси, деган иборани қўллайди ва буни ёмон кўришини очиқ айтади. Лекин мен унинг фикрига қўшилмоқчи эмасман. Мен тўпни назорат қилиш бугунги замонавий футболнинг асоси деб биламан ва кимнидир, айниқса ўзимиздан кучлироқ жамоаларни ютишни истасак, мана шу жиҳатни яхшироқ ўрганишимиз керак, деб ҳисоблайман. Лекин бугунчи? Бугун биз умуман тўпни назорат қила олмадик. Бир йил бекор кетдими? Абрамов услубидан воз кечиб, натижа керак бўлганда, қанотлардан тўп узатишдан бошқа қизиқроқ нарса тўқимай олмай қолдими?
“Зенит” билан ўйинга қайтамиз. Ёки МТЖ нинг Япония ва Украинага қарши сафардаги ўйинларини эсланг. ОТЖ нинг БАА ва Австралиядаги ўйинларини эсланг. Биз ўшанда тўпни жуда яхши назорат қилгандик. Сабаб?
Назаримда, Абрамов жамоаларида тўпни ўзида сақлаб туриш тизими бор. Мавжуд. Қачонки, мақсад вақт ўтказиш, ҳисобни ушлаб, тўпни назорат қилиб бўлса, (БАА билан ўйин бу алоҳида мавзу) яхшигина “квадрат” ўйнай оламиз. Ўзимизни “Барселона” хис қиламиз. Лекин, “Барселона”нинг тўпни назорат қилишдан бошқа яна бир мақсади бор. Бош мақсад – рақиб ҳимоясини ёриб ўтиш. Гол уриш. Тўпни назорат қилиш бу – ўйиннинг мақсади эмас, ўйиннинг мақсади – ҳужум ва ҳимоя! Тўпни назорат қилиш эса, ҳужум қилиш ва ҳимояланишнинг воситаси холос. Кимдир ерга ётиб вақтни чўзади, кимдир тўпни назорат қилиб. Кимдир тезкор ҳужум орқали гол уради, кимдир тўпни назорат қилиб. Бу танлов, бири иккинчисидан яхшироқ эмас.
Айтмоқчиманки, Абрамов жамоалари тўпни ушлаб туришни бажара оляпти. Лекин шу орқали рақиб дарвозаси томон юриб бориш ва гол уришни эплай олмаяпти. Умуман бу услуб орқали гол уриш кимнидир индивидуал маҳоратига асосланган. Масалан, “Барселона”да Мессининг индивидуал маҳорати бўлмаса, Бускест билан Маскерано тўпни бир-бирига оширишиб тураверади, тўғрими? “Барса” тактикаси Мессисиз бошқа тактикага айланади. Демак, Абрамов ушбу услуб орқали натижага эришиш учун индивидуалларга мухтож. Шунинг учун ҳам, Гейнрих, Аҳмедов, Жепаров каби ақлли футболчиларга эга бўлган МТЖ да Абрамов тактикаси кўпроқ иш беради. Тўғрими? Чунки бу футбочилар тўпни назорат қилишдан ташқари, бевосита, импровизация қиладилар. Умуман бу услубнинг бир қисми импровизацияга асосланган. Усиз, фақат бир-бирига тўп етказиб бериш ва схема орқали гол уришнинг иложи йўқ. Бунақа услуб тезда емирилади, едирилади. Демак, Абрамов услубининг такомил тарзда жамоага сингиши учун ушбу жамоада индивидуаллар керак бўлади. Бу шарт.
Энди сездингизми, нега ўйин қовушмаяпти? ОТЖ да мана шудай футболчи йўқ! Мен майдонда мия кўрмаяпман. На бир футболчи, на мураббийнинг мияси. Абрамов нима қилади? У ўзининг тор йўналишига эга. Агар бир услуб ўхшамаса, айнан жамоага мосини топиб берадиган улкан тажрибага эга бўлган мураббий эмас. Мана, назаримда, сўнгги икки ўйинда Абрамов бироз бошқача, узун паслар ёки қанотлар билан ўйнатишга ҳаракат қиляпти. Ҳеч нарса ўхшамаяпти. Тўпни шунчаки назорат қилиб учрашув охирини кутишни уддалаш мумкин – тўпни ўзида сақлаб туриш ва шошилмасдан ҳаракатланиш орқали. Лекин айнан сўнгги ўйинда бизга гол уриш керак бўлди ва шунинг учун ҳам ўйинимиз қовушавермади.
Таассурот шу. Энди Уммон билан ўйинда бизга осонроқ бўлиши мумкин. Сабаби дуранг бизни қониқтиради. Футболчиларимиз бемалол марказда “квадрат” ўйнашлари мумкин. Буни уддалай оладилар. Лекин...
Сенегални нима қиламиз? Пешонанг ярқирагурлар, Лондонда нима қиламиз?
Фикр билдиринг
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
 SHAHRIXON |
Сана: 29.03.2012 14:56. SHAHRIXONга ёзиш |
+0; -0
|
|
Kataloniya
|
 HEROLION |
Сана: 29.03.2012 14:13. HEROLIONга ёзиш |
+0; -0
|
|
EXCITE, кушилмайман, Зенит хатто Россия терма жамоасидан кучлирок булиши мумкин. уларда легионерлар хам бор. Барселона деган шахарнинг клуби хам бутун буошли терма жамоалардан кучлирок.
|
 ANTIVIRUS |
Сана: 29.03.2012 11:07. ANTIVIRUSга ёзиш |
+0; -0
|
|
Сурия-Узбекистон уйинин шархлаган шархловчини энди умуман шархламасин. Гол булган вазиятда голни булганини айтмасдан хиоби айтадия. Уша одам кон килди.
|
 EXCITE |
Сана: 29.03.2012 02:55. EXCITEга ёзиш |
+0; -0
|
|
Биз “Зенит” билан ўйинда тўпни назорат қила олгандик.....
Россиянинг Санкт-Петербург деган шаҳрининг битта жамоаси билан бутун мамлакат олимпия терма жамоаси ўйинда тўпни назорат қилаётганидан фахрланаётган эканмиз, демак бу жамоа ҳали аааааанча ривожланиши керак. ---- Сенегални нима қиламиз? Пешонанг ярқирагурлар, Лондонда нима қиламиз? Мана шу жойи зўр чиқипти! |
 IBRAKADABRA |
Сана: 28.03.2012 23:38. IBRAKADABRAга ёзиш |
+0; -0
|
|
Абрамов нима
қилади? У ўзининг тор йўналишига эга. Агар бир услуб ўхшамаса, айнан жамоага мосини топиб берадиган улкан тажрибага эга бўлган мураббий эмас................................................................ Булди,бошка гапга хожат йук менимча. |
|
USMONALI |
Сана: 28.03.2012 16:48. USMONALIга ёзиш |
+0; -0
|
|
Qahramonjon.uka siz hali yosh ekansiz siz aytgan narsalar 2016-yildan keyin amalga oshadi.hozir4a yahshi himoya,taktikaviy qayta hujum kerak.bundan ortig'iga kuchlari etmedi.lekin yoshlar 15-17yoshlilardan siz aytgan taktikani kutsa bo'ladi.o'shanda siz ham boshqacha fikirlaydigan bo'lasiz.
|
|
KECHIRASIZ |
Сана: 28.03.2012 16:22. KECHIRASIZга ёзиш |
+0; -0
|
|
Кахрамон ака адашяпсиз. Квадрат усули яъни тупни назорат килиш дегани куплаб имконият дегани. Бизда индивидуаллар ва чала мияли(максимум нуктага етмаган)уйинчилар етарлича. Булар Кенжа, Темурхужа, Ойбек, Жасур, Шерзод. Индивидуал харакатлар яъни Одилдака уйинчи бу Фозил. Уларнинг махорати МТЖдаги йигитларникига етиши учун "катта футбол"да озрок пишишлари керак,зеро Узбекистон футболчилар кадимдан техника ва узига хос харакатлари билан ажралиб туришган,хозир хам шундай,бу бизнинг табиатимизга хос. Керакли уйинларда хам туп назоратини кулимизга олсак, камида 5-6марта вазият булади. Энди гап нимада булмаса?-,деган савол тугилади. Манимча БАА билан уйиндан кейин жамоамиз шунака ахволга тушиб колди. Бу ерда нимадир аралашган. Вадим ака махорат билан Сурияни енгандан кейин (йигитларни узи) ишга киришса ажабмас. Озрок рухияти жойига тушгани аник,йигитларни кийналгани куриб. Пул хамиша футбол билан ёнма-ён юрган,буларни унутиб юрт олдидаги вазифангизни келган жойидан давом эттирасиз деган умиддамиз Вадим ака!
|
 MESSI |
Сана: 28.03.2012 13:29. MESSIга ёзиш |
+0; -0
|
|
Kecha haqiqatan ham hisobni kõrib, õyinni kõrmaslik eng yaxshi yõl ekan.
|
|
DOCTORFM |
Сана: 28.03.2012 11:47. DOCTORFMга ёзиш |
+0; -0
|
|
e shula futbol o'ynamasin devordim kecha. Dilshodni ahvoliga qarela hammasi yomon o'ynadi lekin shu bolani o'rnida bitta oyog'i yo'q futbolchi ham huddi shunaqa o'ynardi.
|
 BALAGUR |
Сана: 28.03.2012 10:46. BALAGURга ёзиш |
+0; -0
|
|
Тугри фикрлар билдирилган. Уйинда мавзу йук. Бизани бахтимиз, Сурияни мураббийи Абрамовдан хам баттар экан. Сал калласи бор тренер, Абрамовни "квадрат" тактикасини синдириб, бизага камида 3-4 та гол "совга" килиши турган гап. МТЖ да хам узгариш булса керак. Ахмедовни охирги уйинларини куриб. Абрамов энди уни купрок хужумда ишлатиши мумкин. Жепаров уз мавкеини алла качон йукотиб булди. Энди унда факат когозда унвонлар колди холос.
Энг ачинарлиси,УФФ Абрамовга хаддан ташкари хукук бериб юборди. Аммо фойдасини кураётганим йук, факат зарар. |
|
USMONALI |
Сана: 28.03.2012 08:29. USMONALIга ёзиш |
+0; -0
|
|
Qahramon Aslanov sizga chiroyli o'yin keremi yo yo'llanma?Abramov raqibni chalg'itmoq4i bo'lishdi manim4a. o'xshamay qolishiga sal qoldi.lekin natija bor.
|
 PUYOL |
Сана: 28.03.2012 07:01. PUYOLга ёзиш |
+0; -0
|
|
yutqizib turib yutib ketish odamga ajoyib his berarkan,,
abbos,temur bularda yorip otish liderlik, bor edi nega omaskin.. |
 ABITURIYENT |
Сана: 28.03.2012 06:46. ABITURIYENTга ёзиш |
+0; -0
|
|
Hozir hamma Senegalni oldiga borsak nima bo'ladi deb vahima qiladi. Hech qaysimiz Senegalning o'yinini ko'rmaganmiz. Chunki bular yosh bollar. Boraylik ko'raylik.
Hozir borsagam baribir yutqazamiz deb Ummonga yutqazib beraylik ko'raman qanaqa so'kishilani, Abramovniyam, OTJniyam hammasini ... |
 MOBITEL |
Сана: 28.03.2012 04:26. MOBITELга ёзиш |
+0; -0
|
|
кечаги уйинда Ф. Мусаевни урни жуда
билинди лекин. Ха у олимпия термамизни юраги экан. Ану Дилшод рахматуллаев бн Иброхимовлар умуман ишончни оклай олмадилар. . . |
|
MOBITEL |
Сана: 28.03.2012 04:25. MOBITELга ёзиш |
+0; -0
|
|
кечаги уйинда Ф. Мураевни урни жуда билинди лекин. Ха у олимпия термамизни юраги экан. Ану Дилшод рахматуллаев бн Иброхимовлар умуман ишончни оклай олмадилар. . .
|
 MANCHESYU |
Сана: 28.03.2012 02:38. MANCHESYUга ёзиш |
+0; -0
|
|
Аслиди манимча хозир узбек футболи Абрамов атрофида айлонмокда ёки журналистларимиз хар куни тушида Абрамовни курмокда. Лекин биз Абрамовдан куп нарса талаб киляпмиз бунга узи айбдор хакикатни тан олмайди (БОРИМИЗ ШУ) вадалар бераверади. Гохида бажаради. Мисол Локамативда ишлаганда хам шу эди. Айрим вактлар шефларни кузини чукирди (бунеткор. Пахтакор. Насаф. Айникса Нефтчи) Абрамов эмас Сер Алекс келса хам хаммаси мукамал булмайди. Тинч куйинглар илтимос!!! Зур кино бор номи "ЯХШИ, ЕМОН, ЕВУЗ" улар 3 та булади биз да эса хозир "учтаси бирда" бу Абрамов
|
|
MANCHESYU |
Сана: 28.03.2012 02:15. MANCHESYUга ёзиш |
+0; -0
|
|
макола зур! Ман афсуски уйинни куролмадим сабаби сафардаман. Лекин ман билган Абрамов У3бек Мессини хам кашф килмайди уйин услубни хам узгартирмайди. Мисол МТЖ да Жасур ХАСАНОВ АБРАМОВни тактикасига тугри келмагани учун куп тушурилмайди
|
|
BOBBMK |
Сана: 27.03.2012 23:39. BOBBMKга ёзиш |
+0; -0
|
|
Man bitta narsaga achinaman. Sherzod Karimov U-20da qanaqa o'ynirdiya, haqiqiy lideridi. Xozi undan asaram yo'q!
|
|
DURABOT |
Сана: 27.03.2012 23:39. DURABOTга ёзиш |
+0; -0
|
|
HEROLION | 27.03.2012 23:29 0
TOSHKENTIY | 27.03.2012 23:27 ga Har qanday uslub uchun ijrochi mos bo`lishi yo ijrochining saviyasiga, imkoniyatiga qarab uslub va asosiysi strategiya belgilanishi kk. Aql futbol OTJ uchun eng ma`quli menimcha, Fizizk futbolga kuchimiz yetmaydi. Abramov qandaydir yo`l qidirayotgani va uning ijrosiga mos futbolchi tushirayotgani aniq ammo... Ruhiyat, qaror qabul qilish, maydonni ko`ra olish pozitsiya belgilash, fikr tezligi....kabilarni chamalashda Abramov qoniqarli harakat qila olmayapti menimcha.... |
|
HEROLION |
Сана: 27.03.2012 23:29. HEROLIONга ёзиш |
+-1; -0
|
|
TOSHKENTIY | 27.03.2012 23:27
Ўчириш 0 Умуман бу услуб орқали гол уриш кимнидир индивидуал маҳоратига асосланган. ОТЖ да мана шудай футболчи йўқ! ***** Тушиндим.. --------------------- ОТЖ учун индивидуал футболчи йук, деб тушунганиз яхши. Чунки, айтайлик, бу футболчилар клублари индивидуал булишлари хам мумкин |
|
UZBEKFAN |
Сана: 27.03.2012 23:27. UZBEKFANга ёзиш |
+0; -0
|
|
ОТЖни мияси Абдухолиқов экан, буни бугун кўрдик. ОТЖ ўйини химоя-қарши хужумга асосланган, бу тизимни А. Убайдуллаев яратиб кетган, Абрамов қанотлардан хужум тактикасини қўлламоқчи бўлиб, адашди аввалги икки ўйинда
|
|
TOSHKENTIY |
Сана: 27.03.2012 23:27. TOSHKENTIYга ёзиш |
+1; -0
|
|
Умуман бу услуб орқали гол
уриш кимнидир индивидуал маҳоратига асосланган. ОТЖ да мана шудай футболчи йўқ! ***** Тушиндим.. |
|
BEOZOR |
Сана: 27.03.2012 23:25. BEOZORга ёзиш |
+0; -0
|
|
senegalgacha etib borishishimiz mumkin..lekin uyog'iga o'tish saaal problema..chunki bizani yigitchala Koventrida afrikalik amaqilari bilan o'ynidi..eb ichvoradiyooov qoravoyla..
|
|
BOBBMK |
Сана: 27.03.2012 23:21. BOBBMKга ёзиш |
+0; -0
|
|
O'yin vopwe NOL, yureni xovuchlab ko'rdim! Aniqlik yo'q. To'pni ushlab turishdan oldin, uni to'g'ri yetqizib berish bo'yicha yaxshigina ishlashimiz kere! Ummondan o'tseyam Senegal padarkamas :)
|
|
HEROLION |
Сана: 27.03.2012 23:18. HEROLIONга ёзиш |
+-1; -0
|
|
TOSHKENTIY
Индивидуал футболчи йук демадим. Услубнинг давоми футболчининг индивидуаллиги билан йугрилади, демокчиман. Бизда хозир (ОТЖ да) асосий камчилик шунда. Бу Мусаев хам. Киличев хам булиши мумкин. Лекин хозир бумаяпти..Гап алохида футбролчила эмас. Оддийрок тушунтираман. Барса Роналдуни сотиб олди дейлик. Олдинги услуби иш бермайди. Иш бериши учун уже такомиллашув керак булади. Лекин бу деагни Роналду индивидуал кучсиз деганимас.. |
|
BEOZOR |
Сана: 27.03.2012 23:16. BEOZORга ёзиш |
+0; -0
|
|
kuchli gapla bo'pti..man o'yinni ko'rmadim..lekin mytube degi obzorri ko'rdim...bolla narmalni o'ynaganga o'hshidi..nu Suriyayam 2-3 ta 100% momentlani uromapti..karoche omad biza tomonda bo'pti...lekin "omad hamisha kelavermaydi"de.. ishlash kere dangasala...
|
|
TOSHKENTIY |
Сана: 27.03.2012 23:09. TOSHKENTIYга ёзиш |
+1; -0
|
|
Ўқидим. Бизда индивудиал етук футболчи йўқ. Бусиз бу услуб фойда бермайди, гол уриб бўлмайди, тўғрими? Демак, воз кечиш керак. Ўрнига қандай услуб? Ечим изламоқчиман, шунчаки..
|
|
HEROLION |
Сана: 27.03.2012 22:57. HEROLIONга ёзиш |
+-1; -0
|
|
TOSHKENTIY
маколани укимадизми? осонрок услуб йук. канотларга асосланган футболни куряпмиз "фойдасини" Ман хеч канака таклиф берганим йук. уйин чикмаётганини сабабини узимча тахмин киляпман. Агар ОТЖ га услуб танлайдиган даражада убилимим булганида мураббийлик килардим |
|
TOSHKENTIY |
Сана: 27.03.2012 22:53. TOSHKENTIYга ёзиш |
+0; -0
|
|
Демак, биз тўпни назорат қилиш услубидан(усулиданми ё) воз кечишимиз керак. Бошқа нисбатан онсонроқ улуб топишимиз лозим, шундайми? Қарши ҳужум, қанотларга асосланган футбол, хуллас, шунга ўхшашлар тўғрими? Хўп.
Фозил-чи? Ойбек-чи? Улар майдонда мия бўла олмайдиларми? |
|
TOSHKENTIY |
Сана: 27.03.2012 22:53. TOSHKENTIYга ёзиш |
+0; -0
|
|
Демак, биз тўпни назорат қилиш услубидан(усулиданми ё) воз кечишимиз керак. Бошқа нисбатан онсонроқ улуб топишимиз лозим, шундайми? Қарши ҳужум, қанотларга асосланган футбол, хуллас, шунга ўхшашлар тўғрими? Хўп.
Фозил-чи? Ойбек-чи? Улар майдонда мия бўла олмайдиларми? |
 TARALLABEDOD |
Сана: 27.03.2012 22:49. TARALLABEDODга ёзиш |
+1; -0
|
|
Спортда, шу жумладан футболда хам энг мухими натижа эмас, балки ИШТИРОК, беллашув !!!
Шундай экан Лондон сари ОЛҒААААААА!!! |
МУАЛЛИФНИНГ БОШҚА МАҚОЛАЛАРИ
- Хотира
- Янги тажриба. Автодебат.
- Ерликлар
- Бир юз ўн миллион
- "Роналду чўққиси"
- Ҳаёт лойиҳаси
- Рангсиз футбол
- "Арсенал" ўзгариши керакми?
- Мундиал ва Евро фарқи
- Мажбурият
- Зидан изидан
- Стратег
- "Ромарио фалсафаси"
- Ғолиби бор, мағлуб йўқ
- Cал қолишига сал қолди
- Тошбақа қаерга кетяпти?
- Олға, "Насаф"
- Пеп Гвардиола ҳақидаги 4 абсурд
- Бошқача федерация
- "Жаноби тўп ҳикояси"
- Чўзилиб кетган эсанкираш ёхуд "Локомотив" қаерга кетяпти?
- Мураббий ғалабаси
- Стратегия
- "Бурга дори"
- "Маҳалла"
- "Етти ўлчаб, бир кес"
- "Ўнг туш бўлмас, туш ўнг бўлмас..."
- "Априс"лар (архивдан)
- "Тики така" ёхуд "... девлар қутулди"
- Жаҳон чемпионатини томоша қилиш учун 6 сабаб
- Гравитация
- "Тафаккур ўйинлари"
- Адолат ва эҳтирос - 2
- Руни ва "Манчестер Юнайтед" ҳақида
- Биз сичқон эмасмиз
- Мен ҳам эдим сенингдек...
- "Искандарнинг шохи бор?"
- "Оч қора" ранг
- Нега ОЧЛ йўлланмалари Ўзбекистонга камроқ берилиши керак?
- Ўзбекистон Вьетнамни нега юта олмайди?
- "Светофор фалсафаси" ёхуд терма жамоани ким бошқариши керак?
- Қоч, Жамшид, қоч!
- Сколарини танимаган таксист (архивдан)
- Танаси бошқа дард билмас
- Асослар ва қасослар
- Талаб ва таклиф
- "Чорраҳа"даги жамоа ёхуд омадни тинч қўйинг
- Иккита ҳужумчи
- Ж.Корея - Ўзбекистон: Учрашув таҳлили
- "Отамдан қолган калькулятор қани?"
- Барчаси сценарийга боғлиқ
- Таркиб бошоғриғи
- "Мундиал кайфияти"
- "Қалдирғоч" фақат қанотдан иборатми?
- Ўзимизнинг "ўғри"
- Тебраниш
- Умрингиз узоқ бўлсин... Сэр...
- Ўзбек футболидаги "тактикасизлик" ёхуд "Испанларга тегманг"
- Жозе Моуриньо - қўмондон!
- ОЧЛ даги клубларимизда имконият қандай?
- Гвардиола "Бавария"га нима учун керак?
- Бугунги "Пахтакор"
- Бизга неча очко керак?
- "Ўзбекчилик"
- Голсизлик
- Алдамчи сериялар
- Чипталар бор
- Домланинг айтганини қил
- Имтиҳон
- "Барселона"да инқирозми?
- "Уэмбли" йўлида
- Бизга мундиаллар нима учун керак?
- Биз Англия бўла оламизми?
- Цивилизация
- 90 дақиқа қолганда...
- Холислик
- Ғанимат
- Реализм ва "Реал"изм
- МДҲ мадҳи
- Бу омад эмас
- Бизнинг муаммо
- "Челси" - "маладес" - 3
- “Челси”даги “Achilles' heel”
- Деградация
- "Бир уриниб кўрмаймизми?"
- Хатарли Қатар
- Мундиалнинг "расми"
- Жиноят ва жазо
- Устозларим...
- Ҳаракат
- TOP - 20
- Роберто (МанСити)
- "Сен иккинчисан!"
- "Қизилқум" - чемпион!
- Ғалабадан муҳимроқ
- Қосимов тактикасининг 4 жиҳати
- Минг доллар
- "Қўзивой" Роналду
- "Титопоя"
- Бу бизники
- Мураббийлик иши
- Мағлубиятга учра ва очколарингни ол
- "Энг яхши иккинчи даражали рол учун"
- Diamante di Prandelli
- Баҳром Ҳакимов: "Маҳаллий футболчи кўпроқ жон куйдиради"
- Ҳайкал
- "Сичқон ови"
- Жиддий комедия (архивдан)
- Немислар ўқимасин
- Мен - Абрамовчиман!
- Шунақа бир ўйин
- "Абрамовнинг Ливандаги сояси"
- Қани, кетдик! Ким билан? Нима фарқи бор?
- Хатолар "хит паради"
- Профессионал
- "Челси тажрибаси"
- Руҳшунос керакми?
- Трансляция ҳуқуқи
- Вадим Абрамов: "Мен Адвокат эмасман"
- "Нексия олсанг бўлмайдими?"
- Cэр
- Интиҳонинг ибтидоси... (архивдан)
- Қани Месси? Қани, Месси...
- "Барселона"ни қандай тўхтатиш мумкин?
- "Челси" - "маладес"
- Ноодатий мавзу...
- Руҳият
- Абрамов ва бошқалар...
- Қутулдик...
- "Квадрат"
- Бугун ўқинг
- Чет эллик мураббий
- Қўрқинчли туш
- Дўстлик
- Индивидуал
- Футбол - кураш демак
- Қуръа... ва бироз Англия ҳақида
- Келинг, келишайлик
- "Яна битта гол"
- Баҳор ҳавоси...
- "Иблис адвокати"
- Вазифа
- "Капалак" принципи (Эффект бабочки)
- "Бунёдкор" 6 мартда майдонга тушмаслиги мумкин
- Аҳволим "анови"лардан яхши
- Бурилиш
- Моуриньо Англияга келадими?
- Кўникма
- Ўйин
- Месси миссияси
- Вақтида туғилган Заммер...
- Томоша
- Манфаатлар тўқнашганда...
БЛОГГЕРЛАР
-
Ўзингни англа -
Саёз фикрлар... -
Futbol olami -
Интервьюлар олами ва таҳлилий мақолалар -
Tanganing ikkinchi tomoni -
Футбол — спорт қироли! -
InterFutbol газетаси блоги -
UzA.uz — спорт хабарлари блоги -
Футбол шарҳи -
FCB.UZ блоги -
Mazmun.uz блоги -
Ла Лига бўйича эксперт -
Келажак футболи -
Maydon.uz блоги -
Ҳакамлик ва ўйин қоидалари -
25-кадр -
Спортга оид мақолалар ва маслаҳатлар -
Мундиал яқин! -
Мухлис минбари -
Forza Inter! «Интер Милан» клуби ҳақида таҳлилий-субъектив блог -
Ўзбекистон футболи жаҳонда! -
Ўзганинг ҳақи буюрмас, ноҳалол ғалаба татимас -
FC – "НАВБАҲОР" -
Карикатура ва ҳажвия -
"Қизил Манчестер" -
MES QUE UN CLUB -
Викториналар, танловлар -
I love this Game -
Эркин зарба! -
Футбол: қизиқарли фактлар, рақамлар... -
Бир чимдим кулгу -
Керагидан ортиғи керакмас! -
Hala Madrid! -
А серия сарҳадлари -
Хўжа Насриддин бурчаги -
«Офсайд» -
ФУТБОЛ КЛУБИ БЛОГИ -
«Катта»лар ичидаги «кичик» -
One love, One United! -
Сайт ва газета блоги
