Кириш Регистрация
22/10 15:00 Қўқон-1912 2-4 Пахтакор
22/10 18:00 АГМК 3-0 Динамо
22/10 21:55 Шахтёр 2-2 Динамо Загреб
22/10 21:55 Атлетико 1-0 Байер
22/10 23:59 Галатасарой 0-1 Реал Мадрид
22/10 23:59 Брюгге 0-5 ПСЖ
22/10 23:59 Олимпиакос 2-3 Бавария
22/10 23:59 Тоттенҳэм 5-0 Црвена Звезда
22/10 23:59 Манчестер Сити 5-1 Аталанта
22/10 23:59 Ювентус 2-1 Локомотив
23/10 21:55 Лейпциг - Зенит
23/10 21:55 Аякс - Челси
23/10 23:59 Зальцбург - Наполи
23/10 23:59 Генк - Ливерпуль
23/10 23:59 Интер - Боруссия Д
23/10 23:59 Славия - Барселона
23/10 23:59 Бенфика - Лион
23/10 23:59 Лилл - Валенсия

Блог

Қаҳрамон Асланов

25-кадр

Келинг, келишайлик

Баҳо:
+14; -0

Жамиятнинг, соҳанинг ривожланиши учун уни белгилаб берадиган қонун-қоидалар кифоя қилмайди. Яна бир асосий талаб шундаки, ушбу қонун ва қоидалар жамият аъзоларининг ғоя ва хис туйғулари билан ҳамоҳанг келиши керак. 

Мисол учун, юртимизда бир жинс вакилларининг ўзаро турмуш қуриши тақиқланган, тўғрими? Айни дамда ушбу жиноят жамиятимизга хавф солмайди. Йўқ, бунинг сабаби – буни таъқиқловчи қонун борлигидан эмас. (Биламиз-ку, қонун томонидан тақиқланган жуда кўп фаолиятлар барибир жамиятимизга хавф солишда давом этаверади) Халқимиз, атроф муҳит, жамоатчилик хис туйғуси ушбу жиноятни қабул қила олмайди. Бу ҳолатдан чин маънода жирканамиз. Айтмоқчиманки, жамиятимизни ушбу жиноятнинг хавфидан асраётган омил – фақат унга қарши қонуннинг борлиги эмас, иккинчи шарт бўлмиш – ушбу қонуннинг хис туйғуларимиз билан ҳамоҳанг эканидадир. Агар бугуноқ, бир жинс вакилларининг ўзаро турмуш қуриши мумкинлиги ҳақида қонун чиқса ҳам, бу жиноят биз учун хавфли бўлиб қолмайди. Қачонки, бу ҳолат жамиятимизда оддий ҳолга айланса, ушбу жиноятни кўриб нафратланмасак, бизнинг хис туйғуларимизни чертмаса – ана ўшанда хавфни кутаверинг. 

Ўтган хафтада, бир пайтлар “Чемпион” газетасининг таҳририяти жойлашган бинога йиғилдик. Бир пайтлар “Чемпион” газетасининг таҳририятини ташкил қилган бир қатор журналистлар “Стадион” газетасининг истиқболи ҳақида гаплашиб олдик. Ҳозир гувоҳи бўлиб турганингиз -  газета хажмининг кенгайиши муносабати билан йиғилиш қилдик. Турли ғоялар, режалар ўртага ташланди, муҳокама қилиндики, насиб қилса, аста секинлик билан сиз ҳам бунинг гувоҳи бўласиз. Гап бунда эмас. 

Мажлис тугаб, биргаликда овқатланишга чиқдик. Бир пайтлар “Чемпион” таҳририяти ўрганиб қолган “Юмшоқ жўжалар” ошхонаси беркилиб кетган экан. Афсус, лекин қорин оч. Бошқасига кирдик. Емак устида суҳбат бошланди. Бу сафар бироз енгилроқ, боғдан, тоғдан... Лекин футбол ичида, футбол атрофида... Ичидан гап ва маълумот қайнаб чиқадиган Бахтиёр Ширинов ва Бобомурод Абдулла, кузатиб, материал тўплаётган камгап Ҳамза, газетачиликнинг оғир юкини кўтариб, анча салобат кирган Олимхўжа, Шуҳрат ака ва бошқалар... Гап бунда эмас.

Биласизми, биз футбол ҳақида гаплашдик. Аслида футбол ҳақида жуда кўп гаплашамиз. Сайтларда, форумларда, конференцияларда, мақолаларда. Лекин бу суҳбатда айтилаётган маълумотлар, фикрлар биз ўша фикрлар асосида яратаётган “маҳсулотлар”имизда янграмайди. Сабаблар кўп -  кўпинча бу гаплар оммага ошкор қилинмайдиган даражада асоссиз бўлади, баъзан омма қабул қилмайдиган даражада хунук. Лекин, энг қизиғи, бизнинг,  аслида соҳани чиркин ишлардан тозалашни вазифа қилиб олган ҳаммамизнинг, хис туйғуларимиз у қадар азият чекмаётганди. Халқни алдаш, ўйинларни келишиш, ютқазиб бериш, ютиб бериш, порахўрлик каби иллатлар ҳақида хотиржам, қизиқ бир воқеа ёки эртакни айтиб бераётгандек гапираётгандик, эшитаётгандик. 

Ўйлаб қолдим, балки, футболимизга болта ураётган иллатларнинг йўқ бўлмаётганига сабаб ҳам шудир. Қонун бор, айтайлик, келишилган ўйинлар оғир жазоланади. Аммо ушбу қонуннинг амал қилишини таъминлайдиган иккинчи, энг асосий шарт бажарилмаяпти-ку?! У ҳолда, ушбу қонунлардан нима наф? Келишилган учрашувларни жиноят санамай, уларни қонунийлаштирсакчи? Куляпсизми? Хазиллашмаяпман. Ахир биз аслида нафратланмайдиган иллатга нисбатан жазо белгилашдан нима фойда? Аксинча, бу ишларни нафақат амалда, қоғозда ҳам оддий ҳолга айлантирсак, кўпроқ наф келтирган бўларди, назаримда. Ҳаммага.

Биринчидан, ўша ўйин сотишга ўрганиб қолган аутсайдер ёки ўртамиёна клубларга.  Доим пулсизликдан қийналиб юришади. Иккинчи даврага келиб, футболчиларга ойлик тарқатишга ҳам қийналиб қолишади. Эндичи? Қонуний ҳолда, клуб бюджетини тўлдиришнинг энг яхши ва осон йўли. Ахир ўзимиз-ку, клубларимизнинг иқтисодий фойда кўриш даражасини жуда пастлигидан нолиётган. Биринчи даврада етарли очколарни тўплаб олган клуб, иккинчи даврада барқарор молиявий жараёнга киришади. Кўпинча, йил бошида клублар учун тасдиқланган бюджет, йилнинг иккинчи ярмига бориб камайиб кетади, тўғрими? Биринчи сабаб, инфлация туфайли, мавсум бошидаги режаларга путур етади. Иккинчи сабаб, ўша ҳаражатларни қоплаши керак бўлган тушум кутилганидек бўлмайди. Агар, келишилган ўйинларни қонунийлаштирсак, айнан пул керак бўладиган иккинчи даврани клублар муаммосиз босиб ўтишади. Очколарми? Ҳал қилса бўлади. Масалан, очко сув ва ҳаводек зарур бўлган етакчи жамоаларга ўйин сотилади. Бу пулга эса, очко керак бўлмаган бошқа бир жамоадан сотиб олинади. Арзонроққа. Ҳам ортиқча ҳаракатдан қочилади, ҳам умуман очкосиз қолиш риски йўқ, ҳам молиявий фойда кўрилади. 

Иккинчидан, футболчи етиштириб, бошқа лигаларга ёки терма жамоага экспорт қилиш орқали кун кўрадиган жамоаларга ҳам фойдали. Шунақа келишилган ўйинларда, бозорбоп футболчиларга урғу берилади, кўпроқ гол киритиб, ушбу футболчининг статистикаси ва нархи ошиб бораверади. Зўр-а? Агар Эрматов ҳакамликни тугатиб, ПФЛ нинг мақтанадиган бирор жиҳати қолмаса, бу жараённи умумлига хашарига айлантишимиз ва қайсидир ҳужумчимизга “Олтин бутса” олиб беришимиз мумкин. Айтганча, нафақат Эрматов, балки Роналду ва Месси ҳам футболчиликни тугатишлари керак бўлади.

ПФЛ дедим-а? Ушбу ташкилот учун ҳам жуда қулай. Ҳеч ким норози бўлмайди. Ҳеч ким бир-бирининг устидан арз қилмайди. Қайсидир ҳакамнинг нотўғри қарори муҳокама қилинмайди. Ҳаммаси дўстона кечади, ҳатто келишилган ўйин нархидан маълум фоизда маблағ ташкилотга ажратилиши мумкин. 

Учинчидан, клубларимиз атрофида айланаётган пулларни назорат қилиш осонлашади. Фалончи клуб пулга қийналибди, фалончи клуб зўрға кун кўраяпти экан, деган тахминий фаразлар камаяди. Масалан, ҳозир нима бўляпти? Қайсидир клуб бошлиғи ўйинни сотади ва мўмайгина даромад қилади. Хўш, ўша пулни қаерга ишлатади? Клуб балансига – “келишилган ўйинлардан тушган тушум” деган счет очиш қонунга зид. Ёнидан, ёки машинасини сотиб, клуб учун сарфлаётганига биров ишонмайди. Бечора раҳбар мажбур бўладики, ўша пулни уйига олиб кетишга. Кўряпсизми. Келишилган ўйиннинг қонунийлаштирилмагани учун, бечора раҳбарнинг бечора болалари ҳаром луқма еяпти. Ҳаром луқманинг оқибатини ўзингиз ҳам яхши биласиз. Агар келишилган ўйинлар қонунийлаштирилса, клуб раҳбари бемалол ўйинни сотганини, қанчага сотганини яширмайди. Демак ҳамма клуб кассасига қанча пул тушганини билиб туради ва ўша пулни назорат қилади. Ҳатто журналистлар ҳам матбуот анжуманларида – “Жаноб фалончи, ўтган мавсумда саккизта ўйин сотиб, ўртача, фалон доллар пул топдингиз, нега клуб учун фойдали трансферлар амалга оширмадингиз?” деб сўраши мумкин. Яъни, ушбу соҳа орқали тушадиган пуллар яширин бўлиб раҳбар ёки мураббийнинг хамёнига кирмайди. Қонуний ва режали равишда клуб иқтисоди ва балки болалар футболи, академияларга сарфланади. Футбол мактабларига тўп, форма ва бошқа жиҳозлар олинади. Клуб раҳбари учун ўша пулга ўз болаларига ҳаром овқат олишдан кўра, бегона болаларга тўп олиб бериш виждонан енгилроқ кечади, манимча.  

Биз журналистлар ва шарҳловчилар ҳам кўп нарса ютамиз. Мисол учун, баъзи ўйинларнинг келишилганини билган ҳолда “ўйин қизғин курашлар остида кечди”, “меҳмонларга омад кулиб боқди”, “ўйин жанговор 3:1 ҳисобида якунланди” деб ёлғон аралаш шарҳларни ёзиб, виждонимиз қийналмайди. Бунинг ўрнига, клубларнинг келажак режалари, тақвимнинг кимга қулай келгани, қайси ўйинларни сотиб, қайси ўйинларни сотиб олиши мумкинлиги ҳақида математик мақолалар билан чиқишлар қиламиз. Журналистларни қўрқоқликда айбламайдилар, истаганимизча, келишилган ўйинлар, уларнинг нархлари ҳақида ёзиб ташлайверамиз. Жуда қизиқ бўлиб кетади, ишонаверинг. 

Етакчи клубларимиз учун ҳам жуда фойдали. Ҳақиқатан ҳам бой клуб совриндор бўлади. Клублар очколарни қандайдир омад ҳисобига эмас, чин маънода ишлаб топадилар. Кўпчилик ўйлайдики, агар жамоа келишилган ўйинларда иштирок этиб, осон очко киритишга ўрганиб қолса, халқаро майдондаги жиддий ўйинларда қийналиб қолармиш. Бўлмаган гап. Мана, “Ювентус”ни олинг. Айтишларича, клуб жуда кўп келишилган ўйинларда иштирок этган экан. Буни судда ишсботлашди ҳатто. Хўш, жамоа кучсиз ўйнадими Европада? Йўғ-е, ЕЧЛ ярим финалида “Реал”ни қандай ютганликлари эсингиздами? Хуллас, агар мураббий ўйинда барибир ғалаба қозонишларини олдиндан билса, турли босимлардан халос бўлади ва жамоа ўйинига турлича тактика, ғоя ва схемаларни олиб кириши мумкин. Шу орқали жамоа шаклланиб боради. Ҳақиқий катта ўйинларга футболчилар тайёрланиб борадилар. Мана, Абрамов ўртоқлик ўйинларини ҳадеб ютқазавергани билан, расми ўйинларда натижа кўрсатяпти-ку, тўғрими?    

Балки ўйлаётгандирсиз, футбол мухлислар учун, бечора мухлислар жабр чекса майлими, деб. Қўшилмайман. Бу ўзгариш мухлисларга ҳам ёқса керак. Нима, сиз мухлислар келишилган ўйинларни ёқтирмайдилар, деб ўйлайсизми? Унақа эмас. Гуёки ҳамма келишилган ўйинлар ҳақида баҳслашиб, танқид қилиб юрадими? Йўқ, мухлисларда келишилган ўйинлардан нафратланиш туйғуси йўқ. Бу жараённинг айнан ўзлари мухлислик қиладиган жамоанинг зарарига ишлаётганига нисбатан норозилик туйғуси холос. Айтайлик, бир ғолиб жамоа ўша ўйинни сотиб олгани ҳақида гап чиқса, айнан ўша ғолиб жамоа мухлислари бу ҳақида гапиришини истамайдилар. Мағлуб жамоа мухлислари эса тинмай бунга урғу берадилар. Ахир ҳаққоний футболда ҳам мағлублар вазиятни танқид қилади, ғолиблар мақтайди, тўғрими? Демак ҳаққоний футбол ва келишилган футболга бўлган муносабат деярли бир хил эканда-а?

Шунақа. Кимгадир кулгили туюлгандир, лекин мен жиддий ёзяпман. Айтишингиз мумкин – ахир мен журналистман. Халқимни бундай иллатлардан халос қилиш учун жонимни беришим керак. Курашишим керак. 

Лекин нега? Сиз бундан жабр чекяпсизми? Мен сезмаяпман...

Болангизга қарши жиноят қилишса, ҳалиги жиноятчини қамоққа тиқиш учун прокурор ёллайсиз. Мабодо худди ўша жиноятни болангиз бировга нисбатан қилса, яна болангизни ҳимоя қилиш учун адвокат ёллайсиз. Иллатлар ҳам боламизга айланиб бораётганини сезмаяпсизми? Мен сезяпман... 

Киритилган сана: 08.03.2012 14:38. Ўкилди: 8389 марта.

Фикр билдиринг

ФИКР БИЛДИРИШ УЧУН РЕГИСТРАЦИЯДАН УТИШ КЕРАК!

Билдирилган фикрлар:


EXCITE
Сана: 29.03.2012 03:20. EXCITEга ёзиш
+0; -0
Келишдик!

Ушбу фикрга жавобан


VIKONT
Сана: 16.03.2012 11:16. VIKONTга ёзиш
+0; -0
Agarda maqolani tushunganlar bulsa unda keltirilgan misollarga emas maqolani magzini chungan holda ana usha magziga fikr bildirishggan bular edi... Afsus... kupchilik nima demoqchi ekanligingizni tushunishiga hali ancha bor... Agar shunday bulamaganda "Bunyodkor yoki Paxtakorgaa yaxshi buladi" kabi fikrlar bildirilmagan bulardi. Afsus...

Ушбу фикрга жавобан


VIKONT
Сана: 16.03.2012 11:10. VIKONTга ёзиш
+1; -0
Q.Aslanov manimcha faqatkina futbol sohasi tugrisida yozmagan. Balkim umuman jamiyatimizdagi biz nafratlanmay quygan illatlar tugrisida "qog'ozga urab" yozgan. Korrupsiya jamiyatimiz har bir sohasida bor va har birimiz bunga nafaqat befarq qaraymiz balkim bu harom jarayon bevosita ishtirokchisimiz. Ya'ni GAI tuhtatsa uyalmay pora taklif qilamiz, Elektr toki haqini ham pora yoli bn kamaytirib tulaymiz, shifohonaga ham pora berib yotamiz va hatto Haj va umra safarlariga ham pora berib ketishmoqda... Yana kimnidir TVda kursatishsa porahor deb ataymiz. Aslida ular porahor bulsa nima biz porahorlar Yetishtiruvchisi yoki boquvchisimizmi? Agarda bu porahorlarning bizga uhshash uz "ish"ini mukammal bajaruvchiboquvchisi bulamganda edi jamiyatimizda bunday porahorlar allaqachon ochidan ulgan bular edi.
Ishlarizga faqat va faqat omadlar tilayman Q.Aslanov!

Ушбу фикрга жавобан


SHAHRIXON
Сана: 14.03.2012 16:03. SHAHRIXONга ёзиш
+0; -0
футболимиз ривожланади.
Дейлик , Бунёдкор Металлургга мехмонга боради . Бунёдкор ютказса Пахтакор, Насафга яхши. Уша пАХТАКОР, Бунёдкор Уйинни сотиб олмасдан уша Металлургга ёки Шурчига пул берса ана ушанда уйинни куринг)). Ушанда , Шурчи , Металлург Андижон(аутсайдерлар), клублари уйинни сотмайди. !!!

Ушбу фикрга жавобан


ANTIVIRUS
Сана: 12.03.2012 08:32. ANTIVIRUSга ёзиш
+0; -0
Талабалик даврларимизда Домлалар бахоларни куйиб бераверишмаса, декан узи айтар эди йул-йуригини килдингми? деб. Уша деканлардан бири хозирда унданда мартабали мансабда ишлаяпти. Афсуски талабалик йилларидан бошлаб урганик колаяпмиз йул-йуригини килишга.

Ушбу фикрга жавобан


MANKUNIAN
Сана: 11.03.2012 15:01. MANKUNIANга ёзиш
+0; -0
Jurnalistlar aniq bir muammo atrofida aylanadigan maqola yozgandan ko'ra , qaysi jamoa Oliy Ligada o'yinlarni sotadi , qaysi biri sotib oladi faktlar bilan gapirilsa qiziqroq bo'lardi ! Masalan o'tgan yilgi chempionatdagi Bunyodkor Qizilqum o'yini ! Bunyodkor muddatdan avval chempionlikni qo'lga kiritib Oliy Ligada qolish uchun kurashayotgan jamoaga yutqazishi sal g'alatiroqmi !?

Ушбу фикрга жавобан


JUVENTINO
Сана: 09.03.2012 10:45. JUVENTINOга ёзиш
+2; -0
Qaxramonboy a bu bosh og'rib qoptiku! Tishim og'riganda oldirib tasho'dim!

Ушбу фикрга жавобан


DJAYXUN
Сана: 08.03.2012 22:56. DJAYXUNга ёзиш
+6; -0
2020 йил 30=февраль ЖАР стадиони. Бунёдкор-Пахтакор. эслатиб утамиз статистикага кизигадиган мухлисларимиз диккатига узаро уйнлар сони 60 та Олий Лига,Узбекистон Кубоги,Супер Кубок,ОЧЛ-ни хам кушиб хисоблаганда. Шундан 10 уйнда клублар муроса йулини танглашган.Бунедкор 25(16) мартаба,Пахтакор 25 (16) мартаба галаба козонган. Студияга кунгирок:Ассалауму алайкум Мурод ака. 16 ни тушунмаяпмиз ? Мурод ака: 16 бу келишилган уйинлар сони. Мухлис: Канчадан сотиб канчадан олишвотди? Мурод ака : Келишилган уйинлар конунининг 14 модда 5бобида курсатилганидек бир-бирларига пул утказмасдан кайси клуб стадионида уйнасалар шу клуб галаба козониши шарт. Мухлис: Мабодо мехмон жамоа гол уриб куйсаларчи? Мурод ака : Канаканги инсонсиз футбол койдалари булимига кириб укиб курмадингизми,агарда мехмон жамоа нокосдан гол уриб куйгандек булса,мезбон жамоа уйинни 11-метрлик жарима тупи билан бошлади.11-метрлик жарима тупи то 2 голга етмагунча тепилади.Агар дарвазобон 3маротаба тупни кайтаргундек булса,кизил карточка олиб майдондан четлатилади. Мухлис: Рахмат ака

Ушбу фикрга жавобан


DJAYXUN
Сана: 08.03.2012 22:20. DJAYXUNга ёзиш
+0; -0
Кахрамон ака фикрингиз тугри.Футбол янада ривожланади.Мисол: Бунёдкор узига ишониб аутсайдердан очкони осон оламиз деб сотиб олмасдан уйнайди ва маглубиятга учрайди.Аутсайдер уйланади,шу пайтгача уйинни сотмаганимизда чемпион булардик деб :) ва келишилган уйин нархини Пахтакор,Насаф,Шуртанга икки баробар киммат айтиб ошириб олади.Фаворитлар хам уйланади у пулни тулагандан кура енганимиз авзал деб:) Карабсизки келишилган уйин уз урни ва меъёри билан булади

Ушбу фикрга жавобан


ALMUNIYA
Сана: 08.03.2012 22:14. ALMUNIYAга ёзиш
+0; -0
пичингни хам итариб куйибсиз. жаноб матёр)))

Ушбу фикрга жавобан


ALMUNIYA
Сана: 08.03.2012 22:12. ALMUNIYAга ёзиш
+0; -0
Масалан, ҳозир нима бўляпти? Қайсидир клуб бошлиғи ўйинни сотади ва мўмайгина даромад қилади. Хўш, ўша пулни қаерга ишлатади? Клуб балансига – “келишилган ўйинлардан тушган тушум” деган счет очиш қонунга зид. Ёнидан, ёки машинасини сотиб, клуб учун сарфлаётганига биров ишонмайди. Бечора раҳбар мажбур бўладики, ўша пулни уйига олиб кетишга. Кўряпсизми
*****************************
шу жойти вобшее дахшат чикибти!

Ушбу фикрга жавобан


ALMUNIYA
Сана: 08.03.2012 22:12. ALMUNIYAга ёзиш
+0; -0
олааа)) энди фантазия киворибсиз))

Ушбу фикрга жавобан


MUXLIS
Сана: 08.03.2012 22:06. MUXLISга ёзиш
+2; -0
Келишилган уйинлар чипталарига кайд этилажак хисобни, кимлар нечинчи минутда гол уришини, хуллас уйин сценарийсини хам ёзиб куйса (худди концертлардагидек) мухлисларга кулайлик буларди

...Хазил

Ушбу фикрга жавобан


JENTELMEN
Сана: 08.03.2012 22:01. JENTELMENга ёзиш
+0; -0
келишилган уйинларга келсак бунга яккол мисол ирок га техник маглубият ёзилиши.кайси ахмок биз кизил олган футболчимизни туширдик деб айтади

Ушбу фикрга жавобан


MUXLIS
Сана: 08.03.2012 21:18. MUXLISга ёзиш
+1; -0
Мен 6-март кунги гранд клубларимизнинг халкаро майдондаги дабдала уйинларидан хуноб булиб уйкум кочиб ярим тунда К.Аслановга конференция оркали савол йуллагандим, у хам уша пайтда клубларимизнинг муваффакиятсизлиги сабабини уйлаб ухламаган экан.
Купчилигимиз маглубиятларни тактикага, жисмоний холатга, уйинчиларнинг укувсизлиги ва бошкаларга богладик. Муаллиф эса энг оригинал сабабни топган. Халкаро майдонда бизнинг эркатой футболчиларимизга йук жойдан пеналти берадиган хакамлар ва арзон-гаров пулга кунадиган жамоалар йук.

Ушбу фикрга жавобан


DOCTORFM
Сана: 08.03.2012 21:09. DOCTORFMга ёзиш
+0; -0
bularni hammasi ham to'g'ri emas. masalan men jirkanaman sevimli kamandam o'yinni sotgandan keyin menda faqat nafrat qoldi ulardan jirkanaman stadionga ham kirmay qo'yganman.

Ушбу фикрга жавобан


NAVOIYQATOR
Сана: 08.03.2012 21:07. NAVOIYQATORга ёзиш
+0; -0
Бечора мухлислар

Ушбу фикрга жавобан


NAVOIYQATOR
Сана: 08.03.2012 20:59. NAVOIYQATORга ёзиш
+0; -0
MUXLIS га:
Иложи буса аник фактлар билан келтирилса яхши буларди келишилган уйинлар

Ушбу фикрга жавобан


MUXLIS
Сана: 08.03.2012 20:55. MUXLISга ёзиш
+0; -0
Муаллиф:"Лекин бу суҳбатда айтилаётган маълумотлар, фикрлар биз ўша фикрлар асосида яратаётган “маҳсулотлар”имизда янграмайди. Сабаблар кўп - кўпинча бу гаплар оммага ошкор қилинмайдиган даражада асоссиз бўлади, баъзан омма қабул қилмайдиган даражада хунук."

Журналист сифатида эмас, ник оркали фикрлар каторида келишилган уйинлар хакида эшитган-курганларингизни ёзсангизлар бизлар хам хабардор булиб турар эдик (Масалан, XX-YY жамоаларининг фалонинчи йилги чемп (кубок) уйини келишилган эди- X сумга)

Ушбу фикрга жавобан


NAVOIYQATOR
Сана: 08.03.2012 20:54. NAVOIYQATORга ёзиш
+0; -0
Агар бирор муаммони жиддий кутармокчи булсак, унинг кандайдир ечимини хам уйлаб куйишимиз керак. Муаммо мавзу учунмас, ечиш учун берлади

Ушбу фикрга жавобан


MUXLIS
Сана: 08.03.2012 20:33. MUXLISга ёзиш
+0; -0
Тугри, келишилган уйинларни конун йули билан хам 100 фоиз йукотиб булмайди. Лекин, интрига, жамоалар гурури, ташкилотчилик, чемпионат форматини оптимал тузиш каби омиллар оркали камайтириш мумкин.
Жамоалар гурури- масалан, водий жамоалари уртасидаги принципиаллик (Навбахор-Нефтчи, Андижон-Нефтчи)

Ушбу фикрга жавобан


ATSTEYKA
Сана: 08.03.2012 20:24. ATSTEYKAга ёзиш
+1; -0
Энг кийини содда мухлисларга кийин. Журналистлар ва футбоп ичидаги купчилик билган сирдан бехабар стадионга кириб олиб ,,келишиб" ютказайотган жамоасини жон холатда бакириб куллаб кувватлайот мухлисларга кийин.

Ушбу фикрга жавобан


JAFARJON
Сана: 08.03.2012 20:24. JAFARJONга ёзиш
+0; -0
Юкорида келтирилган иллат айримларни кон конига сингип кетган. хазар килиш тугул, битта туки хам жимирламайди.

Бу маколани биз оддий мухлисларку укип чикип узимизча анализ киляпмиз, лекин уша хакикий "футбол фидойилари" укисачи. бу кесатик охангида гаплардан ер ёрилсаю ерга кирип кетишса. агар бу гоя амалга ошса футболни йигиштирип тугри Крикетга утип кетилса булаверади

Ушбу фикрга жавобан


FOTIX
Сана: 08.03.2012 19:36. FOTIXга ёзиш
+0; -0
Кесатиқ охангида ёзилибди

кўпчилик тўғри манода тушунишса керак оханг жиддийлигидан

Ушбу фикрга жавобан


PREMIER
Сана: 08.03.2012 19:34. PREMIERга ёзиш
+1; -0
Тасаввур қилинг чемпионатимизда икки кучли (пулдор) клублар тўқнаш келиб қолишди. Иккови ҳам ўйинни сотиб олишмоқчи, лекин кимдан???:)))Кейин эса тескариси, иккила жамоа ҳам ўйинни сотишмоқчи, ПУЛ ЗАРУР бўп қолди:))) Кимга боришади:))) Шу паллада ПФЛ катта саҳнага чиқади:)))

Ушбу фикрга жавобан


TOTTI
Сана: 08.03.2012 19:15. TOTTIга ёзиш
+1; -0
Бировлар бу киноя маколадаги киноя таклифларга чиппа-чин ишонибди!!! Койил!

Ушбу фикрга жавобан


BUXOROGI
Сана: 08.03.2012 19:03. BUXOROGIга ёзиш
+2; -0
Келишилган уйинларни ташкил киладиган мураббийлар бу маколани укиб узлари тушуниб етишади деб уйлайман. Бу иллатларга карши курашиш керак. Хамма сохада курбонлар бор! Банк, солик, таълим, ва хоказо сохаларга порахурларни олиб тикиб жазолашларини куп гувохи булганмиз лекин Футбол деган уйинга шунча пуллар сарфланмокда-ю курбонлар йук! Хамма халол ишламокда! Ёки... Хуллас тозалашларини хохлайман, порахурларни жазоласинлар! Клуб рахбарларини "игнадан утказиб" текширсинлар. Албатта, бу холат якин йилларда булишига ишонаман!!! Клублар шунча пулларни сарфлаб исрофгарчилик килишмокда! Натижа йук!

Ушбу фикрга жавобан


NAVOIYQATOR
Сана: 08.03.2012 18:00. NAVOIYQATORга ёзиш
+1; -0
Журналислага караб "МАКСАДГА УТ" дидигон одам йук.

Ушбу фикрга жавобан


RUSAJ
Сана: 08.03.2012 17:59. RUSAJга ёзиш
+1; -0
umuman sizni maqolalaringizni hurmat kilaman.3-1 bu nimanudir eslatmoqda

Ушбу фикрга жавобан


NAVOIYQATOR
Сана: 08.03.2012 17:58. NAVOIYQATORга ёзиш
+0; -0
Ман баъзи журналистларни биламанки, маълум репутацияга эришишгач, агар уни кимдир танкид килса ёки фикрини маъкулламаса, уша журналис укувчини ер билан битта киворади. Кахрамон ака, сиз ушнака журналисмассиз диган умидда битта гап эти.

Сиззи маколалариззи укиганимда яхши нарсала гапирилган булади. Лекин, гапирган, ёзган гаплариззи купи футболдан ташкари гапла булади. Футболдаги бирор муаммони кутарганде буласизде, асосий ургуни жамияттиги канакадир камчиликка берасиз. Уша муоммони очигам этмисиз, мулжалга азгина коганда шарт гаппи бурворас. Хулоса, канкретна битта гапни, битта ечимни этмис.

"Ёкмаса укима" дийишиз мумкин. Узиз биласиз. Узр лекин.

Ушбу фикрга жавобан


CAMPROAD
Сана: 08.03.2012 17:46. CAMPROADга ёзиш
+0; -0
Yaxshisi ovora bulib uwa uyinni uynamay quya qolishsachi? Masalan bunyodkor bn paxtakor uchun navoiyga borib qizilqum bilan keliwilgan uyinni uynab kelguncha mawgulotlarda jamoa ikkiga bulinib uynasa wu foydaliroq manimcha. motivatsiya sifatida navoiyga boriw keliw yol kiraning yarim puli mukofot sifatida quyiladi. yutgan jamoa uwa pulni oladi. xuddi wunday qizilqum ham safarda yutqazib keliw uchun xarajat qilmasdan biratula porajeniya yozdiradi tamom. aslida porajeniya qonuniyku. taktik sxemalarni, uyinchilarni sinab kuriw? uning uchun har 2 turning birida safar qiliw wartmas. qaraydi, suriwtiradi, uziga maqul vaqtda uziga maqul bekorchi jamoani topib urtoqlik utkaziwadi. Umuman, stadionlarni yopib tawlasachi? taqvimga kura uyindan 2 kun oldin jamoa mutasaddilari bozorda uchrawib keliwib oladi. keliwolmasachi deysizmi? unaqada neytral zonada masalan gulistonda keliwolmaganlar uynawadi. keliwolmadimi demak ikkalasiyam jabr kursinda... hamma klub oz ozdan pul tawlasa gulistonda hamma waroiti bor stadion qursa buladi... xullas goyaga gap yoq man unga yana ozgina iwlov berdim xolos!...

Ушбу фикрга жавобан


SUGDIYONA
Сана: 08.03.2012 17:33. SUGDIYONAга ёзиш
+0; -0
Eng yaxshisi oliy ligaga 10 ta jamoani quyib uynatish kire nima kiregi bor bemaqsad jamoalani oliy ligaga quyib undan kura usha klublarga ajratilgan mablagni usha 10 klubga teng ajratilsa cempionatimiz anca qizirdi keyin mavsum urtasida usha jamoalarda pul muammosi vujudga kelmasdi va kelishilgan uyinlar ham uz uzidan kamayardi

Ушбу фикрга жавобан


BEKXXX
Сана: 08.03.2012 17:26. BEKXXXга ёзиш
+0; -0
maqola zo`r chiqibdi gap tagida gap tushungan tushundi yaxshi yo`nalish endi bitta stadiyonlani tamirlash kerak emas degan maqola chiqarsangiz ancha yaxshi bo`lardi RAXMAT

Ушбу фикрга жавобан


AZAMTURGUNOV
Сана: 08.03.2012 17:15. AZAMTURGUNOVга ёзиш
+0; -0
agar bu gaplani xammasi q6wtirnoq i4ida b6lsa +5

Ушбу фикрга жавобан


THEREDDEVILS
Сана: 08.03.2012 17:13. THEREDDEVILSга ёзиш
+0; -0
Bu yerda faqat gina kelishilgan öyinlar emas Futbolimiz infrastrukturasi (infrastructure)haqida gap ketmoqda, Agar klublar ikkinchi davraga borib pulga zoriqmasalar o'yinlarni sotishni nima keragi bor... yoki, Yil boshida Hisoblangan birnecha minyon so'mlik budjet yil so'ngiga borib infilatsiya tufayli -30, -20 foizga yil boshidagi hisobga to'g'ri kelmaydi... kezi kelganda Yil boshidagi "Xomiylar" mavsum o'rtalarida o'z-o'zidan yoq bo'lib qilishi ham mumkin, Bu esa ko'plab muammolarni keltirib chiqaradi...

Ушбу фикрга жавобан


AZAMTURGUNOV
Сана: 08.03.2012 17:12. AZAMTURGUNOVга ёзиш
+0; -0
agar xammasi muallif aytganday b6lsa stadionlarga muxlis kelmaydi buning sababi oddiy kim galaba qozoniwiniyu qanday hisob qayd etiliwini bilgani u4un bundan esa navbahor neft4i nasaf singari klublar byudjetiga katta zarar b6ladi bu moliyaviy tomoni, 6sib kelayotgan yow futbol4ilar 6z ustida iwlamay q6yadi futbolda xamma narsani pul hal qiladi degan jirkan4 g'oya ularni ongini egallab oladi tabiiyki futbolimizda ham orqaga ketiw kuzatiladi hamma 6z jigildonini 6ylab iw qiladi balki hoziram wundaydir lekin etibor bersak oldingi yillarga qaraganda bu holat an4a kamaydi agar porax6rlikni qonuniylawtiriw haqida bu maqola jiddiy yozilgan b6lsa bu gaplani menga furbolimizni kuwandasi yozganday tuyulyapti bu mani waxsiy fikrim

Ушбу фикрга жавобан


HELLOMOTO
Сана: 08.03.2012 17:06. HELLOMOTOга ёзиш
+0; -0
Мажлис тугаб, биргаликда овқатланишга чиқдик. Бир пайтлар “Чемпион” таҳририяти ўрганиб қолган “Юмшоқ жўжалар” ошхонаси беркилиб кетган экан. Афсус, лекин қорин оч. Бошқасига кирдик. Емак устида суҳбат бошланди. Бу сафар бироз енгилроқ, боғдан, тоғдан... Лекин футбол ичида, футбол атрофида... Ичидан гап ва маълумот қайнаб чиқадиган Бахтиёр Ширинов ва Бобомурод Абдулла, кузатиб, материал тўплаётган камгап Ҳамза, газетачиликнинг оғир юкини кўтариб, анча салобат кирган Олимхўжа, Шуҳрат ака ва бошқалар..
---------
Қамишга бормабсиларда)))

Ушбу фикрга жавобан


HELLOMOTO
Сана: 08.03.2012 17:01. HELLOMOTOга ёзиш
+0; -0
Ғалатию...хамма нарса ошкор қилиниб ўйин ўйналса мухлисга нима қизиғи бор?...Эх,барибир Пахтакор ютади,2:1 бўлади деган гапларимиз яна қайтиб келадими?..Бўмапти...

Ушбу фикрга жавобан


OUTRANKER
Сана: 08.03.2012 17:00. OUTRANKERга ёзиш
+1; -0
Nazariy jihatdan juda ajoyib va yaxshilab bosh qotirilsa amallasa bo`ladigan g`oya. Lekin buni kimdir yaxshilab o`ylashi, va PFL nazorat qila olishiga hech qachon ishona olmayman. Kimdir rosa tepkilab, ursa ham ishona olmayman. "The Mission Is Impossible!!!" Bu g`oyani qachonki O`zbek xalqi Yapon va Koreyslarga teng bo`ladigan madaniyat, odob-axloq va yuksak qalb egasiga aylangandagina amalga oshirish mumkin. Afsuski biz bunga hali ma'nan tayyor emasmiz. Qahramon aka zamondan ancha oldinlab ketibsiz, bizni zamonimizni nazarda tutayapman

Ушбу фикрга жавобан


FANATFUTBOLA
Сана: 08.03.2012 16:45. FANATFUTBOLAга ёзиш
+-1; -0
KELIWILGAN EKAN...))

Ушбу фикрга жавобан


IMMUN
Сана: 08.03.2012 16:44. IMMUNга ёзиш
+1; -0
E'tiroz bildiraman! Jinoyatni qilgan albatta jazo oladi, bu dunyoda bo'lmasa ham u dunyoda. Holislik nuqtai nazari bilan qarash kerak. Adashganni adashganlar adashtiraverishadi. Muhlis har doim aziyat chekaveradi. Futbol ko'ryapsiz, siz muhlislik qilayotgan jamoa yutqazishini bilib o'tiribsiz, nima uchun shu o'yinni ko'rishingiz kerak. Nechta gol o'tkazib yuborishini ko'rmoqchimisiz? Yoki klub futbolchilarini shunchaki vaqt o'ldirishinimi? Men shaxsan klublarimiz o'yinini kuzatmay qo'yganimga ancha bo'ldi. Bu fojea! Menga o'xshagan muhlis o'zbek futbol muhlislari orasida anchani tashkil qiladi. Terma jamoalarimiz o'yinlari bundan mustasno. Misol uchun bozordan kiyim harid qilmoqchisiz, oldingizga sotuvchi bir hil mahsulotni faqat 2 davlatda ishlab chiqarilganini qo'ydi. Siz albatta chet elnikini tanlashga harakat qilasiz. Chunki chet elniki sifatliroq. Kelishilgan o'yinlar orqali kun ko'rayotganlar javob berishadi bir kun vijdonlari oldida.

Ушбу фикрга жавобан


NASAF
Сана: 08.03.2012 16:32. NASAFга ёзиш
+0; -0
Бизни футболни савиясини 2кунда билиб олдек ОЧЛда. Ички чемпионатни кучайтириш у-н энг яхши вариант-Тепадаги бошликлар холис булиши к.к яни сал кузга куринган жамоани синдиришмасин.

Ушбу фикрга жавобан


LASTOCHKA
Сана: 08.03.2012 16:30. LASTOCHKAга ёзиш
+0; -0
Бирор уйинни курса унинг сотилган, келишилган эканини мухлислар дархол сезишади-ку! Мухлисни алдаб булмайди!!!

Ушбу фикрга жавобан


LASTOCHKA
Сана: 08.03.2012 16:27. LASTOCHKAга ёзиш
+0; -0
Бундай фикрларнинг 70% Бахтиёр акадан чиккан деб уйлайман. Чунки улар доим келишилган уйинлар борасида куп куюниб гапирардилар.
Ачинарлиси эса, ушанака эканини била туриб кулимиздан хеч нима келмаслиги. "Додингни Худога айт!" деган гапга жуда мос тушамизда. Эх, качон кутуламиз бундай иллатлардан...

Ушбу фикрга жавобан


ALBARS
Сана: 08.03.2012 16:27. ALBARSга ёзиш
+4; -0
Келишилган ўйин, сотилган ўйин биринчи лиганинг ажралмас бир бўлаги бўлиб қолгандек гўё. Абрамов сариқ картокалар нутаи назаридан бизнинг бу ҳатти ҳаракатимиздан ким жабр кўрди айтингизлар ким деган гаплари ҳануз қулоғим олдида жаранглайди. Жамият одоб аҳлоқ этикасига зид ҳаракатлар эмасмиди. Минглаб,ўн минглаб ёш қалбларда ҳалоллик тушунчасини ўзида шакллантираётган ижобий ва салбий омилларни аралаш қуралаш қилиб ташламасмикин бундай қараш ва шу қарашнинг кенг жамоатчилик ва ҳатто расмийлар томонидан қўлланилиши. Ҳеч ким жабр чекмаяптими?, чекаяпти мен эшитаяпман....Ўз шахси оммавийлигидан фойдаланиб бундай чиқишлар қилиш жамият учун бевосита бўлмасада билвосита хавф солиши турган гап.

Ушбу фикрга жавобан


NASAF
Сана: 08.03.2012 16:27. NASAFга ёзиш
+0; -0
Бу канака FОЯ? Бачкана!
Ахир мухлисларни уйлаш хам к.к узи шунака хам стадионда мухлислар камайиб кетган.

Ушбу фикрга жавобан


BEKXXX
Сана: 08.03.2012 16:24. BEKXXXга ёзиш
+1; -0
yana bir narsa pfl bukmekerlar bilan kelishib olsa ham bo`ladi ana undan keyin qarabsizki eng boy liga pfl bo`ladi

Ушбу фикрга жавобан


ABDUVOHID
Сана: 08.03.2012 16:17. ABDUVOHIDга ёзиш
+0; -0
Журналист барибир журналистда, Кахрамон ака, шунака фикрлар купчиликнинг миясига келган, факат кандай билдиришни билмаган, сиз эса жуда чиройли ухшатибсиз. Энди конкретрок танкидлар килсангиз илтимос, масалан УФФ хакида. Факат мактовларни эшитиб одам чарчади. Ахир 1994 йилдан бери ТЖ нинг бирор бир тайинли натижасини курмаяпмизку. Лекин баъзи бир тилёгламачи, лаганбардорларнинг фикрича бизда усиш бор экан.

Ушбу фикрга жавобан


XALIL
Сана: 08.03.2012 15:51. XALILга ёзиш
+0; -0
Menimcha 1-2 takelishilgan o'yinni aniqlab halqqa e'lon qilish kerak shunda kelishilgan o'yinlarni narhi oshadi va hamma jamoa ham o'yin sotib ola olmaydi va bu illat oz bo'lsa ham kamayadi

Ушбу фикрга жавобан


XALIL
Сана: 08.03.2012 15:47. XALILга ёзиш
+1; -0
PFL buni qilmaydi chunki Ular oylik maoshga yashay olishmaydi
Ularga xarom bo'lsin pul bo'lsin

Ушбу фикрга жавобан


SUGDIYONA
Сана: 08.03.2012 15:43. SUGDIYONAга ёзиш
+1; -0
Bizadagi kelishilayotgan uyinlada bukmekerlarniyam aloqasi bormikan

Ушбу фикрга жавобан


NAVBAXOR
Сана: 08.03.2012 15:43. NAVBAXORга ёзиш
+3; -0
1-лигада синаб куриш керак))
синовдан яхши утса олий да жорий этса булади.

Ушбу фикрга жавобан


TANTUM
Сана: 08.03.2012 15:39. TANTUMга ёзиш
+0; -0
кейин келишилган учрашувлар ПФЛ таркибига кирувчи Маклер идораси ёрдамида амалга ошириш белгилаб қўйишсин пул айланмасини нечадир фоизи ПФЛ хисоб рақамига тушадиган қилиб қўйишсин.((((

Ушбу фикрга жавобан


MUNIS
Сана: 08.03.2012 15:38. MUNISга ёзиш
+1; -0
бу энди кузгу дейилади одамнинг факат узига ёкадиган нарсалардангина куз юмиши оддий килиб тушунтирилган.

Ушбу фикрга жавобан


ANDIJONIY
Сана: 08.03.2012 15:30. ANDIJONIYга ёзиш
+-1; -0
YAHYOHON
ёки одам куп тупланиши Бизда мумкин эмас.

-------------------------------
тупп тугри ! лекин коганларига кушилмиман !

Ушбу фикрга жавобан


TANTUM
Сана: 08.03.2012 15:29. TANTUMга ёзиш
+1; -0
Бир йил манашу қонунни кучга киритиб анча мунчасини "тиқса" бўлади сал тозалаволарди.)
Ха айтганча кафени хам мақолага қистириб ўтибсиз.))

Ушбу фикрга жавобан


YAHYOHON
Сана: 08.03.2012 15:27. YAHYOHONга ёзиш
+3; -0
ANDIJONIY | 08.03.2012 15:20
_____________

Буни ПФЛ ёки УФФ хал киладиган даражада ташкилот деб уйламайман,
А.Усмановдай шахсни ПФЛга тиши утмаслиги кулгулику.
Менимча А.Усманов Навбахорга 1 грамм хам кизикмаган
ёки одам куп тупланиши Бизда мумкин эмас.

Ушбу фикрга жавобан


CATALONSI
Сана: 08.03.2012 15:20. CATALONSIга ёзиш
+-6; -0
Кахрамон ока Бу маколани сайтда сизниннг блогингизда укимаганимда буни сиз езганизга ишонмасдим. Тугриси узингизга ухшамабсиз.

Ушбу фикрга жавобан


ANDIJONIY
Сана: 08.03.2012 15:20. ANDIJONIYга ёзиш
+5; -0
бир пайтлар Алишер Усмонов Навбахорни Бунёдкор каби жамоага айлантираман деганда ПФЛнинг каршилик килгани хам шубхали эмасми ?
Нима эмиш "А.Усмонов Узбекистон клубларидан бирига эгалик килишни хохласа, уша клуб кайси бири булишини ПФЛ рахбарлари хал киларкан" :))) хаммаси бир гур !

Ушбу фикрга жавобан


HURSHID
Сана: 08.03.2012 15:15. HURSHIDга ёзиш
+14; -0
Келишилган ўйинлар Ўзбекистонда яна юз йилдан кейин хам давом этаверади деб ўйлайман.
ПФЛ рахбарлари бу хақда хеч нарса билмайди деб ким айта олади?
Албатта хаммасини билишади ва керак бўлса ўйинни сотгиси келмаган ночорроқ футбол клубига ПФЛ нинг ўзи тазйиқ хам ўтказишади: Ўйнашмагин арбоб билан, арбоб урар ҳар боб билан!

Ушбу фикрга жавобан


YAHYOHON
Сана: 08.03.2012 15:10. YAHYOHONга ёзиш
+0; -0
пули куп клуб когозда кичик суммани ёзади, яна колгани чунтак)))) (бунинг аниклаш учун яна ушанча одам сарсон, яна бир неча Конунлар ишлаб чикишга махкум)

Ушбу фикрга жавобан


ANDIJONIY
Сана: 08.03.2012 15:10. ANDIJONIYга ёзиш
+2; -0
Энг кизиги олдинлари яхши уйин курсаткан ва гол урган уйинчилар премияга лойик курилган булса, энди буш уйин курсатиб автогол урган уйинчилар хам премиялик булишади )))
Чархпалак дунё деб бекорга айтишмайдида :)))

Ушбу фикрга жавобан


ABOMUSLIM
Сана: 08.03.2012 15:07. ABOMUSLIMга ёзиш
+0; -0
Гар йўқ Қаҳрамон!!!

Ушбу фикрга жавобан


BEGALI
Сана: 08.03.2012 15:00. BEGALIга ёзиш
+1; -0
Ростдан ПФЛда "келишувлар бўлими" очилса зўр бўлардида. Ўша ердаги далло клуб бошлиқларига чиқади ва уларни "келиштиради")))

Ушбу фикрга жавобан


ANDIJONIY
Сана: 08.03.2012 15:00. ANDIJONIYга ёзиш
+0; -0
Точкасига урибсиз )))
Хакикатда буни ПФЛ уйлаб курса буларкан

Ушбу фикрга жавобан


HURSHID
Сана: 08.03.2012 14:59. HURSHIDга ёзиш
+2; -0
Қахрамон Асланов, жиддий ёзган бўлсангиз бу фикрларга қўшилмайман. Лекин келишилган ўйинлар борасида ёзганингиз учун рахмат! Аксинча келишилган ўйинларга қарши курашишимиз лозим деб ўйлайман, гарчи бу машаққат бўлса хам!
Масалан Бунёдкор ва Пахтакор ёки Шўртан ўйинларни сотиб олаверса-да, Нефтчи ва Насафнинг бунга қурби етмаса, ушбу клубларга нисбатан нохақлик бўлмасмикин?

Ушбу фикрга жавобан


ULUGBEK
Сана: 08.03.2012 14:53. ULUGBEKга ёзиш
+0; -0
респект Асланов.

Ушбу фикрга жавобан

МУАЛЛИФНИНГ БОШҚА МАҚОЛАЛАРИ

 

БЛОГГЕРЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.