Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

"Бир уриниб кўрмаймизми?"

Баҳо:
+2; -0

Мен Қатарни яхши кўраман. Бир пайтлар ўйин охирларида жаримадан гол ўтказиб юбориб, жаҳон чемпионатига бориш умидидан вақтинча мосуво бўлганимизни унутиб юборганман. Тарихимизда илк бор жаҳон чемпионатига чиқиш йўлланмасини айнан ўша ерда қўлга киритганимиз ёки Инилеевнинг енгилмас жамоаси кутилмаганда айнан ўша ерда савалангани ҳам энди тарих. Биз бугунни келажак учун бераётган умидлари учун яхши кўрамиз, тўғрими? Салкам икки йил айнан Доҳадаги, айнан мезбонлар устидан қозонилган ғалаба терма жамоамизнинг ўз кучига бўлган ишончни қайтариб, бир қадам олдинга ташлашга сабаб бўлган бўлса, бугун балки жаҳон чемпионати йўлланмасини қўлга киритдик. Йўқ, ўтакетган оптимист эмасман, йўлланмага ҳали узоқ, лекин бугунги ғалаба бизга уч очкодан ташқари, муҳимроқ бир бойликни тақдим этди. Ишончни.

Бир нечта фактлар бор. Биз бугун тарихимизда илк бор тўртинчи босқичдаги сафар ўйинида ғалаба қозондик. Биз илк бор тўртинчи босқичда қаторасига уч ўйинни мағлубиятсиз ўтказдик. Биз тарихда илк бор, тўртинчи босқичда қаторасига икки сафар ўйинида мағлуб бўлмадик. Бу биласизми, қандай статистика? Биз йўлланма учун росмана курашга киришдик! Эски гапми? Йўқ, биз ҳеч қачон тўғридан тўғри йўлланма учун курашмаганмиз. Эсланг, тўғри, бизда доим сўнгги тургача назарий имкониятлар бўлган. Лекин бу имкониятлар кимнидир таъқиб қилишга уриниш эди холос, таъқиб қилмаганмиз, ўйиндан ўйинга имкониятларни йўқотиб борганмиз холос. Пешқадамлардан сезиларли тарзда орқада қолардик доим. Биринчи фарқ бу.

Иккинчи фарқ шундаки, айниқса, бугунги ўйинда сезилди, футболчиларимизда ўзига нисбатан ишонч пайдо бўлди. Ҳақиқақатан ҳам курашиб кўрса бўлишлигини, хис қилдилар, муҳим ўйинда ишончли ғалабага эришдилар. Энди улар манзилни, мақсадни, бунинг учун нима қилиш кераклигини жуда яхши англаб турибдилар. Муболаға эмас, терма жамоамиз асосини ташкил қиладиган ярим ҳимоя чизиғи Осиёда энг тажрибали саналади. Савия борасида японлар устундир, лекин Жепаров, Кападзе, Гейнрих,Ҳайдаров, Ҳасанов, Аҳмедовлар деярли 5 йилдан бери ўзгаришсиз бирга ўйнаб келмоқдалар. Бу янгилик эмас, бу бугун пайдо бўлиб қолмади, аммо мана шу устунликнинг бизга фойда келтириши мумкинлиги бугун ойдинлашди. “Челси” эсингиздами? Гуёки даври ўтаёзган ва Европанинг олди бўлмаган бир нечта юлдузлар қайсидир паллада ўзларига савол беришди – “қани, бир уриниб кўрмаймизми?!” Бу саволнинг жавоби жўр тарзда қандай янграгани маълум, натижада на “Барселона”, на “Бавария” уларни тўхтата олди. “Челси” уддалади. Қайсидир жиҳатдан бугунги таркибимиз, бугунги жамоамизнинг ўша инглиз клубига солиштиргим келди.

4 БОСҚИЧ ТАҚВИМИ

6 тур. 14.11.2012. ЭРОН – ЎЗБЕКИСТОН, ҚАТАР – ЛИВАН

7 тур. 26.03.2013 ЖАНУБИЙ КОРЕЯ – ҚАТАР, ЎЗБЕКИСТОН – ЛИВАН

8 тур. 04.06.2013 ЛИВАН – ЖАНУБИЙ КОРЕЯ, ҚАТАР – ЭРОН

9 тур. 11.06.2013 ЖАНУБИЙ КОРЕЯ – ЎЗБЕКИСТОН, ЭРОН – ЛИВАН

10 тур. 18.06.2013 ЎЗБЕКИСТОН – ҚАТАР, ЖАНУБИЙ КОРЕЯ - ЭРОН

Демак асосий ишга ўтамиз. Ёшлигимда ўқитувчиларимнинг келажак ҳаётда математиканинг фойдаси кўплиги ҳақидаги гапларига ишониб тўғри қилган эканман, японлардан фарқли равишда ҳар мундиал остонасида бизнинг севимли машғулотимиз бу. Эроннинг ўзи учун муҳим ғалабасидан сўнг, биз иккинчи ўринда узоқ қолмадик афсуски, лекин кейинги турдаёқ ушбу ёқимли жойга қайтиш имконимиз бор.

Бунинг учун Эронда Эронни ютишимиз керак бўлади. Агар Эронда ғалаба қозонгудек бўлсак, уларни бир очкога ортда қолдирамиз ва турнир охиригача ўша ўринда қолиш имкониятига эга бўламиз. Сабаби, кейинги уч турдан иккитасини ўз майдонимизда, Ливан ва Қатарга қарши ўтказамиз. Эрон эса Ливанни қабул қилади холос, Қатар ва Жанубий Корея меҳмони бўлади. Демак Эрондаги ғалаба бизни 2-ўрин учун курашдаги яққол фаворитга айлантиради.

Иккинчи вариант, Эрондаги дуранг. У ҳолда форслар билан орамиздаги икки очко сақланиб қолади. Ўзбекистон ва Эрон Жанубий Кореяда ва Ливан билан ўз майдонида бир хил натижа кўрсатади деб тасавур қилсак, фарқни қисқартириш учун ягона умид Қатар бўлиб қолади. Яъни юқори айтганимдек, биз Қатар билан ўз майдонимизда, Эрон эса сафарда ўйнайди. Эрон Қатардан ютқазиши керак бўлиб қолади. Ўшандагина биз Эронни қувиб ўтишимиз мумкин. Агар Қатар – Эрон дуранг натижа билан тугадиган бўлса, у ҳолда регламентнинг 18-модда, 6-бандига кўра тўплар нисбати солиштирилади, бу ҳақида гапиришга ҳали эрта. Эрон Қатарда ғалаба қозонадиган бўлса, бугунги икки очколик фарқимизни “ёпишга” вақт ҳам, ўйин ҳам етмай қолади. Бунинг устига Эрон Жанубий Кореяга энг сўнгги турда сафар қилади. Катта эҳтимол, Жанубий Корея ўша пайтга келиб, учинчи ўриндан етарли фарққа олдинлаб кетгоан бўлиши мумкин. Натижада узоқ евромасумдан сўнг (июнь) корейслар легионерларни тинч қўйиши ва кучсизроқ таркиб билан майдонга тушиши ҳам мумкин, бу эса яна Эроннинг фойдасига ишлайди. Демак бугун Эрон бир ўқ билан икки қуённи урди. Ҳам муҳим уч очко эгасига айланди, ҳам Кореяни ҳозирча узоқ қўйиб юбормади. Яъни сўнггидан олдинги турда Ўзбекситонни қабул қиладиган Корея жанговор тарзда майдонга тушиши ва ўша ўйиндаги ғалаба орқали йўлланмани олиб, бир ҳафтадан кейин Эрон билан кучсизланган таркибда ўйнаши мумкин. Албатта, ўйша ўйинда мағлуб бўлмаслик имкониятимиз ҳам бор.

Учинчи вариант, агар бир ойдан кейин Эрон бизни ютадиган бўлса: У ҳолда орадаги фарқ беш очкога етади. Эрон ўз майдонида Ливанни ютиб, назарий фарқни 8 тага ҳам ошириб олиши мумкин, уч ўйинда бу фарқни йўққа чиқариш учун эса, биз барча ўйинни ғалаба қозонишимиз керак бўлади. Ўшанда ҳам бизда фақат назарий имконият қолади, сабаби Эроннинг яна Қатардаги ўйинини ҳам борлигини эсланг.

Бугунги турдан сўнг 2-ўрин учун асосий рақибимиз Эрон терма жамоаси экани ойдинлашди. Қатардан олдиндамиз, бунинг устига ўзаро ўйин Тошкентда ўтади. Ҳисоб китоб шарт эмас, уларни ортда қолдириш учун ўша ўйиннинг ўзи ҳам кифоя қилиш мумкин. Иккинчи даврани деярли сафарда ўтказадиган Ливанни эса ҳозирча ҳисобга қўшмай турамиз.

Шунақа гаплар. Ҳали Эрон Корея билан дуранг ўйнаб турганида кўтаринкилик билан бошланган мақолам, уларнинг ғалабасидан сўнг, бироз тушкунроқ кайфиятга алмашган бўлса, узр. Лекин мен ҳалиги сеҳрли сўзларни унутганим йўқ – қани, бир уриниб кўрмаймизми?

 

Киритилган сана: 16.10.2012 23:53. Ўкилди: 7136 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


UZBEKFAN
Сана: 18.10.2012 00:12. UZBEKFANга ёзиш
+0; -0
ALBARS Агар гапингиз хазил бўлмаса, унда аниқ МЮ ни кўчирма ўйини.

Ушбу фикрга жавобан


ALBARS
Сана: 17.10.2012 21:01. ALBARSга ёзиш
+0; -0
UZBEKFAN | 17.10.2012 13:57


Карлос Кейруш Фэргюссоннинг ёрдамчмси булгани учундирда..

Ушбу фикрга жавобан


UZBEKFAN
Сана: 17.10.2012 13:57. UZBEKFANга ёзиш
+0; -0
Эронни ўйини Манчестр Юнайтедникига ўхшаркан. Ё Фергюссон келиб ўргатиб кетяпдимикан?
Агар МЮ ютқазган ўйинларда рақиб тактикасини кўриб чиқишса мураббийлар яхши бўларди.
Кеча Эрон умуман ўйнамади лекин ютди. Вазиятни айёрона кутиб турди худди МЮ сингари.

Ушбу фикрга жавобан


FILOSOF
Сана: 17.10.2012 12:49. FILOSOFга ёзиш
+0; -0
Кечаги Катар устидан козонилган галаба Осие-11 даги Катар устидан галабадан мухимрок эканлигини инкор килмасангиз керак.Бизга бу ишончни Абрамов хам эмас,Косимов хам эмас ,уйинчиларимиз узларининг уйинлари билан бермокда.Аммо тренер керакли уйинчиларни жой-жойига куйиб, тугри тактика танлай олса булди.Кечаги Эронни уйинини куриб ,уларга омад кулиб бокаетганига амин буласизКечаги уйинда хам Эрон яхши уйнамади,аммо битта яхши хужум ,битта гол.Энди бизнинг вазифамиз Эронга ютказмасак булди .дуранг натижа хам бизга яхши шанс беради.Таквимга караб хисоб-китоб килишингиз мумкин.Факат катар уз майдонида Эронни ютиб бериши керак.

Ушбу фикрга жавобан


HEROLION
Сана: 17.10.2012 10:55. HEROLIONга ёзиш
+0; -0
ATSTEYKA | 17.10.2012 09:45
Ўчириш
0
Уйин охирида жаримадан гол утказиб ЖЧга бориш умидидан вактинча мосуво булганимизни хеч эслолмадимда. Качон шунака булганди?-------------------------------- ЖЧ 2002 саралашида Қатарда Қатарни 2:1 ютаётганимизда, Косимов урнига майдонга тушган Акопянц коидани бузган ва жаримадан гол утказганмиз. Ушанда галаба козонганимизда, плей-оффга чикишимиз мумкин эди..

Ушбу фикрга жавобан


FOREIGNER

Сана: 17.10.2012 10:19. FOREIGNERга ёзиш
+0; -0
Tahlilga gap yo'q! Meni fikrlarim Qahramon akaga yoqmasayam, 1 narsa yozib ketay... Eronnimi Koreyanimi Qatarnimi Livannimi uyidami mehmondami yutib kelsak biz o'zbeklar Jahon Chempionatiga bormaymiz, Jahon Chempionati o'zi yonimizga keladi, "Qani o'ynangchi endi" deb. Xullas, yaponlarga o'xshab faqat g'alaba deb maydonga tushish kerak! Shunda kim yutadi, kim yutqizadi, ahamiyati yo'q. Qahramon aka juda mantiqiy fikrlaydi. Qolgan jurnalistlar esa menga o'xshab fikrlaydi, yutamiz deb. Yutqizib qo'ysa, 3 kun hech narsa yemasdan, hammani asabini buzib yuradi)))

Ушбу фикрга жавобан


JASURKHUJAEV
Сана: 17.10.2012 10:01. JASURKHUJAEVга ёзиш
+0; -0
Манга ёккани кун жадвалида ёзилган ёзувлар. Приятно когда футболисты патриоты и едины. Олга за Родину. И спасибо вам ребята

Ушбу фикрга жавобан


ATSTEYKA
Сана: 17.10.2012 09:45. ATSTEYKAга ёзиш
+0; -0
Уйин охирида жаримадан гол утказиб ЖЧга бориш умидидан вактинча мосуво булганимизни хеч эслолмадимда. Качон шунака булганди?

Ушбу фикрга жавобан


USMONALI
Сана: 17.10.2012 03:17. USMONALIга ёзиш
+0; -0
Shu bola yomon ko'p gapiradida :) hazil. Lekin maqsad, siz aytganday hisob kitob aniqliklikni yoqtiradi.

Ушбу фикрга жавобан


ZIDANUZB
Сана: 17.10.2012 01:53. ZIDANUZBга ёзиш
+0; -0
eronni eronda yutamiz xudo xohlasa, toshkentda yutqazgan 3 achkomizni qaytarib olishimiz kk albatta, olg'a yigitlar, olg'a O'ZBEKISTON

Ушбу фикрга жавобан


FAMOUS
Сана: 17.10.2012 01:42. FAMOUSга ёзиш
+0; -0
Челси хакидаги ухшатмага кушиламан. Битта урволиб, сразу автобусга чикволяпмиз. Иномаркаларда хам юриш насиб килсин.

Ушбу фикрга жавобан


FAMOUS
Сана: 17.10.2012 01:39. FAMOUSга ёзиш
+0; -0
Майли, пессимист хисобланг, лекин манимча биринчи ва иккинчи уринларни эгаллай олишимизга ишонмаяпман. Иккинчи даврада якунида хам жадвал шунака куриниш олса керак. Чунки хар саралаш боскичда шунака умид, ишонч ва илинж билан юрардикда, натижада эса...
Илохим, бундай эмас, керакли натижага эришайлик. Ёкимли иштаха йигитлар!

Ушбу фикрга жавобан


PATOJON
Сана: 17.10.2012 00:42. PATOJONга ёзиш
+0; -0
Nafaqat ERON,KOREA ni ham yutamiz XUDO xoxlasa.OLG'A O'ZBEGIM "OQ-BO'RILARI"

Ушбу фикрга жавобан


FUTBOLVATANI
Сана: 17.10.2012 00:27. FUTBOLVATANIга ёзиш
+0; -0
Eroni nima qilib bosay yutishimiz kerak qosimovni eng yuqori choqiga olib chiqadigon sinaydigon oyinlar mana endi.boshlandi koz tegmasin qosimov oz ishini ajoyib olib bormoqda

Ушбу фикрга жавобан


SUNSHINE
Сана: 17.10.2012 00:23. SUNSHINEга ёзиш
+0; -0
Albatta urinib ko'rishadi.Yutamiz Hudo hohlasa.Kayfiyatni tushirish yo'q.

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.