Кириш Регистрация
22/10 15:00 Қўқон-1912 2-4 Пахтакор
22/10 18:00 АГМК 3-0 Динамо
22/10 21:55 Шахтёр 2-2 Динамо Загреб
22/10 21:55 Атлетико 1-0 Байер
22/10 23:59 Галатасарой 0-1 Реал Мадрид
22/10 23:59 Брюгге 0-5 ПСЖ
22/10 23:59 Олимпиакос 2-3 Бавария
22/10 23:59 Тоттенҳэм 5-0 Црвена Звезда
22/10 23:59 Манчестер Сити 5-1 Аталанта
22/10 23:59 Ювентус 2-1 Локомотив
23/10 21:55 Лейпциг - Зенит
23/10 21:55 Аякс - Челси
23/10 23:59 Зальцбург - Наполи
23/10 23:59 Генк - Ливерпуль
23/10 23:59 Интер - Боруссия Д
23/10 23:59 Славия - Барселона
23/10 23:59 Бенфика - Лион
23/10 23:59 Лилл - Валенсия

Блог

Қаҳрамон Асланов

25-кадр

Профессионал

Баҳо:
+2; -0

Ёш иқтидордан ҳақиқий профессионал футболчига айланишнинг кўринмас чегараси бор. Биласизми, бу чегарани айтайлик, паспорт тарқатиш ёки коллежни битириш жараёни каби аниқ вақт билан белгилаб бўлмайди. Фалон ёшга кирдингми, демак сен энди ҳақиқий футболчисан! Йўқ, бунақа эмас. Ёки буни маълум бир воқеа билан ҳам ўлчаб бўлмайди. Қайсидир клубнинг асосий таркибида майдонга тушиш ёки гол уриш билан футболчи “дипломи”га эришиб бўлмайди. Бу қандайдир ички жараён, футболчининг руҳиятида кечади, менимча, Йўқ, мен футболчи касбига эга бўлишни назарда тутмаяпман, биринчи жумладаги “профессионал” сўзи том маънода, бир пайтлар Бельмондонинг киносида кўрганимиз каби. Бирор вазифани бажариб, эвазига пул олишнигина профессионал деб атамаган бўлардим. Ўйинни сотиб ҳам, пулини оладиганлар бор-ку, ахир. Мен ҳақиқий футбол юлдузлари ҳақида гапиряпман. Шундай юлдузлар борми?

Одил Аҳмедовни мисол келтиришим мумкин, қўрқмасдан. У “Анжи”га ўтиб, яхши ўйин кўрсатаётгани, туғма истеъдоди борлиги, ўйиндан ўйинга юксалаётганини учунгина эмас. Истеъдодли футболчилар кўп, агар ўз вақтида яхши шароитга тушиб қолса, Одилга ўхшаб юлдуз бўлиб кетадиган потенциалга эга футболчилар, албатта бизда жуда кўп. Қайтараман, гап истеъдодда ёки потенциалда эмас. Гап профессионалликда. Аҳмедов футболга кириб келиши билан ўз салоҳиятини сеза олди. Бир пайтлар Рекхагел қўл остига футболчиларга қараб туриб, Европа чемпиони бўлиш мумкинлигини сезгандек. Агар Рекхагел ёки Одил ўз имкониятига эмас, атрофга, бундан олдин бундай мисоллар йўқлигига қараганда нима бўларди? “Пахтакор”да ўйнаб туриб, кучли бешликни кўзлаш осонми? Ахир тарихимизда бундай мисол йўқ эди-ку? Одил атрофга, тарихга қарамади, ўзига ишонди ва мақсадни қўйди. Бу профессионалликнинг биринчи талаби. Илк йилларини Одил каби ўтказган футболчилар “Пахтакор”да кўп. Субъектив фикрим, агар Одил профессионал эмас, шунчаки истеъдодли футболчи бўлганида, у аллақачон араб жамоаларида ўйнаётган бўларди. Лекин у мақсадидан оғишмади ва айнан “Пахтакор”нинг одатий трансфер сиёсати айнан Одилга келганда ўзгаришга мажбур бўлди. Нестеров арзимасдими?

Мақола Одил ҳақида эмас. Мухлислар ўртасида ҳам, матбуотда ҳам жуда кўп эшитиб қоламиз, бизда юлдуз футболчилар учун шароит йўқ, янги Қосимовларни бой беряпмиз ва ҳоказо. Шерзод Каримов янги Қосимов бўлиши мумкин эди, биз уни йўқотдик. Чиркин футболимиз фалончиевга тўсқинлик қилди ва у ўртамиёна бўлиб қолди. Махситалиевни сақлаб қолишимиз керак ва ҳоказо. Биласизми, бу умуман нотўғри фикр. Умуман дунё футболи қаранг, йўқ бугунгисига, яъни 5 ёшидан Венгер ёки Фергюсоннинг назоратига тушаётган болакайларга қараманг. Биз у жараёндан таҳминан йигирма йил орқадамиз. Сиз ўша даврларга қаранг. Юлдузларнинг қандай қилиб эришганликлари ҳақида ўқиб кўринг. Уларнинг аксарияти шароитнинг қули бўлиб қолмагани учун шу даражага эришганлар, тўғрими?

Янги Қосимовлар таксистлик қиляпти, дейишади! Ахир Қосимов тактичи бўлиши мумкинмиди? Унга ҳаммаси осмондан тушиб қолганмиди? Ҳа, ўсмирлик чоғидаёқ ҳамманинг эътирофига сазовор бўлди. Кейинчи? Уни момиқ пахтадек “папалаб”, ундан терма жамоамиз сардорини “ясаганмидик”? Унақа эмас-ку?

Қосимов айни ўсиши керак, ўзини кўрсатиши керак бўлган пайтда собиқ Иттифоқ чемпионати парчаланиб кетди. 21 ёшидаёқ, ҳали футболга бўлган муносабат тўғри шаклланмаган, футбол ўн иккинчи даражали бўлган шароитларда тўп суришга мажбур бўлди. Кейин Ўзбекистонга қайтди. Маълум сабабларга кўра, футболдан четда юришга мажбур бўлди. Яна қайтди. Яна кетди. Хиросимада чемпион бўлди. Жароҳатлар. Тикланди. Яна жароҳатлар. Унга ҳам осон эмасди. Лекин биласизми, бизда ҳеч қачон Қосимов бой берилгани ҳақида туйғу бўлмаган. Унинг жароҳатларидан, унинг муаммоларидан у эмас, терма жамоамиз ютқазарди доим. У эса барибир профессионал эди. Футбол юлдузи эди. Ҳақиқий юлдуз бўлиш бу фақат тўп тепишни ўрганиш эмас, иккита тўғри қарордан тўғрироғини танлаш ва буни доимо қилиш кераклигини хис қилиш. Бу жуда қийин ва футболчининг ички жараёни, ишонинг!

Кимнидир терма жамоага вақтида жалб қилиш, истеъдодга сайқал бериш, уни янги босқичга кўтариш жараёни жуда муҳим ва бу мураббийларимизнинг елкасига тушадиган жараён, тўғри. Лекин футбол клубларнинг эмас, афсуски, шахсларнинг даромад манбаига айланиб бораётган, асосий мақсад, кимнидир ялтироқ қоғозга ўраб, Хитойгами, Арабистонгами сотиш, эвазига бошқа бир ялтироқ қоғозга Сербияданми, бошқасиданми бошқа бир истеъдодни ўраб, сотиб олиб, яна пул қилиш (бир латифа эсимга тушди, русча бизнес – бир яшик ароқ олиб, қимматроққа сотиб, пулига ичиш) бўлаёзган, ўзбек футбол олами катта “футбол агенти”га айланиб қолган бир пайтда футбол юлдузи учун шароит талаб қилиш бироз кулгили. Агар унинг ўзи тезроқ профессионалга айланмаса...

Муаммони абстрактлаштирмаяпман асло. Аслида бу муаммо ҳам эмас. Шунчаки, вазиятга бошқа тарафдан қараш. Сиз ҳам қараб кўринг, балки бирор нима пайқарсиз.

Киритилган сана: 28.05.2012 12:56. Ўкилди: 5456 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


DOCTORBEKMYU
Сана: 01.06.2012 15:58. DOCTORBEKMYUга ёзиш
+0; -0
To'g'ri sharoit deymizu,ana afrikaga qareylar,sharoit nol bo'lsa ham negrlar yevropani bosib ketyapti.

Ушбу фикрга жавобан


IBRAKADABRA
Сана: 29.05.2012 05:24. IBRAKADABRAга ёзиш
+0; -0
Уз ишининг устаси,професионали булишга нима етсин,хох спортда,кинода,журналистикада,хох савдо-сотикда ва бошка профессияларда. Муаллифни гапларига кушиламан. Хамма-хаммаси одамни узига боглик. Бизни куп футболчиларимиз салгина номи чикса ерта кундан юлдузлик касалига берилиб кетадилар. Кимман фалончиевман,кимман фистончиевман... Бир газитда Анчелоттини Шевченко хакидаги фикрини укигандим. Уни айтишича клубни жамоавий машгулотларидан кейин Шевченко елгиз колиб уз устида янада купрок ишлар экан. Вахоланки уша пайтлари Шева Милан ракибларини кон-какшатаетган даврлар эди. Бизни Шерзодлар эса нари борса ешлар жахон чемпионатига бориб келиб узларини осмонда куришади. Кейин келган жойида котиб коладилар...

Ушбу фикрга жавобан


STRATEGUZ
Сана: 28.05.2012 22:29. STRATEGUZга ёзиш
+0; -0
Макола яхши ёзилган.

Ушбу фикрга жавобан


STRATEGUZ
Сана: 28.05.2012 22:28. STRATEGUZга ёзиш
+0; -0
Хай-хай боллар уришмийлар, "Улар бизни кузатишмокда" дейдику машхур бир фильмда.

Ушбу фикрга жавобан


ATSTEYKA
Сана: 28.05.2012 19:41. ATSTEYKAга ёзиш
+0; -0
Нафакат футболда жамиятимиздаги барча сохада хам деярли хаммада шахсий манфаат бирламчи булиб колди.

Ушбу фикрга жавобан


BUXOROGI
Сана: 28.05.2012 18:46. BUXOROGIга ёзиш
+0; -0
Мураббийлар профисионал булса футболчилардан хам профисионаллар купаяди! Ёки фикрим нотугрими? Одил ва Миржалолларга уларнинг ота-оналари профисионал мураббийлик вазифасини утиб берган деб уйлайман.

Ушбу фикрга жавобан


HEROLION
Сана: 28.05.2012 18:46. HEROLIONга ёзиш
+0; -0
KATALONIYA, макола уша шахслар хакида эмас, футболчиларнинг узига богликлиги хакида.. причем бу ерда тинчлик? футболда бирорта тинчлигини уйламаганни бирор нима килишяптими? сал мантикийрок ёзсангизчи?

Ушбу фикрга жавобан


KATALONIYA
Сана: 28.05.2012 17:41. KATALONIYAга ёзиш
+0; -0
Маколани яхши бошлабсизку,шу бир иккита далиллар билан булганда зур буларди.Бу муаммоларни хамма билади факат тусик булаётган шахслар,клублар хакида ёзсангиз зур буларди аммо сизни хам тушунаман тинчингизни уйлайсиз.

Ушбу фикрга жавобан


NINODADAXON
Сана: 28.05.2012 16:14. NINODADAXONга ёзиш
+0; -0
maqolaga gap yoq aka qoyil

Ушбу фикрга жавобан


HUQUQSHUNOS
Сана: 28.05.2012 14:50. HUQUQSHUNOSга ёзиш
+0; -0
tug'ri aytasiz. Uz oldiga profisional futbolchi buliwni maqsad qilib quygan futbolchi avvalo uziga profisional qaraw kk. Pahtakor yow istedodlarni bug'adi degan gaplarga javobda bu. Nafaqat futbolda balki hayotda ham hamma narsa insonni uziga bog'liq.

Ушбу фикрга жавобан


DEVPRO
Сана: 28.05.2012 14:10. DEVPROга ёзиш
+0; -0
haqiqiy 25-kadr, blog nomini ham zo'r tanlagansiz-da! qoyil zo'r!

Ушбу фикрга жавобан


MILANIST
Сана: 28.05.2012 13:55. MILANISTга ёзиш
+0; -0
Яхши макола , бест !

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.