Кириш Регистрация
22/10 15:00 Қўқон-1912 2-4 Пахтакор
22/10 18:00 АГМК 3-0 Динамо
22/10 21:55 Шахтёр 2-2 Динамо Загреб
22/10 21:55 Атлетико 1-0 Байер
22/10 23:59 Галатасарой 0-1 Реал Мадрид
22/10 23:59 Брюгге 0-5 ПСЖ
22/10 23:59 Олимпиакос 2-3 Бавария
22/10 23:59 Тоттенҳэм 5-0 Црвена Звезда
22/10 23:59 Манчестер Сити 5-1 Аталанта
22/10 23:59 Ювентус 2-1 Локомотив
23/10 21:55 Лейпциг - Зенит
23/10 21:55 Аякс - Челси
23/10 23:59 Зальцбург - Наполи
23/10 23:59 Генк - Ливерпуль
23/10 23:59 Интер - Боруссия Д
23/10 23:59 Славия - Барселона
23/10 23:59 Бенфика - Лион
23/10 23:59 Лилл - Валенсия

Блог

Қаҳрамон Асланов

25-кадр

"Тики така" ёхуд "... девлар қутулди"

Баҳо:
+5; -0

Тарихда яшаб ўтган, бутун инсоният-у девларнинг подшоҳи бўлган Сулаймоннинг вафот этиши ҳақидаги ҳикоят жуда қизиқ. Жон берган Сулаймоннинг жасади худди тирикдек курсида ўтираверади, унинг ўлганлигини билмаган бечора девлар бир неча йил, худди Сулаймон курсида пойлаб ўтиргандек ишлашда давом этишган экан. Ниҳоят чумолилар (чилига қофиядошлигини қаранг) гуруҳи шоҳ жасадини суяб турган асони еб битирадилар, жасад қулайди ва девлар байрам қиладилар.   

Тасаввур қилинг, уч нафар калласи катта мутахассис жаҳон чемпионатида Испания терма жамоаси кўрсатган ўйинлар ҳақида фикр юритадилар. Студияда футболчиларда мотивация етишмаганлигидан тортиб, Дель Боскенинг таркиб танлашдаги хатолари тилга олинади, ҳатто “тики така” деб аталган ва кўпчилик тушунмасдан тилга олишни яхши кўрадиган услубнинг “жанозаси”ни ўқиб, бир дақиқа сукут сақлашгача борадилар.

Ҳаммаси жуда тўғри, ақлли гаплардек туюлади, лекин, вазиятнинг ўзи сизга аҳмоқона туюлиши учун бошқа тарафдан қараш кифоя. Хотирангизни ишга солсангиз, атиги ўн кун олдин, худди шу ёки булардан ҳам ақллироқ мутахассисларнинг мундиал фаворитлари сифатида Испанияни навбати билан тилга олиб ўтирганликларини эслайсиз.

Кўзингизни очинг, бугун Испания терма жамоаси билан боғланиб тилга олинаётган кўпгина муаммолар икки йил олдин ҳам бор эди, ўшанда ҳам Хавининг даври ўтганди, ўшанда ҳам “Барселона”нинг тика-такаси иш бермай қолаёзган, футболчилар эса, Европа-ю жаҳон кубокларини ютиб, футболдан тўйиб қолгандек, ўшанда ҳам Висенте Дель Боске ношуд эди – аммо негадир Испания чемпион бўлган. Бўлган! Тўғрими?

“Тика така” ўлибди... Кулгим қистайди. Олти йил уни қўллаган жамоага дунёдаги барча совринларни олиб келган бир услуб, футбол учун қисқа бир вақтда мана шундай чиқитга айланиши мумкинми? Унга қарши қандай ўйнашни ўрганиб олдиларми? Дўстим, масалан,  сиз билан бизга ўхшаган аҳмоқлар “тика така”га қарши ўйнаш услубини ишлаб чиқишимиз учун олти йил керак бўлар балки, лекин мураббийлар бунақа антиуслубларни биринчи мавсумдаёқ тушуниб етадилар. Етгандилар, ишонаверинг. Хўш, нега бу иш бермаётганди? Испаниядан ташқарида футболни яхшироқ ўйнай оладиган юлдузлар йўқмиди? Нега Испания тахтдан тушмаётганди?

Мана шу саволларга жавоб ахтарганингизда, аслида “Тика Така”нинг чекинишида ташқи кучларнинг ҳам, ақлли душман мураббийларнинг ҳам, Моуриньо-ю Лобановскийларнинг ҳам алоқаси йўқлигини англагандек бўламиз.

Бирор услубнинг эталонга, футбол оламида модага айланиши учун аввало ушбу услуб “ғоя” сифатига эга бўлиши керак. Футболдаги ғоянинг стратегиядан фарқи шундаки, ғоя муайян бир жамоа ёки турнирда ғолиб чиқишга қаратилмайди, рақибнинг ким ва қандай ўйнашидан қатъий назар амал қилинаверадиган бир услубдир. Лобановскийнинг 1997 йилда “Барселона” устидан умумий ҳисобда 7:0 ҳисобида ғалаба қозонгани бу бир ғоя эмас, услуб эди, ўша жамоа орадан бир неча ой ўтиб, ўз майдонида “Ювентус”га 1:4 ҳисобида мағлуб бўлганди, масалан...

Иккинчи шарт, албатта, барқарор ғалабалардир. Ютиш учун эса ўша услубга идеал шаклда мос бўлган ижрочиларга эхтиёж сезилади. Тотал футбол қанчалик мукаммалликка даъво қилмасин, Йоҳан Кройф феномени ушбу ғоянинг ғалабаларига туртки бўлди, ўша ғалабаларгина тотал футболнинг эффектини намойиш қилди, мураббийлар ушбу футбол элементларини ўзлаштира бошладилар, бутун дунё тотал футбол ўйнай бошлади. Кейинчалик, Кройфнинг ўрни тўлдирилмаган, “Барселона” ёки Голландия терма жамоаси 80-йиллар бошларида ҳеч нарса юта олмаётган пайтларда кимдурлар тотал футболнинг ўлими ҳақида гапириб юрган бўлиши мумкин, балки, лекин улар аслида тотал футболни бутун дунё ўйнай бошлаганини пайқайдиган даражада атрофга қарамаганлар, деб хулоса берган бўлардим.  

Испан футболи бутун дунёни забт этиб бўлди, ўртоқлар, “тики така”нинг элементлари билинар билинмас ҳатто Италия ва Германия терма жамоалари ўйинларида ҳам намоён бўлмоқда. Айнан тўп назоратидаги усталик эвазига оддий испан жамоалари дунё грандларига бемалол қаршилик қила оляптилар. “Тика така” футболн мувозанатини шунчалик ўзгартириб юбордики, энди ҳамма ўз жамоаси пойдеворига мана шу мурватларни ҳам қўя бошлади. Бу борада қўшимча дарсларга мухтож бўлмаган ёш испан футболчилари эса, бир неча миллионларга трансфер қилинмоқдалар. Бир пайтлар голландиялик мураббийлар дунё бўйлаб кўпайиб, ҳаммага тотал футболни ўргатган бўлишса, эндиликда, худди шу мақомга испан мураббийлари чиқмадиларми? Барча ёш тоифасида дунё ва Европа чемпионлигини ўзиники қилиб олган терма жамоа ким? Испания эмасми?

Тасаввур қилинг, бутун дунёда тез овқат ейиш бўйича мусобақа ўтказилмоқда. Қошиқ ишлатишда ўқувсиз бўлган хитойлик аввалига жуда қийналади. Охири у чўнтагидан чўпини чиқарди, энди овқатни чўп билан ея бошлади. Атрофдагиларга чўпда ейилса янада қулайроқ эканини, овқат ҳам ширинроқ бўлишини таъкидлай бошлади. У чўп ишлатишни шу даражада зўр ўзлаштирдики, қошиқда еяётганлар сезиларли даражада орқада қола бошладилар. Хитойлик бир чемпион бўлди, икки чемпион бўлди, ниҳоят бошқалар зерикдилар. Чўпда овқат ейишни ўрганишни бошладилар. Хитойлик устозларни ёлладилар, туну кун ҳаракат қилдилар ва ... Қаранг, мазза эмасми хитойликка? Ахир у бутун дунёни айнан унинг қуролида баҳслашишга мажбур эта олди-ку? Энди ундан чўп сотиб оладилар, чўп ишлатишни ундан ўрганадилар, унга эргашадилар. 

Қайсидир маънода испан футболини ўша хитойликка ўхшатиш мумкин. “Тика така” бутун дунёга тарқаб бўлди. Худди Сулаймоннинг жасади йиқилгани билан, ғояси давом этганидек, “тика така” фақат Испания терма жамоаси ва “Барселона” мисолида жасад ўлароқ вафот этди. 1994 йилда Германия, 2002 йилда Франция, 2010 йилда Италия каби чемпионларнинг ёмон натижа кўрсатишлари 2-4 йил олдинги жамоа ёки услубнинг ёмон эканидан, эскирганидан эмас, таркибнинг табиий ва руҳий эскириши эди холос.

Оддий мисол, Пеп Гвардиола “тики така”сининг энг асосий хусусияти нимадан иборат эди? Узун паслар мумкин эмасмиди уларга? Бўлмаган гап, сиз кўрмагансиз, демак 2010-11 йиллардаги “Барселона”ни. Асосий хусусият футболчиларнинг бир бирига яқин ва зич жойлашиши эди. (у ердаги майдапаслик  тўпнинг доим ҳаракатда бўлиши ва рақибни мувозанатдан чиқариш важидан) Зич жойлашишдан мурод тўп йўқотилганида, зудлик билан прессингга киришилади. Яъни ўша тўп жойлашган худудда футболчилар кўпчиликни ташкил қилади, демак, дарҳол кўпчилик бўлиб курашиб, тўпни қайтариб олиш мумкин. Хўш, энди Хави, Иньеста ёки Бускестнинг ёши бироз ўтиб, аввалгидек ҳаракатчанликни йўқотишгач, энди “тики така” иш берадими? Мартинонинг “Барселона”сида айнан мана шу прессинг йўқолганди, яъни, аллақачон “Барселона” ўша услубдан чекинишни бошлаган, бунинг сабаби ҳам айнан футболчиларнинг ўша услубга мос келмай қолганлигида эди. Фабрегасдан янги Хави, Неймардан янги Педро ясаш ҳаракатларининг муваффақиятсиз чиққанининг ўзиёқ, жамоанинг ўша йўлдан оғишиб, янгилик яратишга ундай бошлаганди. Тика така учун бир пайтлар идеал бўлган футболчилардан янгича футбол талаб қилиш ва қизиғи, худди аввалгидек муваффақият кутиш, мағлубиятларга сабаб қилиб, яна, ўша “Барселона” ўйнолмай қўйган “тики така”ни айблаш ғалати эмасми?

Эътибор беринг, тўп зонасида кўпчиликни ташкил қилиб, зич ўйнаш ва шу орқали дарҳол босим уюштириш, яъни тики таканинг муҳим ҳусусияти футболда эскирмади, ўлмади, аксинча, “Барселона” ёки Испания терма жамоасида ушбу услубни қўллай оладиган футболчиларнинг даври ўтгани туфайли бу жамоалар “тика така” учун эскирдилар. Ахир испанларни ер тишлатган Чили айнан тўпни қайтариб олиб қўйиш борасида “тики така” ўйнади-ку, тўғрими? Тўп учун курашмаслик, секин ўйнаш, ўткир пасларсиз тинмасдан ёнидаги шеригига тўпни ошириб туравериш – бу “тики така”нинг бугунги аҳволи эмас, Испания ёки “Барселона”нинг ҳолати эканини пайқаш қийин эмаску... (“Бавария”ни аралаштирманг, у ерда Гвардиола биринчи йил ишламоқда холос)          

Энди асосий саволга келамиз. Нега Дель Боске ҳеч нарсани пайқамади? Нега Дель Боске Хави-ю Бускестларнинг даври ўтганини пайқаб, майдонга Иско, Кокеларни туширмади? Наҳотки, сиз билан биз ва анови студиядаги уч нафар калласи катта мутахассис кўриб турган ҳақиқатни жаҳон ва Европа чемпиони Дель Боске кўра олмаса? Ҳааа, биласизми, жаҳон ва Европа чемпиони, сўнгги жумладаги калит сўз мана шунда...

Атрофга қаранг, Луи ван Гаал Голландияда деряли авлодлар алмашинувини амалга оширмоқда, бир қатор ёшлар билан янгиланган жамоани эътиборимизга ҳавола қилди. Тўрт йил олдин немисларда Мюллер ва Ўзиллар етакчи ролларда эдилар, энди бўлса, Гетце ва Ройс. ЖАР да Бразилияни ким ўз ортидан эргаштирганди? Кака-ю Робиньолар қани энди? Франциянинг ёшларини кўринг... Ҳатто Капелло-ю Хожсонлар ҳам таркибда қандайдир янгиликлар қилишга интилишмоқда, авлодлар алмашмоқда, Дел Боске эса жим? Нега?

Уни шунчаки, бу нарсаларга ақли етмайдиган чол дейишга тилим бормайди, ундан кўра, унинг терма жамоасининг наригилардан энг асосий фарқини илғаб олишим осонроқ мен учун. Ахир эсланг, Испания чемпионку?! Нариги мураббийларнинг доимий изланишлари учун энг катта асос, энг мантиқий сабаб, бир пайтлар Арагонеснинг Европа чемпионатига Раулсиз боришга ундаган вазият ҳам худди шу эди – у терма жамоалар чемпион эмасдилар. Ютқазган жамоа доимо янгиланишга мухтож, табиий равишда ўзгаришга мойиллик сезади. Буни тренернинг ўзи, футболчилар, жамоатчилик, мухлислар, ҳамма билиб туради, қабул қилади. Чемпионничи?

Ҳа, Дель Боске таркибдаги мотивация танқислиги ҳақида ҳам, испан жамоаларидаги узун ва оғир мавсум туфайли чарчоқнинг бошқалардан кўпроқ бўлиши ҳақида ҳам жуда яхши билган. Лекин ишонинг, бунинг ўзи улардан воз кечишга етарли сабаб эмасди. Хавини ёки Вильяни таркибга жалб қилмасинми? Ҳозир мумкин. Хави араб ўлкаларига кетяпти, Вилья ҳам деярли катта футбол билан хайрлашди, мумкин. Бундай воқеалар ҳам бор, узоқ вақт маълум мақсад йўлида ғалаба учун курашган таркиб, ниҳоят, бир неча совринларни ютади, футболчилар бир онда тўйинадилар, етакчилар футболни ёки жамоани тарк этади ва шу билан эртак тугайди. Лекин...

Лекин ҳозир студияда ўтириб “эскирган” деб таъриф бераётган футболчиларимиз бугунги кунда энг кучли лига бўлмиш Испания лигасининг, ҳатто бутун Европанинг етакчи жамоасида асосий таркибда ҳали ҳам тушиб туришган бўлсачи? Мисол учун, Испания икки йил олдин ҳам гуруҳ босқичида турнирни тарк этиши ва биз худди шунақа сабабларни ўшанда ҳам айтишимиз мумкин эди. Жамоа тўйиб қолди, Дель Боске таркибни янгилаши керак эди ва ҳоказо... Испания эса чемпион бўлди. Чемпион жамоа билан “эскирган”, “тўйган” жамоа ўртасидаги кўринмас чизиқни сезиш шунчалик осонми? Алонсони эмас, клубда унинг ўрнига майдонга тушиб турадиган Иско ёки Ильярамендини танлаш учун мотивациометрни сабаб қилиб кўрсатиш кифоями? Касорла-ю Делофеулар билан ҳам гуруҳдан қайтиш мумкин, у ҳолда, етакчи футболчилар, ЕЧЛ ғолиблари, ярим финалчилари туриб, бошқаларни танлаган Дель Боске янада аҳмоқликда айбланмасмиди? 

Бугун, жонли эфирдаги студияда ўтириб, Алонсо ўрнига Иско ўйнаганида Испания яхшироқ натижа кўрсатган бўларди, дея оламиз. Чунки биз Алонсо билан қандай натижага эришилганини билиб турибмиз. Лекин икки ҳафта олдинги студияда бу гапни айта олармидингиз? Айтиш-ку майли, Дель Боскенинг ўрнига ўзингизни қўйиб кўрсангизчи?

Испанияга бегона элемент бўлган Костага урғу берилиши, Бускест ва Алонсонинг ўзлари учун ноқулай бўлган тандем услубида синаб кўриш, у футболчинимас бунисини тушириш каби оқланмаган мураббий танловлари мавжуд албатта. Лекин Испаниянинг муваффақиятсизлигида глобал хатоларни қидирмаган, бу ҳолатга катта бир сюрприз сифатида қарамаган бўлардим.

Менимча, бу вазиятга табиий ва хотиржам қараш энг яхши йўл бўлиши керак. Маттеус-у Фелларлар билан АҚШ-94 га ҳам яна чемпион бўлиш учун келган немислар ҳам худди шундай қилишган, назаримда. Голландия, Бразилия, Германияларни янгиланишга, ўзгаришларга етаклаган сабаб энди Дел Боске ёки унинг ўринбосарида энди бор. Энди Испания бемалол биз талаб қилаётган, кўзи ёниб турган футболчиларни жалб қила олади. Ва таъкидлаш жоизки, бўлажак Европа чемпионатининг асосий фаворитларидан бири бўлади. Бунга аминман.   

  


Киритилган сана: 24.06.2014 15:09. Ўкилди: 7300 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


DINAMACHI
Сана: 24.06.2014 20:26. DINAMACHIга ёзиш
+0; -0
HEROLION
SAGEMSMART
менимча, хеч бир тактика ўлмаса керак. тики-такадан олдинги футбол услубларидан хозир ҳам фойдаланишади. инглизча, италянча, бразилча ва хокозо ўйин услублари... яъни, қанотлар орқали ўйин ташкил қилиш, химоявий ўйин ташкил қилиш, ўта хужумкор ўйин ташкил қилиш... бу услубларнинг хеч бири хозирда "номер один" бўлмасада, хозирда ҳам фойдаланилади. мисол учун МТЖмиз ҳам қанотлардан хужум қилиш услубини ўзлаштирмоқчи. Ўз вақтида ушбу услуб ҳам фойда келтирган ва хозирги тики-така даражасида бўлган.

юқорида айтганимдек, хеч бир тактика ўлмайди. фақатгина иккинчи даражага тушиб қолиши мумкин. муаллифни фикрига қисман қўшилган холда тики-така ўлмади дейиш мумкин. лекин қисман қўшилмаган холда тики-така аввалгидек биринчи ўринда эмас, хеч бўлмаса пастлаяпти дейиш мумкин.

тики-такага қарши қандай услуб топилган, хозирда қайси услуб тики-такадан устун аниқ айта олмайман. лекин тики-така билан ўйнаётган жамоалар унчалик яхши натижа кўрсата олишмаяпти.

PS: Ўтган йилги Боруссия ва бу йилги Атлетико ўйин услблари менимча яқин йилларда модага чиқади. хамма химояда, хамма хужумда, хамма перссингда.

---------

Ҳа, яна шунақа ижрочилар пайдо бўлса, кимдир мурожаат қилиши мумкин. Услублар ўлмайди, мос ижрочилар эскириши, янгиланмай қолиб кетиши мумкин.. Месси - Иньеста - Хавига ўхшаган учлик яна чиқса, яна мингта антиуслуб ҳам яна ип эга олмай қолаверади
Qahramon aka keyingi avlod ulardan kuchli böladi,bu sivilizatsiya qonuni.lekin ularchalik yutuqlarga va natijaga,obröga erishishiga ishonmayman.chunki ulardan k6chirma va lekin as ijrochi 2-messi yo inesta hech kimda qiziqish va muhimi hayrat uyg'otolmaydi. MARADONADAN söng mingta shu uslubda alo ijrochilar chiqdai,lekin ularni hech kim tan olmadi. MESSI va CR7 eng katta yutug'i ularga qadar hech kim ular uslubida muvaffaqiyatli öynamagan.

Ушбу фикрга жавобан


DINAMACHI
Сана: 24.06.2014 20:14. DINAMACHIга ёзиш
+0; -0
XANAFIY
HEROLION

Услублар ўлмайди, мос ижрочилар эскириши, янгиланмай қолиб кетиши мумкин.. Месси - Иньеста - Хавига ўхшаган учлик яна чиқса, яна мингта антиуслуб ҳам яна ип эга олмай қолаверади


Мана маши асосий нарса. Усул билан шу усулга идеал мос тушадиган ўйинчиларни бўлиши кучли жамоани пайдо қилади. Бу усул хамма учун идеал диганимас. Лам ёки Кокени Хави бўлиши шартамас. Бавариячилар хам бу усулдан кўра бошқа усулда хозиргидан эффективныйроқ ўйнаши мумкин.

Махоратли ўйинчилари етарли бўлган Испания шулардан келиб чиқиб янги жамоа тузса яхшиди. Шу усулда чемпион бўлдик диб кўр кўрона тики такани тиқиштиришдан фойда йўқ.
Xoxlang tiki taka,maydapas futbol,topni nazorat qilish deng(boshlangich umumiy tasuroti bir xil),qanday atasangiz ham isp va barca bu FALSAFADAN voz kechmasligi kk va kechmaydi ham. Zero özak,asos(umumiy hususiyatlar) saqlanadi.Murabbiy mahorati,ijrochilar darajasi va hususiyatiga köra yangi elementlar qöshilishi,kesilishi,kuchaytirilishi mumkin,lekin voz kechilmaydi. Zotan butun tuzulma shunga asoslangan,ularni yutug'i ham shunda.Osiyoda Yapon va kareslagina shunga erishgan.MTJ va futbolimizni ölik holati sababi ham biz shunga erisholmaganimizda. Bekorga Barca gvardiola yoki hozir enriki taklif etishmagan.ular bu uslub trenerlari yoki shunga moyil.zero ular kelgan paytda boshqa bösh va kuchli trenerla olib kelish variantlari mingta bölgan. Qisqasi yangi ihtidorli 14,15ta öyinchi keltirib yangi uslubda öynatish absurt.

Ушбу фикрга жавобан


XANAFIY
Сана: 24.06.2014 19:19. XANAFIYга ёзиш
+0; -0
HEROLION

Услублар ўлмайди, мос ижрочилар эскириши, янгиланмай қолиб кетиши мумкин.. Месси - Иньеста - Хавига ўхшаган учлик яна чиқса, яна мингта антиуслуб ҳам яна ип эга олмай қолаверади


Мана маши асосий нарса. Усул билан шу усулга идеал мос тушадиган ўйинчиларни бўлиши кучли жамоани пайдо қилади. Бу усул хамма учун идеал диганимас. Лам ёки Кокени Хави бўлиши шартамас. Бавариячилар хам бу усулдан кўра бошқа усулда хозиргидан эффективныйроқ ўйнаши мумкин.

Махоратли ўйинчилари етарли бўлган Испания шулардан келиб чиқиб янги жамоа тузса яхшиди. Шу усулда чемпион бўлдик диб кўр кўрона тики такани тиқиштиришдан фойда йўқ.

Ушбу фикрга жавобан


XANAFIY
Сана: 24.06.2014 19:05. XANAFIYга ёзиш
+0; -0
YAHYOHON

Барса шу даражада ривожланмаганда Реал ҳам ривожланмасди.
Барсанинг рақобатчилиги туфайли Реал ва Атлетико ажойиб рақобатдош жамоа юзага келтирди.


===========================

Бу худди "Испания, Ла лига бўлмаган Каталонияда Барса ривожлана олмасди" дегандек гап.

Ман футболга қизиқишни бошлаган вақт Барса бир гала голландларни йиғволиб, ла лигада ЧЛга урин учун курашиб юрарди. У вақт Реалга Валенсия рақобатчиди.

Испания чемпионлигида барса ўйинчилари, усули мухум рўл ўйнагани аниқ. Буни хеч ким инкор қимийди. Кечаги мағлубиятларда хам котта айиб шу нарсалада бўлди. Бу нарсани ўзгартиришга барсада имкон камдир лекин Испанияда хозирам махоратли ижрочилар етарли.

Ушбу фикрга жавобан


HEROLION
Сана: 24.06.2014 19:01. HEROLIONга ёзиш
+0; -0
SAGEMSMART
менимча, хеч бир тактика ўлмаса керак. тики-такадан олдинги футбол услубларидан хозир ҳам фойдаланишади. инглизча, италянча, бразилча ва хокозо ўйин услублари... яъни, қанотлар орқали ўйин ташкил қилиш, химоявий ўйин ташкил қилиш, ўта хужумкор ўйин ташкил қилиш... бу услубларнинг хеч бири хозирда "номер один" бўлмасада, хозирда ҳам фойдаланилади. мисол учун МТЖмиз ҳам қанотлардан хужум қилиш услубини ўзлаштирмоқчи. Ўз вақтида ушбу услуб ҳам фойда келтирган ва хозирги тики-така даражасида бўлган.

юқорида айтганимдек, хеч бир тактика ўлмайди. фақатгина иккинчи даражага тушиб қолиши мумкин. муаллифни фикрига қисман қўшилган холда тики-така ўлмади дейиш мумкин. лекин қисман қўшилмаган холда тики-така аввалгидек биринчи ўринда эмас, хеч бўлмаса пастлаяпти дейиш мумкин.

тики-такага қарши қандай услуб топилган, хозирда қайси услуб тики-такадан устун аниқ айта олмайман. лекин тики-така билан ўйнаётган жамоалар унчалик яхши натижа кўрсата олишмаяпти.

PS: Ўтган йилги Боруссия ва бу йилги Атлетико ўйин услблари менимча яқин йилларда модага чиқади. хамма химояда, хамма хужумда, хамма перссингда.

---------

Ҳа, яна шунақа ижрочилар пайдо бўлса, кимдир мурожаат қилиши мумкин. Услублар ўлмайди, мос ижрочилар эскириши, янгиланмай қолиб кетиши мумкин.. Месси - Иньеста - Хавига ўхшаган учлик яна чиқса, яна мингта антиуслуб ҳам яна ип эга олмай қолаверади

Ушбу фикрга жавобан


HEROLION
Сана: 24.06.2014 18:59. HEROLIONга ёзиш
+0; -0
XANAFIY
Испан футболи бутун дунёни забт этиб бўлди, ўртоқлар, “тики така”нинг элементлари билинар билинмас ҳатто Италия ва Германия терма жамоалари ўйинларида ҳам намоён бўлмоқда.

Бу борада қўшимча дарсларга мухтож бўлмаган ёш испан футболчилари эса, бир неча миллионларга трансфер қилинмоқдалар

===========================

Охирги йиллар испан футболи кучли ривожланди. Бу факат тики такага боғлиқмас. Футболга этибор, муносабат олдингидан ўзгарган. Иқтидорли испанларни асосини тики такачилар дейиш қийин. Бу мавсум барча европа кубоклар Испанияга кетти. ЧЛ финалчилариям Испанлар. Лекин бу гегимонликга Барсаниям, тики-такани хам алоқаси бумади.

-----------------

Германияда кўпроқ ёшлар етишиб чиқди сўнгги йилларда.. Лекин негадир Германия эмас, базаси "Барселона" бўлган Испания чемпион бўлди нуқул

Ушбу фикрга жавобан


SAGEMSMART
Сана: 24.06.2014 18:54. SAGEMSMARTга ёзиш
+0; -0
лекин муаллифга қойил. кўтарган мавзуси одамни анча ўйлантирди. мухокама учун жуда зўр мавзу.

Ушбу фикрга жавобан


YAHYOHON
Сана: 24.06.2014 18:52. YAHYOHONга ёзиш
+0; -0
XANAFIY

Охирги йиллар испан футболи кучли ривожланди. Бу факат тики такага боғлиқмас. Футболга этибор, муносабат олдингидан ўзгарган. Иқтидорли испанларни асосини тики такачилар дейиш қийин. Бу мавсум барча европа кубоклар Испанияга кетти. ЧЛ финалчилариям Испанлар. Лекин бу гегимонликга Барсаниям, тики-такани хам алоқаси бумади.
Ушбу фикрга жавобан

____________________

Барса шу даражада ривожланмаганда Реал ҳам ривожланмасди.
Барсанинг рақобатчилиги туфайли Реал ва Атлетико ажойиб рақобатдош жамоа юзага келтирди.
Шу жумладан Севиля ҳам, Валенсия ҳам, Барса ва Реалга қарши ўйнаб тажриба орттириш ЕЧЛда гурух босқичидаёқ тушиб кетганларга нисбатан кўпроқ фойдалироқдир

Ушбу фикрга жавобан


SAGEMSMART
Сана: 24.06.2014 18:50. SAGEMSMARTга ёзиш
+2; -0
менимча, хеч бир тактика ўлмаса керак. тики-такадан олдинги футбол услубларидан хозир ҳам фойдаланишади. инглизча, италянча, бразилча ва хокозо ўйин услублари... яъни, қанотлар орқали ўйин ташкил қилиш, химоявий ўйин ташкил қилиш, ўта хужумкор ўйин ташкил қилиш... бу услубларнинг хеч бири хозирда "номер один" бўлмасада, хозирда ҳам фойдаланилади. мисол учун МТЖмиз ҳам қанотлардан хужум қилиш услубини ўзлаштирмоқчи. Ўз вақтида ушбу услуб ҳам фойда келтирган ва хозирги тики-така даражасида бўлган.

юқорида айтганимдек, хеч бир тактика ўлмайди. фақатгина иккинчи даражага тушиб қолиши мумкин. муаллифни фикрига қисман қўшилган холда тики-така ўлмади дейиш мумкин. лекин қисман қўшилмаган холда тики-така аввалгидек биринчи ўринда эмас, хеч бўлмаса пастлаяпти дейиш мумкин.

тики-такага қарши қандай услуб топилган, хозирда қайси услуб тики-такадан устун аниқ айта олмайман. лекин тики-така билан ўйнаётган жамоалар унчалик яхши натижа кўрсата олишмаяпти.

PS: Ўтган йилги Боруссия ва бу йилги Атлетико ўйин услблари менимча яқин йилларда модага чиқади. хамма химояда, хамма хужумда, хамма перссингда.

Ушбу фикрга жавобан


DINAMACHI
Сана: 24.06.2014 18:36. DINAMACHIга ёзиш
+0; -0
XANAFIYга, Koke xavini individi emas.bunaqa tushunmasligimiz kk. Koke aynan xavidek öynay olmaydi,chunki xavini onasi uni 1ta tuqqan(pele kabi). Faqat shu uslub özagi saqlanadi,takomillashtiriladi.KOKE yoki boshqasi shu xavi bajargan funksiya falsafasida yoki qolipida öynaydi,uni qanday uslubda bajarilishi ularni individual harakteriga bog'liq. Zotan isp ham barca ham avvaldan(men bilganimdan buyon)mayda pass öynab keladi.

Ушбу фикрга жавобан


DINAZAVR
Сана: 24.06.2014 18:25. DINAZAVRга ёзиш
+0; -0
Германия ЖЧ- 1994 да яхши уйнаганди. Болгарлар билан уйинда омад етишмаганди холос.

Ушбу фикрга жавобан


XANAFIY
Сана: 24.06.2014 18:07. XANAFIYга ёзиш
+0; -0
Испан футболи бутун дунёни забт этиб бўлди, ўртоқлар, “тики така”нинг элементлари билинар билинмас ҳатто Италия ва Германия терма жамоалари ўйинларида ҳам намоён бўлмоқда.

Бу борада қўшимча дарсларга мухтож бўлмаган ёш испан футболчилари эса, бир неча миллионларга трансфер қилинмоқдалар

===========================

Охирги йиллар испан футболи кучли ривожланди. Бу факат тики такага боғлиқмас. Футболга этибор, муносабат олдингидан ўзгарган. Иқтидорли испанларни асосини тики такачилар дейиш қийин. Бу мавсум барча европа кубоклар Испанияга кетти. ЧЛ финалчилариям Испанлар. Лекин бу гегимонликга Барсаниям, тики-такани хам алоқаси бумади.

Ушбу фикрга жавобан


XANAFIY
Сана: 24.06.2014 17:52. XANAFIYга ёзиш
+0; -0
Германия-94 билмадим, лекин Франция 2002, Италия 2010 лардан кўра хозирги Испанияда ўзгариш учун шароит яхшиди. Потенциали юқориди. Махоратли ижрочилар етарлигиди. Франция, Италияда бунақа кенг имконият бумаган.

Ушбу фикрга жавобан


XANAFIY
Сана: 24.06.2014 17:52. XANAFIYга ёзиш
+0; -0
Энди Испания бемалол биз талаб қилаётган, кўзи ёниб турган футболчиларни жалб қила олади.

=======================

Кегин испания шу кўзи ёниб турган ўйинчилар билан яна шунақа тики-такада ўйнидими? Коке Хавига айланадими? Ундан кўра хозирда бор бўган махоратли ўйинчилар билан уларга мос тушадиган усулда ўйнагани яхшимасми? Футболда оптимаk энг яхши усул йўқ. Агар бўлганда хамма шунақа ўйнирди. Усул ижрочиларга қараб "энг яхши" бўлади

Чемпионларда катта ўзгаришлар бўлиши учун албатта мошный еб, гурухда қолиб кетиши шартмасдур ) Мисол учун шу таркиб ярим финалга борганида, Евро 2016 да Хависиз яна шула ўйнашига унча ишонмийман.

Ушбу фикрга жавобан


ASABIRDJANOV
Сана: 24.06.2014 16:46. ASABIRDJANOVга ёзиш
+0; -0
SAGEMSMART
кучли прессинг қилиб рақибдан тўпни олиб қўйди дегани тики-такада ўйнади дегани эмаску. ёки тики-такадан олдин йўғмиди прессинг.


Xuddi shu kabi bosh zonalarga ochilmay, doimiy harakatda bo'lib bosh zonalar izlamaslik, to'pni maydon markazida passlashib turish ham Tiki-Taka hisoblanmaydi. Barselonada Villanova va Martino o'sha siz aytayotga, Tiki-Takaning asosiy qismi bo'lgan pressingdan voz kechdilar va oqibatini oxirgi ikki yil ECHL yarim va chorak final o'yinlarida yaqqol guvohi bo'ldik. Keyinchalik bu Ispaniya terma jamoasining konfederatsiyalar kubogida va JCH-2014 guruh bosqichidayoq yuzaga chiqdi. "Tiki-Taka" bu 70 % top nazorati degani emas! Bularning barchasi IMHO

Ушбу фикрга жавобан


HEROLION
Сана: 24.06.2014 16:46. HEROLIONга ёзиш
+0; -0
SAGEMSMART
2000 йилларда рақибга прессинг қилиб босим уюштириш роса мода бўлганди.

Бу ерда айтилгани - тўп йўқотилиши билан прессинг, яъни тўп йўқотилгач, 3-5 секундда яна қайтариб олишга актив ҳаракат қилинади.

Ушбу фикрга жавобан


SAGEMSMART
Сана: 24.06.2014 16:45. SAGEMSMARTга ёзиш
+0; -0
HEROLIONга,
Мен Чилининг ўйин услубини ҳам тики-такага ўхшатганиз учун айтяпман.

Ушбу фикрга жавобан


HEROLION
Сана: 24.06.2014 16:37. HEROLIONга ёзиш
+0; -0
SAGEMSMART
кучли прессинг қилиб рақибдан тўпни олиб қўйди дегани тики-такада ўйнади дегани эмаску. ёки тики-такадан олдин йўғмиди прессинг.

Прессинг - тики така эмас, лекин Тики такада ҳам прессинг бор. Испания деярли прессинг кулламаяпти, демак тики такада ўйнамаяпти, почти... демоқчийдим, дедим ҳам, тушунтиролмадим шекилли

Ушбу фикрга жавобан


SAGEMSMART
Сана: 24.06.2014 16:36. SAGEMSMARTга ёзиш
+0; -0
2000 йилларда рақибга прессинг қилиб босим уюштириш роса мода бўлганди.

Ушбу фикрга жавобан


SAGEMSMART
Сана: 24.06.2014 16:34. SAGEMSMARTга ёзиш
+0; -0
кучли прессинг қилиб рақибдан тўпни олиб қўйди дегани тики-такада ўйнади дегани эмаску. ёки тики-такадан олдин йўғмиди прессинг.

Ушбу фикрга жавобан


SAGEMSMART
Сана: 24.06.2014 16:31. SAGEMSMARTга ёзиш
+0; -0
Демак доимий чемпионликни формуласи тайёр. 1-2 марта чемпион бўлган жамоангни алмаштир. шунда яна чемпион бўласан. ва уларни ҳам алмаштирасан...

Ушбу фикрга жавобан


UZBARSA
Сана: 24.06.2014 16:16. UZBARSAга ёзиш
+0; -0
Тасаввур қилинг, уч нафар
калласи катта мутахассис
жаҳон чемпионатида Испания
терма жамоаси кўрсатган
ўйинлар ҳақида фикр
юритадилар. Студияда
футболчиларда мотивация
етишмаганлигидан тортиб,
Дель Боскенинг таркиб
танлашдаги хатолари тилга
олинади, ҳатто “тики така” деб
аталган ва кўпчилик
тушунмасдан тилга олишни
яхши кўрадиган услубнинг
“жанозаси”ни ўқиб, бир дақиқа
сукут сақлашгача борадилар.
_________________
+5

Ушбу фикрга жавобан


NEWMASTERUZ
Сана: 24.06.2014 16:14. NEWMASTERUZга ёзиш
+0; -0
Maqaola ajoyib!

Ушбу фикрга жавобан


DINAMACHI
Сана: 24.06.2014 15:51. DINAMACHIга ёзиш
+0; -0
hech bir treneri 2marta Evro va JCH chem.ni bölga mtj asosini özgartirishga duxi etmaydi.Öyinchlani özlari tushunish kk edi.2006yildan söng Totti,Dilpero lar mtj.dan ketdi. Ular buni anglagandi,lippeni esa özlari anglamaganlarni ketgazishga duxi yetmagandi

Ушбу фикрга жавобан


KITOBLIK

Сана: 24.06.2014 15:44. KITOBLIKга ёзиш
+0; -0
Gap yoq maqola har doimgidek lekin sulaymon emas sulaymon alayhissalom diyiladi.

Ушбу фикрга жавобан


YAHYOHON
Сана: 24.06.2014 15:42. YAHYOHONга ёзиш
+2; -0
Яна битта гапга қўшиламан, энди тики-така, хар қандай мураббийга, хох ишлатсин хох йўқ дарс сифатида ўргатилади.

Бу тактика футболда катта бир дарсликка айланиб улгурди.

Энди тики-така, худди Рихелснинг тотал футболи, Эрреранинг қарши хужум ёки автобус футболи, Лобоновскийнинг қанот ўйинчиларига узун пас ошириш футболи каби Пепнинг (истасангиз Кройфники, истасангиз Дел Боскеники денг) тики-такаси ўрганилади.

Энди ушбу бўлим, ушбу фан ўрганилаётганда албатта Хави, Бускетс, Иниесталар тилга олинаверади, бундан кейин уларданда кучлироқ ижрочи чиқар балки, лекин барибир улар тилган олинади.

Бу ғоянинг энг устун томони натижаси билан гўзаллашаверди.

УШбу футбол ҳақида асарлар битилади, филмлар ишланади, ана шу пайтта кележак авлоддга фахр билан айтиб бераман ва албатта МТЖйимиз ҳам ушбу услубдан жичча фойдаланганини эслаб ўтаман)))

Ушбу фикрга жавобан


GAYRATBEK
Сана: 24.06.2014 15:30. GAYRATBEKга ёзиш
+0; -0
тугри
энг асосийси мухлислар фикрини инобатга олиб ёзганингиз янада кувонарли

Ушбу фикрга жавобан


YAHYOHON
Сана: 24.06.2014 15:30. YAHYOHONга ёзиш
+0; -0
Тўппа-тўғри.

Хозирги холаттаям, хозирги чириган ўйинчилар биланам Испания-Голландия, Испания-(исталган жамоа) бўлсин букмекерлар Испанияни фаворит қўйишади, чунки шердан қўрқишади.

Энг асабим ўйнагани мен айтмовмидим гурухдан чиқолмаслигини, энди нима дейсизлар деганлар (урушдан кейинги қахрамонлар жудаям кўпайиб кетишди))))

Энг қизиғи юқорида айтганиздек 2012 даям шулар ушбу сўзларни айтишганди)))), лекин бирортаси эркак бўлиб, мард бўлиб Испанияни гурухдан қолади деб айтгандим демаган)))

Ушбу фикрга жавобан


ASABIRDJANOV
Сана: 24.06.2014 15:26. ASABIRDJANOVга ёзиш
+1; -0
Rahmat! :)

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.