Кириш Регистрация
22/10 15:00 Қўқон-1912 2-4 Пахтакор
22/10 18:00 АГМК 3-0 Динамо
22/10 21:55 Шахтёр 2-2 Динамо Загреб
22/10 21:55 Атлетико 1-0 Байер
22/10 23:59 Галатасарой 0-1 Реал Мадрид
22/10 23:59 Брюгге 0-5 ПСЖ
22/10 23:59 Олимпиакос 2-3 Бавария
22/10 23:59 Тоттенҳэм 5-0 Црвена Звезда
22/10 23:59 Манчестер Сити 5-1 Аталанта
22/10 23:59 Ювентус 2-1 Локомотив
23/10 21:55 Лейпциг - Зенит
23/10 21:55 Аякс - Челси
23/10 23:59 Зальцбург - Наполи
23/10 23:59 Генк - Ливерпуль
23/10 23:59 Интер - Боруссия Д
23/10 23:59 Славия - Барселона
23/10 23:59 Бенфика - Лион
23/10 23:59 Лилл - Валенсия

Блог

Қаҳрамон Асланов

25-кадр

Ж.Корея - Ўзбекистон: Учрашув таҳлили

Баҳо:
+2; -0

Ёз яхши ўтмаяпти, Ливан билан ўйиндан кейин турнир жадвалида хосил бўлган ажойиб устунлик йўққа чиқди. Энди тўғридан-тўғри йўлланма учун курашда фаворит эмасмиз. Вазиятга бир томондан қараганда, Эроннинг Кореяда ютқазиши жудаям ҳақиқатга яқин ҳолатдек туюлса-да, руҳий юксалиш даврида бўлган эронликлар мотивацион танқисликка учраган корейсларга осонликча мағлуб бўлмасликлари табиий.

Кореяда охирги бўлиб биз эмас, Эроннинг тўп сураётгани омадимиз келмаганидан далолат, умуман, ушбу циклда бизга қарши бўлган факторлар етарлича бўлди. Аммо биласизми, буни ҳолатимизнинг асосий айбдори санаш, айниқса, бизга қарши йўналтирилаётган қандайдир махфий фитналар ҳақида жиддий тарзда фикр кулгили. Айбдорларни ташқаридан излаш доимо инсонга хуш ёқади, ўзини оқлашга асосли баҳона бўлади, аммо бу кейинги фаолияти учун етарли тажриба сифатида ўрин олиши мумкинми? Йўқ, ахир биз келаси сафар ҳам атрофдаги ҳолатларга ўз таъсиримизни ўтказа олмаймиз, яна мағлуб бўламизми? Оддий мисол, ОФК раҳбариятининг гўёки ЎФФ билан тескари бўлиб қолгани ҳақидаги гаплар ғирт уйдирма, зеро, билишимча, Мираброр Усмонов ҳозирги ОФК раҳбарини сайловларда ёқлаб овоз берган ва ўзаро яқин алоқадалар. Кейин, ўйин вақтини ўзгартириш тўғридан-тўғри ФИФА билан боғлиқ масала, ОФК эса, айнан иқлимдаги фарқни назарда тутиб, Ўзбекистон–Қатар ўйинини эртароққа сурилишига қарши бўлган ҳатто.

Ҳа, майли, мақола бу ҳақида эмас. Яхшиси, келинг, Жанубий Кореяга нима сабабдан ютқазганимиз ҳақида фикр юритиб кўрайлик. Аввало, баъзи масалаларда ўз позициямни билдириб ўтаман ва шу тарзда пайдо бўлиши мумкин бўлган эътирозларга олдиндан жавоб бераман. Яъни, терма жамоамиз ўйинига, футболчиларига, натижасига ўз муносабатини билдиришда қандайдир қолипни ҳосил қилмоқчи бўлаётган мухлислар кўп. Уларнинг иддаолари бор, масалан:

1. Жанубий Корея Осиёнинг энг кучли жамоаларидан бири, биз улар билан сафарда шунчалик натижа кўрсата олганимизнинг ўзи бахт. Биласизми, Жанубий Кореяни таркиби Европада ўйнайдиган қандайдир осмон-жамоа ҳисобласангиз, бу сизнинг ҳаққингиз. Бемалол. Мен бу фикрга унчалик қўшилмайман, лекин тортишишни ҳам истамайман. Масала бошқа ерда. Бу ерда асосий жиҳат шундаки, ушбу ўйиндаги бизнинг вазифамиз мағлубиятга учрамаслик эди. Рақибнинг фарқи йўқ, жамоа турнир тақозо қиладиган вазифани бажариш учун майдонга тушади, ўз кучини ўлчаш учун эмас. Айтайлик, Испанияга қарши майдонга тушган Хорватия эсингиздами? Ўйинда Хорватияга ғалаба жуда зарур эди, шунинг учун рақиб Испания бўлса ҳам, ғалаба учун майдонга тушди. Бизнинг Кореядаги вазифамиз кичикроқ ҳисобда мағлубиятга учраш эмас, ростанам Кореянинг кучлироқ эканини амалда тан олиш эмас, мағлубиятга учрамаслик эди. Биз буни бажара олмадик, демак, натижа салбий, ҳар қанча мантиқий бўлса ҳам.

2. Ўйинчиларни танқид қилмай турайлик. Муҳим ўйин олдидан уларга далда бўлайлик. Далда бўлиш учун стадионга бориш мумкин. Аэропортда кутиб олиб, далда бўлиш мумкин. Керак бу нарсалар. Бизда ҳали имконият бор. Лекин, шуни эътиборга олиш керакки, бу ер футбол сайти. “Кричалка”лар ёзиладиган ижтимоий гуруҳ эмас. Футбол ёритилади, таҳлил ва танқид қилинади, хулоса қилинади. Футболчиларга қандай таъсир қилинишидан қатъий назар, ҳамма ўз ишини қилиши керак. Тўғри, жамоа муҳитини бузувчи қандайдир фитналарни қўзғаш нотўғри, лекин гап объектив таҳлил ҳақида боряпти. Корея билан ўйиндаги ўтказилган голнинг айбдори ким – бу саволга жавоб бериш учун яна бир ҳафта кутишга мажбур эмасмиз.

3. Ҳакамнинг қарорлари ўйин натижасига таъсир қилди. Акс ҳолда биз дуранг билан қайтган бўлардик. Ҳа, голдан олдин ҳакам қоида бузилишини қайд этганида, бутунлай бошқа ўйинни гувоҳи бўлардик балки. Лекин вазифамиз бўлиши мумкин бўлган ўйинни эмас, бўлиб ўтган ўйинга баҳо бериш. Ҳа, спортчилар учун ҳам қийин вазиятлар бўлади, ҳа, улар ҳам инсон, тўғри тушуниш керак. Тўғри тушунамиз. Аммо уларнинг иши шу, шунинг учун пул оладилар, шунинг учун олқиш ҳам. Эрондаги ўйинда ҳакам бизнинг фойдамизга қарор чиқариб, ғалаба қозонганимизда роса мақтадик, ҳамма жим турди. Ҳакам хатолари эса футболнинг бир бўлаги. Шу.
Энди бевоcита учрашувга тўхталамиз.

ТАРКИБ

Миржалол Қосимов танлаган таркибда кутилмаган номлар бўлмаса-да, ўйинчиларнинг жойлашуви ва вазифаси нуқтаи назаридан бироз тушунарсиз бўлди. Маълумки, Қосимов кўпинча соф қанот ярим ҳимоячисига эга бўлган классик услубни танлайди. 4-5-1 да одатда, марказий ярим ҳимоячилар ромб услубида жойлашишади ва қанотларнинг ҳужумдаги фаоллиги ягона ҳужумчига мадад бўлиши керак. Айниқса, асосий хавф қанотлардан бўлиши керак бўлган Жанубий Кореяга қарши ўйинда бу танловни тахмин қилиш қийин эмасди. Аммо...

Чап қанотга келганда, тушунарли, асосийси мағлубиятга учрамаслик керак бўлган ўйинда ушбу қанот биратўла иккита ҳимоявий футболчига топширилди. Ҳужумкор ҳимоячи Денисовга шерик қилиб, ҳимоявий ярим ҳимоячи Гадоев танланди. Очиғи, услубан бир-бирига яқин бўлган футболчиларнинг бир қанотда қандай қилиб бир-бирларини тўлдириб туришлари мумкинлигини мен тушунмадим. Менимча, футболчиларнинг ўзи ҳам Қосимов улардан айнан нима истаганини охиригача тушунмаган бўлишса керак, зеро пастдаги расмда кўриб турибсиз: Денисов билан Гадоев учрашув бошланганда, ўзларига жой топа олмай, бир-бирларига яқин келиб қолишганини. Назаримда, ушбу сурат мана шу чап қанотни тўлиқ ифода этади – тушунмовчилик!


Нариги қанотда эса умуман қанотдан ҳужум қилиши мумкин бўлган футболчи йўқ эди. Натижа нима бўлди? Чап тарафда икки ҳимоявий футболчилар бир-бирини “страховка” қилиш билан вақт ўтказиб, ҳужум уюштира олмадилар, ўнг тараф эса асосан биргина Шораҳмедовга топширилгани учун, унинг ҳам қўли боғланиб қолди. Одил Аҳмедов гуёки майдонда ўз жойи йўғ-у, мажбуран жой топиб берилгандек, қаерга боришни билмай қолаётгандек тасаввур уйғотди.

Масалан, марказий ярим ҳимояни олайлик. Тезкор ва марказни тезлик билан босиб ўтишга одатланган, эпчил ва чаққон Жанубий Кореяга қарши кимлар билан ўйнадик? Жепаров, Кападзе, Аҳмедов, Ҳайдаров! Ҳар бири яккакурашларда русчасига айтганда “резкость” (кескин тезланиш) етишмайдиган ва ҳар бири бир бирига яқин услубда ҳаракат қиладиган футболчилар. Оқибатда биз аксарият якка курашларни ҳам, ҳаво курашларини ҳам бой бердик.

Балки Қосимов Корея билан ўйинда тўпни назорат қилишга урғу берган, шунинг учун тажрибали ярим ҳимоячиларни майдонга туширган бўлиши мумкин. Аммо биз ўйиннинг асосий вақтини барибир иккинчи планда ўтказишимиз аниқ эди, ўйин асосан корейсларнинг ташаббусида бошланишини тахмин қилиш қийин эмасди, тўғрими? Тўпсиз ўйнашга унчалик ўрганмаган ярим ҳимоямиз энг керакли пайтда, иккинчи тайм ўрталарида тамом бўлиб бўлганди. Сафарда, конкрет натижа учун ўйнаётган жамоа кучини бутун тўқсон дақиқага тақсимлаши керак эмасмиди?

Биз нима қилдик? Ўйиннинг бошланишига урғу бердик. Мақсад бир темпда ўйинни ушлаб туриш ва вақт ўтган сари рақибнинг ортиқча ҳаяжонидан фойдаланиб, бемалол ҳимояланиш эди. Эрондаги ўйин ҳам шу тарзда кечган. “Бунёдкор”нинг сафардаги ўйинларида ҳам кўпинча шунақа бўлаётганди. Биз ғалаба қозонган ўша ўйинларда ҳам, биласизми, мабодо рақиб ҳисобни тенглаштирса ёки олдинга чиқиб олса, тақдим этадиган ҳеч нарсамиз йўқ эди. Бизда ўйинда бурилиш ясайдиган, ташаббусни ўз қўлимизга оладиган ва ҳеч бўлмаса босим уюштирадиган режа йўқ эди. Ўйинни қанақа бошласак, шундай тугатамиз, бу сафар омадимиз келмаганини сабаби, биринчи таймдаёқ гол ўтказиб қўйдик.

Кимдир захираларга ёпишади, Тожиев вақтида тушиши керак эди, иккита ҳужумчи қилиш керагиди, Санжар, Гейнрих ва ҳоказо. Йўқ, ишонинг, гап таркибда эмас, биз Кореяга кўрсатишимиз мумкин бўлган тишимиз йўқ эди. Хўш, бутун тўқсон дақиқа давомида эслайсизми, бирорта охиригача ўйланган комбинацияни ёки беш дақиқагина рақиб ҳимоясини босимда ушлай олганимизни? Мен эслолмадим, балки узоқдан берилган зарба ёки бурчакдан оширилган тўпдан сўнг бирор нима қила олмасак, бошқасига ишониш қийин эди. Ўйиндан келиб чиқиб.

Энг ачинарлиси, Корея бизни ютиш учун ўйин темпини оширишга, қандайдир қўшимча ҳаракатлар қилишга муҳтож бўлмади. Биз қандай осонгина мағлуб бўлган бўлсак, улар шунчалик терламасдан ғолиб бўлишди. Кўриниб тургандики, керак бўлганда, қўшиш учун уларда етарли ва жуда кўп захира куч бор эди. Шунчаки. Улар ҳам ортиқча эҳтиёткорлик кўрсатишди холос.

ҲИМОЯЛАНИШ
Биргина гол, уям автогол, у ҳам ҳакамнинг хатосидан сўнг киритилгани бизни алдаб қўймаслиги керак. Сабаби, бусиз ҳам ҳимояда хатолар етарли бўлди.
Биринчиси, биз рақибнинг жарима майдони яқинига юқорилатиб етказиб берган узатмаларини қабул қила олмадик. Хўп, яккакурашларда улар устун экан, аммо бу ҳолатда, зонада сон жиҳатидан ёки позицион устунликка эга бўлиш орқали эпизодларни ҳал қилиш имкони йўқмиди? Кореянинг бу жиҳати олдинги ўйинларда ҳам кўрилган, демак марказда юқори курашларга устароқ бўлган футболчиларни қўйиш керакмасмиди? Корея асосан жарима майдони ташқарисига тўп етказиб бермоқда, ва кўпинча, ўша зонада уларнинг бир нечта футболчиси жойлашиб олмоқда. Демак, марказий ярим ҳимоячилар – Анзур билан Исломнинг бу курашларда қатнашиши хавфли. Чунки, кураш натижасида позицион устунликни йўқотишади, мабодо мағлуб бўлишса, марказий ҳимояда очиқ бўшлиқ юзага келади. Асосан таянч ярим ҳимоячилари курашда актив бўлишлари талаб этиларди. Бунинг учун эса Мусаев каби атлет ва бузғунчи ярим ҳимоячиларга эҳтиёж сездик.
Кореянинг мана бу ҳужумига эътибор қаратинг:


Бу ерда ҳам индивидуал, ҳам позицион хато кўзга ташланади. Узатмадан сўнг, корейс футболчиси яққол ҳимоячимизни ортда қолдирмоқда. Марказда турган Ислом эътиборини тўпга қаратиб, деярли пассив ҳолатга чиқиб кетаётганига эътибор қаратинг. Корейс футболчиси икки шериги турган зонага тўпни ташлаб бера олса, тамом, фақат Анзургина икки корейс футболчиси қаршисида қолади. Шундай бўлди ҳам, икки фтуболчи осонлик билан Анзурни доғда қолдиришди. Фақатгина яккама-якка вазиятга чиққан ҳужумчининг зарбаси ноаниқ кетганигина бизни голдан асраб қолди.

Энди бошқа футболчиларимизнинг позициясига эътибор қаратинг. Уч футболчимиз деярли бир чизиқда ва энди, қаршилик қила олмайдиган ҳолатда қолиб кетишди. Тўп учун курашаётган рақиб футболчиси бемалол тўпни орқароққа ташлаши ҳам мумкин. У ерга ҳам биринчи бўлиб корейс футболчиси ҳаракатланмоқда. Гуёки саккиз киши бўлиб ҳимояланаётган бўлсак ҳам, мана шу расмнинг ўзида Кореянинг тўрттала футболчиси деярли очиқ турибди. Тўғри, вазият, рақибнинг узун пасидан кейин юзага келди, аммо ҳар қандай ҳолатда ҳам ҳимоячилар ўз позициясини ва ўз футболчисини аниқлаб олишилари керакмасми?

Энди мана бу ҳолатга эътибор беринг.



Рақиб унчалик тезкор бўлмаган позицион ҳужум уюштиряпти. Яъни ҳимоячиларимизда вазиятни баҳолаш ва зоналарни ёпиш учун етарли имкон бор. Биз яна 8 ҳимоячи билан ҳимояланяпмиз. Хўш?

Қаранг, кореялик ярим ҳимоячида, шу ернинг ўзида иккита йўқотишсиз вариант бор. У чапга, яъни марказда турган шеригига ҳам етказиб бериши мумкин ёки ўнг қанотга ошириб ҳужумни ривожлантириши мумкин.

Футболчи учинчи вариантни танлайди ва одатдагидек, жарима майдонимиз яқинида кўпчиликни ташқил қилган шерикларига бироз юқорилатиб тўпни йўллайди. Шунчаки кўзини юмиб, кураш зонасига эмас. Расмдаги сўроқ белгиси остида турган кореялик футболчи олдиндан ўйланган маневрни қилади ва ўнг тарафга тезлик олади. Марказий ҳимоячимиз Анзур Исмоилов табиийки, унинг ортидан югуриб кетди, натижада марказдаги иккинчи ҳужумчи ёлғиз қолди. Бу ерда, тезлик олган ҳужумчининг ёнида турган иккинчи футболчимизнинг вазифаси нима эди, Ислом Тўхтахўжаев нега Анзур қолдиришга мажбур бўлган марказни ёпиш ўрнига орқада юрибди, буям масала. Қайтараман, бу Кореянинг позицион ҳужуми, кутилмаган бир вазият эмас. Вазият Корея ҳужумчисининг осонгина тўпни қабул қилиши ва зарба бериши билан якун топди. Яхшиямки, ҳужумчи бироз шошилди ва вазиятни баҳолай олмади. Агар у ёлғиз турганида ҳозир биз кўриб тургандек, билганида, бошқача ўйнаши аниқ эди.

ГОЛ
Энди гол бўлган вазиятга эътибор қаратамиз. Ҳа, автогол. Олдинроқ қоида бузилганди. Ҳа, ҳакам хато қилди. Аммо, яхшилаб қарасак, бу вазиятда ҳам айбдор фақат ҳакам билан Акмал эмаслигини кўрамиз.



Корея иккинчи тўлқин ҳужумини уюштирмоқда. Бақоевдан ташқари барча футбочлиларимиз ҳимояда. Рақибнинг тўрт футболчиси жарима майдони ичида, иккитаси ташқарисида. Гўёки, иккита ҳимоявий футболчимиз жой олган ва бетон бўлиши керак бўлган ўнг қанотимиздаги кореялик футболчида вариантлар кўплигини қаранг. Денисовнинг бир ўзи икки рақибга қарши қолиб кетган, агар кореялик тўпсиз турган футболчи истаса, ўнг қанотдан тезлик олиши ва шеригидан тўпни қабул қилиб, бемалол тўпни етказиб бериши мумкин. Нима бўпти дерсиз, лекин ҳимоядаги асосий вазифамиз корейсларни қанотларда тўпни қабул қилиб, юқорилатиб оширишларига тўсқинлик қилиш эмасмиди?



Ҳайрият, Шоҳрух Гадоев топилди. Лекин айни пайтда у нима қилаётганини тушуна олмадим. Балки сиз уриниб кўрарсиз?


Энди шу ҳолатда жарима майдонидаги бошқа футболчиларимиз нималар қилаётгани билан танишинг. Саккиз футболчи рақибнинг тўрттагина ҳужумчисини тўлиқ назорат қила олгани йўқ. Эътибор беринг, ўнг қанотга яқин турган корейс футболчисидан бошқаси деярли очиқ турибди. Тўғри, ҳимоячиларимиз уларни қуршаб олган, лекин уларнинг барчасининг эътибори тўпда. Ҳужумчи бемалол ҳаракатини ўзгартириши ва бошқа зоналарга очилиши мумкин, ҳимоячилар сезишмайди. Бунинг исботи ўлароқ, узоқ бурчакдаги корейс футболчиларига эътибор қаратинг. Бирининг ёнида уч ҳимоячи (уччовиниям кўзи бошқа жойда), иккинчиси эса мутлақо бўш турибди. Уни ким қўриқлаши керак? Ўз дарвозасига гол уриб қўйган Шораҳмедов эмасми? Билмадим.

ҲУЖУМ
Гол уришимиз керак бўлагн иккинчи таймда чарчаб қолгандик. Кўпчилик бўлиб рақиб дарвозасига босим ўтказа олмадик. Вазиятни баҳолаган Қосимов эҳтиёткорлик қилганини тан олди ва мабодо, йирик ҳисобда ютқазсак, аҳвол янада қийин бўлиб кетишидан қўққанини айтди. Лекин вазифа нима қилиб бўлса ҳам ютқазмаслик эди, зеро Қатарни 6-0 ютиш билан 10-0 ютиш ўртасида кескин фарқни кўрмаяпман.
Келинг, биргина расм билан кифояланамиз.


Уч футболчимиз чап қанотдан жарима майдонига кирмоқчи. Биласизми, нега Месси футболчиларни алдаб кетаверади, бизникилар йўқ? Гап фақат Мессида эмас. Ҳужумдаги бошқа футболчилар турли “коридор”лар ташкил қиладилар, тинмай ҳаракатланадилар. Яъни тўп билан кетаётган Мессида фақат алдаб ўтиш эмас, ундан ташқари бир нечта вариантлар бўлади. Ҳимоячилар ўша бошқа вариантлардан ҳам қўрқиб, Мессига қаршилик кўрсатишда чекланадилар. Мана бу ҳолатни қаранг: хўп чап қанотдан кирмоқчимиз, лекин бошқа зоналарда ҳужумни қувватлаш қани? Бошқа ҳудудларда ҳаракатланиш ва ҳимоячилар эътиборини жалб қилиш орқали, шериклардаги вариантлар сонини кўпайтириш эмасми асосий вазифа? Гейнрихнинг юрган жойига эътибор беринг, ахир, бундай ҳужумни писта чақиб, қайтаради-ку, яхши жамоалар!

ЯНА БИР ГАП

Терма жамоамиз Кореяда кийиб тушган либоснинг сифати эътиборимни тортди. Масалан, яхши майдон бўлса, трансляцияда ёмғир ёғаётгани билинмайди. Яқин планда кўрсатмагунча, тўғрими? Ўйиннинг бошидаёқ футболчиларимизнинг либосига қараб, ҳолатни пайқаш қийин эмасди. Футболка сувда шилта шалаббо бўлиб, футболчилар танасига замбилдек осилиб ҳаракатланиш учун халақит бераётганини пайқаш қийин эмасди. Хўш, шу аҳволда, Корея билан юқори қаватлардаги кескин курашни кутганмидик? Кимнинг айби бу? Нега, ҳар қандай ҳолатга ҳам чидамли бўлган, футболчиларимиз ҳаракатланишини чекламайдиган юқори сифатли либос олинмади? Мундиалга лойиқ бўлиш учун ҳар томонлама лойиқ бўлиш керакмасми?

Хуллас, гапирса гап кўп. Лекин бу спорт, ҳар қандай ҳолатда ҳам футболчиларимизга ишонишда давом этамиз. Имкон қадар эски хатоларни қайтармаган ҳолда, Қатарга қарши ўйинда яхшироқ, мазмунлироқ ўйин намойиш этиб берадилар, деб умид қиламиз. Омад.

Киритилган сана: 13.06.2013 22:25. Ўкилди: 18653 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


BRAND
Сана: 16.06.2013 11:03. BRANDга ёзиш
+0; -0
Albatta tanqid kelajak mevasi! Lekin hozir emas.

Ушбу фикрга жавобан


PREMIER
Сана: 14.06.2013 22:28. PREMIERга ёзиш
+0; -0
Матбуотда ғалаба қозонишимиз эҳтимоли юқорилигини шунчалар бўрттириб кўрсатишдики, Жанубий Кореяга дурранг учунгина борган терма жамоамизнинг мағлубиятга учраши фожеадай туюлди (P.S. ўйиндаги ҳолатдан ва танланган тактикадан келиб чиқиб билдирилган фикр). Ахир шундай бўлиши мумкинлигини ҳаммамизнинг ҳаёлимизнинг бир четида бор эди. Лекин Қатарни ҳар қандай ҳолатда ҳам мағлубиятга учратишимиз шарт. Чунки Осиёнинг жайдари командасини мағлубиятга учрата олмаганларга Риода ҳеч ким қўй сўйиб, ош қилиб кутиб турмайди. Ким нима деса десин, терма жамоамизни қўллаб қувватлашда, унинг учун муҳлислик қилишда давом этаверинг, ахир боримиз ҳам йўғимиз ҳам шу...

Ушбу фикрга жавобан


PREMIER
Сана: 14.06.2013 22:23. PREMIERга ёзиш
+0; -0
Машҳур бир мураббийнинг битта гапи бор "Ғалабага жамоа эришади, мағлубиятга мураббий жавобгар бўлади". Терма жамоа ҳозирги ҳолати билан Осиёнинг исталган термасини мағлубиятга учрата оладиган ПОТЕНЦИАЛга эга. Бунинг учун эса, мураббийда тўғри тактика танлаш ва ўйинчиларни руҳлантира олиш қобиляти бўлиши зарур. Корейслар билан ўйинда футтолни энди кўришни бошлаган бола ҳам сезадиган даражада ҳимояда футболчиларни қўйилиши нотўғри бўлганлигини кўрдикку. Кўринишидан бизни футболчиларимиз жарима майдончамиз ва унинг атрофида кўпчиликдай туюлишсада, деярли барча юқоридан ошрилган тўпларга корейслар эга чиқишдаи ва иккинчи темпда фаолроқ ўйнашди. Бир вазиятда шарҳловчининг Азиз Ҳайдаровнинг жарима майдонидан ташқарида ҳаводан келаётган тўпга якка ўзи чиқиб бораётганида "Корейс футболчилари Азизнинг тўпни шерикларига оширишини кутиб, тўп учун курашишмади..." деб вазиятни ўйинни ўзида тахлил қилиб берди. Бизда иккинчи тўп учун умуман курашиш бўлмади. Умуман ўйин давомида қайси вазиятда футболчиларимиз бир бирларига 4 мартадан ортиқ аниқ тўп ошира олишди??? ...

Ушбу фикрга жавобан


BLAUGRANA
Сана: 14.06.2013 21:47. BLAUGRANAга ёзиш
+1; -0
FILOSOF

Валенсия JOMAни уз уйинчиларига мослаб, эксклюзив килиб, дизайнда тиктиради. Прилавкада сотилмай турган "коп"ларни размерига карамасдан опкеб кийдирмейди!

Ушбу фикрга жавобан


FILOSOF
Сана: 14.06.2013 18:19. FILOSOFга ёзиш
+0; -0
Жуда форма хакида куп гапириб юбординглар! Хакикий футбол мухлиси севимли жамоасини кийган кийимига эътибор бериб утирадими.Шундай мухим,хал килувчи уйин булиб турганда формамизга эътибор бериб утирибсизларми? Жома фирмаси формасида купчилик испан клублари уйнашади,масалан Валенсия.Кахрамон хам оширворибти,уйинимизга тошдай огир форма хам халал берди деб!

Ушбу фикрга жавобан


BEKGAFUROV
Сана: 14.06.2013 16:59. BEKGAFUROVга ёзиш
+0; -0
Билишимча шу сайтни мураббийлар ва футболчилар хам назардан четда колдиришмайди. Шу сабабли футболни тушунган журналисларга мурожатим. Утган уйинларни танкид килавермасдан булгуси уйинлар хакида янги фикирлар, тактикалар, керак булса футболда ишлатилиши мумкин булган айёрликлар хакида янги фикирлар керак мурабби-ю футболчиларимизга.
Айрим маколалардан щунака фикирга келиш мумкинки, гуёки айрим журналистлар термамиз маглубиятини кутиб тургандек хамма танкидга осилади. Танкид хам керак аммо керагича оширвормасдан ёзиш кере. Ман Корейсларга ишонаман. Улар 18 июн куни биз кутган натижани кайд этиб беришади. Бу ёги уз жамоамизга боглик.

Ушбу фикрга жавобан


BEKGAFUROV
Сана: 14.06.2013 16:46. BEKGAFUROVга ёзиш
+0; -0
Жа майдалашиб хотинларга ухшаб тортишмелар. Агарда термамиз хакикатдан ЖЧ га чикишга лойик буганида шу уйинига корейсларни ютган булардик. Уйиндан олдин куплаб маколаларда укидим "Корейслар аввалги корейслар мас. Биз уларни енга оламиз" каби маколаларни. Аммо якунда буни исботи курмадик. Бу ерда хакамни ёки бошка бировни айиблашни кераги йук. Уша куни омадимиз кемади тугрирорги кучимиз етмади. Бир дустим айтганиди. Узб терма жамоасида хар гал жахон чемпионатига чикиш учун охиригача имконият сакланиб колади. Аммо ...
Бу ёги пешона.

Ушбу фикрга жавобан


ASTONMARTEN
Сана: 14.06.2013 16:44. ASTONMARTENга ёзиш
+0; -0
Formani turushini qara xuddi xomilador xotinni kuylagiga uxshaydi.Bu yirtuladagila narmalni sharoit qibersa õladimi.

Ушбу фикрга жавобан


KOMRON
Сана: 14.06.2013 16:39. KOMRONга ёзиш
+0; -0
Tugri gapni yozibdi lekin qoil futbolni tushinadigan odam ekan lavha muallifi! Tushunmaganlar uni tushurish kerak edi buni bundoq qilish kerak edi deb aqllilik qiladi nima farqi bor oldin shu tarkib bilan qanchasini onasini kursatdikgu!

Ушбу фикрга жавобан


JORESMA
Сана: 14.06.2013 16:37. JORESMAга ёзиш
+0; -0
Maqolada xatolik, bizni federatsiya hozirgi Bahrayndan bulgan prezidentga emas, BAA lik nomzodga ovoz bergan. Wuning uchun federatsiyamiz bilan AFC o`rtasida sovuqchilik bo`liwi tabiiy.

Ушбу фикрга жавобан


HEROLION
Сана: 14.06.2013 16:14. HEROLIONга ёзиш
+0; -0
BAHROMJON
хўп. тақдиримизда бор экан.

Ушбу фикрга жавобан


BAHROMJON
Сана: 14.06.2013 16:11. BAHROMJONга ёзиш
+0; -0
Siz konfda ham savollarimdan qochasiz. Ikkinchidan har bir kishida hid bilish qobiliyati, hidni his qilish xususiyati boshqa-boshqa deganday эхтимолки сиз ош пиширгандирсиз ва уни мен шавла (аталами ёки) деятгандирман. Нима килай маколангиздаги хамма фикрлар айникса мухокама килиш керак деган фикрингиз антикосимовчига тортяпти. Айтганча, ман сиз билан шунчаки гап эмас, уйинни Узбекистон Кореядан биркалла яхширок уйнагани тугрисида (майли тактик хатолар биландир, майли Гадоев ва Виталийлар уз жойини топа олмай булсада) тортишаман. Маслахат бераман! аввал (мен билан тортишишдан аввал!) уйинни кайтадан куринг... Биз кореяга маглуб булмадик, такдир шу булди. Тугри эртага Катарга хам ютказишимиз мумкин :(

Ушбу фикрга жавобан


NODIRBOBO
Сана: 14.06.2013 15:59. NODIRBOBOга ёзиш
+0; -0
Nechta komandamiz JOMAda bulsa eng hunugi termaniki ekan. Yoqalari, kengligi tffuuu devorging keladi. Tepadegi Odilni rasmida normalniyroq chiqib qopti. Lekin uyinda ayniqsa Serverniki .... Uyatu bu. Marketing bulimini yoshartirish shart. Shu formani uzi Asqarni kimligini kursatib turibdi.

Ушбу фикрга жавобан


HEROLION
Сана: 14.06.2013 15:58. HEROLIONга ёзиш
+0; -0
http://www.uff.uz/blogs/author/herolion/articles/1296
Мана бу мақоланиям ўқиб кўринг. мураббий Қостимов эмасди ва биз Япония билан дуранг ўйнаганмиз Мақола сразу очмайди. пастроққа тушсез кўрас..
Барибир фикриз ўзгармасаям айтдим қўйдимда..

Ушбу фикрга жавобан


HEROLION
Сана: 14.06.2013 15:55. HEROLIONга ёзиш
+0; -0
BAHROMJON
"Холислик талаб килиб келган одам қўйнига адоват солиб олмайди, жаноб Пратап Сахай" (с) :)))
Ман сиз билан тортишмайман, чунки аввалдан, бошдан мани атайлаб антикосимовчиликда айблаяпсиз. Ман эса бу фикрга қўшилмайман. 0:6 дан кейин ҳам танқидий мақола ёзганман, 2:3 дан кейин ҳам. Ўша пайтларда ҳам копютер бориди, лекин ўйин лавхаларини топиш иложи булмаган, интернет тезлиги рўй бермаган. Масалан, Япония билан Тошкентда 1:1 ўйнаб, ҳамма дўпписини осмонга отаётганда, шунака расмли макола ёзганман. Атайлаб Тошкентдан дискини берворишган ва шу ишни қилганман. Шу. Умуман нега фалон пайтда мана бунақа ёзувдинг, мана бу пайтда бунака деб тилимдан ушлашга харакат килманг. хар бир гапимга жавоб бераман, шунчаки, сиз аввалдан саволни тугри куйинг. Айнан мана бу фикриз нотуги чунки мана бу мана бу денг, етади, Қосимовга шаъма, бало бадтар гапларизи ичизда олиб қолинг..
Умуман, фкрим қизиқтирса конфренцияга ёзинг. Қизиқтирмаса, ўз фикрингизда қолсезам майли. Омад

Ушбу фикрга жавобан


BAHROMJON
Сана: 14.06.2013 15:33. BAHROMJONга ёзиш
+0; -0
Ха айтганча муаллифнинг факатгина форма масаласидаги фикрларига 100% кушиламан. Бу формадан уялдим уша куни!!!!!!!!!!!!

Ушбу фикрга жавобан


BAHROMJON
Сана: 14.06.2013 15:31. BAHROMJONга ёзиш
+0; -0
Деярли барча кулайликларга эга булган хонада клавиатурани тугмаларини биттама- битта босиб, уйин видеоёзувини синчиклаб, биттама битта хатоларни белгилаб акл ургатиш, узини доно курсатиш осон! майдонга тушиш, соатлаб нокулай парвозлар, уйиннинг хаёжони, стадионнинг босимини енгиб 90 дакиканинг 60 дакикасини дунё юлдузлари ичида йуколиб колмаётган камида 5 нафар уйинчиси бор терма дарвозаси атрофида хужум килган холда карши уйнаш эса бироз кийин менимча. Хаммаси яхши кетаётган эди ва биз албатта кореецларни камида 2 туп фарки билан юта олар эдик. качонки, уша автогол, боринг боринг автогол булган такдирда хам биринчи булимда, биринчи булиб утказвормаганимизда.! Тахлил Менинг шахсан фикримча АНти Косимовчасига килинган! тугри турли белгилар оркали уйинчиларнинг нотугри жойлашувини курсатиб гуёки уйинчиларимиз хато килгандек курсатилган булсада асли максад Косимовни айблаш экани "косанинг тагида ним коса" булиб куриниб турибди! Афсуски ман админ ёки блоггер эмасман, акс холда мен муаллифга кореянинг хато жойлашувини!!!, уйинчиларимизга нисбатан очикчасига килаётган куполликларини!!!, кул билан уйнаетган пайтини!!!, ва Хатто! Тожу Минорунинг кореецларга кулиб узбекистонликларга оддий муомалада булаётганини!!! курсатиб бера олардим. Овора булманг, шахсан мен жамоамиз жахон чемпионатига чика олмаса хам, эртага Катарга ютказса хам- ушбу йигитларни миллий футболимиз тарихидаги энг оптимал (энг кучли эмас) таркибда йигилган, Узбек футболини жахон даражасига чикишига улкан хисса кушган терма деб тан оламан!!! Нима эмиш Косимов тактика танлай олмади эмиш! Нима эмиш биз минимал хисобда маглубият учун эмас галаба учун борган эдик! Узр! 0-6га ютказилган тактикани айнан шу муаллиф нимага шунаканги белгилар ва фотоэтюдлар билан мухокама килмаганлиги саал галати эмасми. Ёки 1-2 йил олдин техника (компьютерлари)лари бунга имкон бермасмиди? Йук менимча! Хохламаганлар!!! Энди мархамат килиб уша бизнинг химоячилар хатосидан уша жахонга машхур кореец кани фойдалангани. кани яккол бирорта яккол голга тортадиган вазият килгани? Хатто кул билан олиб кириб хам тупни дарвозага йуллай олмаганида хакам ёрдамга келиб очикчасига ён босди нахотки буни курмаган булса К. Асланов. Нима эмиш бу сайтда мухокама килиниши шарт хатолар курсатилиши шарт эмиш. Тугри факат голибларгина мухокама килинмайди. Лекин нимага Абрамов Олимпиачиларни дабдала тактика билан уйнатиб икки хужумчи билан БААга охирги минутларда гол утказворган пайтда мен "Абрамовчиман" деган макола ёздилару, Корея БААдан аааанчагина кучли эканлигини билиб туриб, унга каекдаги автогол хисобига ютказганимизда кунгил кутариш урнига, "МУХОКАМА" ИСТАБ КОЛДИ КУНГИЛЛАРИ!? Бу маколадан галамислик, ёки провакация иси келиб турибди жаноб Herolion! Нахотки, Биз Узбекистонликлар Осиёга угай, Европага эса бегона эканлигимизни тушунмаётган булсангиз? ОФК бизни хакикий Золушкадаги угай онадек эзиб ташлаётганини куриб туриб, Б. Абдуллага яширин кесатиклар ташлаяпсиз. Хакамни алмаштириш майли "котталарнинг иши"дир, лекин битта гурухдаги хал килувчи иккита уйинни бир мамлакат хакамларининг бошкаришига рухсат берилиши узбек футболи э йуг-э нафакат узбек футболи, балки, ФУТБОЛГА нисбатан ИСНОД эмасми. бор йуги турттагина уйин булсаю, шундан 2 тасини Японлар бошкарса Осиёда хакамлар зотига ут тушибдида-а лаббай?! Ш. Гадоев билан Денисовни бир жойга туриб колиши бу оний лахзаку, уни кадрда тутиб олиб, тирнокни ичидан кир кидиришнинг нима кераги бор. Тугри тактикада бироз экспремент бориди, лекин, шу экспрементдан гол булгани йукку. Умуман кореецлар кайси хатойимиздан унумли фойдаланиб яккол Игнатийга нокулайлик тугдирди. Умуман оддий Гонгконг билан хам камида 4 марталаб ерга ётиб туп кайтарилган холда уйин давомида Игнатий бирорта хам уша машхур СЕЙВини амалга оширмагани кореянинг накадар "хотиржам" уйнаганидан далолат? Холислик яхши нарса. Гапингиз булса уйин борасида тортишаман. Уйин Узбекистон сценарийси билан бошланиб Узбекистон сценарийси билан тугади. факат биргина ижрочи-Ислом сахнада кокилди, лекин "Декорация" Акмалнинг бошига тушди. Мархамат ....

Ушбу фикрга жавобан


BEKGAFUROV
Сана: 14.06.2013 15:04. BEKGAFUROVга ёзиш
+0; -0
Корея билан келишув...
Ха келишув. Купчилик хайрон булаётгандир гапларимдан. Хозир тушунтираман. Эсингиздан булса 2008 йилги европа чемпионати саралаш бахсларида Россия, Хорматия ва Англия бир гурухдан жой эгаллашганди. Русларни Евро-2008 га чикишлари учун Хорватия сафарда ингилизларни енгиб бериши керак эди. Бу вазиятда руслар Хорватларга уйлантирадиган даражада пул маблаги ва бошка нарсалар вада килишганиди. Натижада хорватлар узларига керак булмасада ингилизларни ер тишлатиб евро-2008 дан махрум килишганиди. Бу уйиндан кейин ингилизлар УЕФАга ариза билан мурожат килишганиди. Аммо УЕФа аризани рад этганиди. Бизда хам уйлаб каралса вазият шунга ухшаш. Балки мани фикирларим амалда кулланилиб булгандир. Нима булганида хам термамиз ЖЧ-2014 йулланмасини кулга киритса булгани. Омад ёр булсин Коресларга ва бизга

Ушбу фикрга жавобан


FRIBERY
Сана: 14.06.2013 13:33. FRIBERYга ёзиш
+0; -0
O'tgan hafta hatto ob-havoyam bizga qarshi ishladi.
Trener bilan himoyachini durratskiy xatosini deb yutqazdik.
Endi, keyingi xafta yurtimiz futbolida "ob-xavo" yaxwi buladi deb kutib kun saniymiz!!!

Ушбу фикрга жавобан


FRIBERY
Сана: 14.06.2013 13:25. FRIBERYга ёзиш
+0; -0
Forma haqida yaxshi yozibsiz! Yomg'irda koreyslar biznikilaga nisbatan yaxshi uynashadi. Bu forma yomgirda dabdalasi chiqib, 10 kiloli qopga aylandi.

Ушбу фикрга жавобан


XASANBOY
Сана: 14.06.2013 12:13. XASANBOYга ёзиш
+0; -0
qo'rqoq taktika bilan o'ynaldi. Biz O'zbekiston kuchli deb turgandik ular esa qo'rqib o'ynashdi. Qo'rqsang umuman g'alaba qozona olmaysan. O'ylab ko'ring bizlar ularga bosim uyushtirganimizda bizda ko'plab vaziyatlar bo'lar edi ularda emas

Ушбу фикрга жавобан


DOTSENT
Сана: 14.06.2013 10:46. DOTSENTга ёзиш
+0; -0
Бу ўйиннинг кечиши менга 1983 йил кузидаги Португалия-СССР учрашувини эслатди. Евро-84 саралашининг сўнгги тури доирасида бу ўйинда советларни дуранг натижа ҳам қониқтирарди. Биринчи тайм охирларида белгиланган шубҳали пенальти ҳаммасини расво қилган эди. СССР термаси иккинчи таймда вазиятни ўнглай олмаган эди. Кейинчалик кўп мутахассислар айтишича, Лобановский дуранг натижага тактикани тузган ва воқеаларнинг ўзгариши натижасида терма жамоа вазиятни ўзгартира олмаган. Кечаги ўйин шунга ўхшаш манзарани намойиш этди.

Ушбу фикрга жавобан


SAMARQANDI
Сана: 14.06.2013 10:35. SAMARQANDIга ёзиш
+0; -0
Юқоридаги хатолар тўғри кўрсатилган, аммо энг биринчи асосий муаммолардан бири бу – Қосимовда пухта ўйланган «B» режанинг йўқлиги эди, манимча.

Биз сўнгги уч учрашувда гол ўтказмай, иккинчи бўлимда ғалабани илиб кетишга ўргангандик. Бу сафар эса бўлим сўнггидаги автоголдан кейин, Қосимов иккинчи бўлимда қандай ўйнашимиз лозимлиги ҳақида аниқ тасаввурга эга эмасди. Футболчилар эса, сардор Жепаров оқимни қайси томонга бурса, ўшани орқасидан эргашишди. Натижада узоқдан берилган учта зарбадан бошқа, бирорта аниқ пухта ўйланган ҳужумни кўрмадик.

Ушбу фикрга жавобан


DOTSENT
Сана: 14.06.2013 10:18. DOTSENTга ёзиш
+0; -0
FILOSOF | 14.06.2013 00:04

Азиз ҳакамга атайин ташлангани йўқ. У хурсандчиликда ҳакамни футболчи билан адаштириб юборган. Ўзига келгунича Бадвавий унга жаҳл қилиб, нари кет, деб бўлган эди.

Ушбу фикрга жавобан


ABDULOVJ
Сана: 14.06.2013 09:39. ABDULOVJга ёзиш
+-2; -0
Кореяда охирги бўлиб биз
эмас, Эроннинг тўп сураётгани
омадимиз келмаганидан
далолат, умуман, ушбу циклда
бизга қарши бўлган факторлар
етарлича бўлди. Аммо
биласизми, буни
ҳолатимизнинг асосий айбдори
санаш, айниқса, бизга қарши
йўналтирилаётган қандайдир
махфий фитналар ҳақида
жиддий тарзда фикр кулгили.
Айбдорларни ташқаридан
излаш доимо инсонга хуш
ёқади, ўзини оқлашга асосли
баҳона бўлади, аммо бу
кейинги фаолияти учун етарли
тажриба сифатида ўрин олиши
мумкинми? Йўқ, ахир биз
келаси сафар ҳам атрофдаги
ҳолатларга ўз таъсиримизни
ўтказа олмаймиз, яна мағлуб
бўламизми? Оддий мисол, ОФК
раҳбариятининг гўёки ЎФФ
билан тескари бўлиб қолгани
ҳақидаги гаплар ғирт уйдирма,
зеро, билишимча, Мираброр
Усмонов ҳозирги ОФК
раҳбарини сайловларда ёқлаб
овоз берган ва ўзаро яқин
алоқадалар. Кейин, ўйин
вақтини ўзгартириш тўғридан-
тўғри ФИФА билан боғлиқ
масала, ОФК эса, айнан
иқлимдаги фарқни назарда
тутиб, Ўзбекистон–Қатар
ўйинини эртароққа сурилишига
қарши бўлган ҳатто.
............................
1 С Бугалтеристика Афтоматик Муносабат Билдириш Дастури.

Ушбу фикрга жавобан


JANUB
Сана: 14.06.2013 09:32. JANUBга ёзиш
+0; -0
ха расмларга караб хулоса чикариш осон, майдонга тушиб уйнаш кийин, кани уша рисоладагидек уйнайдиган уйинчиларимиз борми?

Ушбу фикрга жавобан


ANTIVIRUS
Сана: 14.06.2013 09:31. ANTIVIRUSга ёзиш
+0; -0
Эщитишимча М.Усмоновни жияни шугулланади Juma билан.

Ушбу фикрга жавобан


CONQUEROR
Сана: 14.06.2013 09:21. CONQUERORга ёзиш
+0; -0
1 ta kino bölardi, SSSR payti ishlangan, nomi esimda yöq... Trener futbolchilarga oddiy arifmetikani örgatish b.n ish boshlaydi va yaxwi natijalarga erishadi...Bizni bollar matematikani yaxwilab örganib,miyalarini charxlab, shaxmat öynab-öynab keyin maydonga tushsa b6larmidi...!?

Ушбу фикрга жавобан


ANTIFREE
Сана: 14.06.2013 09:20. ANTIFREEга ёзиш
+0; -0
бу футболка эмас бу турва-халта! Федерациядаги коринбойларнинг хаммасини кутига тепиб хайдаш керак!!!
Мирабрордан тортиб Магомедовгача!!! Яна бир гап - маглубиятдан накд Мирзиеев даргазаб булиб Кореянинг узига одам жунатганини эшитиб колдим. Балки энди чоралар куринар?
Мухлислар шууунча хохлагани билан чикиб колмаймизу. Чоралар куриш керак, айбдор коринбойларни четлатиш керак. Раво футболка масаласи, уртокликлар УМУМАН утказилмаганини хисобга олиб кутига тепиб хайдаш керак, ха уша долбан Толибжоновни хам!!!

Ушбу фикрга жавобан


FANFCB
Сана: 14.06.2013 07:57. FANFCBга ёзиш
+0; -0
Koreya bizni terlamay yutdi? Yo'q Qaxramon aka ular terlashdi, anchagina terlashdi

Ушбу фикрга жавобан


MANUTDBARSA
Сана: 14.06.2013 07:27. MANUTDBARSAга ёзиш
+0; -0
Эй худо КИРЖАЛОЛНИ олиб Хожибойни кайтар.

Ушбу фикрга жавобан


UZBARS
Сана: 14.06.2013 07:11. UZBARSга ёзиш
+0; -0
Filosof

yumorist bob ketin-eeee))))))))

Ушбу фикрга жавобан


MARSEL
Сана: 14.06.2013 05:17. MARSELга ёзиш
+0; -0
Футболка сувда шилта шалаббо бўлиб, футболчилар танасига замбилдек осилиб ҳаракатланиш учун халақит бераётганини пайқаш қийин эмасди. Хўш, шу аҳволда, Корея билан юқори қаватлардаги кескин курашни кутганмидик? Кимнинг айби бу? Нега, ҳар қандай ҳолатга ҳам чидамли бўлган, футболчиларимиз ҳаракатланишини чекламайдиган юқори сифатли либос олинмади? Мундиалга лойиқ бўлиш учун ҳар томонлама лойиқ бўлиш керакмасми?

Хуллас, гапирса гап кўп. Лекин бу спорт, ҳар қандай ҳолатда ҳам футболчиларимизга ишонишда давом этамиз. Имкон қадар эски хатоларни қайтармаган ҳолда, Қатарга қарши ўйинда яхшироқ, мазмунлироқ ўйин намойиш этиб берадилар, деб умид қиламиз. Омад.


ШунЧА ПАХТА УСТИРСАК. НАХОТКИ 23 киши учун НОРМАЛЬЫНЙ майки трусы ТИКИБ БЕРА ОЛИШМАСА,А. А БИЗДА ЩУНСА ТИУКВЧИЛАРИМИЗ БОР. ШУНЧА ШВЕЙНЫЙ ФАБриклар ббор. ШУНЧА ПАХТА утсирсак,нахотки 100% пахта булган СИФАТЛИ 23 МАЙКА ТРУСЫни буун УЗБЕКИТСОНДА бирор бир ТИКИБ БЕРАДИГАН швейныйфабриками,тикучиларми топилмаса,а.А бууятки федерация. Бизда шуна пахта усса, шунса тикувчиларрмиз швейный фабрикларимиз булса.Нахот кузимизни пахтаадан узимизни тикувчилар 23 та футболчига тикиб бера олишмаса,а,лаббай.Ьизга омад.

Ушбу фикрга жавобан


BOSMACHI
Сана: 14.06.2013 03:36. BOSMACHIга ёзиш
+2; -0
Qahramon aka,iloji bo'lsa Qatarga qarshi qanaqa taktika va qaysi tarkibni o'ynatgani ma'qul,umuman keyingi o'yin haqida ham maqola yozsangiz zur bo'lardi,rahmat kattakon.

Ушбу фикрга жавобан


AZIZFANAT
Сана: 14.06.2013 03:01. AZIZFANATга ёзиш
+0; -0
эхеее жчга чикаолмайсан-плейофффдан утаолмайсан.

Ушбу фикрга жавобан


AZIZFANAT
Сана: 14.06.2013 02:50. AZIZFANATга ёзиш
+0; -0
эх,Кахрамон,Кахрамон!

Ушбу фикрга жавобан


LYUBITEL
Сана: 14.06.2013 02:23. LYUBITELга ёзиш
+4; -0
Яхши тахлилий макола булибди. Маколани укиб, ТЖмизда тактиканинг узи йук экан, деган хулосага келади киши. Футбол факат оёк билан уйналмайди, хакикатан, у энг махоратли уйинчилардан таркиб топган жамоа булса хам.
ОТЖ маглубияти хакидаги маколангизнинг рейтинг жихатидан урни учун ушбу макола ракобатдош булди, мен учун

Ушбу фикрга жавобан


DINAMACHI
Сана: 14.06.2013 01:51. DINAMACHIга ёзиш
+0; -0
Ertalab komp.da qaytadan öqib chiqaman. Tel.da nimagadir rasmlar körinmadi.

Ушбу фикрга жавобан


DINAMACHI
Сана: 14.06.2013 01:50. DINAMACHIга ёзиш
+0; -0
Aka, soat01-29 agar 5minut oldin qöyganizda konf.gizga shunaqa maqol sörab yozmasdim. Katta raxmat.

Ушбу фикрга жавобан


ZIMISTONIY
Сана: 14.06.2013 01:25. ZIMISTONIYга ёзиш
+0; -0
Философ, долбаёп бобқопсан.

Ушбу фикрга жавобан


UZBEKISTONIM
Сана: 14.06.2013 01:25. UZBEKISTONIMга ёзиш
+0; -0
тахлил учун рахмат, укиб мазза килдим.

Ушбу фикрга жавобан


BLAUGRANA
Сана: 14.06.2013 00:56. BLAUGRANAга ёзиш
+0; -0
Мана бу бошка гап...
Ха, бу тренер билан Катар тусигидан хам утолишимиз даргумон!

Ушбу фикрга жавобан


FILOSOF
Сана: 14.06.2013 00:04. FILOSOFга ёзиш
+0; -0
Ўйиндан 2 кун ўтган бўлса хам хақиқий ўзбек футбол мухлислари халиям ўзларини боса олишмаяпти.Бу тўғри!!!Энди мағлубиятимиз сабабчиларини қидиришда давом этамиз.Манимча мағлубиятимиз сабабчиларидан бири{косвенно} Азиз Хайдаров!!! Ха у ! Даже икки маротаба айбдор.Сабаби- Эрондаги ғалабадан кейин бало борми Бадвавийни қучоқлашга ташлангани. Қаерда кўрилган ўйинчи ғалабадан кейин судья билан қучоқлашганини. Бу ерда бир нарса бордир деб ОФК хакамни алмаштирди. Бу биринчиси.Иккинчиси , Юзига карис хужумчиси карисча таеквандо усулида тепиб юборганда ,мардларча ўзбек ўғлонига ўхшаб чидамасдан , любой ўлвотган арабга ўхшаб бақирмайсанми, ерга ётволиб думаламайсанми. Яна ўзинг араб командасида ўйнасанг.Зора итМинора қизил берворарди карисга.Кўрганмиз, жахон чемпионатида турк химоячиси тўпни угловой тепсин деб тўпни оширганда бизнинг машхур бразилиялик Ривалдомиз ўламан деб ётволганини.Натижада турк қизил олган эди.

Ушбу фикрга жавобан


FILOSOF
Сана: 14.06.2013 00:03. FILOSOFга ёзиш
+0; -0
Хаммасига Абрамов айбдор !!! Керакмас ўйинда Японияни 2- таркиб билан ютиб келгани!!! Замонавий японлар хам самурайлар авлоди.Ўша Нишимура хам, Минору хам ўзбекларга қарши кек сақлаб қолган , қасос ўти ичида қолган.Бундан ОФК унумли фойдаланди.Нега Бадвавийни ўрнига именно япон хаками тайинланди?Бу ерда бир нарса бор!! Коса тагида ним коса!!!

Ушбу фикрга жавобан


FILOSOF
Сана: 14.06.2013 00:01. FILOSOFга ёзиш
+0; -0
Миноруни карор чикаришдаги яна бир нохаклигини нима учундир хеч ким эсламаяпти.Карисларни новча хужумчисини Азизни юзига тепганлигидаги вазият.Бундай вазиятларда хакам кизил курсатиши кераклигига нечта мисол келтириш мумкин-усмирлар уртасида осие финали,Сардор Рахмонов тупни кайтариб булгандан кейин рактбни кукрагига оеги тегиб кетганлиги,Ривалдо хам тупни тепаман деб ракиб кукрагига тепиб юборгани,Жунаид Чакирни Нанига курсатган кизили,эътибор беринг бор йуги кукрагига тепиб юборишган.Бизни вазиятда кукрагига эмас ,башарасига тепяпти,сарикни уйлаб кейин берди итминору.Гарантия бераман мард узбек углони Азизни урнида любой араб булганда узини ерга отиб,жарима майдониниу бурчагидан бу бурчагига думалаган буларди узини улвотганга солиб.Нима жапан Итминору учун футболни бошкача конунлари борми,Йошида уйлаб топгандай.

Ушбу фикрга жавобан


FILOSOF
Сана: 13.06.2013 23:57. FILOSOFга ёзиш
+0; -0

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.