Кириш Регистрация
18/03 00:45 Интер 1-1 Наполи
18/03 00:45 Монпелье 2-6 ПСЖ
18/03 01:00 Атлетико 0-3 Барселона

Блог

Қаҳрамон Асланов

25-кадр

Ўзбек футболидаги "тактикасизлик" ёхуд "Испанларга тегманг"

Баҳо:
+2; -0

“Барселона”нинг ярим финалдаги мағлубиятларидан кейин, гуёки, тўпнинг назорат қилинишига асосланган ўйин услубининг инқирозга юз тутгани ҳақида мулоҳазалар кўпайиб кетмоқда.  Очиғини айтганда, мен бу фаразга мутлақо қўшилмайман. Ҳозирда дунё футболида урфга айланган ва натижа келтираётган асосий услуб айнан шудир. 

Бир нарсани яхшилаб фарқлаб олиш керак. “Бавария” ҳозир Европанинг энг кучли клуби экани шубҳасиз. Жамоа кўрсатаётган ўйин мукаммалликка яқин. Лекин бу жамоа услубини аниқ ажратиб кўрсата оласизми? Урф бўла оладими? Йўқ, ҳатто “Бавария”нинг асосида ҳам ўша испанча тўпни назорат қилиш услубини янада такомиллаштирилган варианти ётибди холос. Бугунги  “Бавария” икки йил олдинги “Барселона”га ҳозирги “Барселона”нинг ўзидан ҳам кўра яқинроқ, десак бўлади. Умуман Испаниянинг барча жамоалари (“Атлетико”дан бошқа), Англиянинг барча етакчилари, мана шу “Бавария” ҳам айнан ўша тўп назорати ва пасларга асосланган футболни ўйнашмоқда. “Барселона”нинг мағлубиятлари бу услубнинг эмас, шунчаки жамоанинг инқирозидир. Шунчаки жамоа услубни янада такомиллаштириш билан шуғуллана олмади. Турли вазиятлар учун етарли кадрларга эга бўлмади. Баҳорга юксак спорт формасида кириб келмади. Месси жароҳат олди, Виланова ўз билан машғул бўлди ва ҳоказо. Мисол учун, Гвардиола буни шу даражада такомиллаштирган эдики, стандарт вазиятлар, тезлик, қарши ҳужум каби факторларга эхтиёж ҳам сезилмай қолганди. Жамоанинг айби шу бўлдики, таркиб эскириб борган сари услубдаги мукаммалликка путур ета бошлаган сари, бошқа факторларни ривожлантириш устида иш олиб бормади. Масалан, ҳимояни кучайтириш... 

Замонавий футбол эса “барса”га эргашишда давом этмоқда. Ҳатто Англияда ҳам жамоалар айнан юқори техника ва тўпни назорат қилишга урғу бериш ниятида таркибни испан-португал ёки Лотин Америкаси вакиллари билан тўлдиришда давом этмоқда. Умуман қизиқ, ўша Лобановский ўтган аср охирида ёнғоқ каби чақиб ташлаган услубнинг икки марта Европа, бир марта жаҳон чемпиони, уч марта ЕЧЛ ғолиби бўлаётгани? Аҳмоқ эмас-ку, футбол?

“Барселона” ўйини В.Лобановский ва Б. Абдулла каби мутахассислар айтганидек, мейёрдан кўп ҳаракатланишга эмас, аксинча, рақибни ҳаракатлантириш, техниканинг физикадан устун қўйишга асосланган. Эълон қилинган баъзи таҳлилий мақолалар ёрдамида “Барселона” услубидаги бир нечта муҳим жиҳатларга эътибор қаратамиз.

1. “Тики така”да маълум бир қисм эмас, бутун жамоа ҳаракатланиши туфайли, рақибнинг барча футболчиларини сергакликда ушланади. Ўз ўзидан бу ҳолатда тўпга эгалик қилаётган жамоа эмас, тўпсиз ҳаракатланаётган рақиблар кўпроқ масофа югуришларига тўғри келади. 

2. Узун паслар кураш зоналарига эмас, очиқ худудларга узатилади. Яъни ўз футболчиси курашда яққол устунлик қилиши мумкин бўлган зонага ташланади. Бу эса тўп учун давомли курашиш, ортиқча югуриш орқали куч сарфлашга йўл йўқмайди.

3. Футболчиларнинг зич жойлашиши. Жамоадаги энг охирги ҳимоячи билан, энг олдиндаги ҳужумчи орасидаги максимал фарқ 20 метрни ташкил қилиши керак. Актив майдондаги бу зичликни босиь ўтиш рақибга қийинчилик туғдиради, кўпроқ узун пасларга мурожаат қилиш ва ўша тўп учун курашишни мажбур қилади. 

4. Орадаги масофанинг атиги 20 метр экани ҳужумчиларнинг ҳимояга ёрдам беришини осонлаштиради. Улар ҳимоячига айланишлари учун атиги 20 метр орқага қайтишлари кифоя. Футболчилар ҳужумдан ҳимояга, ҳимоядан ҳужумга бориш учун бутун майдонни босиб ўтишлари шарт эмас. 

5. Тўп учун курашга киришган футболчи уни эгаллаши билан дарҳол ёнидаги шеригига ошириб бериши керак. Сабаби, маълум вақт тўп учун курашган футболчи сал бўлса-да, мувозанатни йўқотади, майдонда футболчиларнинг жойлашуви, устун позицияда турган шериклари ҳақида маълумотга эга бўлмайди. Тўпни эгаллаб, бошини кўтариб, вазиятни баҳолаш эса бироз вақт талаб қилади. Яхшиси, айнан шу иш билан шуғулланиб турган шеригига тўпни етказади ва ўзи учун қулай позиция ахтаришни бошланди.  

Йохан Кройфнинг бир гапи бор – “Энг қийини оддий футбол ўйнашдир”. Масалан Англиянинг бирор ўртамиёна жамоаси жуда оддий футбол ўйнайди. Ўйин узун паслар, курашлар ва тезликка асосланади.  Бу осонми ёки қийин? Қийинлиги шундаки, бундай ўйнаш учун таркиб жуда юқори физикага, юқори тезликка, тўп учун курашиш, диққатни йўқотмаслик ва ҳоказо талабларни ҳам мукаммал даражада бажариши керак бўлади. Яъни, “тики така”нинг бор мантиғи шундаки, минимал куч сарфлаб, максимал натижага эришишдир. Яна ўша Кройфдан иқтибос келтирсак, у дарвозага тўпни тепиш имконияти бўла туриб, янада қулайроқ вазиятни излашни нотўғри деб билади. Мана шу мулоҳазалардан келиб чиқиб, Бобомурод Абдуллага қўшилиш ҳам мумкин, қўшилмаслик ҳам мумкин. Яъни керакли пайтда дарвозага тепмаслик, маъносиз тўпни бир бирига етказиб туравериш – бу жуда нотўғри. Қўшилмайдиган жиҳат эса, бу асло “Барселона”нинг услуби эмас, аксинча, “Барселона”нинг ўзи ўша услубни бажара олмай қолаётганидан далолат.   

Терма жамоа ва клубларимиз мавзусига ўтамиз. Хўш, муаммо нимада? Авволо, кичик эътироз, жамоаларимиз бир ўйинда 1.5-2 минг марта тўп узатишни амалга ошириши ҳақидаги гаплар нотўғри. Европа чемпионатида Испания терма жамоаси ҳар ўйинга ўртача 681 марта тўп узатган. Бу Европа ва жаҳон чемпионатлари, вақтнинг 70 фоизида тўпни назорат қиладиган Испания терма жамоаси учун ҳам рекорд саналади. Бўлди. 

Масалан ҳамкасбим Бобомурод Абдулла охирги икки мақоласида, асосан икки асосий жиҳатни тилга олади - 1) футболчиларнинг термага бўлган муносабати 2) тўпни ҳаддан ташқари назорат қилишга интилиш, дарвозага зарба бермаслик. Бу фикрларга қўшилса бўлади, аммо муаммонинг моҳияти ҳақида бошқача фикрдаман, зеро муаммони ечиш учун энг муҳими унинг борлигини эмас, келиб чиқаётган сабаблар ҳақида тўғри тушунчага эга бўлишдир. 

Хуллас, иккинчисидан бошлаймиз. Эмишки, Вадим Абрамов жамоани шундай ўйнашга ўргатиб қўйган. Бу нотўғри. Бошқача ўйнашни ўрганиш керак экан. Очиғи, барча ёмонликларни Абрамовга, барча яхшиликларни эса бошқаларга йўйишни бас қилиш керак. Юқоридаги мулоҳазалардан келиб чиқсак, тўпни назорат қилишнинг ҳеч қандай ёмон томони йўқ. Айниқса, таркиб жисмоний жиҳатдан у қадар юқори савияда бўлмаса. Ростан ҳам шундай, тезлик, дриблинг ва бошқа факторлар бўйича Осиёда у қадар етакчи эмасмиз. Шундай ҳолда ҳам Қатарда терма жамоамиз энг чиройли, энг фойдали, энг ақлли футбол намойиш этган. Биз шунчаки, ғалаба қозониб ярим финалга чиқиб бормаганмиз, ўйинларни чет эл телеканналларида ёки бевосита Қатарда томоша қилган ҳамкасбларим айтсинлар – жамоа ўйини барчасини ўзига қарата олган, мутахассисларнинг юқори баҳосига лойиқ кўрилган. Бу шахсий фикрим эмас, факт. Ўша турнирдаги “Қатарга қарши ўйин эса, терма жамоамизнинг охирги 10 йилдаги энг юқори савиядаги, русчасига айтганда “показательный”си деб биламан. 

Абрамов ўша турнирдан кейинги ўйинларда ўша даражани сақлаб тура олмади. Умуман тайёрланиш учун етарли вақт бўлганда ва сенга нисбатан муносабат бироз пастроқ бўлганида ўйнаш осонлашади, қўшиламан. Айтмоқчиманки, ўша интилинган, кўрсатилган футбол билан ҳозирда терма жамоамиз ёки етакчи клубларимиз намойиш қилаётган футболни солиштирсак, фарқни кўрамиз. Айтмоқчиманки, бугун икки футболчимиз бир-бирига тўпни етказиб туришса ва дарвозага керагича зарба берилмаса, айнан ўша даврнинг ёки услубнинг қолдиқлари деб баҳоламаслик керак. Қолдиқ деб биладиганларга ҳам бир фикр: орадан ўтган бир йил ҳар қандай мураббий учун ҳам қолдиқларни йўқотиш учун етарли вақт.   

“Барселона” вазият туғилиши ҳамоно дарвозага зарба беради. Зарбаларнинг камлиги ўша вазиятнинг кам туғилиши билан боғлиқ, сабаби, рақиблар одатда, бутун жамоа бўлиб жарима майдонига кириб олганида, очиқ йўлни топиш ҳам қийинлашиб кетади. Иккинчидан, “тика така”ми ёки бошқами, ҳар қандай услуб дарвозага зарба бериш шароитини яратишдан иборат бўлади. Яъни “дарвозага зарба бериш” бу тактика эмас, бу кўрсатма. Ҳар қандай тактиканинг асоси, вазифаси қулай вазиятларни яратишдир. Кам зарба берилиши бу алоҳида футболчиларнинг ёки “тактикасизлик”нинг оқибатидир. Ўша Қатарни эслаганимизда ҳам, киритилган голларимизнинг ярми узоқ ва ўрта масофалардан киритилганига гувоҳ бўламиз-ку, тўғрими? Зарба берилмаса, мураббийнинг қўрқоқ тактикаси, зарба берилса, бу футболчининг ўз ташаббусими? 

Энди узун паслар ҳақида. Узун паслар ҳам “тики така”нинг ажралмас қисмидир. Марказда тўпни ушлаб туришнинг асосий мақсади, паслар орқали рақиб мувозанатини йўқотиш ва чалғитувчи ҳаракатлар ёрдамида очиқ зоналар юзага келтириш. Масалан, Хави марказда тўпни эгаллаб турганда, деярли ҳар секундда кимдир ўзини таклиф қилади. Яқин масофада ҳам, узоқ масофада ҳам. Ёки Қатарда мана шундай ҳаракатлар ёрдамида Жасур Ҳасанов очиқ зоналарга эга бўлганини эсланг. 

Ҳозир масалан, “Пахтакор” ёки “Бунёдкор”даги ҳолатни баҳолаймиз. Тўп марказда назорат қилиб турилади. Бу “тики така” эмас, нима қилишни билмасликдан. “Тики така” бу квадрат ўйнаш, яъни маълум худудда тўпни сақлаб туришни ўрганиш эмас, бутун майдонни назоратга олишдир. Хуллас, тўп сақланиб турилаверади, аммо ўзгариш йўқ. Натижа нима бўлади? Ё тўп йўқотилади, ёки майдон ташқарисига чиқиб кетади. Ёки тўп юқорилатиб олдинга ёки жарима майдонига етказиб берилади. Энг ёмони, бу узун паслар одатда, кураш майдонига, яъни бизнинг футболчилар ва рақиблар уни эгаллаши учун тенг имкониятга эга бўлган худудларга етказилади. Масалан, ўша нуқтада бизникилар ҳам бор, рақиблар ҳам. Хўш, оқибат шу экан, шу пайтгача тўпни бир бирига етказиб беришдан нима наф? Аввалроқ ўша узун пасни амалга оширса бўлмасмиди? Юқорида айтганимиздек, тўпни сақлаб туришдан мақсад, очиқ зоналарга эга бўлиш бўлиш керак. Узун пасларни ўз футболчиси устунликка эга бўлган зоналарга эмас, кўр кўрона кураш майдонига ташлашдан фойда йўқ. Бу испанча футбол эмас, инглиз ва испанларнинг энг ноқулай тарафлари чатишган “гибрид”дир. Тўп назоратидан мақсад зоналарда устунликка эга бўлиш, бошқаси эмас. Кураш майдонига тўп узатмоқчимисиз, марҳамат, бу ҳолда, тезкорлик талаб этилади. Ёки курашларда яққол устунлик қила оладиган имкониятга эга бўлган футболчилар талаб қилинади.       

Энди, биринчи эътироз, яъни футболчиларнинг термага бўлган муносабатлари ва бор ғайратларини тўкиб солмаётганликлари  ҳақидаги фаразга келамиз. Шахсан мен терма жамоа муҳитидан хабардор эмасман. Бу ҳолат четдан ҳам сезса бўладиган даражага чиққан-у, мен буни сезмаган бўлишим ҳам мумкин.  Ундай бўлса, буни Миржалол Қосимов ҳам осонлик билан пайқай олиши керак. Четдан бир мухлис ёки журналист сезган муаммони мураббий осонлик билан илғай олади. 

Ҳаммаси, бу масаланинг қандай ечилишига боғлиқ. Масалан, Ливан билан ўйинда бу сезилган бўлса, Кореяга боргунча ҳал қилиниши шарт. Мабодо, яна шу такрорланиб, кейинги ўйинларда ўртага чиқадиган бўлса, яна шу муаммо тилга олинадиган бўлса, ягона айбдор бош мураббий бўлади, бошқаси эмас. Чунки муносабат жиҳатидан муаммоси бор футболчини таркибга қўйишга мажбурлик – бу мураббийнинг ожизлигидан дарак. Демак, ё ўша футболчига тушунтириш ишлари етарлича олиб борилмаган ёки ўрнига янги кадрлар изланмаган.

Амалиётда ҳар икки ҳолатга ҳам мурожаат қилинади. Масалан, юлдуз футболчилар термада ўйнашни унчалик истамаётган пайтларда, керак бўлса, бош мураббий шахсан гаплашиб, вазиятни тушунтириб, майдонга қайтаради. Футболчининг шунчаки қайтиши эмас, бор куч билан ўйнашини таъминлайди. Мураббий унинг профессионал эканига, агар қайтса, бор кучини беришига тўлиқ ишонади ва шунга мос тарзда муомала қилади. Эгилади, тушунтиради. Агар мураббийда ўша футболчининг профессионаллиги ҳақида шубҳа бўлса, ундан воз кечилади. Ёки бошқа провакацион йўл тутилади. Масалан, Абрамовга, у янги мураббий бўлганида, баъзи футболчиларнинг термага бўлган муносабати, гуёки ўзларини “тегилмас, алмаштириб бўлмас” деб ўйлаётганликлари ёқмаган. Вазият шундай ташлаб қўйилмаслиги керак эди, бир-икки футболчиларга бўлган муносабат орқали терма жамоа нима экани барчага тушунтириб қўйилганди. Жасур Ҳасанов ва Азиз Ҳайдаровлар билан воқеалар эсингиздами? Жасур Қатардан туриб, телефонда гапириб қолганди, Азиз эса матбуот анжумани чақиришга мажбур бўлганди. Ўшанда ким айбдор, буни ўшанда айтганмиз, лекин мақсад бу эмас, асосий мақсад провакация эди. Термада ҳеч кимга кафолат йўқлигини тушунтириш эди. Гап билан эмас, амалда. 

Ҳозир шундай паллаки, ростанам, термада алмаштириб бўдлмас футболчи йўқ. Аҳмедовсиз ҳам керакли натижаларга эриша олдик. Жепаров ва Кападзелар ўйинида пасайиш, ёшларда юксалиш туфайли, савия деярли тенглашиб қолмоқда. Терма жамоа потенциал  номзодларини кўпайтириш ва рақобат ҳосил қилишнинг айни вақти. Агар мураббий, баъзи футболчиларнинг термага бўлган муносабатидан қониқмаса, умуман ростан ҳам шунга яқин муаммо бўлса, айни кунларда ечиб борилиши шарт, деб ўйлайман. Худо кўрсатмасин, агар қониқарсиз натижага эришсак, яна, аввалгидек, футболчиларни сўкишга одатланиб қолмайлик. 

Мавзу нафақат бош жамоамиз, балки, етакчи клубларимизга ҳам тегишли. “Бунёдкор”нинг натижалари ҳам осмонларда учирмаслиги керак, чунки чинакам савия, барқарорликни, ғалаба керак бўлган ўйинлардаги яққол устунликни талаб қилади. Тошкентда японларни ютиб, муддатидан олдин масалани ҳал қилиш имкони турганда, барчасини яна оғирлаштириш, кейинчалик бу синовдан ўтилган эрса-да, яхши эмас. Похангдаги эмас, Тошкентдаги ўйинлар эътиборталаб эканини эсдан чиқармаслигимиз керак.   

Бобомурод Абдулланинг шу фикрларига қўшиламан, футболимиз етук мутахассиларга мухтож, кўрсатаётган ўйинларимиз савиясига хавас қилиб бўлмайди. Уни яхшилаш нафақат бизни яқинда кутиб турган иккитагина ўйин учун, балки кейинги ривожланишимиз ва балки мундиалда муносиб бўдлишимиз учун ҳам зарур. Фақат муаммо илдизини испанларнинг тактикасига эмас, балки ўзимизнинг тактикасизлигимизга боғласак, ечишимиз осонроқ бўлади. Афсуски, ҳозирда ўша “Барселона”га рақибларимиздан ҳам кўра узоқроқдамиз гуё. 

 
Киритилган сана: 05.05.2013 14:11. Ўкилди: 9165 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


ARXEOLOG
Сана: 15.05.2013 16:07. ARXEOLOGга ёзиш
+0; -0
Maqolaga gap yo'q. Keyin Abramov hech nimani dabdala qilmadi. Unga imkon berilganida nima bo'lishini hech kim bilmaydi. Eronga boy berilgan o'yin yomon bo'lmagandi. Odilning goli hisobga olinganida barchasi boshqacha bo'lardi.

Ушбу фикрга жавобан


ILHOMBEKT
Сана: 07.05.2013 18:32. ILHOMBEKTга ёзиш
+0; -0
gap yo'q maqola bo'libdi

Ушбу фикрга жавобан


BAHROMJON
Сана: 07.05.2013 13:46. BAHROMJONга ёзиш
+0; -0
Абрамов, Абрамов ва яна Абрамов! Нима бу илохийлаштиришми? ёки шунчалик симпатия кучли шу луттивозга нисбатан. Хаммаёкни дабдала килдику. Мана яна битта сунъий клуб ташкил килинди Локомотив деган. Аввал Бунёдкорийди, Шуртан, Машъалларда бу ишга уриниб курилди. Энди Локомотив ! Нефтчи, Насаф, Андижон, Металлург, олмалик, боринг ана Пахтакорлар уйинчиларни тарбиялаб етиштириб етибди булар уларни пул билан огдириб нимала килишяпти. (Факат хозирга келиб машъал академияси зур булиб кетди. Лекин нимагадир асосий жамоанинг ишлари дабдала!) Локомотивдаям шу буляпти. Хакамлар, уйинчиларни огдириб олиш ва хоказо. Шу Локомотивни Ушу муйлов амаки МТЖ мураббийлигида шакллантирдику мажбурлаб. билмайман хозирам кули бормикан бу жамоада?! Умуман унинг рахбарлигидаги жамоа зур уйнаган эмас, зур иш хаки олган. Муаллиф айтганидек керак булса синдириш, керак булса шантаж билан федерацияни, футболчиларни уйнатилган. Натижаларам жуда дахшат эмас! Хар калай 0-6 хали юракдан чикиб кетди. Тугри Саркисян хам 6-2, 8-1ларни курган лекин унинг рахбарликка утириши ва унга яратилган шароит билан ВАКнинг шароитлари орасида ер билан осмонча фарк бор. Колаверса Юрий Вазгенич барча айбни буйнига олган хамда жудаааа катта аудиторияда ва хатто телевидение оркали мухокама килиб ташланган. У чи хаммани лох килди. Хуллас Абрамов узбек футболини кузини очди- фойдасига эмас зарарига ишлаб. Кушакични тинч куйинг! Натижа керак, ЖЧ керак!!! ЖЧда эса музкаймок егани бормаслиги аник Миржалол Косимов. Хозирча максимал вазифани бажаришга куйиб беринг. кейин супер максималини сурармиз???!!!

Ушбу фикрга жавобан


DOTSENT
Сана: 06.05.2013 11:53. DOTSENTга ёзиш
+0; -0
Эмишки, Вадим Абрамов жамоани шундай ўйнашга ўргатиб қўйган. Бу нотўғри. Бошқача ўйнашни ўрганиш керак экан.
*************

Бу йўл антиабрамовчиларнинг услубидир. Ким нимани кўргиси келса, ўшани қидираркан. Осиё кубоги-2011да бошқа тренер бўлганида ярим финалга чиқишига ким кафолат берарди? Абрамовни танқид қилишдан олдин унинг терма жамоа учун қилган хизматини ҳисобга олиш керак. Ҳозирги терма жамоа ўша инсон яратган механизмнинг инерция бўйича ҳаракатланаётган соясидир. Инерция кучи ҳам вақти келиб тугайди. Негадир Гонконг, БАА билан ўйинлар айримларнинг эсидан чиқиб кетди. Гапирсанг дарров хоинга чиқариб қўйишади :((((

Ушбу фикрга жавобан


DOTSENT
Сана: 06.05.2013 11:46. DOTSENTга ёзиш
+0; -0
Аҳмедовсиз ҳам керакли натижаларга эриша олдик.
*******

Аҳмедов ўзи суперклассдаги футболчи эмас, ундай бўлмайди ҳам. Аҳмедов орқага қараб шўнғияпти.

Ушбу фикрга жавобан


DOTSENT
Сана: 06.05.2013 11:44. DOTSENTга ёзиш
+0; -0
Умуман олганда, "Барса" услуби 70-йиллардаги Голландия терма ўйинига ҳам ўхшаб кетади. Тўпни бўш зонага ташлаш ўшаларда кўп кузатилган. 90-йиллардаги Арриго Сакки тактикаси ҳам шунақа эди. Италия термасининг голларини кўринг. Гвардиола услуби тарихда самара берган бир нечта тактик схемаларнинг замонавий футбол талабларига мос холда уйғунлаштирилгандир.

Ушбу фикрга жавобан


MARGILANZE
Сана: 06.05.2013 01:37. MARGILANZEга ёзиш
+0; -0
orada 2yil mtj oyinlarini xotirjamro kordim hozi yana owa yurayladi hovuclab balki mundial yaqinlawganigami bilmadim tori owa qatar bilan oyin man ucunam pokazatilnisi u oyinni faqat go'llar bilan eska oliwli noto'g'ri ! Qosimovi Abramov bilan osio 2015dan keyn soliwtiramiz nasib qisa..

Ушбу фикрга жавобан


HOLLAND
Сана: 06.05.2013 01:25. HOLLANDга ёзиш
+0; -0
Ajoyib maqola!

Ушбу фикрга жавобан


FATHQUQON
Сана: 06.05.2013 00:57. FATHQUQONга ёзиш
+0; -0
Хабар таркалди динамо (с)автобусда ухлаб суткасига 10000сумга узи ва бола чакасини бокишябдикан.Сизлар нима хакида гаплашябсизлар.Тинч куйинглар испанлару барсани.Футболчилар туйиб овкатланмай турганда тактика кулокга кирадими.Телев газета ва нетда шу хакда езиб ендириб ташланглар бир бирларингни гажимасдан.

Ушбу фикрга жавобан


UFFUZB
Сана: 06.05.2013 00:30. UFFUZBга ёзиш
+0; -0
Яна Абрамов сийкаси чикиб кетди тугриси бу мавзуни чайнайверишлик.

Ушбу фикрга жавобан


SHEVAROONEY
Сана: 05.05.2013 22:31. SHEVAROONEYга ёзиш
+0; -0
Maqola bir yoqlama yozilibdi, Qaxramon aka xamma bilib bulgan, Barsa taktikasi xaqida gupirib gapirmasdan, terma jamoamiz taktikasi xaqida kuproq tuxtalib utsa yaxshiroq bulardi manimcha

Ушбу фикрга жавобан


ALBARS
Сана: 05.05.2013 22:19. ALBARSга ёзиш
+0; -0
FILOSOF | 05.05.2013 21:48
0
Яна Абрамовга дифирамбалар! Баликни жуни йук, жуни булмагани учун бургаси хам йук... Узбекистон термасининг визитний карточкаси,бу 2007 йилдаги Саудия Арабистонига карши уйини! Шу ОК дан кейин Рауф Инелеев Осиенинг энг яхши тренери деб топилган.Шу уйинни курган булсанглар керак. Катар билан уйинда Одил Ахмедовнинг ухшаб колган узокдан урилган суперголи, хамда катар химоячисининг совгасидан кейин урилган Жепаровнинг голи.Нега Абрамовнинг олимпиа термасидаги икки циклдаги дабдаласини чикарганини эслагиз келмайди? 8 йиллик умидимизни пучга чикарганини езмайсиз?
***************
Шу фикрларга қўшиламан! МТЖимизга ва "Бунёдкор"га омад!
Насиб бўлса "кимларгадир ёқмаётган услубда" бўлса ҳам натижаларга эришсак марра бизники! Ютуқлар бўлса услубларимиз такомиллашиб боради! ҳОЗИРГИ КУНДА ФУТБОЛЧИЛАРНИНГ ИМКОНИЯТЛАРИДАН КЕЛИБ ЧИҚИЛГАН ҲОЛДА ЭНГ МАҚБУЛ УСЛУБДА ЎЙНАЛАЯПТИ.

ЎША ОСИЁДАГИ УСЛУБ РАҚИБЛАР ТОМОНИДАН ЯХШИЛАБ ЎРГАНИЛГАНИ ЭРОН ВА ЛИВАН БИЛАН ЎЙИНДА АНИҚ БЎЛИБ ҚОЛДИ. ЯХШИЯМКИ КИМНИНГДИР БАЛКИМ АКРАМОВ БАЛКИМ ҚОСИМОВНИНГ ТАШАББУСИ БИЛАН УСЛУБИМИЗ ЎЗ ВАҚТИДА ЎЗГАРТИРИЛДИ БЎЛМАСА ҲОЗИР ЛИВАН АТРОФИДА ЮРГАН БЎЛИШИМИЗ ХАҚИҚАТГА ЯҚИНРОҚ ЭДИ.

Ушбу фикрга жавобан


FILOSOF
Сана: 05.05.2013 21:48. FILOSOFга ёзиш
+0; -0
Яна Абрамовга дифирамбалар! Баликни жуни йук, жуни булмагани учун бургаси хам йук... Узбекистон термасининг визитний карточкаси,бу 2007 йилдаги Саудия Арабистонига карши уйини! Шу ОК дан кейин Рауф Инелеев Осиенинг энг яхши тренери деб топилган.Шу уйинни курган булсанглар керак. Катар билан уйинда Одил Ахмедовнинг ухшаб колган узокдан урилган суперголи, хамда катар химоячисининг совгасидан кейин урилган Жепаровнинг голи.Нега Абрамовнинг олимпиа термасидаги икки циклдаги дабдаласини чикарганини эслагиз келмайди? 8 йиллик умидимизни пучга чикарганини езмайсиз? Бир еш футболчи танишимнинг уз огзидан эшитдим. А брамов Локомотивда бош тренерлик пайтида уша танишимни клубга кабул килиш учун 4000 кукида сураганини айтди.Кани энди хозир уша тупни теполмаган химоячимиз Бобур Омоновмиди? Керакмиди ушанда ОТЖ да уни узидан 2-3 еш катталар билан уйнатишни.?

Ушбу фикрга жавобан


XUMOYUN
Сана: 05.05.2013 21:47. XUMOYUNга ёзиш
+0; -0
GAP YUQ MAQOLAGA XAMMA GAPIZ TUGRI BOBOMUROD ABDULLA GA MUNOSIB JAVOB

Ушбу фикрга жавобан


FILOSOF
Сана: 05.05.2013 21:11. FILOSOFга ёзиш
+0; -0
Яна Абрамовга дифирамбалар! Баликни жуни йук, жуни булмагани учун буогаси хам йук... Узбекистон термасининг визитний картокаси,бу 2007 йтлдаги

Ушбу фикрга жавобан


FILOSOF
Сана: 05.05.2013 18:25. FILOSOFга ёзиш
+0; -0
Бизнинг футболдаги майда паслар хужумни ривожлантиришга қаратилмаган, тўпни кўпроқ ўзида ушлаб турса бўлди барсача ўйнавомман деб ўйлашади.Вахоланки Барсадаги майда паслар хужумни ривожлантиришга қаратилган, рақибни слабий жойларини топиб, чалғитиб , ўша очиқ жойга чиқиб тўпни қабул қилиш ,хужумни далше ривожлантириш.бизни ўйинчиларга бир эътибор беринг , гўёки тренировка қилишвотти, Хайрулла Филлипосянга, яна тезда обратний пас.Худди ютвотгандай.Лобановскийни Динамосини ўйинларини ман кўрганман 70-80 йиллардаги. Аниқ паслар, стремительний атакалар.

Ушбу фикрга жавобан


FUTBOLVATANI
Сана: 05.05.2013 17:15. FUTBOLVATANIга ёзиш
+0; -0
Bizi termaga stabilnist yetishmedi kerarkli muhim oyinlarda kopincha imkonyadan foydalanalmemiz bu oyinchulardi saviyasi bilan bogliq

Ушбу фикрга жавобан


FAZIKK
Сана: 05.05.2013 17:04. FAZIKKга ёзиш
+0; -0
to'ri fikr qaxramon aka gap yo'

Ушбу фикрга жавобан


UZBBEST
Сана: 05.05.2013 17:02. UZBBESTга ёзиш
+-1; -0
Man futbolchilarimizni fizichiskiy, tezlik, driblingda Osiyoda tengsiz emasligi, to'pni futbolchilarimiz qabul qilish imkoniyati yuqori bo'lmagan hududlaga oshirishi haqidagi fikrlaga qo'shilaman ayniqsa. Chunki bu ahmoqlik. Paxtakor haqidagi fikr 100 % to'ri to'pi markazda ushash bu taktikamas ilojsizlik ula nima qilishi bilishmiydi, baribir usha inglizcha uslubda kurash tochkalariga to'p oshiriladi. Inglizcha uslubga etiroz yo'q lekin o'sha inglizcha uslub asosiy prinsipi fizik kuchli, tezkor futbolchilar kam bizda. Paxtakor Al Shabab bilan o'yin oxirida maydoni istalgan joyidan to'pi markazga ko'tardi umuman o'yini boshidan oxirigacha deyarli kombinatsion futbol bo'lmadi, o'sha 2-qavatdagi kurashladayam yutolmadi Paxtakor. Bizani bosh murabbiyla nma qiladi? Faqat kunli trenirofkalami? Ularam taktik sxemala o'zgarish ustida ishlashadimi?

Ушбу фикрга жавобан


EASPORTS
Сана: 05.05.2013 16:49. EASPORTSга ёзиш
+0; -0
AMIBJAN
FIKRINGIZGA QO'SHILMAYMAN BAVARIYA AVVAL BARSADAN KUCHLI EMASDI NATIJALARHAM ISBOTLAB TURIBDI.2009DAGI 4-0DAHAM AYNAN TIKA-TAKA HISOBIGA YUTILGAN.OXIRGI MAVSUMGA QARAB YUZAKI FIKRLAYABSIZ.

Ушбу фикрга жавобан


YAHYOHON
Сана: 05.05.2013 16:38. YAHYOHONга ёзиш
+8; -0
FERGANAQUVA | 05.05.2013 15:15
0
B. Abdullaning ham maqolasi juda tögri faktlarga asoslanib yozilgan. shunday mayda paslarni mukammal özlashtirgan barselona bir necha bor ECHL yarim finallarida öta tezkor va uzun paslar qurboni böldi. inter chelsea va bavariya bu yil esa bir necha bor real uzun paslar evaziga barsani maglub etishdi. mutahasislar ham takidlashmoqda barsani yutishni birdan bir yöli uzun paslar va tezkor futbol.
____________

Умуман олганда фаворит барибир Барса булиб коляптида, ютаётганлар эса Интер, Челси, Реал, Бавария,
йилдан йилга узгаряпти

Кахрамон ака айтганидек 2 та Евро, 1та мундиал, 2 та ЕЧЛни олган услубдан нега воз кечиш керак
Уша узун пас уйнаганлардан кура Барса купрок соврин юттику, хамма гап мана шунда

Ушбу фикрга жавобан


JAMOLIDDIN
Сана: 05.05.2013 15:46. JAMOLIDDINга ёзиш
+-2; -0
manga - nima uchun??? Kak budto u-bu narsa o'zgarib qoladigandak...

Ушбу фикрга жавобан


KITOBLIK

Сана: 05.05.2013 15:23. KITOBLIKга ёзиш
+0; -0
ajoyib fikrlar.

Ушбу фикрга жавобан


MAGISTR
Сана: 05.05.2013 15:19. MAGISTRга ёзиш
+0; -0
Еее рахмат макола учун. Барака топинг братан.

Ушбу фикрга жавобан


AMIBJAN
Сана: 05.05.2013 15:18. AMIBJANга ёзиш
+1; -0
кахрамонжон бир нарсага этибор беринг.бавария олдин хам барсадан кучли эди.хозирхам.барса шунчаки ракибларнинг асабига тегиб омадга эришарди.энди бу услуб иш бермай куйди.энди бу услубни аеллар футболига таргиб этишса керак.

Ушбу фикрга жавобан


FERGANAQUVA
Сана: 05.05.2013 15:15. FERGANAQUVAга ёзиш
+1; -0
B. Abdullaning ham maqolasi juda tögri faktlarga asoslanib yozilgan. shunday mayda paslarni mukammal özlashtirgan barselona bir necha bor ECHL yarim finallarida öta tezkor va uzun paslar qurboni böldi. inter chelsea va bavariya bu yil esa bir necha bor real uzun paslar evaziga barsani maglub etishdi. mutahasislar ham takidlashmoqda barsani yutishni birdan bir yöli uzun paslar va tezkor futbol.

Ушбу фикрга жавобан


OMADLOT
Сана: 05.05.2013 15:10. OMADLOTга ёзиш
+0; -0
жавобини кутамиз!!!

Ушбу фикрга жавобан


RAHIMBERDI
Сана: 05.05.2013 15:06. RAHIMBERDIга ёзиш
+0; -0
yaxshi fikrlar!

Ушбу фикрга жавобан


JAMOLIDDIN
Сана: 05.05.2013 15:03. JAMOLIDDINга ёзиш
+-1; -0
To'g'ri gap yozilgan. Ha desa Abramov deyavermasdan izlanish kerak. Abramovni eng katta plyusi g'alaba uchun hech nimani va hech kimni ayab o'tirmasdi. Huddi shunday yondashuv bilan qurollanish va qolgan 2ta o'yinga syurpriz tayyorlash lozim. Mirjalol aka mana shu tarafiga ham e'tibor berishlari lozim. Ayniqsa Koreaga qarshi syurpriz tayyorlash ustida bosh qotirish kerak, negaki koreyslar bizni ip-ignamizgacha rentgen qilib tashlashadi va bo'sh joylarni topishadi. Sarosimaga sololmasak ham maydonda ham maydon tashqarisida yutqazamiz koreyslarga...

Ушбу фикрга жавобан


UZBBEST
Сана: 05.05.2013 14:58. UZBBESTга ёзиш
+0; -0
Man futbolchilarimizni fizichiskiy, tezlik, driblingda Osiyoda tengsiz emasligi, to'pni futbolchilarimiz qabul qilish imkoniyati yuqori bo'lmagan hududlaga oshirishi haqidagi fikrlaga qo'shilaman ayniqsa. Chunki bu ahmoqlik. Paxtakor haqidagi fikr 100 % to'ri to'pi markazda ushash bu taktikamas ilojsizlik ula nima qilishi bilishmiydi, baribir usha inglizcha uslubda kurash tochkalariga to'p oshiriladi. Inglizcha uslubga etiroz yo'q lekin o'sha inglizcha uslub asosiy prinsipi fizik kuchli, tezkor futbolchilar kam bizda. Paxtakor Al Shabab bilan o'yin oxirida maydoni istalgan joyidan to'pi markazga ko'tardi umuman o'yini boshidan oxirigacha deyarli kombinatsion futbol bo'lmadi, o'sha 2-qavatdagi kurashladayam yutolmadi Paxtakor. Bizani bosh murabbiyla nma qiladi? Faqat kunli trenirofkalami? Ularam taktik sxemala o'zgarish ustida ishlashadimi?

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.