Кириш Регистрация
22/10 15:00 Қўқон-1912 2-4 Пахтакор
22/10 18:00 АГМК 3-0 Динамо
22/10 21:55 Шахтёр 2-2 Динамо Загреб
22/10 21:55 Атлетико 1-0 Байер
22/10 23:59 Галатасарой 0-1 Реал Мадрид
22/10 23:59 Брюгге 0-5 ПСЖ
22/10 23:59 Олимпиакос 2-3 Бавария
22/10 23:59 Тоттенҳэм 5-0 Црвена Звезда
22/10 23:59 Манчестер Сити 5-1 Аталанта
22/10 23:59 Ювентус 2-1 Локомотив
23/10 21:55 Лейпциг - Зенит
23/10 21:55 Аякс - Челси
23/10 23:59 Зальцбург - Наполи
23/10 23:59 Генк - Ливерпуль
23/10 23:59 Интер - Боруссия Д
23/10 23:59 Славия - Барселона
23/10 23:59 Бенфика - Лион
23/10 23:59 Лилл - Валенсия

Блог

Қаҳрамон Асланов

25-кадр

Қутулдик...

Баҳо:
+6; -0

Қутулдик! Ниҳоят энди бу жамоага мухлислик қилмаймиз. Агар футболга бўлган муносабатимизни асаб бирликларида ўлчасак, мана шу бойлигимизни камайтириб турадиган битта жамоа энди йўқ. Бошқа бўлмайди. Хайрият. Бир пайтлар ўша Хитой билан ўйинда бизни суюклиларимизга айланган, укаларимиздек яхши кўрган, Тошкентдаям ўйнашсин, қўллаб қувватлайлик, деб талаб қилиб, чарчамаган жамоа билан хайрлашиб, бу қадар енгил тин олишимни кутмагандим. Афсус.

Агар кимнидир яхши кўрмоқчи бўлсам, укамни, қўшнимни, сизни яхши кўришим мумкин. Лекин тўрт метрдаги шеригига тўпни аниқ ошириб бера олмайдиган, дарвоза қаердалигини тўқсон минут эслаб ҳам қўймайдиган, югурганда худди шамолга қарши югураётгандек тасаввур уйғотадиган “кантера”ни яхши кўришга мажбурманми? Йўқ, албатта. Ҳа-я, уларнинг руҳиятига таъсир қилиб қўймайлик, тўғрими? Нега энди, масалан, мен ўз ишимда хато қилсам, бошлиғим руҳиятимни ҳисобга олмай уришаверади? Ишлашяптими? Ишлашсин.

Аслини олганда Лондонга бора олмаслик воқеаси мени унчалик хафа қилгани йўқ. Рости. Барибир Сенегалга ҳам ютқазиб қўйишимиз мумкин эди. Лондондаям “бир балони“ кўришимиз эҳтимол эди. Гап унда эмас. Илгари сизга айтгандимми, йўқми, билмадим-у, хуллас, мен ёш терма жамоаларга нисбатан бироз бошқача ёндошаман. Умуман Европада ҳам олимпиада терма жамоаси деган тушунча йўқ. Салкам икки йил олдин улар Лондон йўлланмасини ҳал қилиб қўйишган, (ёшлар ўртасидаги Европа чемпионатида) уёғига на таркиб аниқ, на услуб. Кимлар у ерда ўйнаши ҳам унча аниқ бўлмайди. Футболчилар клубларда ўйнашда давом этишади, вазиятга қараб таркиб аниқланади. Умуман Олимпиада мамлакат футболи нуфузини у қадар ошириб ташлайдиган, жамоалар уни ютиш учун борини берадиган турнир эмас. Шунчаки, ярмарка холос. Нигерия финалга чиқиб юрадиган мусобақа. Мен шунақа ҳисоблайман. Аммо олимпиадани биз каби жамоаларга фойдаси катта. Ўзимизни намойиш қиламиз. Футболчилар ўзларини реклама қиладилар. Терма жамоага муносиб номзод бўлиб тажриба йиғадилар. Шу.

Мана шу жиҳатдан, мен ОТЖ да кўпроқ индивидуаллар бўлишини кўпроқ истардим. Бир пайтлар Убайдуллаев ҳимоя деявериб истеъдодларни буғиб ташлаганди, Абрамов жамоани ерга кўмиб қўя қолди. Натижадан қатъий назар, таркибимизда қайсидир футболчилар порласа, ҳайрон қолдирса, келажакка умид баҳш этса, терма жамоага кириб борса, мана шунинг ўзи мана шу жамоанинг миссияси бажарилганини билдирар эди. Мен ОТЖ миссияси деганда таблода ярқираб турган 0:2 га нисбатан эмас, майдонда шалвираб юрган 15 та футболчига баҳо бераман ва ўйланиб ҳам ўтирмасдан, “миссия бажарилмади” дейман. Ҳеч ким аксини исботлай олмайди. Айнан бугун.

Бутун мағлубиятни футболчиларга ағдариш ниятим йўқ. Абрамов масалан, бугунги ўйинга нотўғри тактика танлади, демоқчи эмасман. Тактика фақат қоғозда бўлмайди, қўшимча тарзда футболчиларнинг ижро маҳорати ва мураббийнинг мана шу ижро маҳоратининг қай даражада эканидан хабардор бўлиши муҳим рол ўйнайди. Мана шу тарафдан мураббий ҳам мана шу футболчиларга жуда мос. Футболчиларимиз қанчалик нўноқлик билан тўпни назорат қилган бўлсалар, Абрамов худди шунчалик нўноқлик билан жамоани бошқарди. Мана шу мини турнир давомида.

Футболчи мураббий айтганини бажара олиши, ижро этиб бериши керак. Бу жуда муҳим. Ўз навбатида, мураббий ҳам футболчилар баража оладиган кўрсатмаларни бериши керак. бу унданам муҳим. Хўш, нега ОТЖ бу қадар ўзгариб қолди. Қачон ўзгариб қолди? Ҳаммаси яхши эди-ку.

Зафар Имомхўжаевнинг гапига тўлиқ қўшиламан. Футболчилар жисмонан тайёр эмасдилар. Биз ўйнашни билмадик. Сабаб, кетма-кет йиғинларда футболчиларимиз клублардан ажратиб олинганлиги. Бу борада жуда кўп панд еганмиз. Масалан...

Мана шу ерда, терма жамоалар мураббийларининг асосий вазифаси нимада, деган саволга жавоб бериш керак. Вазифа шундан иборатки, турли футболчилар ичидан таркибни аниқлаш ва маълум ўйинларга тайёрлаш. Қандай? Масалан, футболчиларнинг клублардаги спорт формаси назорат қилиб борилади ва алоҳида ўйин учун керакли тактика, схемалар ишлаб чиқарилади. Вазифалар футболчиларга бўлиб берилади. Яъни терма жамоа мураббийининг вазифаси маълум учрашув ёки турнир учун жамоа таркибини аниқлаш, маълум учрашув учун тактика ишлаб чиқиш, футболчиларга вазифани тақсимлаб бериш ва бошқаришдир. Уларнинг жисмоний ҳолати, спорт формаси, техникаси бобида терма жамоа умуман масъул эмас. Абрамовнинг масъулияти, ўша спорт формаси йўқ футболчидан воз кечиш, мосроғини топиш. Шу холос. Лекин стоп...

Абрамов мана шу масъулиятдан ортиғига даъво қилди ва таъзири еди. Кузда олимпиячиларимиз нисбатан кучлироқ ўйин кўрсатишган, эсингиздами? Сабаби, ўша пайтларда миллий чемпионатимиз қизғин паллада эди. ОТЖ га номзод бўлган деярли барча футболчилар ўз клубларида етакчилар сафида эдилар. Пиримов, Рахматуллаев ва Зотеев “Олмалиқ”да, Мусаев “Машъал”да, Исматуллаев ва Абдуҳолиқов “Пахтакор”да Иброҳимов “Бунёдкор”да, Тўхтахўжаев “Нефтчи”да деярли ҳар бир ўйинда майдонга тушаётгандилар. Абрамовга осон бўлган, тайёр, юқори спорт формасидаги ўйинчиларни маълум схема ва вазифа йўналишига тушириб олиш қийин эмас. Аммо турнир жиддий паллага киргач, йиғинлар кўпая борди. Ҳатто клублар номзод футболчиларни ойлаб кўрмай қўйишди. Оқибат нима бўлди? Ёшларни кўпроқ майдонга тушириб, терма жамоаларимизга тайёрлаб берган клублар энг катта жабрни кўришди. Муҳим паллаларда муҳим футболчилардан айрилиб қолаверишди. Тизим йўқ. Манфаатларни ҳимоя қилиш НОЛЬ!

Нима бўлади? Масалан, ОТЖ Австралия билан ўйнаш керак. Абрамов ЎФФ га айтадики, Австралияни енгишимиз шарт, йиғин керак, деб. Кейин ўша клуб айтади – “биз мавсумга тайёргарлик кўряпмиз, бизга бу футболчи ҳозир зарур, мавсум бошига оптимал ҳолатга келишимиз керак” деб. Энди бир таҳмин қилингчи, жавоб қандай бўлади? “Эҳ сиз клубингизни қўя туринг, бу ерда миллатимиз тақдири ҳал бўляпти, Австралия билан ўйин муҳимроқ” дейилади. Муҳимлиги рост, лекин ўша ўйинга айнан шу тарзда ёндошиш кераклиги балки нотўғридир? Клуб ўша футболчидан воз кечади-да, ўша позицияга бошқа номзод излайди. Йўқ, битта позицияга рақобат бўлса, жамоа кучайиши ҳақидаги эртак эмас бу. Мурабий мажбурликдан қилади ва аксарият ҳолларда, ўша янгини, термага кетиб қолмайдиганини танлайди. Тамом. Бу мавзу тугади.

Энди бугун қўлимизда нима бор? Деярли ҳаммаси ўз клубларидан бироз четда қолган футболчилар йиғиндиси. Ху бир мажлисни яхши эслайман. Терма жамоа маркази раҳбарлари Рустам Акрамов ва Асқар Толибжонов қатнашганди. Терма жамоалар илмий маркази ишга тушганлиги ҳақида гапиришганди. Айтишларича, бу ташкилот термаларимизга номзод ўйинчиларни назорат қилиб бориш, керак бўлса, клуб мураббийлари билан боғланиб қўшимча машғулотлар татбиқ этиш орқали, футболчиларни спорт формаларини юксалтириб бориш ҳақида баландпарвоз гаплар айтилганди. Хўш, ўртоқ, ўша ишлар нима бўляпти? Ну как дела, профессор? Ҳа-я, сўраб нима қилдим, ўзим кўрдим-ку, бугун.

Терма жамоалар маркази осон йўлдан бориб қўя қолди. Футболчиларни клубларда назорат қилиб ўтирамизми, деб ўзларига йиғиб олдилар ва бутун қиш айлантириб юрдилар. Нега талабга жавоб берилмаяпти? Савол клубларга эмас, албатта, айнан терма жамоа марказига, мураббийлар штабига, тўғрими? Юқорида айтганимдек, бу биринчи ҳолат эмас. Убайдуллаев пайтида ҳам, мана шундай йиғинлар туфайли, оқибатда футболчилар бир-бирларидан зерикиш даражасига келгандилар ва Осиё ўйинларида умуман иштиёқсиз бир термани кўргандик. Ахир футболчини ўйинга тайёрлаб борадиган асосий омил расмий ўйинлар тонуси эканини наҳотки билмасангиз? Ойлаб машғулот ўтказилса ҳам, расмий ўйинлар орқали футболчи мавсумга кўника бормас экан, ҳеч қачон ҳам жисмонан, ҳам руҳан тайёр бўлмайди ўйинга. Тўғри, ОТЖ ҳам клублардан кўпроқ расмий ўйинларда майдонга тушди. Лекин бу ўйинларнинг ҳаммаси катат босим остида бўлди, деярли ҳар бир ўйинда биз ғалаба қозонишга, тўп киритишга маҳкум эдик. Ниманинг ҳисобига?

Мен жамоаларимиз мухлисиман. Сўнгги пайтгача, ғалабага ишонганим рост. Кеча ишониб, бугун ютқазишса, танқид қилиб ўтиришни истамайман. Гап умуман Лондондан қуруқ қолганимизда эмас. Энг ёмони, бугун майдонга кўрганимиз – цирк. Хатолар цирки. Энг даҳшатлиси, наҳотки биз келажагимизни кўрдик? Шу марказ, шу мураббийлар, шу футболчилар бўлади-ку, кейин ҳам. Ёруғлик? Қоп қоронғу туннелнинг охирида ярқираб турган ва ҳаммасизни ўзига жалб қилган ёруғлик аслида қарши поезднинг чироқлари экан. Чавақлаб кетди. 

Киритилган сана: 29.03.2012 19:46. Ўкилди: 6260 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


KUCHLI
Сана: 30.03.2012 16:25. KUCHLIга ёзиш
+0; -0
KUCHLI танкиднинг олдинрок жарангламаганини сабаби - унда хаммаси жойида эди. Натижалар ва уйинни айтяпман. Бизда бошка яна нима бор тахлил килиш учун? Кейин гап факат кечаги уйинда хам эмас, мана шу блогдаги бошка маколаларниям бир бошдан укиб чикишингизни маслахат берардим. Иккинчидан, агар уша футболчилар клубларда булиб, мана шу ахволдаги уйин курсатишганда, клублари айблаган булардик, тайёргарлик бумаганини айтардик. Бу табиий холку.
////////////////////////
Туғри фикр билдирибсиз! Лекин "Иккинчидан, агар уша футболчилар клубларда булиб, мана шу ахволдаги уйин курсатишганда, клублари айблаган булардик, тайёргарлик бумаганини айтардик. Бу табиий холку." Унда ташаббус уладику. Ташабус курсатиб сал ўхшамай колса "Ковламасдан кўмаверсак". Нега нима қилиш керак деган фикрлар жарангламайди????

Ушбу фикрга жавобан


HEROLION
Сана: 30.03.2012 12:01. HEROLIONга ёзиш
+0; -0
KUCHLI
танкиднинг олдинрок жарангламаганини сабаби - унда хаммаси жойида эди. Натижалар ва уйинни айтяпман. Бизда бошка яна нима бор тахлил килиш учун? Кейин гап факат кечаги уйинда хам эмас, мана шу блогдаги бошка маколаларниям бир бошдан укиб чикишингизни маслахат берардим. Иккинчидан, агар уша футболчилар клубларда булиб, мана шу ахволдаги уйин курсатишганда, клублари айблаган булардик, тайёргарлик бумаганини айтардик. Бу табиий холку.

Ушбу фикрга жавобан


PLANUS
Сана: 30.03.2012 10:05. PLANUSга ёзиш
+1; -0
ута пессимистик ёзилган макола, афсус бугунги пессимистик карашларимиз айнан прагматик карашлар билан тугри келиб утирибди.
не булганда хам жуда калбларимиз уксиди, асабларимиз тамом булган экан колмабди яна бузилиш учун асабдан асар хам.
хакикатда умид килгандим бирор кимни Лондонга колдириб келишни.
тугри тахлил килинибди, асосли ва мантикий, демак барибир ички чемпионатимизга катта ургу беришимиз шарт экан

Ушбу фикрга жавобан


ELIVERPOOL
Сана: 30.03.2012 09:22. ELIVERPOOLга ёзиш
+0; -0
Butun muxlislar wuni istaydiki, manawu maqolani uff ga etkazinglar. Agar mo'ylovni Mtj dan olib tawlamasak jch xam bizga armon bo'ladi.

Ушбу фикрга жавобан


KUCHLI
Сана: 30.03.2012 09:15. KUCHLIга ёзиш
+0; -0
Лондон музқаймоғи текинга тушди!!!
Қаҳрамон Асланов мақолсини ўқиб чиқдим. Яхши чиқибди, анча ҳиссиётларга бой тарзда ёзилибди. Шунингдек, ижод шундай қуюлиб келганлигини ҳам аён бўлади.
Табиатда бир қонун бор бу қонун миллионлаб йилдан буён ўзгармасдан давом этмоқда ва бундан кейин ҳам ўзгармасдан қолаверади. Одатда баҳор мавсумида савр гумбурлаб, чақмоқ чаққандан кейин атрофда қўзиқоринлар анча кўпайиб қолади. Лекин савр ва момақалдироқсиз қўзиқорин уруғи униб чиқишига табиий муҳит етишмас экан.
Зийрак юзерлар савр ва момақалдирқ деган гаплардан кейин гап қайси томонга бораётганини англаган бўлсалар керак менимча.
Кеча футболимизнинг бир "бурчаги"да (балки марказ атрофларида) ана шу "момакалдироқ" гумбурлади. Натижада буни қарангки, ҳамма ақлли, доно, ичида ётган аламларини бирданига очиб сочиб қолишди. Тўғрида, бу уруғлар юзага чиқиши учун савр зурур эди-ку.
Танқид бу тараққиётнинг омили. Танқидсиз юксалиш йўқлиги кўпчиликка аён. Лекин бундай фикрлар нега олдинроқ жарангламагани жуда ажабланарли. ОТЖ Сурия билан бўлган ўйинда ҳам шу даражадан ортиқ ўйин кўрсата олмагандик-ку. Нега энди бу пайтда бирор бир ақлли гаплар гапирилмаган эди?
Ҳақли савол тўғилади. Қачон ОТЖ бирор бир жамоа устидан яққол ғалабага эришган. Австралия биланми? Ироқ биланми? БАА биландир балки? нега ўша ўйинлардан кейин танқидий фикрлар билдирилмаган эди?
Тассавур қилинг кеча пеналтида ОТЖ дарвозабони қайтарди. Кейин худди шу ўйинимиз билан 0-0 ҳисобини сақлаб қолдик ҳам дейлик. Бу мақола ёзилармиди? Асло йўқ.
Одатда доим шундай ўйлайман агар мақташ ва юксакларга кўтариб ташлаш учун жаҳон чемпионати ўтказилса сўзсиз ўзбеклар биринчи ўринни қўлга киритишади. Мақталаётган одам ҳам ўша гапларни эшитиб наҳотки мен шундай бўлсам деган ҳайратда қотиб қолади. МТЖ Японияни 0-1 га ўз уйида мағлуб этди. Абрамовни осмонларга чиқариб қўйдик. uff.uz сайти юзерларининг айримлари "Абрамов муйловидан упгилари" ҳам келди. Абрамовчилар ва Антиабрамовчилар пайдо бўлди.
Асланов мақоласидан ҳавола келтираман "Убайдуллаев пайтида ҳам, мана шундай йиғинлар туфайли, оқибатда футболчилар бир-бирларидан зерикиш даражасига келгандилар ва Осиё ўйинларида умуман иштиёқсиз бир термани кўргандик. Ахир футболчини ўйинга тайёрлаб борадиган асосий омил расмий ўйинлар тонуси эканини наҳотки билмасангиз? Ойлаб машғулот ўтказилса ҳам, расмий ўйинлар орқали футболчи мавсумга кўника бормас экан, ҳеч қачон ҳам жисмонан, ҳам руҳан тайёр бўлмайди ўйинга" бизда мавсум тугаган бўса клубларда қандай расмий учрашувлар ўтказилсин? Иккинчидан, Агар Абрамоқ ОТЖ аъзоларини клубларга бериб қўйгандаям худди шу оқибат бўлганда бундан-да қаттиқрок танқид қилиб ташлар эдик. Футболчилар бир бирларини яхши тушунмайди... деган гаплар.
Абрамов ОТЖсига бош мураббий этиб тайинланганда журналистларимиз кукларга кўтаришганда МТЖ ва ОТЖ ўртасида узвйи боғлиқлик бўлади... яна шундай гаплар.
Сўнги пайтларда эътибор қиляпман Абрамовда кучли толиқиш бор руҳий ва жисмоний. Сабаби оддий унга жуда катта юк бор МТЖ ни жаҳон чемпионатига олиб чиқиш ва ОТЖсиини Лондонга олиб бориш. Лондон музқаймоғи текинга тушадиган бўлди. Буни олдинроқ ҳам билар эдик. Лекин кўпчилик Сенегал билан ўйинни кутди. Сабаби оддий Британияда ОТЖ ҳеч бўлмаганда Олимпия ўйинларида эмас. Сенегал билан ўйинда музқаймоқни татиб кўрадику. Ҳамма биларди Сенегални юта олмаслигимизни.
Жуда кўп гапирилди футболчилар руҳий ҳолати ҳақида. Ниҳоят шундай хулосага келинди. Абрамов ОТЖ руҳий ҳолатини тиклай олмаган. Балки шундайдир. Лекин Абрамовнинг ўзининг руҳий ҳолати қандай экан? Тасаввур қиламан. Ҳар куни футболчиларга 10000 марта айтилади "Сизларни 30млн. аҳоли кутиб турибди", "биз ҳаммадан кучлимиз" яна бир шунга ухшаган гаплар. Лекин бу гаплардан футболчиларга таъсир этиб бўлмайди. Рухиятни футболчи ўзини ўзи ташкил эта олмайди. Қуруқ гап билан эришиб бўлмайди. Уни таъсирли чораларини топиш керак. Лекин қандай очиги ўзим ҳам унча билмайман. Ҳамма гап эса ана шу билмаслигимизда.
Абрамовни МТЖда ҳам ОТЖда ҳам қийнаган 2-3 та муаммолар гирдобида юрганини ҳаммамиз биламиз.
1. Ҳимоя чизиги.
2. ОТЖда стандарт вазиятдан фойдаланиш даражаси -0 га тенг. Факат тасодифий бир ярим голни олмаса жарима тўплари умуман самарасиз.
3. ...
Жуда кўп танқидий фикрларни ёзиш мумкин. Лекин муаммо бор экан уни қандай ҳал этишни ҳам ёзиш керакдур балки. Мақола фақат ўз аламларини билдирадиган восита эмасдур?
"Терма жамоалар илмий маркази ишга тушганлиги ҳақида гапиришганди. Айтишларича, бу ташкилот термаларимизга номзод ўйинчиларни назорат қилиб бориш, керак бўлса, клуб мураббийлари билан боғланиб қўшимча машғулотлар татбиқ этиш орқали, футболчиларни спорт формаларини юксалтириб бориш ҳақида баландпарвоз гаплар айтилганди. Хўш, ўртоқ, ўша ишлар нима бўляпти? Ну как дела, профессор? Ҳа-я, сўраб нима қилдим, ўзим кўрдим-ку, бугун". Илмий марказ фаолиятини яхшилаш учун реал таклифлар жаранглавериши керакдир балки?
Нега жамоа ғалабага эришганда уни осмонга чиқариб ташлаб жарга қўлаганда уни чуқур қазиб утирмасдан тупроқ тортиш ҳам балки нотуғридир?
Хуллас, саволлар кўп жавоблар ҳам бор. Лекин 2Х2=4 бўладиган жавоблар йўқ. кимдадир жавоби 3 кимдадир 5 чиқаверади. Лекин ҳамма ўз жавобининг 10000% тўғри деб билиши жуда ачинарли.

Ушбу фикрга жавобан


GOALLER
Сана: 30.03.2012 08:59. GOALLERга ёзиш
+1; -0
"Хўш, ўртоқ, ўша ишлар нима бўляпти? Ну как дела, профессор?"- shu maqolani o'sha o'rtoqlarni pochtasiga yuborgan bo'lardim, yoki matbuotda e'lon qilish kerakmi...Lekin bir narsa qilish kerak, o'rtoqlar, qachongacha qarsak chalib qolaveramiz!??

Ушбу фикрга жавобан


YAHYOHON
Сана: 30.03.2012 08:40. YAHYOHONга ёзиш
+0; -0
Б.Абдулла ушбу муаммони кутариб чикканди, айби факат В.Абрамовни айбдор килганди, лекин мухими ушбу муаммо кутарилган эди, Биз мухлислар хам йигиштир турва-халтангни дедик, Пахтакор мухлислари хам шундан нолигандек булганди, уларга Пахтакорин нима килиб берди дедик,___________________________ ушбу мавзуга доир булмаса хам Исломни мусорга ташлаб юбораверинглар, рахматли яхши бола эди,

Ушбу фикрга жавобан


JANUB
Сана: 30.03.2012 06:55. JANUBга ёзиш
+0; -0
нахотки имкониятимиз колмади, яхшилаб текшириб куринглар балки Уммон таркибида дисквалификация килинган уйинчилар бордир, э йук керакмас яна бошогрик кимга керак кутулганимиз рост булсин

Ушбу фикрга жавобан


NEYMAR
Сана: 30.03.2012 05:25. NEYMARга ёзиш
+0; -0
Maqola yaxwi 4iqibdi.Olimpia(endi sobiq)terma jamoamiz juda t6g'ri tanqid qilingan.

Ушбу фикрга жавобан


FATHQUQON
Сана: 30.03.2012 01:46. FATHQUQONга ёзиш
+1; -0
Уйланиб етиб бир фикр килиб колди. Айникса охирги 2 та уйинда болларни уйнагиси келмай кузлаои енмай уйнади. Тепадан командани олдига куйилган вазифа узгартирилдими еки.. Кандайдур муаммо бор-да.Уйкуям келмаяпди аксига олиб.

Ушбу фикрга жавобан


FATHQUQON
Сана: 30.03.2012 01:21. FATHQUQONга ёзиш
+0; -0
МОВITEL Туенани ахволини курдизу.Туйдиям расмиятчилик килиб одам куриб мазза кимайдиган килиб утказиб юборса керак да.

Ушбу фикрга жавобан


MOBITEL
Сана: 30.03.2012 00:29. MOBITELга ёзиш
+0; -0
энди 100 йиллик туйимиз нима булади?

Ушбу фикрга жавобан


FATHQUQON
Сана: 30.03.2012 00:09. FATHQUQONга ёзиш
+0; -0
Чаваклаб эмас сочиб ташадиям деявиринг Кахрамон.Кайфият - 0 .ЭХхх. Майли соглигимизга зарар тегиб колмасин эсдан чикариш керак.

Ушбу фикрга жавобан


UZBARS
Сана: 29.03.2012 23:26. UZBARSга ёзиш
+0; -0
o'lmas iqtibos
"borimiz shu" (Rauf Inileev)

Ушбу фикрга жавобан


UZBARS
Сана: 29.03.2012 23:20. UZBARSга ёзиш
+0; -0
no comments
the article is perfect

Ушбу фикрга жавобан


MUNIS
Сана: 29.03.2012 23:13. MUNISга ёзиш
+0; -0
макола 'аналгин' вазифасини бажарди.билмадим маглубиятдан кейин шундай бошогрикларни колдирмасак хам бумайдида яхши макола

Ушбу фикрга жавобан


SNICKERS
Сана: 29.03.2012 22:57. SNICKERSга ёзиш
+-1; -0
Вей,хакикатдан хам Абрмовпарастларга салом йуллайверишдан вактинча кутилибман)))

Ушбу фикрга жавобан


BARCELONA
Сана: 29.03.2012 22:34. BARCELONAга ёзиш
+0; -0
Имомхужаев уйинни чиройли шархлади!

Ушбу фикрга жавобан


BARCELONA
Сана: 29.03.2012 22:14. BARCELONAга ёзиш
+-1; -0
Хўш, ўртоқ, ўша ишлар нима бўляпти? Ну как дела, профессор? Ҳа-я, сўраб нима қилдим, ўзим кўрдим-ку, бугун.
_______________
Вахахахах!!!))) гап йук! (гап Акрамов хакида кетвотти)

Ушбу фикрга жавобан


STRATEGUZ
Сана: 29.03.2012 21:56. STRATEGUZга ёзиш
+0; -0
Узр куя аммо, Кахрамон ака сиззи нуктаи назариззи ман тушундим. Мани танкидим бу
АTSTEYKA | 29.03.2012 21:19 мулохазасига каратилган эди.

Ушбу фикрга жавобан


STRATEGUZ
Сана: 29.03.2012 21:54. STRATEGUZга ёзиш
+0; -0
Умуман хурматли фанатлар сездинглами йукми аммо лекин Абрамовнинг барча жамоаларида ахмокона голларни урдириб куйиш одати мавжуд. Бу нимадан дарак, манимча химоявий "итальянча" уйин курсатишга унинг барча жамоалари кодир эмаслар.

Ушбу фикрга жавобан


HEROLION
Сана: 29.03.2012 21:51. HEROLIONга ёзиш
+0; -0
STRATEGUZ
шахсан ман учун кизикмас, дедим. Олимпиадага чика олмаганимиздан эмас, ОТЖ шу даражада кучсиз эканидан хафа булса арзийди

Ушбу фикрга жавобан


STRATEGUZ
Сана: 29.03.2012 21:48. STRATEGUZга ёзиш
+0; -0
Испаниячи, Буюк-Британия, Бразилия, Уругвай ОТЖларичи? Улагаям кизиги йукми? Энди ичолмаган катикни пуф сасик дейиш умуман мантикка зид.

Ушбу фикрга жавобан


JORESMA
Сана: 29.03.2012 21:36. JORESMAга ёзиш
+0; -0
ABBOSBEK
--------
xo`o`sh kim ekan Le Guen? anuu Kamerunni jahon 4empionatida warmanda qigan Le Guenmi?

Ушбу фикрга жавобан


ABBOSBEK
Сана: 29.03.2012 21:34. ABBOSBEKга ёзиш
+0; -0
TURONIY | 29.03.2012 21:03 0 2 kemaning rulida... Lekin, Pol
Le Guen ham 2 kemaning rulini
muvaffaqiyatli bajarmoqda,
hozircha.

Gapiz to'g'riku lekin...
Abramov kimu Leguen kim.
Lionni boshqargan odam bilan Lokoni boshqarganni farqi borligi bugun juda bilindi.

Ушбу фикрга жавобан


BALAGUR
Сана: 29.03.2012 21:22. BALAGURга ёзиш
+2; -0
Жаноб Абрамов ТОшкнетга кайтганларидан кейин пресс конференция килади.
Бу пресс конференцияга журналистларимиз егилишади.
Ана уша пайт саволларни эшитамиз.
Хамма бирданига баликга айланиб колади ва 3 тийинга киммат савол беришга бошлайди. Нимага унака экан а?

Ушбу фикрга жавобан


ATSTEYKA
Сана: 29.03.2012 21:19. ATSTEYKAга ёзиш
+0; -0
Олимпиадани футбол мусобакасини умуман нуфузи йук деган гапларга мен хам 100 фоиз кушиламан. Айникса европани кучли футбол державалари бу мусобакага унчалик эътибор бермаслиги олимпиадани футболини обрусини баттар тушириб юбораяпти. Бу сафар хам европадаги кучли давлатлар колиб Швейцария, Беларус каби уртамиеналар йулланмани кулга киритган.

Ушбу фикрга жавобан


BALAGUR
Сана: 29.03.2012 21:19. BALAGURга ёзиш
+0; -0
Уртоклар нима учун фикримни учирдингиз.
У фикрда факат макола муалифини кулладим холс.
Намунча цензура бунак акатъий булмаса?

Ушбу фикрга жавобан


JORESMA
Сана: 29.03.2012 21:18. JORESMAга ёзиш
+0; -0
nima deyiwga ham hayronman? manim4a, 4etdan kuchli psixolog olib keliw kerak, bugun uyin4ilani maydonga 4iqib kelayotganiga e`tibor bergan bo`lsangiz, bu o`yinda xuddi arablarni durrang qoniqtiradiganday quvnoq(Suriyadan oxirgi minutda gol utkazib yuborilganiga qaramay), bizni uyin4ilar esa qandaydir bosim ostida 4iqiwdi, Rahmatullayev esa 4ekib 4iqqanligi bilinib turgandi, uyindayam garanga uxwab yurganidan bilsa buladi.

Ушбу фикрга жавобан


ALMUNIYA
Сана: 29.03.2012 21:15. ALMUNIYAга ёзиш
+0; -0
хози битта мурабий эмас кахрамон айтгандакка уфф терма жамолар билан ишлаш маркази ва уйинчилар сабабчи!

Ушбу фикрга жавобан


GENTLEMAN
Сана: 29.03.2012 21:13. GENTLEMANга ёзиш
+0; -0
bravissimo!!! xuddi shunday maqolani milliy terma jamoamiz uchun ham tayyorlab quyavering, hammasi doimgidek buladi...faqat balandparvoz gaplar...gruppada 4 urin ili 5 urin uzbekistonniki, achchiq haqiqat...qani edi gaplarim yolgon bulsa ..

Ушбу фикрга жавобан


GENTLEMAN
Сана: 29.03.2012 21:13. GENTLEMANга ёзиш
+0; -0
bravissimo!!! xuddi shunday maqolani milliy terma jamoamiz uchun ham tayyorlab quyavering, hammasi doimgidek buladi...faqat balandparvoz gaplar...gruppada 4 urin ili 5 urin uzbekistonniki, achchiq haqiqat...qani edi gaplarim yolgon bulsa ..

Ушбу фикрга жавобан


GENTLEMAN
Сана: 29.03.2012 21:13. GENTLEMANга ёзиш
+0; -0
bravissimo!!! xuddi shunday maqolani milliy terma jamoamiz uchun ham tayyorlab quyavering, hammasi doimgidek buladi...faqat balandparvoz gaplar...gruppada 4 urin ili 5 urin uzbekistonniki, achchiq haqiqat...qani edi gaplarim yolgon bulsa ..

Ушбу фикрга жавобан


IBRAKADABRA
Сана: 29.03.2012 21:10. IBRAKADABRAга ёзиш
+0; -0
Балагур: бирони нимани кушимча килиб езаверинг ака. Роса кизиган пайти. :)

Ушбу фикрга жавобан


MANCHESYU
Сана: 29.03.2012 21:07. MANCHESYUга ёзиш
+1; -0
макола яхши лекин якинда Р. Инилиевга ''узбекистон футболни 100 йиллик туйига энг машхур футбол инсони,, деган инвон бериш к.к БОРИМИЗ ШУ

Ушбу фикрга жавобан


ALMUNIYA
Сана: 29.03.2012 21:06. ALMUNIYAга ёзиш
+0; -0
4 саралаш боскичида хам шундай булади... охирида самалётдан туширворишади.. ушанда абрам тошкент масква самалётига чикиб булган булади.. тугрида соккани килиб булиб кейин нима бор унга бетта!

Ушбу фикрга жавобан


IBRAKADABRA
Сана: 29.03.2012 21:06. IBRAKADABRAга ёзиш
+0; -0
Икки кемани бошини ушласа чукади. Нима,битта кема чукмайдими? Бир ук билан икки куенни уриб булмайди. Агар иккиси бир жойда турсачи?...

Ушбу фикрга жавобан


BOBBMK
Сана: 29.03.2012 21:06. BOBBMKга ёзиш
+0; -0
Man chiqib ketganimizdan xursandman! 1-sababi bunaqa o'yin bilan bilmadim, NO COMMENT
2-sababi Abramovi 2ta termani boshqarishiga oldindan qarshidim. Xop olimpiadaga chiqdikam diylu. Uyog'iga Abramov qaysi biriga qaridi. Olimpiadaga tayillanadimi yoki JCHgami. Endi Abramov bor e'tiborini termaga qaratishga majbur wunisigayam wukr :)

O'zi Abramov termada qovottimi :D

Ушбу фикрга жавобан


NASAFIYA
Сана: 29.03.2012 21:05. NASAFIYAга ёзиш
+0; -0
TURONIY
Eng katta sirk - bu jamiyatning o'zi.

100 % qushilaman

Ушбу фикрга жавобан


MUXLIS
Сана: 29.03.2012 21:05. MUXLISга ёзиш
+1; -0
Кутулдик, Кенжани башарасини куравериб безор булиб кетгандик

Ушбу фикрга жавобан


ALMUNIYA
Сана: 29.03.2012 21:04. ALMUNIYAга ёзиш
+2; -0
энг асосийси кутилдик! мен ишонмагандим олдиндан. лекин шу ватаним учун узимни мажбурлагандим(шу турнирда)ишонишга. мана курдик канака иштиёк билан уйнаганини Имомхужаев тугри айтти козак уйнагаси хам келмаяпти диб. шу дангасаларга 30 милион одам караб тургандия... юткказсса майли, дастойни хам ютказмади шармандалар!

Ушбу фикрга жавобан


TURONIY
Сана: 29.03.2012 21:03. TURONIYга ёзиш
+0; -0
2 kemaning rulida...
Lekin, Pol Le Guen ham 2 kemaning rulini muvaffaqiyatli bajarmoqda, hozircha.

Ушбу фикрга жавобан


IBRAKADABRA
Сана: 29.03.2012 21:01. IBRAKADABRAга ёзиш
+2; -0
Бу хали бошланиши. Абрамов асосий хунарларини энди курсатади. Хозирдан тайергарликни кураверинглар. Аникроги,асабларни асраш учун мундиалдан умидни узаверинглар.

Ушбу фикрга жавобан


TURONIY
Сана: 29.03.2012 20:57. TURONIYга ёзиш
+1; -0
Balki terma jamoalar markazining umuman keragi yo'qdir. Men uning tashkil topgandan buyon biron foydali ish qilganini payqaganim yo'q. O'zbek futboliga ta'siriyam sezilmayapti.

Ушбу фикрга жавобан


NASAFIYA
Сана: 29.03.2012 20:57. NASAFIYAга ёзиш
+1; -0
Mayli Qahramon aka, gaplarizga quwilaman. Lekin bitta NO tarafi bor. Siz maqolangizda kuzda bulib utgan uyinlarni mazmunli 4iqqanligiga uyin4ilar uwa vaqtda uyin amaliyotiga ega bulganligi sport formasida bulganligini aytib utdingiz. Lekin xozirgi vaqtga qadar bulgan davrda ham ular futboldan yiroqlawmagan edilar, sovuqda issiq joylarda bulib maza qilib tayyorgarlik kuriwgandi. Eng quvonarlisi Dubaida bulib utgan Match Dubai Cupda qatnawganda uwbu jamoamizni uyinini kurib rosti faxrlanib ketgandim. Xattoki uwa Zrnitga 0-5 ga yutqazilgan uyinda ham. Undagi yigitlarda bulgan wijoat ham, aniqlik ham bir maromda edi. Raqibga tup bn muomala qiliwga iloji bori4a imkon berilmasdi. Taktik tomondan ham uyin4ilar yaxwi uynawardi, murabbiy roli bilingandi u uyinlarda. Nega bugun bunaqa uyin kurmadik, nega Suriya bn bunaqa uynolmadik, nega BAA 2-0 ga yuta turib maglubiyatga u4radik. Bunga bowqa sabablar borligi, bunga faqat uyin4ilarimizni lapawang deb kamsitib gapiriwni xojati yuq deb hisoblayman. Agar uyin4ilarga davom etinglar deyilganda edi (bunga iwongim kelyapti), Ummonu Suriya, BAAlarni tugri ma'noda yanchib tashlardik. Faqat usha sizu bizga bulgan noma'lum sabablar ta'siri bulmaganida. Man bunga iwonaman. Kuzni kattaroq ochaylik, uyinchilarning uzlari uynashga xoxishi yuq ekanliklarini uz xarakatlari bn kursatib berishdiku. Ular bundan kupiga qodir ekanliklarini kurganmizku. Oxiri bahayr bulsin.

Ушбу фикрга жавобан


IBRAKADABRA
Сана: 29.03.2012 20:53. IBRAKADABRAга ёзиш
+0; -0
Уммон барибир Уммон-ней,деган кушик бормиди? :) Абрамов янги гапи борку,халиги,агар биз ютказмаганимизда бундай гаплар булмаган булар эди. Хазил-хазил. :) Улиб кетишмейди Кахрамон ака. Нима киласиз улар учун бекорчи вакт кетказиб макола езиб. Тугрисида. Арзишмейди улар бундай эътиборга. Кейин,менимча хали-бери кутилганимиз йук. Абрамов...

Ушбу фикрга жавобан


GARRIK
Сана: 29.03.2012 20:52. GARRIKга ёзиш
+1; -0
Tugri fikr bildirilganu,lekin shu vaqtgacha uyinchilarni xam ayniqsa Abramuylovni kup maqtagan uzimizku tan olaylik, man shaxsan 200% kushilaman yuqoridagi fikrga, MTCHni xam uzoq borganini kurmiymiz deb xam qurqaman, ...(ismini etishni xam xoxlamadim)klublarimizni xam rejalarini ozmi-kupmi rasvo qilib buldi.

Ушбу фикрга жавобан


TANQIDCHI
Сана: 29.03.2012 20:50. TANQIDCHIга ёзиш
+0; -0
Нега клубларга қўйиб юбориш керак эди деяпсиз? Қишги танаффусда тайёргарлик кўрган Бунёдкор, Пахтакор, Насаф футболчилари ҳам ОЧЛ 1-турида яхши ўйнай олишмади-ку. Хатто чемпионат ўйинларида ҳам натижалар зўр эмас. Насафни ҳисобга олмаганда.
Ёки Бошқа нарсани назарда тутяпсизми?...

Ушбу фикрга жавобан


TURONIY
Сана: 29.03.2012 20:48. TURONIYга ёзиш
+1; -0
Eng katta sirk - bu jamiyatning o'zi.

Ушбу фикрга жавобан


NASAFIYA
Сана: 29.03.2012 20:47. NASAFIYAга ёзиш
+0; -0
Mayli Qahramon aka, gaplarizga quwilaman. Lekin bitta NO tarafi bor. Siz maqolangizda kuzda bulib utgan uyinlarni mazmunli 4iqqanligiga uyin4ilar uwa vaqtda uyin amaliyotiga ega bulganligi sport formasida bulganligini aytib utdingiz. Lekin xozirgi vaqtga qadar bulgan davrda ham ular futboldan yiroqlawmagan edilar, sovuqda issiq joylarda bulib maza qilib tayyorgarlik kuriwgandi. Eng quvonarlisi Dubaida bulib utgan Match Dubai Cupda qatnawganda uwbu jamoamizni uyinini kurib rosti faxrlanib ketgandim. Xattoki uwa Zrnitga 0-5 ga yutqazilgan uyinda ham. Undagi yigitlarda bulgan wijoat ham, aniqlik ham bir maromda edi. Raqibga tup bn muomala qiliwga iloji bori4a imkon berilmasdi. Taktik tomondan ham uyin4ilar yaxwi uynawardi, murabbiy roli bilingandi u uyinlarda. Nega bugun bunaqa uyin kurmadik, nega Suriya bn bunaqa uynolmadik, nega BAA 2-0 ga yuta turib maglubiyatga u4radik. Bunga bowqa sabablar borligi, bunga faqat uyin4ilarimizni lapawang deb kamsitib gapiriwni xojati yuq deb hisoblayman. Agar uyin4ilarga davom etinglar deyilganda edi (bunga iwongim kelyapti), Ummonu Suriya, BAAlarni tugri ma'noda yanchib tashlardik. Faqat usha sizu bizga bulgan noma'lum sabablar ta'siri bulmaganida. Man bunga iwonaman. Kuzni kattaroq ochaylik, uyinchilarning uzlari uynashga xoxishi yuq ekanliklarini uz xarakatlari bn kursatib berishdiku. Ular bundan kupiga qodir ekanliklarini kurganmizku. Oxiri bahayr bulsin.

Ушбу фикрга жавобан


BALAGUR
Сана: 29.03.2012 20:46. BALAGURга ёзиш
+2; -0
Терма жамоалар маркази, терма жамоалар мураббийларини хаммасига жинойи иш очиш керак.
Халк пулларини кукка совургани учун!

Ушбу фикрга жавобан


ANTIVIRUS
Сана: 29.03.2012 20:37. ANTIVIRUSга ёзиш
+1; -0
В.Абрамов:
«Сурияга қарши ўйиндан сўнг биз таркибни янгиладик ва ҳаммаси режамиздагидек кетаётган эди. Бироқ пенальтидан урилган тезкор гол ўйин манзарасини тубдан ўзгартириб юборди», дея қўшимча қилди Ўзбекистон олимпия терма жамоаси бош мураббийи Вадим Абрамов.
-------------------------
Уласанми тезкор голга карши тактика кулласанг. Шу гапни бизни ПОПУГАЙ (МУРАББИЙЛАР) айтавериши жонга тегди.

Ушбу фикрга жавобан


FAZLI
Сана: 29.03.2012 20:30. FAZLIга ёзиш
+0; -0
Kimladur shu munosabatlani eshitsedi,öqisedi... !!!

Ушбу фикрга жавобан


ABITURIYENT
Сана: 29.03.2012 20:27. ABITURIYENTга ёзиш
+2; -0
MTJ kuchliligini sababi ular u legionerlardan tashkil topgan. Aybni nimaga chempionatimizdan hech kimni qidirgisi kemiydi. Haqiqiy sirk ichki chempionatku.
Lekin, shu futbolchilani deb o'quvchilarimni oldida o'zimni tutolmay qoldim. Asabiylashib ketib qoldim.

Ушбу фикрга жавобан


ANTIVIRUS
Сана: 29.03.2012 20:23. ANTIVIRUSга ёзиш
+0; -0
Аҳволим "анови"лардан яхши, ЭМАС.

Ушбу фикрга жавобан


CLOSER
Сана: 29.03.2012 20:20. CLOSERга ёзиш
+0; -0
Муаллифга респект! Бу мақолани ЎФФ, МТЖ, ОТЖ мутасаддиларнии йиғиб ўқиб бериш ва муҳокама қилиш керак. Бутун бир халқнинг умид ва ишончи билан ўйнашиш яхшиликка олиб келмайди. Халққа хиёнат кечирилмайди...

Ушбу фикрга жавобан


SOUVALENTE
Сана: 29.03.2012 20:20. SOUVALENTEга ёзиш
+0; -0
lanati abramov aybdor hammasiga!!! Bowida zur uynab hammani iwontradida keyn oxrida qovun tuwrvoradi, qatar-2012 ana endi london-2012, tanw manzara turimi? Mana kurasla mtj 4-raunda ham zur uynidi, 1-davrani pewqadam sfatida yakunledi, ammo oxirida... Urganib ham qoldi...

Ушбу фикрга жавобан


JAMOLIDDIN
Сана: 29.03.2012 20:16. JAMOLIDDINга ёзиш
+0; -0
To'g'ri gapla yozilgan. Faqatgina 1ta qo'shimcha: Hamma narsadayam Zolotaya seredinani bilish kerak, shu jumladan yig'inlarda ham. Oldin, o'yinga 2 kun qolganda yig'ildi derdik MTJini endi yig'inlar ko'payib ketdi divommiz. Bir tarafdan to'g'ri lekin ush Zolotaya seredinani aniqlab beradigan Terma jamoalar markazi bo'lishi kerak menimcha.

Ушбу фикрга жавобан


SOUVALENTE
Сана: 29.03.2012 20:16. SOUVALENTEга ёзиш
+0; -0
rosti rostan jonga teyvotudi otj, hammani olqiwiga sazovor bulgan jamoani titanikka uxwab astalab chukb boriwini kuzatiw ogir...

Ушбу фикрга жавобан


MILANELLO
Сана: 29.03.2012 20:14. MILANELLOга ёзиш
+0; -0
gap yuq, QAHRAMON.
Ijodizga omad. Ayni haq gaplar. Uyindan keyin Men ham wu fikrlar b.n rosa uylandim. Ahiyri bore dedim. Hafa bulmanglar. Hayot davom etadi. ahir BORIMIZ WU!

Ушбу фикрга жавобан


TURDIBAY
Сана: 29.03.2012 20:12. TURDIBAYга ёзиш
+0; -0
Кутилганимиз рост булсин

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.